NASA-მ დედამიწის ზღვის მიკროსკოპული სიცოცხლისა და პაწაწინა ატმოსფერული ნაწილაკების შესასწავლად ახალი მისია დაიწყო. ამის შესახებ CNN-ი იტყობინება.
გამოცემის ინფორმაციით, ახალი სატელიტი PACE ორბიტაზე SpaceX-ის რაკეტამ Falcon 9 კანავერალის კონცხიდან გაიყვანა.
მეცნიერებს იმედი აქვთ, რომ PACE-ის დახმარებით უკეთ გაერკვევიან იმაში თუ რა გავლენას ახდენს ოკეანესა და ატმოსფეროში მიმდინარე პროცესები პლანეტაზე.
კერძოდ, მისია დაადგენს აეროზოლების, ღრუბლებისა და ფიტოპლანქტონის, როგორც ოკეანის სიჯანსაღისა და გლობალური დათბობის ინდიკატორებს. PACE-ს მისია 3 წელზეა გათვლილი, თუმცა სპეციალისტები ვარაუდობენ, რომ მას საკმარისი საწვავი აქვს 10-წლიანი მუშაობისთვის.
#datashvil #drpkhakadze #sheniganatleba #sheniambebi #sheniekimi
მასალის გამოყენების პირობები
