პროფესორი, “საქართველოს საზოგადოებრივი ჯანდაცვის ინსტიტუტის” თავმჯდომარე გიორგი ფხაკაძე სასიამოვნო სიახლეს გვთავაზობს:
„ძვირფასო კოლეგებო, მოხარული ვარ, გაგიზიაროთ სასიამოვნო სიახლე. ერთ წელზე მეტია თქვენთან ერთად ვმუშაობთ აკრედიტაციის პროცესში და ამ დროის განმავლობაში ჯანდაცვის სფეროში ერთ-ერთ დიდ გამოწვევად მივიჩნიეთ კვალიფიციური კადრების პოვნა და შენარჩუნება.
მიუხედავად იმისა, რომ საქართველოში არსებობს სხვადასხვა ვებპლატფორმა, ხშირად საჭირო კადრებს ეძებთ პირადი კონტაქტებით, WhatsApp-სა თუ Facebook ჯგუფებში. ამ საჭიროებიდან გამომდინარე, თავდაპირველად შევქმენით ჯანდაცვის გვერდი „შენი ექიმი“ www.sheniekimi.ge და ახლა სიხარულით გაცნობებთ ჩვენი ინიციატივის შემდეგ ნაბიჯს: „შენი ვაკანსიის“ პლატფორმის გაშვებას https://cv.sheniekimi.ge.
ეს პლატფორმა მთლიანად ჯანდაცვის სექტორის ვაკანსიებისთვისაა შექმნილი — ექიმების, ექთნების და ყველა იმ პროფესიონალის, ვინც საავადმყოფოებისთვის არის აუცილებელი. განსაკუთრებით მნიშვნელოვანია ის, რომ „შენი ვაკანსია“ დამოუკიდებლად ფუნქციონირებს და არ არის დაკავშირებული არც ერთ დიდ ქსელთან, თუმცა თანამშრომლობისთვის ღიაა ჯანდაცვის ყველა დაწესებულებასთან.
ამ პლატფორმის წარმატებისთვის გვჭირდება თქვენი მხარდაჭერა. გთხოვთ განათავსოთ თქვენი ვაკანსიები „შენი ვაკანსიის“ პლატფორმაზე. ჩვენი გუნდის წევრი თათია გოჩაძე დაუკავშირდება თქვენი კლინიკის HR პერსონალს მომდევნო კვირას, რათა აუხსნას პლატფორმის გამოყენების პროცესი და გაუწიოს დახმარება.
საპილოტე ეტაპის ფარგლებში, წლის ბოლომდე, ვაკანსიების განთავსება უფასო იქნება.
გმადლობთ მხარდაჭერისთვის და ერთობლივი ძალისხმევით საქართველოს ჯანდაცვის სისტემის გაძლიერებისთვის“.
პატივისცემით, გიორგი ფხაკაძე
