2024 წლის 3 პრილს საქართველოს საპატრიარქოში “აკრედიტაცია კანადას” ოფიციალური შეხვედრა გაიმართა.
შეხვედრას ესწრებოდნენ “აკრედიტაცია კანადას” აღმასრულებელი დირექტორი კატერინა ტარასოვა; პროფესორი გიორგი ფხაკაძე, “აკრედიტაცია კანადას” წარმომადგენელი საქართველოში; “აკრედიტაცია კანადას” ევროპის ოფისის ხელმძღვანელი იულია შერბინა; გორის და ატენის მიტროპოლიტი, მეუფე ანდრია გვაზავა; ქუთათელ-გაენათელი მიტროპოლიტი, მეუფე იოანე გამრეკელი; “საქართველოს საპატრიარქოს წმინდა იოაკიმეს და წმინდა ანას სახელობის სამედიცინო ცენტრის” დირექტორი, ვეფხვია ოდიშარია” და კლინიკის წარმომადგენელი ექიმები.
“აკრედიტაცია კანადა”, რომლის წარმომადგენელი საქართველოში ჯანდაცვის საერთაშორისო ექსპერტი, პროფესორი გიორგი ფხაკაძეა, საქართველოს 20-ზე მეტი კლინიკის აკრედიტაციის პროცესშია ჩართული, მათშორის არის “საქართველოს საპატრიარქოს წმინდა იოაკიმეს და წმინდა ანას სახელობის სამედიცინო ცენტრი” და ქუთაისის საეკლესიო საავადმყოფო “ქსენონი”.
შეხვედრაზე ისაუბრეს აღნიშნულ სამედიცინო ცენტრებში მიმდინარე აკრედიტაციის პროცესის შესახებ.
ამჟამად “აკრედიტაცია კანადას” წარმომადგენლობა, გიორგი ფხაკაძის ხელმძღვანელობით, საქართველოშია და კლინიკებთან შეხვედრებს აქტიურ რეჟიმში მართავს.
მასალის გამოყენების პირობები
