პაროდონტიტი

პაროდონტიტი – დაავადება, რომელსაც ახასიათებს კბილის გარშემო ქსოვილის ანთებით პროცესი. 
ლოკალიზაციის მიხედვით გამოიყოფა:
·         ლოკალიზირებული პაროდონტიტი — პაროდონტის კონკრეტული ნაწილის ანთება;
·         გენერალიზირებული პაროდონტიტი — ყველა ან უმეტესობა კბილების გარემო ქსოვილის ანთება.
 
მიზეზები
დაავადების გამომწვევი მიზეზებია:
·         პირის ღრუს ჰიგიენის დარღვევა;
·         შინაგანი ორგანოების დაავადებების არსებობა;
·         ნივთიერებათა ცვლის დარღვევა;
·         სტომატოლოგის მიერ არაჰიგიენური და არასაკმარისად სტერილური საგნების და სამუშაო იარაღების გამოყენება;
·         პირის ღრუს ტრავმები.
 
სიმპტომები
დაავადებას ახასიათებს:
·         მსუბუქი ფორმის დროს – შეშუპებული, დაწითლებული ღრძილები, სისხლდენა;
·         საშუალოდ მძიმე ფორმის დროს – ანთება, ღრძილების ატროფია, კბილებს შორის ნაპრალების გაჩენა, სეროზულ-ჩირქოვანი გამონადენი;
·         მძიმე ფორმა – კბილების მორყევა, ძვლების ქსოვილების ატროფია.
 
დიაგნოსტიკა
დაავადების დიაგნოსტიკას ატარებს ექიმი-სტომატოლოგი. მკურნალობის დასადგენად საჭიროა:
·         კაპილარების სიმყარის ტესტირება;
·         ბაქტერიოლოგიური, ციტოლოგიური გამოკვლევა;
·         ყბის რენტგენოგრამა.
 
მკურნალობა
აუცილებელი მკურნალობა მოიცავს:
·         პირის ღრუს პროფესიონალურ ჰიგიენას;
·         მედიკამენტოზურ მკურნალობას;
·         ლაზერულ, ულტრა-ბგერით მკურნალობას;
გვიან სტადიაზე ტარდება:
·         ღრძილების ოპერაცია;
·         გინგივექტომია;
·         დენტალური იმპლანტაცია.
 
საშიშროება
დაავადების გართულებები შეიძლება იყოს:
·         პაროდონტალური აბსცესი;
·         კბილების ჩამოცვენა.
 
პროფილაქტიკა
რეკომენდირებულია:
·         პირის ღრუს ჰიგიენის დაცვა;
·         მოწევაზე უარის თქმა;
·         სტომატოლოგთან რეგულარული ვიზიტი (წელიწადში 1-2-ჯერ);
·         საკვებად კალციუმით მდიდარი პროდუქტების გამოყენება.