,,ვცადოთ, არ დავკარგოთ კონტროლი საკუთარ თავზე და არ მივანდოთ ჩვენი ემოციების მართვა გარემოს, აგრესიულ და ტოქსიკურ ადამიანებს” – ლაშა კილაძე, ფსიქიატრი
ფსიქიატრი ლაშა კილაძე გადაცემაში “ახალი დღე” საუბრობს, შეიძლება, თუ არა სტრესის მართვის სწავლა და როგორ უნდა გაუმკლავდეს ადამიანი რთულ პერიოდს:
„როცა ვაცნობიერებთ, რა შეგვიძლია შევცვალოთ და რა — არა, ბევრად იოლი ხდება ემოციების მართვა. კარგია, თუ ყოველდღიურ სიტუაციებს ამ პრიზმიდან შევხედავთ. ჩვენი გრძნობების მართვა არ უნდა დავუთმოთ აგრესიულ ან არაჯანმრთელად მოქმედ ადამიანებს — ამ უნარის შენარჩუნება ჩვენი სიმშვიდისა და ძალისბრუნვის მთავარი საფუძველია. ვეცადოთ, რომ ჩვენი ემოციები ამასთან დაკავშირებით ვაკონტროლოთ. ძალიან მნიშვნელოვანი შესაძლებლობაა, ყოველდღიურ მოცემულობას ამ კუთხით შევხედოთ და ვცადოთ, რომ საკუთარ თავსა და ემოციებზე კონტროლი არ დავკარგოთ და ჩვენი ემოციების მართვა გარემოსა და აგრესიულ, ტოქსიკურ ადამიანებს არ მივანდოთ. სტრესებისგან თავის არიდების კუთხით, მერწმუნეთ, ძალიან ეფექტურად მუშაობს. ამას განუსაზღვრელი დროის პერიოდი არ სჭირდება. ეს, დაახლოებით, 4-5-კვირიანი მოცემულობაა შეძლებისდაგვარად, ემოციებზე კონტროლის მოპოვებისა. როგორც კი ჩვენ ამას მივაღწევთ, ფიზიკურად, სულიერად, ჰარმონიულად ვიგრძნობთ. შინაგანი სამყარო ბევრად უფრო კომფორტული გახდება. როგორც კი ამ ტექნიკებს მივხედავთ, როგორც კი ამ ტალღაზე დავდგებით (ის პერიოდი, რაც ვახსენე – 4-5 კვირა), მერე უკვე ეს ჩვევაში გადადის, ჩვენი ყოველდღიურობა ხდება და უკვე მარტივია.“
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
