“კონსილიუმ მედულაში” პაციენტთა და მათი ოჯახის წევრების მრჩეველთა საბჭო შეიქმნა

2024 წლის 16 მაისს კლინიკა „კონსილიუმ მედულასთან“ არსებული პაციენტთა და მათი ოჯახის წევრების მრჩეველთა საბჭოს პირველი შეხვედრა გაიმართა. 

მრჩეველთა საბჭოს შექმნა “კონსილიუმ მედულას“ სტრატეგიული ინიციატივაა, რომელიც მიზნად ისახავს, გახადოს კლინიკა მეტად ორიენტირებული პაციენტსა და მისი ოჯახის წევრებზე, ხელი შეუწყოს პაციენტის უსაფრთხოებისა და სამედიცინო ხარისხის სხვა მაჩვენებლების გაუმჯობესებას.

მრჩეველთა საბჭოს შემადგენლობაში შედიან კლინიკის ყოფილი და ამჟამინდელი პაციენტები, კლინიკის ადმინისტრაციის, რეგისტრატურის, ხარისხისა და საზოგადოებასთან ურთიერთობის  სამსახურების წარმომადგენლები.

მრჩეველთა საბჭოს ამოცანად განისაზღვრა: კლინიკის მენეჯმენტს მიაწოდოს პაციენტებისა და მათი ოჯახის წევრების შეხედულებები კლინიკაში პროცესების გაუმჯობესების შესახებ, ხელი შეუწყოს პაციენტებს, მათი ოჯახის წევრებსა და კლინიკას შორის ეფექტიან თანამშრომლობას.

მრჩეველთა საბჭოს წევრებმა გამოთქვეს მზადყოფნა, რომ საბჭოს გაუზიარებენ პირად გამოცდილებას და ხედვას სამედიცინო სერვისებთან, პოლიტიკებთან და პრაქტიკასთან დაკავშირებით, მიიღებენ მონაწილეობას ახალი პროგრამებისა და პროცესების შესახებ დისკუსიებში.

სტატიას გაეცანით აქ 

გიორგი ფხაკაძე

მედიცინის მეცნიერებათა დოქტორი (PhD), მედიცინის დოქტორი (MD), ჯანდაცვის მაგისტრი (MPH). საქართველოს საზოგადოებრივი ჯანდაცვის ინსტიტუტის (PHIG) თავმჯდომარე. არის ჯანდაცვის მსოფლიო ორგანიზაციის (WHO) ექსპერტი და Accreditation Canada-ს წარმომადგენელი საქართველოში. ეწევა აკადემიურ საქმიანობას დავით ტვილდიანის სამედიცინო უნივერსიტეტში. არის Georgian Medical Journal (GMJ)-ის დამფუძნებელი და მთავარი რედაქტორი. გამოქვეყნებული აქვს მრავალი სამეცნიერო ნაშრომი საერთაშორისო რეცენზირებად ჟურნალებში, არის სახელმძღვანელოებისა და პროფესიული გზამკვლევების ავტორი. გიორგი ფხაკაძე აქტიურად მონაწილეობს ასობით ეროვნულ და საერთაშორისო სამეცნიერო-პროფესიულ კონფერენციასა და სამუშაო ჯგუფში, 25 წელზე მეტი გამოცდილებით საზოგადოებრივი ჯანდაცვის, ხარისხის სტანდარტებისა და ჯანდაცვის პოლიტიკის სფეროში. #აქხარისხია #drpkhakadze #sheniambebi

See Full Bio