22/03/2021
ავტორი: ირინა დათაშვილი
გაეროს გენერალური მდივნის მრჩეველი ჯანდაცვის საკითხებში, პროფესორი გიორგი ფხაკაძე გვესაუბრა.
“ვამბობდი, რომ ვაქცინაცია უნდა გაკეთებულიყო მხოლოდ შესაბამისად მომზადებულ კაბინეტებში”, – ამის შესახებ გიორგი ფხაკაძემ განაცხადა.
მისი თქმით, არავითარ შემთხვევაში არ უნდა იქნეს ,,ასტრაზენეკას” ვაქცინა გამოყენებული 55 წლამდე ასაკის ადამიანებში, რადგან სწორედ ამ ასაკობრივ ჯგუფში არის დაფიქსირებული გართულებები.
,,ჩემი კოლეგა ექთანი, მეგი ბაქრაძე არის დღევანდელობის გმირი. ჩვენ უნდა გავაკეთოთ ყველაფერი, რომ მეგის თავდადება არ დაიკარგოს. მან გაწირა საკუთარი სიცოცხლე იმისთვის, რომ ჩვენ გადავრჩენილიყავით. თავს ვიხრი მისი ოჯახის წინაშე, რომელმაც ასეთი ადამიანი გაზარდა“, – ამბობს გიორგი ფხაკაძე.
მისივე თქმით, სახელმწიფომ უნდა გააკეთოს ყველაფერი, რომ მეგი ბაქრაძე დაიკრძალოს, როგორც გმირი!
„იმედი მაქვს, შესაბამისი საინიციატივო ჯგუფები იზრუნებენ, რომ დაწესდეს მეგი ბაქრაძის სახელობის სპეციალური ჯილდო – ჯილდო სიმამაცისთვის ჯანდაცვის სფეროში!
მიუხედავად იმისა, რომ ევროკავშირისა და ჯანდაცვის მსოფლიო ორგანიზაციებმა გასცეს თანხმობა, რომ ,,ასტრაზენეკას” ვაქცინის გამოყენება შესაძლებელია, საფრანგეთის ჯანდაცვის სამინისტრომ გააკეთა დამატებითი განცხადება, რასაც მეც ვეთანხმები. არავითარ შემთხვევაში არ უნდა იქნეს ,,ასტრაზენეკას” ვაქცინა გამოყენებული 55 წლამდე ასაკის ადამიანებში, რადგან სწორედ ამ ასაკობრივ ჯგუფში არის დაფიქსირებული გართულებები“, – აღნიშნა გიორგი ფხაკაძემ.
მისი განცხადებით, ვაქცინაცია უნდა იყოს ნებაყოფლობითი. ადამიანს უნდა ჰქონდეს საშუალება, მიიღოს სწორი ინფორმაცია, შემდეგ მიიღოს გადაწყვეტილება და იგრძნოს პასუხისმგებლობა.
„ვაქცინაციის პროგრამის ხელმძღვანელმა ყველა რისკი უნდა გათვალოს. ბევრი მნიშვნელოვანი რჩევა კი პირადად მე გავუზიარე შესაბამის ხალხს. მათ ჩემ მიერ დასმული საკითხები და რეკომენდაციები გაიტანეს შეხვედრაზე და პასუხის მივიღე, რომ ყველაფერი კარგადააო. გავაფრთხილე, რომ არ იყო ყველაფერი კარგად და მეტი სიფრთხილე უნდა გამოეჩინათ, მაგრამ ჭკუას ნუ გვასწავლიო და აგერ შედეგიც. ვამბობდი, რომ ვაქცინაცია უნდა გაკეთებულიყო მხოლოდ შესაბამისად მომზადებულ კაბინეტებში.
ვაქცინაცია უნდა იყოს ნებაყოფლობითი. ადამიანს უნდა ჰქონდეს საშუალება, მიიღოს სწორი ინფორმაცია, შემდეგ მიიღოს გადაწყვეტილება და იგრძნოს პასუხისმგებლობა. მედიასივრცეში უნდა იყოს ღია დიალოგი ანტივაქსერებსა და ვაქცინის პროპაგანდისტებს შორის, რომ საზოგადოებამ შეძლოს სრულყოფილი ინფორმაციის მიღება. მთავარია, დიალოგი იყოს ღია, გამჭვირვალე და არაფერი დავმალოთ”, – აცხადებს გიორგი ფხაკაძე.
19 მარტს თბილისის საუნივერსიტეტო კლინიკაში 27 წლის ექთანი, მეგი ბაქრაძე გარდაიცვალა. მას 18 მარტს აცალციხის ,,იმედის” კლინიკაში ,,ასტრაზენეკას” ვაქცინის გაკეთების შემდეგ ანაფილაქსიური შოკი განუვითარდა.
Professor Giorgi Pkhakadze, MD, MPH, PhD
drpkhakadze#accreditationge#გიორგიფხაკაძე
Профессор Гиорги Пхакадзе. #ПрофессорПхакадзе
https://youtube.com/@drpkhakadze
