თუნდაც ერთ ჭაღარა თმას ამოიღებთ, ძალიან ბევრი ჭაღარა გაგიჩნდებათ?
რისი ბრალია ნაადრევი ან სწრაფი გაჭაღარავება და როგორ შეგიძლიათ ამ პროცესის შენელება
საუბრობს ექიმი გიორგი ღოღობერიძე:
„35 წლის ასაკიდან ჭაღარა თმა ცხოვრების განუყოფელი ნაწილი ხდება. ზოგჯერ უფრო ადრეც უჩნდება.
თმის გაჭაღარავებას რამდენიმე ტიპური მიზეზი აქვს:
პირველ რიგში, მიზეზი შეიძლება ვიტამინი B12-ის დეფიციტი იყოს. თუ ადამიანს B12 აკლია, გაჭაღარავება უფრო ადრე დაეწყება. ამ ვიტამინით ორგანიზმის ადეკვატურად შევსება გაჭაღარავებისაგან უფრო დაგვიცავს, თუ დროულად მივაქცევთ ყურადღებას.
მესამე მიზეზი არის მწეველობა. ადამიანი თუ აქტიური ან პასიური მწეველია, გაჭაღარავება აქაც უფრო ადრეა მოსალოდნელი, ვიდრე იმავე ასაკის არამწეველ პირებში.
კიდევ ერთი მიზეზი, – შეიძლება სხეულში ფერიტინის ნაკლებობა იყოს. ფერიტინი არის ცილა, რომელიც რკინას იმარაგებს. თუ ფერიტინის ნაკლებობაა, შესაძლოა, გაჭაღარავების პროცესი უფრო ადრე დაეწყოს.
ჭაღარა თმის ამოღების შემთხვევაში უფრო მეტი ჭაღარა რომ გაჩნდება, ეს ტყუილია. მიზეზი იმისა, რომ უფრო მეტი ჭაღარა გიჩნდებათ ის კი არ არის, რომ თქვენ ჭაღარა თმა ამოიღეთ, არამედ ის, რომ გაჭაღარავების პროცესი დაიწყო. სამწუხაროდ, სხეულს პიგმენტ მელანინის წარმოქმნა აღარ შეუძლია და ამიტომაც არის, რომ ჭაღარა ნელ-ნელა გვეპარება.
თუ ჭაღარა შეგეპარათ, ვიტამინი B12, ასევე ფარისებრი ჯირკვალი და ორგანიზმში ფერიტინის შემცველობა დროულად შეამოწმეთ.“
მასალის გამოყენების პირობები
