ინდოეთის ჯამუ და ქაშმირის შტატში უცნობი ვირუსით ინფიცირების 38 შემთხვევა უკვე დაფიქსირდა, 17 ადამიანი გარდაიცვალა.
ექიმებმა შეძლეს დაედგინათ, რომ სიკვდილის მიზეზი იყო ძლიერი ტოქსინი, მაგრამ მისი ბუნება საიდუმლოდ რჩება. ყველა ინფიცირებულს აღენიშნება ისეთი სიმპტომები, როგორიცაა ცხელება, გულისრევა და ზოგადი სისუსტე, ხოლო მათ, ვინც ვერ გადარჩა, აღენიშნებოდა ცერებრალური შეშუპება. იმის გამო, რომ ინდოეთში ძალიან ბევრი რუსი ტურისტია, რუსეთის დეპარტამენტმა გაავრცელა ინფორმაცია რუსეთის ფედერაციის საზღვრებზე ეპიდემიოლოგიური კონტროლის ღონისძიებების გაძლიერების შესახებ.
სახელმწიფო საზღვრის გასწვრივ გამშვებ პუნქტებზე მუდმივად მუშაობს ავტომატური საინფორმაციო სისტემა „პერიმეტრი“, რომელიც აანალიზებს ეპიდემიის რისკებს და ეხმარება ინფექციური დაავადებების ნიშნების მქონე მოქალაქეებს, რომლებიც ჩამოდიან არასახარბიელო ეპიდემიოლოგიური ვითარების მქონე ქვეყნებიდან.
რუსმა ტურისტებმა SHOT-ს განუცხადეს, რომ ინფექცია მხოლოდ „თეთრებს“ აწუხებს. დამსვენებლების თქმით, პლაჟებზე ახლა მხოლოდ ადგილობრივები ჩერდებიან. – ინფორმაციას SHOT ავრცელებს