ბრონქიტი ბრონქების ლორწოვანი გარსის ანთებითი დაავადებაა. არსებობს ბრონქიტის ორი ფორმა: მწვავე და ქრონიკული. დაავადების გავრცელებული სიმპტომებია მშრალი ან სველი ხველა და სხეულის ტემპერატურის მომატება.
ბრონქიტი – ბრონქების დაავადება, რომელსაც ახასიათებს ლორწოვანი გარსის ანთება. დღეისათვის ბრონქიტი აღიარებულია სასუნთქი ორგანოების ერთ-ერთ ყველაზე გავრცელებულ დაავადებად. გამოყოფენ მწვავე და ქრონიკულ ბრონქიტს.
ბრონქიტი სასუნთქი გზების ერთ-ერთი ყველაზე გავრცელებული დაავადებაა. ავადობის სიხშირე განსაკუთრებით მაღალია წელიწადის ცივ პერიოდში, ამიტომ ახლა განსაკუთრებით მნიშვნელოვანია, ვიცოდეთ ბრონქიტის სიმპტომების ამოცნობა, რათა დროული და სწორი მკურნალობით თავიდან ავიცილოთ დაავადების გართულება.
ბრონქიტის მარტივი ფორმის პარალელურად არსებობს:
· ჩირქოვანი ბრონქიტი (ხასიათდება ჩირქოვანი ნახველის გამოყოფით);
· ობსტრუქციული ბრონქიტი (თან ახლავს ბრონქების სპაზმა).
მიზეზები
ბრონქიტი ვითარდება ბრონქების ლორწოვანი გარსის გაღიზიანებისა და შეშუპების შედეგად. ანთებითი პროცესის მიზეზები ხდება:
· ვირუსები (ისეთი, რომელბიც იწვევენ მწვავე რესპირატორულ დაავადებებს);
· ტოქსიკური ქიმიკატები და ქიმიური ნივთიერებები;
· მტვერი;
· ალერგენები.
დაავადების განვითარებასა და გამწვავებაზე მოქმედებს შემდეგი ფაქტორები:
· მოწევა;
· გადაციება;
· ცხვირით სუნთქვის დარღვევა;
· ფიზიკური ცვლილებები (მკერდის ქსოვილის დეფორმაცია);
· ქრონიკული დაავადებები.
ბავშვებში ბრონქიტის პროვოცირება შეიძლება გამოიწვიოს:
· ექსუდატიურმა დიათეზმა;
· რაქიტმა;
· წითელამ;
· ყივნახველამ.
ბრონქიტის სიმპტომები
დაავადებას ახასიათებს შემდეგი სახის სიმპტომები:
· მშრალი ან სველი ხველა;
· საერთო უგუნებობა;
· ქოშინი;
· ტემპერატურის აწევა 38 გრადუსამდე.
დიაგნოსტიკა
დაავადების მკურნალობის დასანიშნად ექიმი-პულმოლოგი ატარებს:
· ფილტვების ფონენდოსკოპით მოსმენას;
· ბრონქოსკოპიას (ტრაქეის და ბრონქების მოსმენა);
· ნახველის ანალიზს;
· ფილტვების რენტგენს;
· ფილტვების კომპიუტერულ ტომოგრაფიას (ქრონიკული ბრონქიტის დროს).
ბრონქიტის მკურნალობა
დაავადების მკურნალობა მოიცავს:
· მცენარეული ნაყენი გამოყენებას ნახველის მოსაღებად, ამოსახველებელ საშუალებებს;
· ბრონქების გასაფართოვებელ პრეპარატებს;
· ანტიბიოტიკებს.
საშიშროება
ქრონიკული ბრონქიტის ეტაპზე ან აუცილებელი მკურნალობის არარსებობისას არის ისეთი საშიში გართულებების განვითარების დიდი რისკი, როგორიცაა:
· პნევმონია;
· ბრონქიოლიტი;
· სუნთქვის ან გულის უკმარისობა;
· ტუპერკულოზი;
· ფილტვების კიბო.
პროფილაქტიკა
ბრონქიტის გაჩენის რისკის შესამცირებლად რეკომენდირებულია:
· იმუნიტეტის გაძლიერება;
· სიგარეტზე უარის თქმა;
· სამუშაო სივრცის ან ოთახის განიავება;
· გადაციებისგან თავის დაცვა;
· სუნთქვის ვარჯიშების რეგულარულად ჩატარება.
