ქუსლის ძვლის წანაზარდი

ქუსლის ძვლის წანაზარდი – დაავადება, რომელსაც ახასიათებს ქუსლის ძვალზე წანაზარდის გაჩენა, რომლის ზომა შეიძლება იყოს 2-3 მმ-დან 1-2 სმ-მდე.
 
მიზეზები
დაავადების გამომწვევი ძირითადი მიზეზებია:
·         ბრტყელტერფიანობა;
·         ჭარბი წონა;
·         მოუხერხებელი და ვიწრო ფეხსაცმელის ტარება;
·         ქუსლის ძვლის ტრავმები;
·         წელის ოსტეოქონდროზი;
·         მსხვილი სახსრების დაავადებები;
·         სისხლის მიმოქცევის დარღვევა;
·         ნივთიერებათა ცვლის დარღვევა.
 
სიმპტომები
·         დგომისა და სიარულისას ტერფის ძლიერი ტკივილი;
·         დასვენებისა და ძილის შემდეგ მწვავე ტკივილი;
·         საღამოს პერიოდში ტკივილის გამწვავება.
 
დიაგნოსტიკა
დაავადების დიაგნოსტიკისთვის ორთოპედი ატარებს შემდეგ ღონისძიებებს:
·         სისხლის საერთო ბიოქიმიურ ანალიზს;
·         ფიზიკურ დათვალიერებას;
·         ქუსლის რენტგენს;
·         ტერფის მაგნიტო-რეზონანსულ გამოკვლევას.
 
მკურნალობა
·         მასაჟი;
·         სამკურნალო ფიზკულტურა;
·         ფეხებისთვის განკუთვნილი თბილი აბაზანები;
·         ფიზიოთერაპია;
·         ორთოპედიული საფენების გამოყენება;
·         შოკურ-ტალღური თერაპია;
·         მედიკამენტური ბლოკადები;
·         ოპერატიული ჩარევა.
 
საშიშროება
დაავადების გართულებამ შეიძლება გამოიწვიოს კოჭლობა და დამოუკიდებლად გადაადგილების შეუძლებლობა.
 
რისკის ჯგუფი
·         40 წელს ზემოთ ქალები;
·         ბრტყელტერფიანები;
·         ჭარბწონიანები;
·         სპორტსმენები;
·         ნივთიერებათა ცვლის დარღვევის პრობლემების მქონე პირები;
·         ქუსლის ძვლის ტრავმების მქონე პირები.
 
პროფილაქტიკა
რეკომენდირებულია:
·         სახსრების, ხერხემლის, ბრტყელტერფიანობის დროული მკურნალობა;
·         ტერფებზე დიდი დატვირთვის არიდება;
·         ორთოპედიული საფენებით ფეხსაცმლის ტარება;
·         ფეხების ვარჯიშის შესრულება.