“საშიში წითელი” – რომელიც თვალს ატყუებს, ორგანიზმს კი წამლავს.
ეს არის “წითელი ალამი ” ამერიკის შეერთებული შტატებიდან – სურსათისა და წამლის ადმინისტრაცია მსოფლიოს მოუწოდებს შეწყვიტოს საკვებსა და წამლებში წითელი საღებავი N3-ის გამოყენება.
კვლევებით დადგინდა, რომ ეს სინთეტიკური საღებავი მძიმე დაავადებებს იწვევს.
წითელი ნომერი სამი – ნავთობისგან მზადდება, მისგან კი ვიზუალურად მიმზიდველი, განსაკუთრებით ბავშვებისთვის საყვარელი პროდუქტები – ტკბილეული, კანფეტები, ე.წ. ჟელიბონი, ზეფირი, ვარდისფერი ნაყინი, წვენები, ძეხვეული და წამლები.
საშიში ნივთიერება მხოლოდ მარკეტინგული გათვლისთვის – წითელი საღებავი ნომერი სამი საკვებ პროდუქტებსა და წამლებში მხოლოდ ვიზუალური ეფექტისთვის გამოიყენება.
ფსიქოლოგები განმარტავენ, რომ მკვეთრი წითელი უფრო მიმზიდველს და შესაბამისად უფრო გაყიდვადს ხდის ამა თუ იმ პროდუქტს.
აღსანიშნავია, რომ წითელი საღებავი N3 კოსმეტიკაში ჯერ კიდევ 25 წლის წინ აიკრძალა, იგივე მიზეზით, რომ ის ჯანმრთელობისთვის საშიშია.
FDA-იმ საკვებისა და წამლის მწარმოებლებს პროდუქტებიდან მავნე ნივთიერების სრულ ამოღებამდე 2 წლიანი ვადა მისცა.
2027 წლამდე სახიფათო პროდუქტი მომხმარებელმა თავად უნდა ამოიცნოს, ამისთვის კი, საუკეთესო გზა შეფუთვაზე შემადგენლობის ამოკითხვაა. ის ეტიკეტზე, შესაძლოა, დატანილი იყოს შემდეგი ვარიაციებით:
ბავშვის ჯანმრთელობა წითელი ხაზია, ამიტომ მსოფლიო უარს ამბობს წითელზე!
