“COVID-19 პანდემიის წლებმა კარგად გამოაჩინა ჩვენი ჯანდაცვის სისტემის როგორც ძლიერი, ისე სუსტი მხარეები. განსაკუთრებით გამოიკვეთა პირველადი ჯანდაცვის, სოფლის ექიმების როლი ჩვენს სისტემაში და მათი მხარდაჭერის საჭიროება.
ისიც გამოჩნდა, რამხელა მნიშვნელობა აქვს ციფრულ ტექნოლოგიებს და ტელემედიცინას, ასევე, პაციენტების დისტანციურ მართვას.
ტელემედიცინის პროგრამის ფარგლებში, რომელსაც ევროკავშირის დაფინანსებით გაეროს ორგანიზაციები ახორციელებენ, 150 სოფლის ექიმმა მიიღო ციფრულ აპარატურასთან თუ ტელემედიცინის პლატფორმასთან მუშაობის გამოცდილება. მათ გაიარეს საერთაშორისო ექსპერტების დახმარებით მომზადებული სასწავლო პროგრამა, რომელიც დღეს უკვე უწყვეტი განვითარების პროგრამის ნაწილია და კომპეტენციების გაძლიერებას უწყობს ხელს.
დარწმუნებული ვარ, მომავალში უფრო მეტ ოჯახის ექიმს მიეცემა შესაძლებლობა, ჩაერთოს ამ ინიციატივაში. ციფრული ტექნოლოგიები განსაკუთრებით მნიშვნელოვანია იმ პაციენტებისთვის, რომლებსაც გეოგრაფიული, ფინანსური თუ სხვა ბარიერების გადაჭრა უწევთ მაღალი ხარისხის სამედიცინო მომსახურების მისაღებად.” – ანდრია ურუშაძე, ჯანდაცვის ექსპერტი
* * *
ჯანმრთელობის მსოფლიო ორგანიზაციისა და მისი გაეროს პარტნიორების მიერ, ევროკავშირის მხარდაჭერით, საქართველოს 60 სოფელში დაინერგა ტელემედიცინა: უახლესი ციფრული აპარატურით აღიჭურვა ამბულატორიები, ხოლო ექიმებმა არაერთი ტრენინგი გაიარეს მომსახურების ხარისხის გაუმჯობესების მიზნით.
ტელემედიცინის დანადგარის გამოყენებით და ამბულატორიის ექიმის დახმარებით, პაციენტს შეუძლია დისტანციურად, ვიდეო ზარით დაუკავშირდეს სპეციალისტ ექიმს და მასთან ერთად განიხილოს სხვადასხვა დაავადებების სიმპტომები, ჩივილები და მიიღოს პასუხები მისთვის საინტერესო კითხვებზე.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
შენი ექიმი – ცოდნა ჯანმრთელობისთვის.
