რა სიმპტომებით ვლინდება ყველაზე ხშირად საჭმლის მომნელებელი სისტემის პრობლემები.
რა შემთხვევაში უნდა მიმართოთ ექიმს აუცილებლად.
საუბრობს ექიმი გასტროენტეროლოგი გიგა სორდია გადაცემაში “იმუნიტეტი”:
„ყველაზე ხშირად მოგვმართავენ შემდეგი ჩივილებით: ტკივილი მუცლის არეში, გულძმარვა, შებერილობა, გულისრევის შეგრძნება და დეფეკაციის ცვლილება, – როგორც ყაბზობა, ასევე, პირიქით, გახშირება. მრავალკომპონენტიანი პრობლემაა და სხვადასხვა რამ იწვევს. პირველი უპირობოდ საკვებია. საკვების ხარისხი, კვებითი ქცევები და ძილისა და მენტალური ჯანმრთელობის დარღვევები ძალიან ხშირად საჭმლის მომნელებელი სისტემის ფუნქციური დარღვევების ტრიგერია, რომლებიც ქრონიკულ სიმპტომთა კომბინაციას წარმოადგენს, საკმაოდ რთულად სადიაგნოსტიკო და სამკურნალოა. დღითიდღე იზრდება ჩივილებისა და სიმპტომების რაოდენობა მთელ მსოფლიოში. 2018 ამერიკის შეერთებულ შტატებში, კანადასა და დიდ ბრიტანეთში დიდი კვლევა ჩატარდა და აღმოჩნდა, რომ მოსახლეობის 42%-ს საჭმლის მომნელებელი სისტემის პრობლემები აქვს. მათ შორის, 85% ფუნქციური დარღვევები აღენიშნება, რაც სტრესთან, ძილის დარღვევებთან და მენტალურ ჯანმრთელობასთან ასოცირდება. ლორწოვანის სხვადასხვა დაავადება 15%-ს აღენიშნება. ამ დაავადების მართვა მრავალი კომპონენტის გათვალისწინებას მოითხოვს.
კონკრეტული დაავადებებისათვის კვების განსხვავებული მოდელი დგება, ჯანსაღი კვების რეკომენდაციები ზოგადია.“
