ენერგეტიკული სასმელების მოხმარება მოზარდებში
თავისუფალი შაქრების მოხმარება ისეთი არაგადამდები დაავადებების განვითარების რისკ-ფაქტორია, როგორიცაა სიმსუქნე, ტიპი 2 დიაბეტი, გულ-სისხლძარღვთა დაავადებები, კიბო და აშ.
საზოგადოებრივი ჯანდაცვის სპეციალისტები ენერგეტიკული სასმელების რეალიზაციაზე შეზღუდვების დაწესებას ითხოვენ. ექიმები და ექსპერტები საკუთარ პოზიციას ჯანდაცვის მსოფლიო ორგანიზაციის და სხვადასხვა ორგანიზაციის მიერ ჩატარებული კვლევებით ამყარებენ.
არითმია, ნერვული დაავადებები, ძილის დარღვევები, შფოთვა. ეს მხოლოდ ნაწილია იმ გართულებების, რასაც კვლევის მიხედვით სხვადასხვა ენერგეტიკული სასმელები იწვევს.
მედიკოსების რეკომენდაციია, რომ პროდუქციის გაყიდვა არასრულწოვნებზე საერთოდ აიკრძალოს.
მოექცევა თუ არა მითითებული პროდუქტების რეალიზება რეგულირების ქვეშ?
დაავადებათა კონტროლის ცენტრმა სხვადასხვა უწყებებთან ერთად სფეროს დარეგულირების საკითხის განხილვა უკვე დაიწყო.
პაციენტი, რომელიც იაშვილის კლინიკაში მიიყვანეს, 13 წლის მოზარდია. ის მშობლებმა საავადმყოფოში მას შემდეგ მიიყვანეს, რაც ბავშვს სერიოზული ჩივილები გამოუვლინდა. ბიჭის მდგომარეობის შეფასებისა და მასთან გასაუბრების შემდეგ ექიმმა ამ სიმპტომების სათავეს მალევე მიაკვლია. მიზეზი ენერგეტიკული სასმელების თითქმის ყოველდღიური მოხმარება აღმოჩნდა…
