„აღიარებული შხამია – გარკვეული დანამატებიც აქვს, ცხელდება და წარმოქმნის საკმაოდ სერიოზულ ტოქსინებს“

„პირველი არხი“ ელექტრონულ სიგარეტთან დაკავშირებით ტოქსიკოლოგ მარინა გიორგობიანის მოსაზრებას გვაცნობს.

სპეციალისტი მიუთითებს დიდ საშიშროებაზე, რომელიც ელექტრონული სიგარეტის მოწევას ახლავს თან:

„ელექტრონულ სიგარეტში არის ფორმალდეჰიდი, რომელიც აღიარებული შხამია. არომატიზებული სითხე, რომელიც პოლიგლიკოლს და გლიცერინს შეიცავს, რომელსაც გარკვეული დანამატებიც აქვს, ცხელდება და წარმოქმნის საკმაოდ სერიოზულ ტოქსინებს, ანუ შხამებს, რომლებიც ორგანიზმზე მავნე ზემოქმედებას ახდენენ. ის ნივთიერებები, რომლებიც ელექტრონული სიგარეტის მოხმარების დროს წარმოიქმნება, აზიანებს, პირველ რიგში, პირის ღრუს ლორწოვან გარსს, შესაძლოა, გამოიწვიოს ზედა სასუნთქი სისტემების დაზიანება, ფილტვების დაზიანება და უფრო მეტად საშიშია ის, რომ ზრდის ავთვისებიანი სიმსივნის წარმოქმნის რისკებს…“