„რომც დადგინდეს, ვირუსმა ჩინეთის ლაბორატორიიდან გაჟონა?! – რა შეიცვლება?..“- გიორგი ფხაკაძე

„პრესა როცა რაიმეს წერს ჩემზე, არ აქვს მნიშვნელობა, ცუდს თუ კარგს, არ ვეთანხმები თუ ვეთანხმები, ყველაფერს ვდებ ჩემს გვერდზე. სიტყვის თავისუფლებაა – წერონ.
კოვიდთან დაკავშირებით საზოგადოებას ბევრი ინფორმაცია მივაწოდე, რისი მიწოდებაც შეიძლებოდა და ზოგჯერ, არც კი შეიძლებოდა. ზოგადად, სხვა ქვეყნებში ექსპერტები ხალხის განათლებისთვის ასე არ ზრუნავენ.
ვცდილობდი, მაქსიმალურად ყოფილიყავით უახლესი ინფორმაციებით შეიარაღებული, წორი გადაწყვეტილება რომ მიგეღოთ. სამწუხაროდ, ბევრი ვერ იგებს, რას ვამბობ და არასწორ ინტერპრეტაციას აძლევს.
ზოგი მიბრაზდება, თითქოს ეს ვირუსი ჩემი გამოგონილია. ხომ ვიცით, რომ ჩინელებისაა და ისიც ვიცით, რომ, სავარაუდოდ, ვუხანის ლაბორატორიაშია ეს გოგლი-მოგლი გაკეთებული. იმედია, დადგება დრო, ჩინეთს ამის ფასის გადახდა მოუწევს. თუმცა საქართველოსთვის რა შეიცვლება, რომც დადგინდეს, ვირუსმა ჩინეთის ლაბორატორიიდან გაჟონა?! არაფერი. ჩვენ უნდა ვიყოთ ფრთხილად“, – აცხადებს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„გააკეთეს ის, რაც მე ვერ გავაკეთე…ძალიან მოულოდნელი იყო…“

მიერ

აგვისტო 13, 2021

01/05/2021

ავტორი: ირინა დათაშვილი

პროფესორი, ორგანიზაციის – „აკრედიტაცია საზღვრების გარეშე“ – ხელმძვანელი გიორგი ფხაკაძე გვესაუბრა:

„ქრისტე აღსდგა!

დღეს დიდი დღესასწაულია! მინდოდა, ჩემი სითბო და სიყვარული გადმომეცა თქვენთვის!

უდიდესი დღესასწაულია. ჩვენი წინაპრები უნდა გვახსოვდეს, საიდან მოვდივართ და საითკენ მივდივართ და რაც მთავარია, ყველაფერს აქვს დადებითი დასასრული!

დღევანდელი დღე არის სწორედ ის დღე, რომელიც გვეუბნება, რომ ყველაფერი იქნება კარგად, ყველაფერი იქნება ძალიან კარგად, ჩვენ თუ ვიქნებით ერთად და არა ზედაპირულად ერთად!

ძალიან დიდი მადლობა იმ ადამიანებს, რომლებიც იყვნენ დედაჩემის საფლავზე, დამირეკეს, მოვაძებნინე ონლაინ რეჟიმში საფლავი.

დიდი მადლობა ამ ადამიანებს, მათ გააკეთეს ის, რაც მე ვერ გავაკეთე! ქალბატონო ნანა, რომელიც დილას იყო დედაჩემის სასაფლაოზე, ძალიან დიდ მადლობას ვუხდი. ძალიან მოულოდნელი, პოზიტიური და ემოციური იყო!

ეს ნიშნავს იმას, რომ ადამიანობა არის ყველაფერზე ძლიერი, რაც ჩვენ გვაქვს! ადამიანობაზე უფრო ძლიერი შეიძლება იყოს იარაღი, შეიძლება, ატომური ბომბიც ჩამოაგდოს ვიღაცამ, მაგრამ ადამიანობა არის ყველაზე ძლიერი იარაღი, რომელიც არის დაფუძნებული სიყვარულზე, სითბოზე და ერთობაზე! ჩვენ თუ ერთად ვიქნებით, ვერავინ ვერაფერს გვიზამს, ეს გამორიცხულია, ერთობა არის მთავარი!

საქართველოში ისე გააკეთეს, რომ დღეს გავიდა მოსახლეობა სასაფლაოზე, იმიტომ რომ აღდგომის დღესასწაულის დღეებში საფლავზე ვინც გავა, დაჯარიმდება 2000 ლარით. ისინი არიან უინათოები!

შარშან პირველი მე ვყვიროდი, რომ ჩაგეკეტათ ქვეყანა, მაგრამ საქართველოში როცა ყველაფერი გახსნილია, რეტორნები და კააფები მუშაობს, კინოთეატრები გახსნილია, ბაზრობები და მოლები მუშაობს, ტრანსპორტი გადაჭედილია და სასაფლაოზე გასვლა არ შეიძლება?!

შარშან მეც მოგიწოდებდით, ყოფილიყავით სახლში, უნდა დაკეტილიყო ყველაფერი, მაგრამ წეელს?! სასაფლაოზე არ წახვიდე და რესტორანში წადი და ფული დახარჯეო!

საქართველოში რეანიმაციებში ადგილი აღარ არის. მძიმე მდგომარეობაა. ვირუსს ებრძვიან „ქართული მეთოდებით“. თუ ხსნი ქვეყანას, გახსენი, თუ კეტავ, დაკეტე!

კოვიდი გარდა დაავადების კუთხისა, არის ფსიქოლოგიური პრობლემაა. ხალხი არის დეპრესიაში!

ხალხი ისედაც დეპრესიაშია და რას აკეთებენ! მოსახლეობას პირბადე არ უკეთია, რესტორნებში ქეიფობენ, გადაჭედილია!

ქვეყანაში არავის უნდა არეულობა, რევოლუცია, დავიღალეთ, შევარდნაძის დროიდან მოყოლებული არეულობაა, სიმშვიდე გვინდა, წინსვლა გვინდა!

ეგენი არიან მავნებლები, არაპროფესიონალების ბუდე!

ერთადერთი სტრუქტურა, რომელიც ბოლო 15 წელია ძალიან კარგად მუშაობს, არის პოლიცია. ეს სტრუქტურა მუშაობს საათივით. სახელმწიფოებრივი ერთადერთი კარგი სტრუქტურაა!

ძალიან გაბრაზებული ვარ, ჩვენს პოლიციელებს ისეთი ფაქტის წინაშე აყენებენ, რომ მოსახლეობა ახლა გაბრაზებულია პოლიციაზე. პოლიციელმა რა დააშავა?! პოლიციელიც ჩვეულებრივი ადამიანია. ახლა მთელი დეპრესიული ეენერგია გადავა პოლიციელებზე!

რატომ, რისთვის?!

სასაფლაო არის ღია სივრცე, გაიკეთებდა ხალხი პირბადეს და შეძლებისდაგვარად დაიცავდნენ დისტანციას! თუ ვინმე მთვრალი იქნებოდა და არაადეკვატური, კი ბატონო, დააჯარიმე! ან დაჯარიმება რა უბედურებაა, უთხარი ადამიანურად, – გთხოვთ, ნუ შეიკრიბებით, – გამონახონ ადამიანური გზა! არაადეკვატური რამდენიმე ადამიანის გამო მთელი ქვეყანა უნდა იჩაგრებოდეს?! რაც ტრანსპორტში ხდება, იმაზე მეტი სასაფლაოზე ხომ არ იქნება!

ხომ შეიძლება, ერთი დღე ასე გააკეთოთ?! მიცვალებულებს სცეს პატივი მოსახლეობამ, ის დეპრესიული ფონი, რომელიც არის, ხომ შეიძლება ადამიანი მივიდეს სასაფლაოზე და თავის მშობლებს, ბებია-ბაბუას, დას, ძმას დაელაპარაკოს, ორი სიტყვა უთხრას. ეს ფსიქოლოგიურად ძალიან მნიშვნელოვანია! ამას ევროპაში ვერ გაიგებენ, მაგრამ ეს ჩვენთვის ძალიან მნიშვნელოვანია!

ჩემთვის, მაგალითად დედაჩემის საფლავი ისეთი რაღაცა არის, ვერ აგიხსნით, ძალიან რთული ასახსენელია!

ვითომ ფიქროვენ მოსახლეობაზე! მიცვალებული ფულს არ იხდის, რესტორანი გადახსადს იხდის და კი ბატონო, არ კეტავენ! მე არ ვამბობ, რომ ყველაფერი უნდა დაიკეტოს. უნდა იყოს მკაცრი რეგულაციები, – პირბადე, დისტანცია, ხელების დაბანა! სხვა წამალი ჩვენ არ გვაქვს! ქვეყანას თუ კეტავ, როცა რეანიმაციაში საწოლები აღარ არის, მაშინ ჩაკეტე ქვეყანა და ყველა იყოს სახლში!

ვერ ბედავთ, ბიზნესებს ვერ კეტავთ!

სასაფლაოზე როცა გახვალ და ნახულობ დიდი ხნის უნახავ ადამიანებს, 10-20 წელი რომ არ გინახავს და სასაფლაოზე ნახავდი ამ ადამიანებს!

შაბათ დღეს გავიდა ყველა სასაფლაოზე. ეს ახლა ნორმალურია?!

მწყინს, რომ ასეთი უაზრო ადამიანები იღებენ ქვეყანაში გადაწყვეტილებას! ისინი თავის ოთახს ვერ დაალაგებენ ნორმალურად! ასეთი ხალხი იყენებს საზღვარგარეთ მყოფ და საქართველოს მოქალაქეებს! ოპოზიცია გაიყო, კარგით რაა, მიშას „სასტავი“ დაწყებული „გირჩიდან“ (მიშას სასტავი იყო), ასევე „ევროპული საქართველო“. ყველა არის ერთი „სასტავი“. ერთად ქეიფობენ, ერთად გულაობენ! ხალხის ნერვებზე და ემოციებზე თამაშობენ! საქმეზე არავინ ლაპარაკობს!

სამი თვის წინ გითხარით, რომ მესამე ტალღა დაწყებული იყო, აღდგომის დღესასწაული რომ მოდიოდა, არ იცოდით მაშინ?! უჯიშოები არიან, არაფრის და არავისი არ სწამთ!

აღდგომის დღესასწაულამდე ჩაგეკეტათ ქვეყანა, აღდგომის დღესასწაულისთვის რომ გახსნილიყო. წინასააღდგომოდ გახსნეს ყველაფერი, ვირუსი გაავრცელეს!

მე მჯერა, რომ სიმართლე ყოველთვის იმარჯვებს! ერთობა ყოველთვის იმარჯვებს!

მჯერა, რომ ყველაფერი იქნება კარგად!

მართლა არ მეჯერა! კიდევ ერთხელ დიდ მადლობას ვუხდი ყველა იმ ადამიანებს, ვინც დედაჩემის საფლავზე მივიდა ქუთაისში! ეს კიდევ ერთხელ მარწმუნებს, რომ ადამიანობა გადაარჩენს ქვეყანას და ქართველებს გვაქვს ეს ადამიანობა, სისხლში გვაქვს გამჯდარი!

დღეს არის გამარჯვების დღე! დღეს არის სიცოცხლის დღე! დღეს არის იმედის დღე!

იმედი მაქვს, რომ მომავალ წელს ჩამოვალ საქართველოში, ქუთაისში და ონლაინ არ მომიწევს წინაპრების სასაფლაოების მონახულება! ამაში დარწმუნებული ვარ!

მე მჯერა მეცნიერების, პროგრესის, წინსვლის და ადამიანის გადარჩენის უნარის! ჩვენ დავამარცხეთ არაერთი ვირუსი, არაერთი დიქტატურა, არაერთი დამპყრობელი!

ამ ვირუსსაც დავამარცხებთ და ჩვენ გავიმარჯვებთ!

აღდგომის დღესასწაულია ძალიან დიდი დღესასწაულია!

გისურვებთ ჯანმრთელობას, გამძლეობას, შინაგან სითბოს, ეს სითბო არ დაკეკარგოთ, შეინარჩუნოთ და ეს სითბო სხვებსაც გაუზიაროთ!

მჯერა, რომ ყველაფერი იქნება კარგად. ის მავნებლები, ვინც აღდგომის დღესასწაული ჩააშხამეს ადამიანებს, ამ ხალხს არაფერი აქვთ საერთო არაფერთან.

შეიძლება ადამიანი იყო არალეგიური. არასოდეს ვამბობდი, რომ ვარ ძალიან ეკლესიური და რელიგიური. წელიწადში რამდენჯერმე შევალ ეკლესიაში და სანთელს დავანთებ, რომ გითხრათ მარხვას ვიცავ, – არა! არის რაღაცა, რისიც შინაგანად გჯერა და ასეთები ვართ ძალიან ბევრი! შინაგანად იცი, რაც არ უნდა გააკეთო, იმიტომ რომ არასწორია! შეიძლება ბიბლიური ინტერპრეტაცია ბოლომდე არ ვიცით, განსაკუთრებით ჩემი ასაკის ადამიანებმა, რომლებიც კომუნიზმში გავიზარდეთ. იმდენი ადამიანი ვიცი, ვინც ეკლესიაში დადის და ისინი უფროი ეშმაკები არიან, ვიდრე ის ადამიანები, ვინც ეკლესიაში არ დადის! ტაძარში სიარული არ ნიშნავს, რომ შენ ხარ კარგი. ტაძარი არის ის ადგილი, რომელიც შენ გეხმარება, სირთულე როცა გაქვს, გეხმარებიან.

ისრაელში რამდენიმე თვე ვმუშაობდი, პალესტინელებთანაც ვმუშაობდი. ვცილობდი, რომ იერუსალიმში გავჩერებულიყავი. ძალიან მიყვარდა, იერუსალიმში, განსაკუთრებით საღამოს სიარული, საღამოს აღარ არის ბევრი ტურისტი, ყველაზე მეტად მსიამოვნებდა, როდესაც მაცხოვრის ტაძარი იკეტება, იქ ვყოფილიყავი, იყო სიმშვიდე და ვიცი, რომ არის რაღაც ძალა, რომელიც გეხმარება. მეც არ ვიცი, როგორ მეხმარება! მე მჯერა, რომ ეს ძალა დაგვეხმარება ჩვენ!

აღდგომის დღესასწაული დაგვეხმარება, რომ გამოვიდეთ ამ მძიმე მდგომარეობიდან, სტრესიდან!

მიყვარხართ ძალიან! თითოეულ თქვენგანს ძალიან დიდი მადლობა წერილებისათვის, მადლობა მათ, ვინც გავიდა დედაჩემის საფლავზე, ძალიან მოულოდნელი იყო, არ მეგონა!

დარწმუნებული ვარ, მომავალ წელს შევხვდებით სხვანაირ აღდგომას, შევძლებთ ერთმანეთის ჩახუტებას. მართლა მომენატრა დიდი ქეიფი სასაფლაოებზე. წყალტუბოში როცა მივდიოდი მამიდაჩემის საფლავზე, ვნახულობდი ყველას, იყო მაგარი საჭმელები, ნამცხვრები, პასკა.

საქართველოში როცა მოვდიოდი აღდგომის დღესასწაულზე და მეგობრები მეკითხებოდნენ, სად მიდიხარო, ვეუბნებოდი, – ფესტივალზე მივდივარ, საუკეთესო ფესივალი გვაქვს საქართველოში-მეთქი! სასაფლაოზე რა გინდაო, – ეს არის ყველაზე მაგარი-თქო, – ვპასუხობდი! რამდენიმე ჩემი ნათესავი ისეთ გემრიელ პასკას აკეთებს, ვერ აგიხსნით, – ისეთი გემრიელია, სამ კილოს მოიმატებ, ვერანაირი დიეტა ვერ გიშველის!

მჯერა, რომ ყველაფერი იქნება კარგად! ძალიან, ძალიან მიყვარხართ!

გაუფრთხდილთ თქვენს თავს, გაუფრთხილდით ერთმანეთს!

ოჯახის წევრები როცა გახვალთ სასაფლაოზე და გაიხსენებთ თქვენს წონაპრებს, მე, გიორგი ფხაკაძე გეუბნებით, იქ პირბადე აუცილებელი არ არის, სუფთა ჰაერზე ხართ და პირბადე არ გჭირდებათ!

დარწმუნებული ვარ, ტაძარში ყველა იცავს დისტანციას, ბევრი ხალხია, ბევრი ინფიცირებულია!

ჯანმრთელობას გისურვებთ! მიყვარხართ ძალიან! ყველაფერი იქნება კარგად!“

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„დაამთავრეთ ხალხის მოტყუება, ზღაპრები – არ გვაქვს არაფერი, ვაქცინა არ გვაქვს, წამალი არ გვაქვს!“

მიერ

აგვისტო 13, 2021

27/02/2021

ავტორი: ირინა დათაშვილი

ნახეთ ვიდეო- დაამთავრეთ ხალხის მოტყუება, ზღაპრები

საზოგადოებრივი ჯანდაცვის ექსპერტი, გაეროს გენერალური მდივანი და ვაქცინებისა და იმუნიზაციების გლობალური ალიანსის მრჩეველი, გიორგი ფხაკაძე -„საქართველოში შეზღუდვების მოხმასთან დაკავშირებით“.

„მე ვსაურობ ისეთ საკითხებზე, რაზეც საქართველოში არ ლაპარაკობენ, ხმას ვერავინ იღებს. ყველამ ძალიან კარგად იცის, სად არის ქვეყანა, სად არის ვაქცინა, სად არის ეკონომიკა, სად არის საჭმელი და ა.შ.

ერთადერთი, რისი გაკეთებაც შემიძლია, თქვენთან ერთად, -ეს არის სამედიცინო პირბადე, რაც ჩვენს ქვეყანას გადაარჩენს, დანარჩენი ყველაფერი არის ზღაპარი! – არ გვაქვს არაფერი, ვაქცინა არ გვაქვს, წამალი არ გვაქვს! პირბადე არის ყველაზე იაფიანი და ეფექტური საშუალება! როცა მოიხსნი პირბადეს, უნდა გადააგდო.

მივმართავ, ყველა მაღაზიას (ქსელურ მაღაზიას), საქართველოში, – სად არის თქვენი პასუხისმგებლობა?! თქვენთან უნდა იყიდებოდეს სამედიცინო პირბადე ხელმისაწვდომ ფასად! ნუ ყიდით უხარისხო პირბადეებს! არასამედიცინო პირბადის შემოტანა და გაყიდვა საერთოდ უნდა აიკრძალოს საქართველოში! საერთოდ, უფასოდ უნდა დარიგდეს პირბადეები, მაგრამ, მესმის, ბიზნესი ბიზნესია და ეს არ გამოვა, წარმოება და ბიზნესი ვერ იმუშავებს! – უნდა იყოს ხელმისაწვდომი!

ქვეყანა გახსნილია, ყველაფერი გავაკეთოთ იმისათვის, რომ დავიცვათ ჩვენი მოქალაქეები!

ყველაზე დიდი იარაღია ცოდნა, როცა შენ იცი, ვერ მოგატყუებენ! როცა შენ იცი, შენ ხარ თავისუფალი! არ ხარ მონა!

2021 წელს ვაქცინაცია ქვეყანაში ვერ იწყება. ვიცი, რაც ხდება, ბევრ რაღაცას ვერ ვამბობ!

რაც მე ვთქვი ბოლო ერთი წლის განმავლობაში (შეგიძლიათ, ნახოთ ჩემი ყველა ჩართვა) ერთი ტყუილი თუ ვთქვი?! რაც ვთქვი, არ მოხდა და არ შესრულდა?!

არ დავიღლები, დავწერ სიას ჩემს ფეისბუქზე, სად შეიძლება იყიდოთ სამედიცინო პირბადე. იყიდეთ მხოლოდ სამედიცინო პირბადე (არანაირი ფერები, არანაირი კლაპანები, არც დოლჩე და არც გაბანა, არც ვერსაჩე). ჩვენ თუ შევიძენთ მხოლოდ სამედიცინო პირბადეს, ფასი დაიწევს და ეღირება 10 თეთრი, თქვენზე დამოკიდებული ფასის დაწევა!

ნახეთ ვიდეო ☝️

https://www.facebook.com/watch/live/?ref=watch_permalink&v=10159987214580579

Professor Giorgi Pkhakadze, MD, MPH, PhD

drpkhakadze#accreditationge#გიორგიფხაკაძე

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

გიორგი ფხაკაძის ამბავი, რომელიც შოკში ჩაგაგდებთ – „სასიკვდილო ფათერაკი“

მიერ

აგვისტო 13, 2021

20/10/2021

ჯანდაცვის ექსპერტი გიორგი ფხაკაძე „ფარული კონვერტის“ სტუმარი იყო. თუმცა არა სტუდიაში არამედ პირიქით, პროფესორმა ია ფარულავას გადაცემას საკუთარ სახლში უმასპინძლა და არაერთ საინტერესო თემაზე ისაუბრა.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Prepared by: ირინა დათაშვილი #datashvil

წყარო: https://old.primetime.ge/ra-sakitkhze-imkofeboda-giorgi-fkhakadze-jandatsvis-saministroshi-detalebi/

„ვინც იქნება შემჩნეული ამ მავნებლობასთან…არის იგივე, რაც ნარკოტიკების ინდუსტრია…“ – გიორგი ფხაკაძე

მიერ

აგვისტო 13, 2021

22/06/2021

ავტორი: ირინა დათაშვილი

„ის რომ საქართველოს ამჟამინდელ პოლიტიკულ ელიტას (ირივე ფლანგი) სულ არ აინტერესებს მოსახლეობის ჯანმრთელობა და არიან სფეროების და ბიზნესების გადამანაწილებით დაკავებულნი, – ეს ფაქტია და ყველა ხედავს!

ვაქცინაცია ვერ მოაგვარეს ….
თამბაქოს მავნებლობაზე ხელახლა უნდა ვისაუბროთ ახლა 2021 წელს?

სირცხვილია!!!

სრული მხარდაჯერა თამბაქოს ალიანსს!
ყველა სამედიცინო სფეროს წარმომადგენელი, ვინც იქნება შემჩნეული ამ მავნებლობასთან, პირადად ჩემგან მიიღებთ სათანადო პასუხს
თამბაქო ინდუსტრია ეს არის იგივე, რაც ნარკოტიკების ინდუსტრია …. ეს მავნეა ორგანიზმისთვის და საზოგადოებისთვის“, – წერს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე

„თამბაქოს კონტროლის ალიანსი” განცხადებას ავრცელებს:

„თამბაქოს ინდუსტრიის წარმომადგენლი, „ფილიპ მორისი“ ყველა შესაძლო საშუალებას იყენებს მისი ახალი პროდუქტის, გახურებადი თამბაქოს ნაწარმის პოპულარიზაციისათვის და ქართული ბაზრის დასაპყრობად, უკვე, სამედიცინო სფეროს ცნობადი წარმომადგენლების მოსყიდვასაც ღიად ცდილობს. იმის, გამო რომ ჩვეულებრივი თამბაქოს მოხმარება იკლებს, იკლებს ინდუსტრიის შემოსავალიც, ამიტომაც თამბაქოს მწარმოებლები გადავიდნენ ახალი, მოდერნიზებული მკვლელი პროდუქტის აქტიურ რეკლამა-პოპულარიზაციაზე, რაც პირდაპირ ურტყამს ჩვენი მოსახლეობის ჯანმრთელობისა და სასიცოცხლო ინტერესებს და აკრძალულია კანონით. თამბაქოს ინდუსტრია, ფაქტობრივად, ექიმებს აიძულებს, მწეველებს მოწევაზე თავის დანებების საშუალებად, რეცეპტივით, გახურებადი თამბაქოს ნაწარმი გამოუწერონ.

24-25 ივნისს, სოციალური კვლევების ინსტიტუტი, „ფილიპ მორისთან“ თანამშრომლობით, წინანდალში მართავს ე.წ. ექსპერტთა შეხვედრას თემაზე „თამბაქოს ზიანის შემცირების სტარტეგია-შესაძლებლობა, თუ გამოწვევა საზოგადოებრივი ჯანდაცვისათვის“. შეხვედრის მონაწილეებისათვის ცნობილია, რომ ღონისძიების სპონსორია „ფილიპ მორისი“, რომელიც მოსახლეობის მკვლელი პროდუქტის მწარმოებელია. მიუხედავად ამისა, სამწუხაროდ, შეხვედრის მთავარი მომხსნებლები სამედიცინო სფეროს ცნობილი წარმომადგენლები არიან, ვინც პროფესიულად, ზედმიწევნით იცის, რა მომაკვდინებელ გავლენას ახდენს ადამიანის ჯანმრთელობაზე თამბაქოს პროდუქტი.

სხვადასხვა ბიზნეს ასოციაციისა და ეკონომიკური გუნდის ზოგიერთი წარმომადგენლის მოსყიდვა, თუ მათთან გარიგებაში შესვლა თამბაქოს ინდუსტრიისათვის დამახასიათებელი საქმიანობაა, ასევე აფინანსებდენ ზოგიერთ მკვლევარსა და სამედიცინო დარგის სპეციალსიტს, რათა მათი სახელით შეძლონ ახალი პროდუქტების პოპულარიზაცია. ამისათვის ახალი მარკეტინგული ხრიკი და პლატფორმა გამოიყენეს. კერძოდ, 2017 წელს, შექმნეს ფონდი „მოწევისაგან თავისუფალი მსოფლიო“ და მილიარდი დოლარი გამოყვეს გახურებადი თამბაქოს ნაწარმის პოპულარიზაციისა და მისი, როგორც ე.წ. „ზიანის შემცირების“ პროდუქტად წარსადგენად.

მიმდინარე წელს, ამ სქემაში ინტენსიურად დაიწყეს სამედიცინო სფეროს ქართველი წარმომადგენლების ჩართვა და შესაბამისად მათი სხვადასხვა ფორმით, მათ შორის ფინანსური დაინტერესება. ცოტა ხნის წინ, მედიაში გამოჩნდა, თამბაქოს ინდუსტრიის მიერ, სარეკლამო ფორმატში გამოქვეყნებული სტატიები, ცნობილი ექიმების ინტერვიუები, სადაც ე.წ. ზიანის შემცირების ენით ესაუბრებიან აუდიტორიას. მაშინ ცნობილ ექიმებს, მაგრამ მოწევის შეწყვეტის საკითხში არაპროფესიონალებს, ეს ქცევა გაუაზრებელ შეცდომად ჩავუთვალეთ და პარლამენტში, ერთ-ერთი შეკრების დროს, საჯაროდ განვაცხადეთ, რომ თამბაქოს ინდუსტრიის ანკესს ექიმები არ წამოგებოდნენ. სამწუხაროდ, ჩვენი გაფრთხილება ყურად არ იღეს და ინდუსტრიის მავნებლურ სქემაში, დღეს აქტიურად ითრევენ ექიმებს, რომელთაც წარმოდგენა არ აქვთ მოწევის შეწყვეტის ეფექტურ სტარტეგიებზე და თამაბქოს კონტროლზე, თუმცა თავიანთი დარგის პროფესიონალები არიან.

თამბაქოს კონტროლის ჩარჩო კონვენციის 5.3 მუხლი და თამბაქოს კონტროლის კანონმდებლობა უკვე 2018 წლის მაისიდან კრძალავს თამბაქოს ინდუსტრიის მხრიდან ნებისმიერი სახის (იურიდიული თუ ფიზიკური პირის) სპონსორობას. ჩვენი ორგანიზაცია პერიოდულად ავლენს დარღვევის ფაქტებს და შესაბამისი რეაგირებისათვის აწვდის შესაბამის დაწესებულებას.

ვიმედოვნებთ, 24 ივნისამდე დარჩენილ დროში ექიმები, რომლებიც უნდა გმობდნენ ლეგალური ნარკოტიკის, თამბაქოს მწარმოებლების პოლიტიკას, გაიაზრებენ, რა ნაბიჯს დგამენ და ნებსით თუ უნებლიეთ, არ გახდნენ თამბაქოს ინდუსტრიის პროდუქტის პოპულარიზატორები, ნაცვლად იმისა, რომ დაეხმარონ მწეველებს უკვე არსებული, გამოცდილი და ეფექტური მეთოდებითა და საშუალებებით თამბაქოს ნებისმიერი პროდუქტის მოწევის სრულად შეწყვეტაში.

უამრავი კვლევებით და ჯანმრთელობის მსოფლიო ორგანზიაციისა და აშშ დაავადებათა კონტროლის ცენტრის მონაცემებზე დაყრდნობით, გახურებადი თამბაქოს ნაწარმი ისეთივე ზიანის მომტანია ჯანმრთელობისათვის, როგორც ჩვეულებრივი თამბაქოს პროდუქტი და ისევე უნდა რეგულირდებოდეს, როგორც ჩვეულებრივი თამბაქოს პროდუქტი. გახურებადი თამბაქოს ნაწარმის გამონაბოლქვში აღმოჩენიილია ათეულობით ტოქსიკური (მომწამვლელი) და კანცეროგენული (კიბოს გამომწვევი) ნივთიერებები. ამასთან, გახურებად თამბაქოში უფრო მაღალი დოზით ფიქსირდება ისეთი ტოქსიური ნივთიერებები როგორიცა ნიტროზამინები, აცეტალდეჰიდები, აკროლინი და ფორმალდეჰიდი, ვიდრე ჩვეულებრივი თამბაქოს კვამლში. ასევე, ფიქსირდება უცნობი წარმოშობის მომწამვლელი შენაერთები (რომელიც შესაძლოა, დაკავშირებულია სწორედ იმ ქიმიურ-ტექნოლოგიურ პროცესთან, რომელის შედეგად წვის ნაცვლად გახურებით მოიხმარს ეს ახალი პროდუქტი), რომლებიც ჩვეულებრივ თამბაქოს კვამლში არ ფიქსირდება. შესაბამისად, გახურებადი თამაბქოს ნაწარმის ზემოქმედება შესაძლოა, ზოგიერთი დაავადების განვითარებაში უფრო მაღალიც იყოს.

არსებული სიტუაციიდან გამომდინარე, მივმართავთ საქართველოს პარლამენტს, მთავრობას, ჯანდაცვის სისტემას და სამედიცინო საზოგადოებას:

ჯანდაცვის სამინისტრომ ყველა სამედიცინო დაწესებულებას, უნივერსიტეტებსა და პროფესიულ ასოციაციაციებს დაუგზავნოს წერილი, რომელიც დაეყრდნობა ჩარჩო კონვენციის სამდივნოს რეკომენდაციას „ფილიპ მორისის“ მიერ დაფუძნებულ ფონდთან თანამშრომლობის მიუღებლობის შესახებ;

მოვუწოდებთ სამედიცინო საზოგადოებას, პროფესიულ ასოციაციებსა და საზოგადოებრივი ჯანმრთელობის წარმომადგნელებს, არ წამოეგონ თამბაქოს ინდუსტრიის ხრიკებს და არანაირი სახის მონაწილეობა არ მიიღონ მათ მიერ ორგანიზებულ შეხვედრასა თუ ღონისძიებაში, ასევე მათ მიერ შეთავაზებულ დაფინანსების სქემებსა და საგრანტო პროგრამებში. წინანდალში დაგეგმილი შეხვედრა არის უკანონო ქმედება და ასეთის არსებობის შემთხვევაში, რეაგირებისათვის დაუყოვნებლივ ეცნობება ადგილობრივ და საერთაშორისო ორგანიზაციებსა და დონორებს.

პარლამენტმა არ დააკმაყოფილოს თამბაქოს ინდუსტრიის წინადადებები, რომლებიც ეწინააღმდეგება თამბაქოს კონტროლის ჩარჩო კონვენციას და მის გაიდლაინებს, ასევე თამბაქოს კონტროლის ეროვნულ კანონმდებლობას და მიზნად ისახავს გახურებადი თამბაქოს ნაწარმისა და ახალი პროდუქტების განსხვავებულ რეგულირებას, რაც გამოიწვევს ამ პროდუქტზე მოთხოვნილების გაზრდას და შესაბამისად ავადობის, სიკვდილობისა და ეკონომიკური ტვირთის გაზრდას;

მთავრობამ უახლოეს პერიოდში დაამტკიცოს თამაბქოს ნაწარმის სადა (სტანდარტიზებული) შეფუთვის ტექნიკური რეგლამენტი და ასევე 3 წლის წინ მისაღები ნორმატიული აქტი, რომელიც ღიას და გამჭვირვალეს გახდის თამაბქოს ინდუსტრიის წარმოამდგენლების კომუნიკაციას ხელისუფლებასთან“.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„წამლები უკვე არის, მაგრამ საკმაოდ მცირე წრისთვის… საქართველოში ამ წამლების შემოტანა“

მიერ

აგვისტო 13, 2021

21/06/2021

ავტორი: ირინა დათაშვილი

#COVID19 #COVID #health #globalhealth #publichealth #medicine #biotechnology #pharmaceuticals #pandemic #infectiousdiseases #FDA #WHO #CDC #vaccines #clinicaltrials #immunology #Regeneron

„კოლეგებისთვის:

კოვიდსაწინააღმდეგო წამლები უკვე არის, მაგრამ:

ოთხმა წამალმა მიიღო ამერიკის წამლის სააგენტოს დროებითი ავტორიზაცია…

ეს წამლები ეფექტურია მხოლოდ პაციენტთა საკმაოდ მცირე წრისთვის.

მაგალითად, რეგენერონის კოქტეილი ერთ-ერთი პირველი წამალია, რომელმაც აჩვენა, რომ 100 ადამიანიდან 6 ადამიანის გადარჩენა შეუძლია.

მაგრამ ფასი?! – წამლის კოქტეილის ფასი $1300-დან – $2700-მდე მერყეობს…. შედარებისთვის – „ფაიზერის“ ვაქცინა დაახლოებით $19.5 ღირს ერთი დოზა, „ასტრაზენეკა“ $2.15, „სინოვაკი“ კი 29.75 ?!!

დასკვნა თქვენზე იყოს….

ჩემი აზრით კი, საქართველოში ამ წამლების შემოტანა და შემდგომში მათი გამოყენება ნაკლებად რეალისტულად მიმაჩნია, რატომ?

ფასი,

ლოჯისტიკა ,

უწყვეტი სამედიცინო განათლების არარსებობა…

მკურნალობის “ჩაწყობით” დანიშვნა და არა სამედიცინო დანიშნულებით…“ – წერს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

Results of the Recovery clinical trial indicate treatment with the Regeneron cocktail of monoclonal antibodies (casirivimab 4g and imdevimab 4g) reduces mortality by 20% on patients that have failed to produce immunity against the virus. The cocktail however does not change mortality rates when all patients are accounted regardless of initial antibody titers at baseline. The researchers estimated that the cocktail saves about 6 lives in every hundred seronegative patients treated with the cocktail. This is the first time that a clinical trial testing the Regeneron Abs demonstrates a statistically significant effect on mortality rates on a subpopulation of COVID-19 patients when administered early. The trial evaluated 9785 randomized patients at 177 hospitals of the United Kingdom

https://www.sciencemag.org/…/monoclonal-antibodies-cut…

Original findings available as preprint in medRxiV (June 16, 2021):

https://doi.org/10.1101/2021.06.15.21258542

See Recovery trial press release (June 16, 2021):

https://www.recoverytrial.net/…/recovery-trial-finds…

FDA approval (November 21, 2020)

https://www.fda.gov/…/coronavirus-covid-19-update-fda…

https://investor.regeneron.com/…/regeneron-announces-us…

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

#drpkhakadze #გიორგიფხაკაძე #accreditationge

საქართველოში კოვიდის მე-4 ტალღა არ დასრულდა და მე-5 ტალღას აჩქარებენ – გიორგი ფხაკაძე

მიერ

აგვისტო 13, 2021

12/10/2021

ჯანდაცვის დამოუკიდებელი ექსპერტი, გიორგი ფხაკაძე, სოციალურ ქსელში წერს, რომ საქართველოში რეგულაციებს არ იცავენ და მეხუთე ტალღის დადგომას აჩქარებენ მაშინ, როცა ჯერ მეოთხე ტალღაც კი არ დასრულებულა.

„საფრანგეთში 12 წლის ზევით მოსახლეობის 85.3% არის სრულად ვაქცინირებული (2 დოზით მაღალეფექტური ვაქცინით)

15 ოქტომბრიდან საფრანგეთში კოვიდ ტესტები აღარ იქნება უფასო და აღარ იქნება აღიარებული “კოვიდ საშვად”.

მე-3 დოზა ფაიზერით ვაქცინაცია ჩვეულებრივი გეგმიური რეჟიმით მიმდინარეობს.

საქართველოში … არაპროფესიონალიზმი, ტყუილი, გარიგებები.საქართველოში კოვიდის მე-4 ტალღა არ დასრულდა და მე-5 ტალღას აჩქარებენ.

პირადად ვნახე, თუ რა ხდება აჭარაში, იმერეთში, კახეთში და თბილისში. პირადად შემოვიარე, ელიავა, ლილო, იუსტიციის სახლი, ნავთლუხის ბაზარი, დეზერტირების ბაზარი, მოლები. დამღლელი და გულდასაწყვეტიაა, რასაც ვუყურებ“,- წერს გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Prepared by: ირინა დათაშვილი #datashvil

წყარო: https://old.primetime.ge/saqartveloshi-kovidis-me-4-talgha-ar-dasrulda-da-me-5-talghas-achqareben-giorgi-fkhakadze/

„ორი კარგი ამბავია… არ უნდათ ამდენი ტყუილი…“-გიორგი ფხაკაძე

მიერ

აგვისტო 13, 2021

08/06/2021

ავტორი: ირინა დათაშვილი

„ზოგიერთმა ვაქცინაციის წინ ანალიზების გაკეთება და ფულის გაკეთება დაიწყო, ეს არასწორია, ვაქცინაციის წინ არაფერია საჭირო, შეეკითხებიან, თუ აქვს ალერგია და მორჩა… კოვიდვაქცინა მართლა არ არის საშიში უკუჩვენებების კუთხით. ჩინურ ვაქცინებთან დაკავშირებით ინფორმაცია არ მაქვს.

რაც შეეხება „ატრაზენეკას“ და „ფაიზერს“, უკვე ძალიან ბევრი კვლევაა დაბეჭდილი, ვინც გაგიკეთებთ ვაქცინას, ის გეტყვით, თქვენთვის შეიძლება თუ არა, შეავსებთ კითხვარს. ვაქცინის გაკეთების შემდეგ ერთი თვე არ ხართ დაცულები, ამიტომ ნუ ირბენთ ქეიფებზე და ნუ მოიხსნით პირბადეს. მეორე ვაქცინიდან 14 დღის შემდეგ ითვლებით უკვე დაცულად.

ვინც აიცრა ორი დოზით „ფაიზერით“, „მოდერნათი“ და „ჯონსონით“, უკვე პირბადის გამოყენება აღარ არის საჭირო ღია სივრცეში, დახურულ სივრცეში რეკომენდირებულია. ჩინური ვაქცინა არ ნიშნავს, რომ თქვენ ხართ დაცული. საქართველოში ზოგი ექსპერტი პოლიტიკურად არის ანგაჟირებული… არ უნდათ ამდენი ტყუილი…

ორი კარგი ამბავი არის: სეიშენის კუნძულებიდან რაც გვაქვს ინფორმაცია, ვინც გაიკეთა ორივე დოზა, სიკვდილიანობა არ არის და რეანიმაციურ განყოფილებაში არ ამოყოფთ თავს.

რომელი ვაქცინებიც გვაქვს საქართველოში, არ მოხვდებით რეანიმაციურ განყოფილებაში და რთულად არ გადაიტანთ კოვიდს. გვახსოვდეს, რომ საუბარია უჰანის ვირუსისა და ბრიტანული შტამის წინააღმდეგ. „ასტრაზენეკა“ არ მუშაობს სამხრეთაფრიკული შტამის წინააღმდეგ. შესაძლოა, მუშაობდეს ინდური შტამის წინააღმდეგ“, – ამბობს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„მზად უნდა ვიყოთ, მომავალ წელსაც სწავლისთვის ონლაინ პლატფორმების გამოყენება მოგვიწევს“

მიერ

აგვისტო 13, 2021

24/12/2020

ავტორი: ირინა დათაშვილი

2020-2021 სასწავლო წლის პირველი სემესტრიც დისტანციურ რეჟიმში სრულდება, თუმცა ეპიდემიოლოგები და ჯანდაცვის სფეროს წარმომადგენლები ვარაუდობენ რომ სწავლის განახლება ჩვეულ რეჟიმში შეიძლება ვერც მეორე სემესტრში მოხერხდეს.

ამის შესახებ ისაუბრა პროფესორმ, გაეროს გენერალური მდივნის მრჩეველმა ჯანდაცვის საკითხებში, გიორგი ფხაკაძემ სამოქალაქო ინიციატივები „მომავლის თაობის“ მიერ ორგანიზებულ ონლაინ შეხვედრაზე სამოქალაქო განათლების პედაგოგებთან.

როგორც მან პედაგოგების კითხვის საპასუხოდ (თუ რა უნდა გაკეთდეს რომ სწავლა საკლასო ოთახებში აღდგეს?) განაცხადა, უნდა ვიყოთ მზად, რომ ონლაინ სწავლება შეიძლება მომავალი წლის სექტემბერში საჭირო გახდეს.

„ჩვენ არ უნდა მოვიტყუოთ თავი და სიმართლეს შევხედოთ თვალებში. ამ წელს და მომავალ წელსაც მზად უნდა ვიყოთ, რომ სწავლისთვის ონლაინ პლატფორმების გამოყენება მოგვიწევს. თუ ჩვენ ვლაპარაკობთ, რომ ბავშვების განათლება არის დაცემული, გეთანხმებით. ყველგან, მთელი მსოფლიოს მასშტაბით ვარდნაა განათლებაში. პედაგოგები არიან დიდი სტრესის ქვეშ, ასევე არიან მოსწავლეებიც.

„რა შეიძლება გავაკეთოთ? პირველი: სკოლებმა მოდი დაგეგმეთ ისე, რომ ეს წელი იქნება ონლაინ წელი, მომავალი წელიც იქნება ონლაინ წელი, რადგან სანამ მოსახლეობის 70% არ იქნება ვაქცინირებული ვერ ვიქნებით უსაფრთხოდ. მეორე: მასწავლებლებს, მოსწავლეებსა და მშობლებს სჭირდებათ ფსიქოლოგიური დახმარება, ეს იქნება მასწავლებლების უფრო მეტი კომუნიკაცია ერთმანეთთან ე.წ. ვირტუალური სამასწავლებლოები, სადაც ერთმანეთს გაუზიარებენ გამოცდილებას, ბავშვების შემთხვევაში კი არა კომპიუტერული თამაშები, არამედ ისეთი ურთიერთობა კლასელებთან, რაც დააინტერესებთ და არა მარტო გაკვეთილზე მოახერხებენ ურთიერთობას, და მესამე – ჩვენ ამ ეპიდემიის დროსაც კი შეგვიძლია გვქონდეს ურთიერთობა უშუალოდ პედაგოგებთან და ბავშვებთან, სკოლამ უნდა უზრუნველყოს, რომ რეგულაციების დაცვით მოხდეს ტექნიკური შეხვედრები, არა შენობაში, მაგალითად გაისეირნონ გარეთ“, – განაცხადა გიორგი ფხაკაძემ.

edu.aris.ge

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„ვიწყებთ საავადმყოფოების ხარისხის კონტროლს! – მოემზადეთ, საავადმყოფოები…“

მიერ

აგვისტო 13, 2021

23/03/2021

ავტორი: ირინა დათაშვილი

გაეროს გენერალური მდივნის მრჩეველი ჯანდაცვის საკითხებში, პროფესორი გიორგი ფხაკაძე – ორგანიზაცია დავაფუძნე „აკრედიტაცია საზღვრების გარეშე“.

-„დღეს არის მძიმე დღე – ჩვენი კოლეგის დაკრძალვის დღე!
ვამბობ, ცუდად არის საქმე, მაგრამ არავის ესმის! ძალიან ვნერიულობ!
ვფიქრობ, გავაკეთე მაქსიმუმი, რისი გაკეთებაც შეიძლებოდა!
გავაკეთე ვაქცინაციის დაგეგმარებისათვის ადეკვატური, ვიდრე საქართველოში და საზღვარგარეთ მცხოვრებმა სხვა ქართველმა.
ძალიან საწყენია, როცა ჩემი მეგობრები წერენ ბოღმიან კომენტარებს.
მე ჩემი სათქმელი ვთქვი, გაგაფრთხილეთ. როცა სიმართლეს ამბობ, გლანძღავენ, რატომ გვეუბნებიო.
ქვეყანაში უმრავლესობას საერთოდ არ აინტერესებს არც კოვიდი, არც ადამიანების ჯანმრთელობა, არც ეკონომიკა, მხოლოდ ბოღმა და ჩხუბი აინტერესებთ!
ვაქცინაციის დაგეგმარებაში შეცდომა იყო სექტემბრიდან. ახლა ფიქრობენ საინფორმაციო კამპანიაზე.
ამბობემ, „ნაცი“ ვარ, ხან ამბობენ, „ქოცი“ ვარ. ღმერთმა დამიფაროს, ვიღაცისტი ვიყო.
გიორგი ფხაკაძე არ იყიდება და ვერ გაიყიდება!
როგორღა უნდა მთხოვონ, – გიორგი, მოდი დაგვეხმარეო!
100 ადამიანი უნდა დაიღუპოს თუ ნახევარი საქართველო, შემდეგ იტყვით, -ვაი, საქმე კარგად ვერ გავაკეთეთ!
ქართული პოლიტიკა არც ერთ ჩარჩოში არ ჯდება! რაღაცას როცა იტყვი, ხარ ხელისუფლების მომხრე, რაღაცას არ ეთანხმები, ხარ ოპოზიციის მომხრე, რა უბედურებაა?!
აღარ იცაცენ რეგულაციებს, აწყობენ ფართებს!
აღარც პირბადე გინდათ, აღარც კარანტინი!
ვყვირი, – ორმეტრიანი დისტანცია, – ტრანსპორტში არის ძალიან ბევრი ხალხი, ხალხი ქეიფობს რესტორნებში.
გადავწყვიტე, კორონავირუსზე აღარ ვილაპარაკებ!
ვთქვი, საქართველოში მესამე ტალღა დაიწყო, შემდეგ თქვეს ამათაც, მანამდე სად იყვნენ?!
ვაქცინაცია უნდა იყოს ნებაყოფლობითი!
ვაქცინაცია უნდა იყოს უსაფრთხო!
ვერაფერი ვერ გააკეთეს ვერც პოზიციამ და ვერც ოპოზიციამ!
ერთადერთი ადამიანი, რომელიც სახელმწიფოებრივად, სწორად მოიქცა, ეს იყო საქართველოს პრეზიდენტი, ქალბატონმა სალომემ საჯაროდ გაიკეთა ვაქცინა და მოუწოდა პოლიტიკოსებს ვაქცინის გაკეთებისკენ. ახლა იტყვიან, ზურაბიშვილის მომხრეაო. განვმარტავ, ქალბატონ სალომეს საერთოდ არ ვიცნობ!
ჯანდაცვის მსოფლიო ორგანიზაციამ ექთან მეგი ბაქრაძის გარდაცვალებასთან დაკავშირებით ფაქტიურად იგივე პასუხი გასცა ქართველ ჟურნალისტს, რასაც მე ამდენი ხანია, ვამბობ – ჩვენი კოლეგა ვაქცინის გამო არ გარდაიცვალა, არამედ იმის გამო, რომ საქართველოში არის მახინჯი ჯანდაცვის სისტემა. დამნაშავეა არა ვაქცინა, არამედ სისტემა! ეს არის ქვეყანაში გამოსასწორებელი!
ეს ნიშნავს იმას, რომ საქართველოში ჯანდაცვის სისტემა არის განადგურებული, გადაქცეულია ბიზნესმანქანად. კარგი ექიმები და ექთანი, რომლებსაც უყვართ თავისი პროფესია, უნდგურებენ მუშაობის სურვილსაც კი!
კლინიკების ანგარიშვალდებულება არის ნული, ექთანს, მაგალითად, შეიძლება ხელფასი 160 ლარი ჰქონდეს, მფლობელმა კი წლის ბოლოს 1 მილიონ დოლარიანი ბონუსი აიღოს. ეს ნორმალურია?!
ჩემს ფეისბუქგვერდზე ძალიან კარგი სტატიები გავაზიარე, ვისაც ჭკუა გაქვთ, ვისაც ჟელატინი არ გაქვთ, წაიკითხეთ და მიხვდებით, რისი თქმაც მინდა!
ვცდილობდი, საქართველოში რაიმე პროექტი განხორციელებულიყო, დაფინანსება წამოსულიყო, ჩემი ინეტერესი ამ საქმეში იყო ნული!
მეგი ბაქრაძე არ გარდაიცვალა ვაქცინის გამო, ჩვენი კოლეგა იმიტომ დავკარგეთ, რომ სისტემა არის მახინჯი,, სისტემა არის დამნაშავე, სისტემა არის გამოსასწორებელი!
ასტრაზენეკას გამოყენება არ შეიძლება 55 წლის ქვემოთ ადამიანებისთვის!
ამერიკაში არ არის ასტრაზენეკა დარეგისტრირებული!
ნორგვეგიაში არ აღადგინეს ასტრაზენეკა!
ეპიდემიოლოგები პანდემიამდე არავის ახსოვდა და მათი შემოსავალი ძალიან მწირი იყო.
,ვის ახსოვდა ეპიდემიოლოგი ქვეყანაში… 20 ლარი, დიახ, თვეში მხოლოდ 20 ლარი იყო მათზე კლინიკიდან გამოყოფილი. იმიტომაც, ერთი ეპიდემიოლოგი ერთდროულად 10 კლინიკაში მუშაობდა, რომ თვეში როგორმე 200 ლარი მაინც ჰქონოდა ხელფასი….
შემიძლია გავაკეთო ის, რასაც საქართველოში ვერავინ ვერ გააკეთებს, იმიტომ, რომ ხალხი არავის არ ენდობა! დამოუკიდებელი ექიმი არ არსებობს საქართველოში!
სამწუხაროდ, ერთადერთი ადამიანი ვარ, ვინც ვიცი სისტემა გარედან, ვიცი სისტემა შიგნიდან, ეს საქმე გამიკეთებია ძალიან ბევრ ქვეყანაში. გავაკეთებ საავადმყოფოების ძალიან მარტივ შეფასებას!
ჩემი გამოცდილებიდან გამომდინარე, ათეულ ქვეყანაში მაქვს გაკეთებული ეს.
ორგანიზაცია დავაფუძნე „აკრედიტაცია საზღვრების გარეშე“. ის ქვეყნები, სადაც კონფლიქტური მდგომარეობაა, ის ქვეყნები, რომლებიც ძალიან ღარიბები არიან, სადაც ჯერ არის მაღალი სტანდარტები, რადგან ფული არ არის, მაგრამ უნდათ მაღალი სტანდარტები, უნდა გაგვეკეთებინა შუალედური ხარისხის კონტროლი, ეს იქნებოდა გზა იმისკენ, რომ ამერიკული, ევროპული სტანდარტისკენ წასულიყო. საფუძვლად ავიღეთ ფრანგული სტანდარტები.
გიორგი ფხაკაძე თავისი ინციატივით დღეიდან დადებს ინდიკატორებს. საავადმყოფოებს ამას გავუკეთებ უფასოდ, კითხვარი იოლი შესავსებია. ის საავადმყოფო, რომელიც ამ კითხვარს ვერ შეავსებს, ის საავადმყოფო არის მკვლელი, საერთოდ არ მაინტრესებს, ეს საავადმყოფო ვის ეკუთვნის. ბაზისური ხარისხი რომ არის ქვეყანაში, ეს არის, რაც კლავს ჩვენს მოსახლეობას, ბევრი ადამიანი ჩადის საქართველოდან საზღვარგარეთ სამკურნალოდ! 551 მულტიფროფილური საავადმყოფოა თურმე საქართველოში. ყველაფერი იქნება საჯარო, რა საბუთებსაც წარადგენენ, იქნება საჯარო!
ამას ვერც ერთი მინისტრი ვერ კიდებს ხელს, ხარისხზე რომ უთხრა რომელიმე საავადმყოფოს, -ცუდია, მაშინ კარგავ პოლიტიკურად რაღაცეებს, მაშინ პარლამენტში კანონები უნდა გაიტანო.
ჯანდაცვის მინისტრმა თქვა, რომ აფთიაქებს მიხედავს, ველოდებით. ველაპარაკე ხარისხზე, მუშაობენ, კი ბატონო, ვაცადოთ!
ვცდილობდი, დამერეგისტრირებინა ორგანიზაცია „აკრედიტაცია საქართველო“, ფრანგული ორგანიზაციის კუთხით ვაპირებდი, საჯარო რეესტრმა დაგვბლოკა, საჯარო რეესტრმა არ დაარეგისტრირა ჩემი ორგანიზაცია.
ეს ორგანიზაცია არის პარიზში დარეგისტრირებული, ეს არის ფრანგული ორგანიზაცია. ამ სერტიფიკატს გასცემს ფრანგული ორგანიზაცია ფხაკაძის ხელმძღვანელობით პარიზიდან, იმიტომ რომ საქართველოში დაკარგულია ყველაფრის ნდობა.
ძალიან კარგი ამბავი მაქვს, გაეროს გენერალური მდივნის ანგარიშს ვამთავრებთ, უკვე მეხუთე წელია, რაც ამ თანამდებობაზე ვარ, 2 აპრილს მთავრდება ჩემი ტანჯვა. ორჯერ ვიყავი არჩეული ამ პოზიციაზე, ახლა უფრო ძლიერ კომისიას ჩავუყრით საფუძველს, რომელიც იქნება კიდევ უფრო ძლიერი დამოუკიდებელი ანგარიშვალდებულები ორგანო მსოფლიოში.
საჯაროდ დავდებ, იქნება 10 კითხვარი. ამ კითხვებზე უნდა გასცენ პასუხები! გამომიგზავნონ ანგარიში. მჭირდება ადამიანი მოხალისე, რომელიც იქნება ვიდეოკამერით და გადაიღებს, რომელმაც უნდა დამირეკოს. შემიძლია, დისტანციურად ვაკონტროლო ყველაფერი! მოემზადეთ საავადმყოფოები, – ვის დაგაჯდებათ „ფხაკაძის ბუზი“.
სხვა გამოსავალი არ არის! ეს არის ერთადერთი გამოსავალი, ჯანდაცვის სისტემა რომ დავალაგოთ. სხვანაირად არ გამოვა. ეს იქნება ნებაყოფლობითი.
ეს იქნება ძალიან მინიმალური ინდიკატორები, ეს გაიზრდება ყოველწლიურად. ინდიკატორი არის მაჩვენებლები. საქართველოში ძალიან ძლიერი ინდიკატორებით ვერ დაიწყებ იმიტომ, რომ საავადმყოფოების 90% დასახური იქნება.
პირველი არის გამჭვირვალობა, პროცესი უნდა იყოს გამჭვირვალე, ვინ არის მფლობელი, ვინ არის ექიმი, ვინ არის ექთანი. წლიური ანგარიში უნდა იყოს დადებული, ფინანსური ანგარიში უნდა იყოს დადებული, რა აქვთ დასამალი?!
საყოველთაო ჯანდაცვიდან იღებენ ფულს, ეს არის ჩემი და თქვენი ფული!
ვალდებული ხარ, გახსნა შენი ყველა ფინანსური-ტექნიკური ანგარიში, საზოგადოებამ უნდა იცოდეს, სად მიდის საზოგადოების ფული!
ძვირფასო კოლეგებო, მე ექიმთან არ მაქვს პრეტენზია, ექიმის ბრალი არ არის, ის რომ მუშაობს საშინელ სისტემაში. ჩვენ უნდა დავეხმაროთ ჩვენს ექიმებს, ექთნებს და სანიტრებს! უნდა გავაძლიეროთ ჩვენი სისტემა! ამის გამკეთებელი კი ქვეყანაში არავინ არ არის!
ვიწყებთ საავადმყოფოების ხარისხის კონტროლს!
საჯაროდ ვაცხადებ, ნებისმიერ უნივერსიტეტს თუ აქვს სურვილი, გიორგი ფხაკაძე არის მზად, ჩაატაროს ლექციები როგორც მოწვეულმა პროფესორმა, დიდი სიამოვნებით ჩატავატარებ ლექციებს. მე მჯერა, რომ ერთადერთი გზა, ეს არის განათლება! მინდა, რაც შეიძლება ბევრ სტუდენტს მივცე ის ცოდნა, რაც მე მაქვს!განათლება და ჯანდაცვა ნებისმიერი ქვეყნისთვის მთავარი პრიორიტეტი უნდა იყოს“, – აცხადებს გაეროს გენერალური მდივნის მრჩეველი ჯანდაცვის საკითხებში, პროფესორი გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе