მალხაზ კაციაშვილის მრავალპროფილური გადაუდებელი დახმარების ცენტრში ოპერაცია სიმღერის თანხლებით ჩატარდა. სიმღერა ექთანმა ლელა ლომიძემ შეასრულა.
„ქირურგი, ანესთეზიოლოგი და ექთანი ოპერაციის დროს უსმენდნენ მუსიკას, ამ გზით ისინი ქმნიან უფრო მშვიდ პირობებს, განიცდიან ნაკლებ სტრესს და იზრდება პროდუქტიოლობაც“.
აღსანიშნავია, რომ მალხაზ კაციაშვილის მრავალპროფილურმა გადაუდებელი დახმარების ცენტრმა აირჩია სამედიცინო დაწესებულებების მსოფლიოში უმსხვილესი მააკრედიტირებელი ორგანიზაცია „აკრედიტაცია კანადა“. კლინიკა საერთაშორისო აკრედიტაციის პროცესს გადის მსოფლიოში ერთ-ერთი უმსხვილესი მააკრედიტირებელი ორგანიზაციის – „აკრედიტაცია კანადის“ სტანდარტების მიხედვით.
საქართველო არის პირველი კანადის შემდეგ, სადაც ინერგება კანადური სტანდარტი. აკრედიტაცია კლინიკის პაციენტზე ორიენტაციის მუდმივ გაღრმავებას გულისხმობს. შესაბამისად, მნიშვნელოვანია ყველა კლინიკამ გაიაროს აკრედიტაცია.
სამედიცინო დაწესებულებების მსოფლიოში უმსხვილესი მააკრედიტირებელი ორგანიზაცია 《აკრედიტაცია კანადა》
საქართველოშია და 20-ზე მეტი კლინიკის საერთაშორისო აკრედიტაციას აწარმოებს.
სათავო ოფისი მდებარეობს ოტავაში. Accreditation Canada-ს აქვს სატელიტური ოფისები ტორონტოში, მონრეალსა და ბრიუსელში.
《აკრედიტაცია კანადა》აღჭურვილია მცოდნე და გამოცდილი გუნდით, 1000-ზე მეტი პროფესიონალით, საგნის ექსპერტებით და პარტნიორებით, რომლებიც მუშაობენ კლინიკებთან კანადასა და მთელ მსოფლიოში.
《აკრედიტაცია კანადის》 წარმომადგენელი საქართველოში არის საზოგადოებრივი ჯანდაცვის საერთაშორისო ექსპერტი, პროფესორი გიორგი ფხაკაძე.
მუსიკა ხელს უწყობს თვითკონცენტრაციას, ამცირებს სტრესს და ზრდის პროდუქტიულობას. მიუხედავად ამისა, ეს პრაქტიკა არც თუ ისე გავრცელებულია პაციენტებს შორის.
ოპერაციამდე მუსიკის მოსმენას დამამშვიდებელი მედიკამენტების ეფექტი აქვს.
სიმღერა ამცირებს შფოთვას, დადებითად მოქმედებს არტერიულ წნევასა და გულისცემაზე.
წერს BBC-მ რამდენიმე მაგალითსა და კვლევაზე დაყრდნობით.
პენსილვანიის უნივერსიტეტის პროფესორი ვიინა გრაფი ამბობს, რომ მუსიკა ტვინს ემიციური ფონისგან ათავისუფლებს და ახალისებს ნერვულ სისტემას.
ოქსფორდში მდებარე ჯონ რედკლიფის საავადმყოფოს ექსპერტები ირწმუნებიან, რომ ოპერაციის დროს მუსიკის მოსმენა პროცედურის შედეგების გაუმჯობესებას უწყობს ხელს. ბრიტანელი სპეციალისტების აზრით,ადგილობრივი ანესთეზიის დროს მუსიკა პაციენტებს დაძაბულობის მოხსნაში ეხმარება. ამასთან, ისინი აღნიშნავენ, რომ მეტი ეფექტურობისთვის მშვიდი მუსიკალური კომპოზიციის ჩართვაა საჭირო.
აღნიშნულ დასკვმადე სპეციალისტები 96 პაციენტის დაკვირვების დროს მივიდნენ. ექსპერიმენტის მონაწილეთა ნახევარს ოპერაციის დროს მუსიკას ასმენინებდენ. პროცედურის შემდეგ პაციენტებს სთხოვეს მოეთხროთ, თუ რამდენად ღელავდნენ საოპერაციო მაგიდაზე წოლისას.
აღმოჩნდა, რომ დაძაბულობის განცდა იმ ჯგუფის ავადმყოფებში ერთი მესამედით ნაკლები იყო, რომლებსაც მუსიკა მოასმენინეს. ისინი გაცილებით ნაკლები სიხშირით სუნთქავდნენ, ვიდრე მეორე ჯგუფის წევრები.
მუსიკა ტკივილის სიძლიერეს ამცირებს და პაციენტებს სუნთქვას უადვილებს. ასევე, საიდუმლო არაა, რომ სტრესი ნეგატიურად აისახება ოპერაციის მსვლელობაზე და რეაბილიტაციის პროცესს აჭიანურებს. მუსიკა კი, სტრესის მოხსნის ერთ-ერთი საუკეთესო საშუალებაა.
ყველასათვის ცნობილია, რომ მუსიკას დიდი ზეგავლენის მოხდენა შეუძლია ადამიანზე.
მუსიკას სამკურნალო მიზნებისთვისაც კი იყენებენ. მაგალითად, საბერძნეთში, ეპიდავროსის ტაძარში, ცნობილი ექიმი ესკულაპი მუსიკას იყენებდა სულიერად დაავადებულთა სამკურნალოდ. პითაგორას თქმით: „მუსიკით შეიძლება ვუმკურნალოთ ადამიანის შეშლილობას“.
ძველი დროის ექიმები – ჰიპოკრატე, თეოფრასტე, ცელსიუსი, აურელიანუსი, გალენი და სხვები – თავიანთ სამკურნალო პრაქტიკაში ფართოდ იყენებდნენ ვოკალურ და ინსტრუმენტულ მუსიკას.
