რა გავლენას ახდენს მარიხუანას სისტემატიური მოხმარება ჯანმრთელობაზე ? რისი გამოწვევა შეუძლია მარიხუანას
- გონების დაბინდვა: შეუძლია გამოიწვიოს ძილიანობა, შფოთვა და მახსოვრობის დარღვევა.
- ავტომობილის მართვის რისკი: ზრდის უბედური შემთხვევების ალბათობას.
- ფსიქოზური ეპიზოდები: შეიძლება გამოიწვიოს ჰალუცინაციები და პარანოია.
- არტერიული წნევის შემცირება, რომელმაც შესაძლოა, გონების დაკარგვა გამოიწვიოს და ადამიანმა ტრავმა მიიღოს.
- გულისცემის მომატება, რომელიც ინფარქტის რისკს ზრდის
მარიხუანას გამოყენებას გრძელვადიანი პრობლემების შექმნაც შეუძლია არა მარტო იმ ადამიანისათვის, რომელიც მოიხმარს, არამედ მის გვერდით მყოფებისთვისაც:
ნერვული სისტემის დაზიანება, როგორიცაა, დეპრესია, ჰალუცინაციები, პარანოია და ასე შემდეგ არა მხოლოდ მასზე, ვინც მოიხმარს, არამედ მათ გვერდზე მყოფ ადამიანებსაც სერიოზულ საფრთხეს უქმნის. ფსიქოზით დაავადებული ადამიანები სხვა ადამიანებისთვის გარკვეული ტიპის საფრთხეს წარმოადგენს.
გრძელვადიანი ეფექტით, მარიხუანას სისტემატურმა მოხმარებამ შესაძლოა, მენტალური პრობლემები და დამოკიდებულება გამოიწვიოს. ასევე, მახსოვრობის, კონცენტრაციის დარღვევა, ფიქრისა და გადაწყვეტილების მიღების შეფერხება, სასუნთქი სისტემის პრობლემები, დეპრესია, ფსიქოზი, სუიციდური აზრები განაპირობოს.
უნაყოფობა, უშვილობა, ბავშვის განვითარების შეფერხება – მარიხუანას სისტემატური მოხმარება რეპროდუქციულ სისტემაზე მნიშვნელოვან გავლენას ახდენს. ბავშვის განვითარების შეფერხება შესაძლოა, მუცლადყოფნის პერიოდშიც მოხდეს, თუ ორსული ქალბატონო მარიხუანას გამოიყენებს და ასევე, ლაქტაციის პერიოდშიც. შესაძლოა, ბავშვმა მავნე ნივთიერება რძის გავლით მიიღოს.
იმპოტენცია და ერექციული დისფუნქცია მამაკაცებში – მაღალი ხარისხის სამეცნიერო მტკიცებულებებმა დაადასტურეს, რომ მარიხუანას მოხმარებით იმპოტენცია, ერექციული დისფუნქციები საკმაოდ ხშირია.
დასკვნა
მარიხუანას სისტემატური მოხმარება წარმოადგენს სერიოზულ საფრთხეს, რომელიც მოითხოვს ყურადღებას და ზომიერებას. იმ შემთხვევაში, თუ თქვენ ან ვინმე თქვენს გარშემო მარიხუანას იყენებს, მნიშვნელოვანია დროული ინფორმაცია და მხარსაჭერა.
