„2020 წლის 14 დეკემბერი არის საკმაოდ მნიშვნელოვანი თარიღი. ამ დღეს მე მივმართე საქართველოს…

https://www.facebook.com/watch/live/?ref=watch_permalink&v=10159756068795579

„2020 წლის 14 დეკემბერი არის საკმაოდ მნიშვნელოვანი თარიღი. ამ დღეს მე მივმართე საქართველოს საზოგადოებას და ავტეხე განგაშის ზარი, რათა ხარისხიანი სამედიცინო პირბადე ყოფილიყო ხელმისაწვდომი საქართველოში. მარტო 660,000 მეტმა ადამიანმა ნახა და 1,200,000 ინერნეტ (impressions) გამოხმაურება ჰქონდა ამ კონკრეტულ ვიდეო მიმართვას.

მაშინ, 2020 წლის 14 დეკემბერს, საქართველოში იყიდებოდა უხარისხო პირბადეები და საშუალო ფასი იყო 1.2 ლარი.

დღეს, 2021 წლის 5 აგვისტოს, საქართველოში ხელმისაწვდომია ხარისხიანი სამედიცინო პირბადე 0.12 ლარად

დღეს, ისევე, როგორც შარშან, საქართველოს სჭირდება ერთიანობა! გავერთიანდეთ და “გამოვიყენოთ სამედიცინო პირბადეები ყველგან და ყოველთვის”

გადავარჩინოთ ჩვენი თავი, ჩვენი ოჯახი, ჩვენი უბანი, ჩვენი ქალაქი, ჩვენი ქვეყანა და ჩვენი დედამიწა“ – აცხადებს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

ნახეთ ვიდეო

MD, MPH, PhD

#ПрофессорПхакадзе

„ეს 12 ადამიანი არის მსოფლიო დონის ტერორისტი. მათ მიერ შექმნილი…“-გიორგი ფხაკაძე

მიერ

ოქტომბერი 4, 2021

15/05/2021

ავტორი: ირინა დათაშვილი

https://www.facebook.com/pkhakadze/posts/10160203225835579

„მსოფლიოში ყველაზე `დიდი” ანტივაქსერების სია არც ისე დიდია – მხოლოდ 12 ადამიანი. მაგრამ მათ ინტერნეტში შექმნეს მსოფლიოს ანტივაქსერული “კონტენტის” 65%.

ეს 12 ადამიანი არის მსოფლიო დონის ტერორისტი. მათ მიერ შექმნილი ინფორმაცია უფრო ბევრი ადამიანის სიცოცხლეს უქმნის საფრთხეს, ვიდრე ყველაზე ცნობილი ტერორისტები!
საქართველოს ანტივაქსერთა სია ნეტა რამხელაა?! “, – წერს პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე.

მსოფლიოში ყველაზე “დიდი” ანტივაქსერების სია არც ისე დიდია – მხოლოდ 12 ადამიანი. მაგრამ მათ ინტერნეტში შექმნეს მსოფლიოს ანტივაქსერული “კონტენტის” 65%.
ეს 12 ადამიანი არის მსოფლიო დონის ტერორისტები. მათ მიერ შექმნილი ინფორმაცია უფრო ბევრი ადამიანის სიცოცხლეს უქმნის საფრთხეს, ვიდრე ყველაზე ცნობილი ტერორისტები!
საქართველოს ანტივაქსერთა სია ნეტა რამხელაა?!

Researchers have found just 12 people are responsible for the bulk of the MISLEADING CLAIMS & OUTRIGHT LIES about #COVID…

მეტის ნახვა…

Professor Giorgi Pkhakadze, MD, MPH, PhD

#drpkhakadze #accreditationge #გიორგიფხაკაძე

Профессор Гиорги Пхакадзе. #ПрофессорПхакадзе

„400 500 დოზას ჰქონდა პრობლემა – ვაქცინაციისას სერიის ნომერი უნდა მიაწეროთ საბუთზე“ – გიორგი ფხაკაძე

მიერ

ოქტომბერი 4, 2021

21/05/2021

ავტორი: ირინა დათაშვილი

„მიდგომა, – „ოღონდ რაიმე ვაქცინა გავაკეთოთ“, არასწორია. „ოღონდ“ არ შველის, გასათვალისწინებელია ქართული მენტალობა. ქართველებს რომ ვეუბნები, დაინფიცირების შემდეგ 14 არ გახვიდე და კიდევ 10 დღე მოერიდე ხალხს, რას აკეთებს ქართველი მე-14 დღის საღამოს? შლის პურმარილს და მეგობრებთან ქეიფობს, კოვიდი გადავიტანეო, ასე ავრცელებს ვირუსს.

იგივეა ვაქცინებთან მიმართებაში, რომ იძახიან, ნებისმიერი ვაქცინა გავაკეთოთო. ქართველი რომ იმ „გოგლი-მოგლი“ ვაქცინის ერთ დოზას გაიკეთებს, უპირბადოდ ქეიფს და „ნაშებში“ სიარულს დაიწყებს, ვაქცინირებული ვარო. უნდა გავითვალისწინოთ ქართული მენტალიტეტი. უნდა ჩამოიტანო ისეთი „რკინა-ბეტონის“ ვაქცინა, რომელიც მართლა იმუშავებს.

ასევე, საქართველოში 45 წლის ზევით ძალიან ბევრს აქვს ქრონიკული დაავადებები. ბევრი ფაქტორია, რატომ არ შეიძლება საქართველოში ცუდი ვაქცინა. უნდა იყოს ან ძალიან კარგი, ან საერთოდ არ იყო.

რომ ჩამოიტანო ეს ჩინური, არ მუშაობს და რა ვქნა?! ჩინურს რომ გაიკეთებ , ადამიანმა მაინც პირბადით უნდა იაროს. ეფექტურობა 50%-ია. კი, დაწევს სიკვდილობა, მძიმე ფორმები, მაგრამ გავრცელებას ვერ აჩერებს, 10-დან 5 დაინფიცირდება.

16 მაისს ინდონეზიაში ჩავიდა „ასტრაზენეკას“ ერთ-ერთი სერია, აღმოჩნდა, რომ ამ სერიაში 400 500 დოზას ჰქონდა პრობლემა. ამიტომ გეუბნებოდით, რომ ვაქცინაციისას სერიის ნომერი უნდა მიაწეროთ საბუთზე-თქო. ახლა მაინც გაითვალისწინეთ.

რატომ ვლაპარაკობ ამდენს?! თუ ჩემი ამ საინფორმაციო კამპანიით ერთი ადამიანი მაინც გადარჩება, ჩავთვლი, რომ ჩემი მისია შესრულებულია! არაფერს ვითხოვ თქვენგან! მე ექიმი ვარ და უფლებაც არ მაქვს, სხვანაირი იყო. მე ბევრი სტუდენტი მყავს არა მარტო საქართველოში, ისინი მიყურებენ და ეს პროფესიული პასუხისმგებლობაა!

ყველაფერი ფული არ არის. არ მინდა ახლა იმ 22 „სიფტზე“ და ასე შემდეგ ფულის საკეთებელ სქემებზე საუბარი, მესმის, ცოლი გყავთ, საყვარელი, საყვარლის შვილი…წადით ბიზნესში და იქ გააკეთეთ ფული. არ მოიპაროთ. როცა საქმეს არ აკეთებთ და ხელფასს იღებთ, ეს ქურდობაა!

ჩვენ ძალიან კარგი სპეციალისტები გვყავს, ახალგაზრდები საუკეთესო განათლებით, ნიჭით, ცოდნით, უნარით, ბრილიანტი ბავშვები, რომლებიც სამსახურს ვერ შოულობენ!“- აცხადებს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„ვინც პირველი დოზა გაიკეთა, 8-10% მეორე დოზას აღარ იკეთებს. მოგმართავთ მათ, ვინც ვაქცინა უკვე…

მიერ

ოქტომბერი 3, 2021

28/04/2021

ავტორი: ირინა დათაშვილი

პროფესორი, ორგანიზაციის – „აკრედიტაცია საზღვრების გარეშე“ – ხელმძვანელი გიორგი ფხაკაძე აცხადებს:

ვირუსის შეჩერების მხოლოდ ორი მოდელია მსოფლიოში. ან ვაქცინაცია (როგორც ისრაელში და ბრიტანეთში), ან ჩაკეტვები (მაგალითად, ჩინეთში). სხვა მოდელი არ არსებობს. საქართველოში კი არის ვითომ ჩაკეტვები და ვითომ ვაქცინაცია. სინამდვილეში არც ერთს არ აკეთებენ.

რაც შეეხება კოვიდპასპორტს, ეს მსოფლიო აფიორაა, ფულის გაკეთების და კორუფციის წყარო. საქართველოში ვაქცინაციის საბუთს ქაღალდზე რომ წერენ, ეს საერთოდ ნონსენსია, თანამედროვე მედიცინაში ყველაფერი უნდა იყოს ელექტრონული.

შეკითხვა მაქვს, რამხელა ვალიდურობა აქვს ვაქცინებს?! მაგალითად, ერთმა გაიკეთა „ასტრაზენეკა“, მეორემ „ფაიზერი“ და მესამემ ჩინური ვაქცინა. ერთი იქნება დაცული 90%-ით, მეორე – 70%, მესამე – დაახლოებით – 25%. სამივესთან სხვადასხვაა რისკი, რომ ვირუსი გაავრცელონ და ერთნაირი პასპორტი უნდა მივცეთ? ან კიდევ, იმ ადამიანებთან როგორ ვიქცევით, კოვიდი ვინც უკვე გადაიტანა? – არ ვაძლევთ პასპორტს? მე, მაგალითად, ამ 4 ადამიანიდან პასპორტს მხოლოს იმას მივცემდი, ვინც გადაიტანა კოვიდი და ვინც ფაიზერით აიცრა.

რაც შეეხება ინდოეთს, ჩემი ვარაუდით, საქართველოში ინდური შტამი უკვე შემოსულია. მალე, ალბათ, ოფიციალურადაც დამეთანხმებიან, ხომ გახსოვთ, იანვარში რომ ვთქვი, ბრიტანული შტამი შემოვიდა-თქო, გამლანძღეს, დღეს კი თვითონვე ამბობენ, ბრიტანული შტამი 90%-ითაა გავრცელებული.

თურქეთმა ქვეყანა ჩაკეტა. მათ ეკონომიკას ძალიან სჭირდებოდა ტურისტები, მაგრამ ჩაკეტეს. დაფიქრდით. თურქეთი, რომელიც ძალიან ბიზნესორიენტირებული ქვეყანაა, თურქეთის მთავრობა, რომელიც ძალიან ორიენტირებულია ტურიზმზე, ჩაკეტვის გადაწყვეტილებას იღებს. არ დაგავიწყდეთ, თურქეთში მასიურად ხდებოდა ვაქცინირება ჩინური ვაქცინით.

რაც შეეხება ინდოეთს, არაერთი კვლევა ჩატარდა, რამაც აჩვენა, რომ რეალურად კოვიდინფიცირებულთა რაოდენობა 30-ჯერ მეტია, ვიდრე ტესტირების შედეგადაა გამოვლენილი.

ინდოეთში ახალი შტამი ვრცელდებოდა ოქტომბრიდან, მაგრამ გარკვეულმა შტატებმა დამალეს სტატისტიკა, რადგან 5 შტატში არჩევნები იყო ჩასატარებელი. ასევე ჩატარდა დიდი რელიგიური დღესასწაული. ესეც პოლიტიკური ნაბიჯი იყო, თითქოს ქვეყანაში ყველაფერი კარგადაა და უსაფრთხოა. ხუთ შტატში ჩატარებული არჩევნებისა და ამ დიდი რელიგიური რიტუალის გამო ქვეყანაში აფეთქდა ეპიდსიტუაცია. ეს არის მწარე მაგალითი, როგორ არ უნდა მოიქცნენ ქვეყნები.

ვინაიდან ინდოეთის მთავრობა მალავდა ვირუსის სტატისტიკას პოლიტიკური მიზეზების გამო, ოქტომბრიდან ინდოეთის მოქალაქეები მთელ მსოფლიოში მოგზაურობდნენ და გადაჰქონდათ ვირუსი. დღეს უკვე 20 ქვეყანაში დაქფისირდა ეს ვირუსი, ჩვენთან ლაბორატორიებმა რომ კვლევები დაიწყონ, ამ ვირუსს იპოვიან. საქართველოში აფეთქება იმიტომაა, რომ გვაქვს ინდური და ბრიტანული შტამი ერთად.

ჩემი რჩევა საზოგადოებას – ვირუსს შევხედოთ თვალებში და ვუთხრათ – მე არ მეშინია შენი. მე ვიცი, რა უნდა გავაკეთო, რომ შენ არ გავრცელდე და არ გამრავლდე. მე შეგაჩერებ შენ. ჩემს ოჯახში, ჩემს სადარბაზოში, ჩემს უბანში, ჩემს ქვეყანაში ვერ გამრავლდები. მორჩა!

იფიქრეთ ახალ ცხოვრებაზე, ძველი ცხოვრება აღარასდროს დაბრუნდება, იფიქრეთ ხვალინდელ დღეზე. გადაეწყვეთ!

ჩვენ გვჭირდება ხარისხიანი ჯანდაცვა, არა რაოდენობრივი, არამედ ხარისხიანი. „საქართველოს აკრედიტაციის იბნიციატივა“ ამიტომაც წამოვიწყე, პროცესი რთულად, მაგრამ წინ მიდის. ეს გვჭირდება ყველას ერთად!

იფიქრეთ ბევრი, რაც მეტს იფიქრებთ, უკეთეს გამოსავალს ნახავთ!
კიდევ ერთი პრობლემა – წამოვიდა კვლევები მსოფლიოს მასშტაბით, – ვინც პირველი დოზა გაიკეთა, იმ ადამიანების 8-10% მეორე დოზას აღარ იკეთებს. მოგმართავთ მათ, ვინც ვაქცინა უკვე გაიკეთეთ:
– თუ დაიწყეთ ვაქცინაცია, უნდა დაამთავროთ პროტოკოლის მიხედვით, თუ არადა სხვა გამოწვევვების და პრობლემების წინაშე დავდგებით.
ჩინურ ვაქცინასთან დაკავშირებით ჩემი პოზიცია უცვლელია, – ჩინური ვაქცინა საქართველოში არაეფექტურია, რადგან აქ უკვე 90% ბრიტანული შტამი ცირკულირებს, რომელზეც ჩინური ვაქცინა არ მუშაობს. გადახედეთ, თურქეთში რა ხდება.

მთელი თურქეთი დაიკეტა, კოვიდაფეთქებაა, სადაც ჩინური ვაქცინით აიცრნენ. დასკვნა თავად გააკეთეთ!“

ჯანდაცვის მინისტრის პირველი მოადგილის, თამარ გაბუნიას განცხადებით:
„უახლოეს მომავალში საქართველოში კოვიდპასპორტის გაცემის პრაქტიკა დაინერგება. მიმდინარეობს მუშაობა იმ ძირითად პარამეტრებზე, რაც კოვიდპასპორტში უნდა აისახოს – ეს იქნება აუცილებლად ვაქცინაციის ისტორია, იქნება გადატანილი დაავადების ისტორია, რიგ შემთხვევაში, იქნება PCR ტესტის პასუხი. აქედან გამომდინარე, მიდის ამაზე მუშაობა, ვფიქრობ, მოკლე ხანში უკვე რეალურად დაინერგება ეს პრაქტიკაც“.

29 აპრილიდან 17 მაისამდე, კორონავირუსის გავრცელების შესაჩერებლად თურქეთში სრული ლოქდაუნი გამოცხადდება.

ყველა საქალაქთაშორისო მოგზაურობა დაექვემდებარება ნებართვას, საზოგადოებრივი ტრანსპორტი იმუშავებს 50%-იანი ტევადობით.

ეს განცხადება თურქეთი პრეზიდენტმა რეჯეფ თაიფ ერდოღანმა მთავრობის სამსაათიანი სხდომის შემდეგ ჟურნალისტებთან საუბრისას ანკარაში გააკეთა.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„ვთქვი, რომ რევოლუციებისკენ მოწოდებით პოლიტიკოსები აქეზებენ ახალგაზრდებს – ხანდახან მარტო…“

მიერ

ოქტომბერი 3, 2021

06/05/2021

ავტორი: ირინა დათაშვილი

პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე გვესაუბრა:

„ხანდახან მარტო სათაურებს კითხულობენ, ან მარტო ერთ ფრაზას ამოიღებს ჩემი ლაივიდან. ამას წინათ პოლიტიკოსებზე ვილაპარაკე და ვერ მიხვდნენ, რა იყო ჩემი ბრაზის მიზეზი. მე ვთქვი, რომ რევოლუციებისკენ მოწოდებით პოლიტიკოსები აქეზებენ ახალგაზრდებს, მოაწყონ თავყრილობები, ამით კი ვირუსი ვრცელდება. რეალობაა, რომ ეპიდემიის კუთხით პროცენტულად საქართველოში ინდოეთზე უარესი მდგომარეობაა. ეს რეალობა პოლიტიკოსებმაც უნდა გაითვალისწინონ.

ჩემი პოლიტიზირება არავის გამოუვა, მე არც ერთ პოლიტიკურ პარტიას არ ვუჭერ მხარს. ნაცები ქოცს მეძახიან, ქოცები – ნაცს, ჩემზე ზოგი ამბობს, მიშიასტიაო, ზოგი – მთავრობისტიაო. ხალხო, არავისი არა ვარ, მე ვარ ფხაკაძე. გიორგი ფხაკაძე არის ფხაკაძისტი… ხომ შეიძლება, ჩვეულებრივად იყო ადამიანი და არავისტი არ იყო?!

პოლიტიკოსები თითქმის ყველანი კორუმპირებულები არიან და ადამიანებით მანიპულირებენ. საბოლოოდ წაგებულია ხალხი, პოლიტიკოსები რჩებიან მოგებულნი და უამრავ ქონებას აგროვებენ. საიდან? მე რომ კარგი სახლ-კარი მაქვს, 24 საათი თავაუღებლად ვმუშაობ, ისეთ ადგილებში ვარ ნამუშევარი, ადამიანი ცოცხალი ვერ ჩამოდის იქიდან. ეს პოლიტიკოსები ამდენს სად შოულობენ?! და ისინი ხალხზე ფიქრობენ?! მეტი არაა ჩემი მტერი!

პოლიტიკაში ვერავინ ვერ ჩამითრევს, იმიტომ, რომ არ მაინტერესებს! ქართული პოლიტიკის კი ვერაფერი გავიგე, ისეთი ამბებია“.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

გადაცემა „ფარული კონვერტის” სტუმარი გიორგი ფხაკაძე იქნება – ია ფარულავა გიორგი ფხაკაძეს…

მიერ

ოქტომბერი 2, 2021

30/09/2021

ავტორი: ირინა დათაშვილი

გადაცემა „ფარული კონვერტის” სტუმარი პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე იქნება.

გადაცემის წამყვანი, ია ფარულავა გიორგი ფხაკაძის სახლში იმყოფებოდა, ია ფარულავა სახლის დათვალიერებისას აღფრთოვანებას ვერ მალავს.

გიორგი ფხაკაძის თბილისური სახლი მართლაც ულამაზესია.

პროფესორ, ორგანიზაციის – „აკრედიტაცია საზღვრების გარეშე“ – ხელმძვანელის გიორგი ფხაკაძის თბილისური სახლი ზღაპრულად გამოიყურება. გიორგი ფხაკაძის თბილისური სახლის ფოტოები ჟურნალმა „ინტერიერმა“ – https://www.facebook.com/interierimagazine/posts/2085324031798269

ორი წლის წინ გადაიღო.

როგორც გიორგი ფხაკაძემ აღნიშნა, სახლის რესტავრირებას პლასტიკური ქირურგის სიზუსტით მიუდგა:

„ამ სახლს მრავალსაუკუნოვანი ისტორია აქვს, რომელიც პირობითად სამ: შუასაუკუნეობრივ, საბჭოთა და თანამედროვე პერიოდებად შეგვიძლია დავყოთ. ისევე, როგორც ყველა ფეოდალური ქალაქი, თბილისიც გალავნით იყო შემოსაზღვრული. უცნაურია, რომ თბილისში ეს იყო ერთადერთი გალავნიანი სახლი, ე.წ. ციხე-სახლი, რომელიც სავარაუდოდ, X საუკუნეში იყო აგებული. XIII საუკუნეში მონღოლების შემოსევისას ციხე- სახლი ნანგრევებად იქცა. XVI საუკუნის მიწურულს ეს შენობა სომეხი სოვდაგრის, მელიქ ბებუთოვის საკუთრება გახდა. XVIII საუკუნის დასაწყისში ერთ-ერთმა ბებუთოვმა სახლი თავის დას გადასცა, რომელმაც, თავის მხრივ, იქაურობა დედა თამონასტრად გადააკეთა. 1795 წელს, კრწანისის ომის დროს, აღა-მაჰმად-ხანმა მთელი თბილისი გადაწვა და დაანგრია. საბედნიეროდ, სახლი გადარჩა და სხვადასხვა ისტორიული წყაროს მიხედვით ირკვევა, რომ შაჰი თბილისში ყოფნის დროს სწორედ ბებუთოვის რეზიდენციაში ცხოვრობდა. გადმოცემის მიხედვით, თბილისის აღდგენამდე აქ უცხოვრია და აქვე გარდაცვლილა საქართველოს უკანასკნელი მონარქი-გიორგი XII. საქართველოს გასაბჭოების შემდეგ ეს ისტორიული შენობა, ოდესღაც მშვენიერი ციხე-სახლი მრავალ ბინიანი „კომუნალკა“ ხდება. 1998 წელს, სრულიად შემთხვევით, ამ შენობაში შევიძინე მცირე ფართი. 90-იანი წლების სიდუხჭირის გამო ძველ ქალაქში აღარავის უნდოდა ცხოვრება, მეზობლები სიხარულით ყიდიდნენ თავიანთ ბინებს და მეც ეტაპობრივად შევიძინე 23 ოჯახის კუთვნილი საცხოვრებელი ფართი. ათწლეულების განმავლობაში დამახინჯებული შენობა მთელი თბილისის სარკე იყო თავისი ეთნიკური, კულტურული და სოციალური სიჭრელით.

შენობის ქვედა ნაწილი X საუკუნით თარიღდება, ხოლო აბანო და ცენტრალური კორიდორი XVI საუკუნის კლასიკური ირანული არქიტექტურის ნიმუშია. აბსოლუტური შოკი იყო სახლის ეზოში შუა საუკუნეების წყალსაცავის აღმოჩენა. პროფესიით ქირურგი ვარ და სახლის რესტავრაციას პლასტიკური ქირურგის სიფრთხილით მივუდექი. ზედმიწევნით გავითვალისწინე ძეგლებისა და ღირშესანიშნავი ადგილების საერთაშორისო საბჭოს თანამშრომელთა რჩევები და რესტავრაციის დროს ვიყენებდი მხოლოდ ავთენტურ მასალებს-კირსა და ძველ ქართულ აგურს. ინტერიერის დიზაინი ეკლექტურია, პროფესიონალებისთვის რჩევა არ მიკითხავს. გადავწყვიტე, ჩემი საყვარელი სტილი, არტ-დეკო, ძველ თბილისურ არქიტექტურასთან შემეხამებინა. სახლში მსოფლიოს სხვადასხვა ქვეყნიდან ჩამოტანილი სუვენირები, ძველებური ავეჯი და ხელოვნების ნიმუშებია. ეს იყო ხანგრძლივი, თითქმის 15-წლიანი, რთული, მაგრამ სასიამოვნო პროცესი. ახლა სახლი პრაქტიკულად პირვანდელ მდგომარეობაშია და ისტორიული ძეგლის სტატუსი აქვს. 1921 წლის მერე დაქუცმაცებული და დანაწევრებული სივრცე ისევ გაერთიანდა. დღეს სახლს La Residence ჰქვია და ყოველ წელს ჩემს უამრავ უცხოელ სტუმარს მასპინძლობს. თითოეულ ოთახს თავისი სახელი აქვს: ბირმა, ვენა, პარიზი, ლევანტე და ა.შ. მომავალში ვაპირებ გავხსნა საგამოფენო დარბაზი, რომელსაც Galery, La Residence-ს ერქმევა. იმედი მაქვს, რომ ეს უნიკალური შენობა გახდება ხელოვნებისა და ისტორიის შერწყმის საინტერესო ნიმუში“.

პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე ორწლიანი პაუზის შემდეგ სამშობლოში 28 სექტემბერს დაბრუნდა.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„ის, რომ კოვიდი არ დაგემართებათ, – ეს არის ტყუილი! – ვაქცინაციის მთავარი მიზანია, კორონავირუსის…“

მიერ

ოქტომბერი 2, 2021

07/04/2021

ავტორი: ირინა დათაშვილი

პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე საქართველოში ვაქცინაციის შესახებ საუბრობს:

„ვაქცინაციის სპექტაკლი, რაც საქართველოში ხდება, – სხვა სიტყვას ამ პროცესს ვერ ვუწოდებ. მითიური, ყველასთვის გასაიდუმლოებული 82 ექსპერტის მიერ დაწერილი ვაქცინაციის გეგმა ფაქტიურად არის სადღეგრძელო.“

მისი თქმით, ჩინური ვაქცინა სანან არ მიიღებს ჯანმოსგან, ევროპის წამლის სააგენტოს, საფრანგეთისა და გერმანიის მთავრობის მიერ თანხმობას, გიორგი ფხაკაძე 24 საათი ილაპარაკებს, რომ ეს არის ნაგავი ვაქცინა! ვიცი, რასაც ვლაპარაკობ!

„ვაქცინაციის გეგმაში ბევრი ლაფსუსია, განსაკუთრებით გამოვყოფ ერთს. ჩაწერილია, რომ ვაქცინაციის პროცესში ძლიერი მარეგულირებლის გადაწყვეტილებას დაეყრდნობიან, არ არის მითითებული, რომელი ქვეყნის.
ვინ არის ძლიერი მარეგულირებელი – მოზამბიკი, ზიმბაბვე თუ კორუმპირებული უნგრეთი? ყველამ იცის, რომ უნგრეთმა ჩინური ვაქცინა იმიტომ აღიარა, რომ ამაში ფული აიღეს. არ შეიძლება, უნგრეთი ჩვენთვის მაგალითი იყოს!
საქართველოში ჩინური ვაქცინა ვინც შემოიტანეთ და იჩალიჩეთ, გგონიათ, არაფერს ვიტყვი?! გარდა იმისა, რომ რუსეთი „გვაწვება“ და ჩვენს დაჩოქებას ცდილობს, ახლა გინდათ, ჩინეთმაც დაგვაჩოქოს?!
გაფრთხილებთ! ჩინური ვაქცინა სანან არ მიიღებს ჯანმოსგან, ევროპის წამლის სააგენტოს, საფრანგეთისა და გერმანიის მთავრობის მიერ თანხმობას, გიორგი ფხაკაძე 24 საათი ილაპარაკებს, რომ ეს არის ნაგავი ვაქცინა! ვიცი, რასაც ვლაპარაკობ!
ვითომ პროვაქსერები რომ გამოდიან და გაურკვეველ განცხადებებს აკეთებენ საზოგადოებრივ ჯანდაცვასა და ვაქცინაციასთან დაკავშირებით, მათთან მაქვს შეკითხვა:
სანამ რამეს იტყოდეთ, მიპასუხეთ, გაქვთ განათლება ან ხარისცხი საზოგადოებრივი ჯანდაცვის სფეროში? იცით „გავი“ როგორ გამოიყურება? ვაქცინებზე გიმუშავიათ?
ღმერთმა ქნას, საქართელოში ჩამოტანილმა ორივე ჩინურმა ვაქცინამ გაამართლოს, – თუ ჯანმოს და ძლიერი მარეგულირებლები ამ ვაქცინებს აღიარებენ, ეს იქნება საქართველოსთვისაც შვება, ოღონდ სანამ ეს ვაქცინები აღიარებული არ იქნება, დაუშვებელია მათი გამოყენება.
ნუ ვიჩქარებთ. საქართველოში ვაქცინაციის პროცესში თუ რაიმე გასაფუჭებელი იყო, უკვე ყველაფერი გააფუჭეს და აწი მაინც ნუ ვიჩქარებთ!
არ დავიღლები განმეორებით, – დაავადებათა კონტროლის ეროვნული ცენტრი საქართველოში ყველაზე დიდი ანტივაქსერული ორგანიზაციაა. პიროვნულად არავის ვეხები. კორუფციულ გარიგებებთან დაკავშირებით არსებობს შესაბამისი ორგანოები, არასამთავრობო ორგანიზაციები, რომლებმაც ამ საკითხს უნდა მიხედონ;
დაავადებათა კონტროლის ეროვნული ცენტრი ადამიანებს უყურებს, როგორც ცხვრის ფარას. არ თვლიან საჭიროდ, ვაქცინაციისას მიუთითონ ვაქცინის ნომერი. მათ არ გააკეთეს საინფორმაციო კამპანია, არ ჩაუტარეს ექიმებს და სამედიცინო პერსონალს რეალური ტრენინგები და ა.შ. ვერ დაალაგეს სისტემა, ხალხს არ უსმენენ.
ვიმეორებ, აუცილებელია, ვაქცინაციის დანადასტურებელ საბუთში მიეთითოს ვაქცინის სერიული ნომერი, მომავალში რაიმე გართულების შემთხვევაში ინფორმაცია იოლად მოსაძიებელი რომ იყოს“, – ამბობს გიორგი ფხაკაძე.

მისივე თქმით, ქვეყანაში რემდესივირი რომ შემოიტანეს და ამდენი ფული გადაყარეს, ამაზე პასუხი ვინმეს მოეთხოვა?!

„შეგახსენებთ, „ასტრაზენეკას“ ვაქცინა როცა შემოვიდა, ორშაბათს საჯაროდ ვითხოვე, პარასკევამდე, სანამ მოკვლევა დამთავრდებოდა, შეეჩერებინათ. არ დამიჯერეს, ქვეყანაში მსხვერპლიც დადგა. ეს მსხვერპლი არ იყო ვაქცინის ბრალი, ეს ვაქცინაციის პროცესის არასწორი მართვის, არასწორი მენეჯმენტის შედეგი იყო.
ბევრი ლანძღვა მივიღე, მაგრამ არა უშავს. ჩემთვის მთავარი ადამიანის სიცოცხლეა. ერთი ადამიანიც რომ გადარჩეს, ეს უკვე ბედნიერებაა!
ამ ეტაპისთვის ცნობილია, „ფაიზერი“ არის ყველაზე ეფექტური ვაქცინა. უკვე არის კვლევები, მისი გამოყენება 12 წლის ასაკიდან დასაშვებია.
„ასტრაზენეკას“ ვაქცინასთან დაკავშირებით ვითარება ასეთია:
იყო არ იყენებს გერმანია – 60 წლის ქვევით, საფრანგეთი და კანადა – 55 წლის ქვევით, ჰოლანდიამ საერთოდ შეჩერა. აშშ-ს 170 მლნ დოზა აქვს საწყობში, მაგრამ არ იყენებს, რადგან არ არის აღიარებული.
ვერ გამაჩუმებთ, დღეში 15-ზე მეტი ნიუსი იბეჭდება ქართულ მედიაში, დღეში ორი ლაივი მაინც მაქვს. მეგობრებო, არ მიგატოვებთ, ყოველდღე მოგაწვდით ახალ ამბებს!
ვაქცინაციის მთავარი მიზანია, ვაქცინამ კორონავირუსის რთული ფორმებისგან და რეანიმაციისგან დაგიცვათ, თორემ ის, რომ კოვიდი არ დაგემართებათ, – ეს არის ტყუილი!
თქვენ უკვე თუ გქონდათ კოვიდი, მაშინ ხუთი თვის შემდეგ უნდა გაიკეთოთ ან „ასტრაზენეკას“ ან „ფაიზერის“ ვაქცინა (ასაკის მიხედვით) ერთი დოზა, ინფიცირებიდან თუ 6 თვეა გასული, მაშინ ორივე დოზის გაკეთება მოგიწევთ.
უწყვეტად მიმდინარეობს კვლევები, ინფორმაციები იცვლება. ეს არის ამ წუთას არსებული ინფორმაცია. როგორც კი რაიმე სიახლე იქნება, მაშინვე მოგაწვდით!
მე პასუხისმგებლიანი ხელისუფალი რომ ვყოფილიყავი, მოვიქცეოდი შემდეგნაირად:
60 წლის ზევით ასაკის ადამიანებისთვის „ასტრაზენეკას“ ვაქცინას გავაკეთებდი, 55 წლის ქცევით კი „ფაიზერს“. ასტრაზენეკაზე უფრო ბევრი შეკითხვებია. არ არის გამორიცხული, საერთოდ გააუქმონ. ვნახოთ, რას იტყვის ჯანმო, მართალია, შედეგი არის დიდ ბრიტანეთში, სიკვდილიანობის მაჩვენებელმა დაიწია, მაგრამ უკუჩვენებიც არის.
ნუ ჩამრევთ პოლიტიკაში, არ მაინტერესებს პოლიტიკა, შორს ვარ, ვარ თავისუფალი და მინდა, დავრჩე თავისუფალ და დამოუკიდებელ ადამიანად. გეუბნებით იმას, რაც არის სწორი ჩემი თვალსაზრისით და ინფორმაციით.
ადამიანები, რომლებიც ვაქცინებთან დაკავშირებით შეკითხვებს სვამენ, ხშირად ბულინგის მსცვერპლნი არიან. ეს არის დაუშვებელი, ადამიანებს უნდა ავუხსნათ, საუბარი, დიალოგი და ერთმანეთის მოსმენა უნდა ვისწავლოთ.
ვამბოდი და კიდევ ვამბობ, საქართველოში კორონავირუსის მესამე ტალთა, უკვე ორი კვირაა დაწყებულია.
საქართველოში, საუკეთესო დაცვის საშუალებაა სამედიცინო პირბადე 5 წლის ასაკიდან ზემოთ, 2-მეტრიანი დისტანცია და ხელების დაბანა, ნუ ივლით საზოგადოებრივი თავშეყრის ადგილებში, მოერიდეთ თავყრილობებს!
ნუ დაისტრესებით. სტრესი უფრო საშიშია, ვიდრე კოვიდი. იყავით პოზიტიურები!“ – განაცხადა გიორგი ფხაკაძემ.

საქართველოში კორონავირუსის საწინააღმდეგო ვაქცინაცია 15 მარტიდან დაიწყო. ვაქცინაციის პროცესი ამ ეტაპზე „ასტრაზენეკასა“ და „ფაიზერის“ ვაქცინით მიმდინარეობს. საქართველომ გასულ კვირას „სინოფარმის“ ვაქცინის 100 ათასი დოზა მიიღო.

18 მარტს, ახალციხის „იმედის“ კლინიკაში ექთანი მეგი ბაქრაძე „ასტრაზენეკას“ ვაქცინით აიცრა, რის შემდეგაც კომაში ჩავარდა. ექთანი იმავე დღეს თბილისის პირველ საუნივერსიტეტო კლინიკაში გადმოიყვანეს, რეანიმაციულ განყოფილებაში მკურნალობდნენ. 19 მარტს, წინასწარი მონაცემებით, ვაქცინაციის მძიმე გვერდითი მოვლენის, ანაფილაქსიური შოკის განვითარების გამო გარდაიცვალა.
ექთნის გარდაცვალების ზუსტ მიზეზს ლევან სამხარაულის სახელობის ექსპერტიზის ბიურო იკვლევს, მისთვის გაწეულ სამედიცინო დახმარებასთან დაკავშირებით რეგულირების სააგენტო მოკვლევას აწარმოებს.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Prof Pkhakadze shares good and bad news with public

მიერ

ოქტომბერი 2, 2021

14 December, 2021

Public Health Expert Prof Giorgi Pkhakadze says in his social media post that the effectiveness of two Pfizer vaccine doses has been reduced to 33%.

”The bad news is that the effectiveness of (protection they can provide) two Pfizer jabs has fallen to 33%, with South African and British studies showing this; however, the good news is that they cut the hospitalization risks to 70%.

Use medical face-masks now!

Whoever can afford is strongly advised against missing their third booster shots,” Dr Pkhakadze wrote.

Professor Giorgi Pkhakadze, MD, MPH, PhD #drpkhakadze #accreditationge #გიორგიფხაკაძე

Source: https://report.ge/en/society/prof-pkhakadze-shares-good-and-bad-news-with-public/

გიორგი ფხაკაძე საჩუქარს გვიმზადებს – საქართველოში ჯანდაცვის სისტემის რეფორმის ინიციატივით გამოდის

მიერ

ოქტომბერი 2, 2021

22 ნოემბერი, 2021

#drpkhakadze

„აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე საქართველოში ჯანდაცვის სისტემის რეფორმის ინიციატივით გამოდის.

გიორგი ფხაკაძე ჯანდაცვის რეფორმასთან დაკავშირებით ხვალისთვის გარკვეულ საჩუქარს გვიმზადებს.

„1 .პოლიტიკის ნაცვლად ჯანდაცვაზე ვილაპარაკოთ. ბოლო პერიოდის ამბებმა, ბატონი მიხეილ სააკაშვილის შიმშილობამ გვაჩვენა, რომ ჯანდაცვის სისტემაში დიდი გამოწვევა გვაქვს. გამოწვევაა ის, რომ ჯანდაცვის სისტემას რეფორმა სჭირდება.

2. გავიმეორებ, მე პოლიტიკოსი არ ვარ, პოლიტიკაში ვერავინ ჩამითრევს,

3. ციხის საავადმყოფოს მაგალითმა დაგვანახა, რომ ჯანდაცვის სისტემაში პრობლემებია. ჯანდაცვის სისტემას სჭირდება დიდი რეფორმა. თუ რევოლუციაზე ვლაპარაკობთ, რევოლუცია სწორედ ჯანდაცვის სისტემაშია გასაკეთებელი.

4. მდგომარეობა, რაც დღეს არის ჯანდაცვის სისტემაში, შეუძლებელია, ასე გაგრძელდეს. მიუღებელია, ადამიანს სჭირდებოდეს სამედიცინო სერვისი და ვერ იღებდეს. მხოლოდ სააკაშვილს კი არა, ნებისმიერ პატიმარს, რომელსაც ჯანმრთელობის პრობლემა აქვს, ადეკვატური სამედიცინო დახმარება უნდა გაეწიოს.

5. პატიმრის სამედიცინო მომსახურებაზე პასუხისმგებელია სახელმწიფო და მან ყველაფერი უნდა გააკეთოს, რესურსებიც უნდა დახარჯოს. მე რომ მკითხო, ციხის საავადმყოფო ქვეყანაში ერთ-ერთი საუკეთესო კლინიკა უნდა იყოს.

6. ბატონი სააკაშვილის საკითხთან დაკავშირებით.ამდენი კონსილიუმი რომ შეიკრიბა, იქნებ დაწერონ კარგი ანგარიში ციხის საავადმყოფოში არსებულ ჩავარდნებზე, თუ რა რეკომენდაციებს გაუწევენ სახელმწიფოს და ვითარების გამოსასწორებლად რა არის სასწრაფოდ გასაკეთებელი.

7. ამის შემდეგ კი სახელმწიფომ უნდა გამოყოს ბიუჯეტი და თანამედროვე სტანდარტების შესაბამისად გამართოს ციხის საავადმყოფო. მე რაც შემეძლება, დავეხმარები. ხომ შეიძლება, რაღაც პოზიტიური შედეგი მივიღოთ ამ შიმშილობის რეზონანსული საქმიდან. პოზიტივი იქნება ის, რომ მივხედოთ სახელმწიფო საავადმყოფოებს, კერძოებს ვერაფერს ვუხერხებთ.

8. გავაკეთოთ ისე, რომ მეორეჯერ ასეთი პრობლემის წინაშე არ დავდგეთ. ყველა პატიმარი პატიმარია, არა აქვს მნიშვნელობა, რა დააშავა. მათ უნდა მიეწოდოთ ხარისხიანი ჯანდაცვის სერვისები.

9. ისიც უნდა გვახსოვდეს, რომ ციხის საავადმყოფოში მუშაობა იოლი არ არის. იქ არიან მკვლელები, ქურდები, ბანდიტები, არასრულწოვნების გამაუპატიურებლები და ა.შ. ათას მძიმე დანაშაულში მსჯავრდებულნი, ასევე მცირე გადაცდომის მქონენიც. სხვადასხვა ტიპის ადამიანები არიან იქ და ექიმისთვის მათთან მუშაობა ძალიან რთულია. ჩემი აზრით, ამის გამო ციხის საავადმყოფოში მომუშავე მედპერსონალს ყველაზე მაღალი ხელფასები უნდა ჰქონდეს, საუკეთესო პირობები უნდა ჰქონდეთ ექიმებს და ექთნებს, რომ შეძლონ პაციენტებისთვის საუკეთესო სერვისის მიწოდება.

10. გავიმეორებ – ექიმისთვის მნიშვნელობა არა აქვს. ვინ არის პაციენტი. ექიმი უმკურნალებს და შემდეგ, საავადმყოდოს გარეთ უკვე სასამართლო და სხვა უწყებები მიხედავენ, ეს ექიმის საქმე არ არის.

11. ისევე, როგორც ჩემი საქმე არ არის, მე რომ მეკითხებიან, დააფიქსირეთ თქვენი პოზიცია სააკაშვილზეო. ჩემი პოზიცია ძალიან მარტივია – ბატონი მიხეილ სააკაშვილი პატიმარია. მე კი იურისტი არ ვარ, რომ ვთქვა, სწორია თუ არასწორია. ეს ჩემი საქმე არ არის. რაც შეეხება ჯანდაცვას, მარტო ბატონ მიხეილს კი არა, ყველა პატიმარს უნდა ჰქონდეს საუკეთესო ჯანდაცვა, ეს სახელმწიფოს ვალდებულებაა და თუ არ გვაქვს კარგი ჯანდაცვა, ამასაც უნდა მივხედოთ.

12 .საერთოდაც, ჯანდაცვაში ბევრი ჩავარდები გვაქვს. ადამიანს თუ აქვს რომელიმე მძიმე დაავადება, საქართველოდან სამკურნალოდ უცხოეთში მიდის, მაგალითად, თურქეთში, ევროპაში. რატომ? ხომ ჩვენი მოქალაქეა. ფული თუ არა აქვს, უნდა მოკვდეს?!

13. არის რაღაც პრინციპი, რაზეც საზოგადოება უნდა შევთანხმდეთ. რაღაცეები მოვიკლოთ, შეიძლება, ფასადების, ფანტანების ან სხვა პროექტების გაკეთებისგან თავი შევიკავოთ, მაგრამ გვქონდეს კონსენსუსი, რომ ადამიანის ჯანმრთელობა არის პრიორიტეტი. რაც არ უნდა მოხდეს, უნდა დავეხმაროთ ადამიანს. რისი მკურნალობაც საქართველოში შესაძლებელია, გავაძლიეროთ, რომელსაც ვერ ვმკურნალობთ, საზღვარგარეთ გავუშვათ.

14. ეს პრობლემებია მოსაგვარებელი, ჩვენი კი რაზე ვლაპარაკობთ? პოლიტიკა, ფული. ადამიანზე არავინ ლაპარაკობს.

15. ყველაფერი შესაძლებელია. როცა რაღაცის გულწრფელად გჯერა, ის მოხდება. ახლა სიახლეები მინდა გაგიზიაროთ.

16. უშუალოდ საქართველოსთვის რამდენიმე პროექტი წამოვიწყე. ერთ-ერთია სამედიცინო დაწესებულებების აკრედიტაცია, რომელიც გარკვეულ ცვლილებას განიცდის 2022 წლისთვის, ახალი სტანდარტები იქნება. მქონდა შეხვედრები ჯანდაცვის სამინისტროში, მინისტრს გავუზიარე ჩემი მოსაზრება. სამინისტროს გავაცანი გაწეული მუშაობა, ყველაფერი საჯაროა, რომელმა ორგანიზაციებმა მიიღო აკრედიტაცია, რა გეგმები გვაქვს. შევთავაზე, რომ არ მინდა არავის ფული, არც თანამდებობა, უანგაროდ დაგეხმარებით. რასაც თქვენ ვერ აკეთებთ, მე გაგიკეთებთ და როცა თქვენ გაძლიერდებით, გადაგაბარებთ და თქვენ გააგრძელეთ-მეთქი. ვნახოთ, პასუხს ველოდები, წერილი მიწერილია, შეხვედრა შედგა. რა ვიცი, ფიქრობენ. იმეედია, 2025 წლამდე არ მომიწევს ლოდინი.

17 .ჩემი მეორე პროექტია უწყვეტი სამედიცინო განათლება. ყოველი მეორე ადამიანი მწერს, რომ ჩვენი ჯანდაცვა არ ვარგა, რომ ჩვენი ექიმები არ არიან ისეთი დონის, როგორც უცხოეთში და ა.შ.. იცით რა?! თუ სპეციალისტი არ განვითარდა, თანამედროვე მიღწევებს თუ არ გაეცნო, თუ არ გაიარა უწყვეტი სამედიცინო განათლება, თუ არ აიღო კრედიტქულა, პროფესიულად როგორ გიზრდება?!

18. ამის გათვალისწინებით, საქართველოს ჯანდაცვის სამინისტროს შევთავაზე უწყვეტი სამედიცინო განათლების ალტერნატიული, მარტივი საშუალება, რომ მოხდეს აქცელერაცია და უწყვეტი სამედიცინო განათლების პროცესი დაჩქარდეს. დაახლოებით 500 სპეციალისტმა უკვე მიიღო ჩვენი კრედიტქულები.

19. მოგმართავთ, დავაჩქაროთ ეს პროცესი…ნუ გამოვეკიდებით რაღაც ილუზიებს, ამერიკული სტანდარტი და ა.შ.. რეალურად ზიმბაბვეს დონეზე არ გვაქვს ჯანდაცვა. შევთავაზე კონკრეტული პროექტი, კონკრეტული გზა და თან ვაკეთებ. გადაწყვეტილებას ვერ იღებენ, იმედია, მალე მიიღებენ.

20. მესამე ძალიან მაგარი პროექტის პრეზენტაცია იქნება ხვალ, ახლა ვაანონსებ. არიან ძალიან მაგარი ქართველი ახალგაზრდები, არის ძალიან მაგარი სტარტაპი, ონლაინ დამიკავშირდნენ, ვთანამშრომლობთ რამდენიმე თვეა. თბილისში ჩამოსვლისას შევხვდი. აქვთ ძალიან საინტერესო მოსაზრებები, გავაკეთე გარკვეული კორექტირება რაღაც-რაღაცეების.

21. ერთადერთი პირობა მქონდა, ვუთხარი, დაგეხმარებით, მაგრამ რაღაც კომპონენტი მინდა, იყოს უფასო, რომ ყველასთვის ხელმისაწვდომი იყოს. ეს ეხება ელექტრონულ ჯანდაცვას. ჯანდაცვაში სიტუაციის გამოსასწორებლად ქვეყნისთვის აუცილებელია ელექტრონული ჯანდაცვა. ეს არის ელექტრონული ჯანდაცვის პროექტი, დეტალებს ხვალ მოგიყვებით.

22. ეს არის ქართველების მიერ საქართველოში საქართველოსთვის გაკეთებული პროექტი. თქვენ იცით, რომ მე მაქვს საქართველოში არაერთი საავადმყოფოს მართვის გამოცდილება და ეს ყველაფერი გათვალისწინებული და ქართულ რეალობას მორგებულია.

23. შევაჯამოთ, საქართველოსთვის გავაკეთე სამი პროექტი:

1. სამედიცინო დაწესებულებების აკრედიტაცია;

2. უწყვეტი სამედიცინო განათლების ხელშეწყობა;

3. ელექტრონული ჯანდაცვა.

24. თქვენ ხვალ მიიღებთ ჩემგან მორიგ საჩუქარს ჯანდაცვის სფეროში. თუ ჩემი ორგანიზაციის აკრედიტაცია იყო სამედიცინო დაწესებულებებისთვის (სხვათა შორის, 4 საავადმყოფომ უკვე მიიღო), უწყვეტი სამედიცინო განათლების კრედიტქულები იყო სამედიცინო პერსონალისთვის, ეს ახალი ინიციატივა გეხებათ უშუალოდ თქვენ, ჩემს მაყურებლებს. თქვენ შეძლებთ ამის გადმოწერას და გამოყენებას. თქვენთვის იქნება უფასო და ასევე გავაკეთე, რომ კლინიკების ჩართულობის კომპონენტი ამ ნაწილში ყოფილიყო უფასო.

25. მეტი რა გავაკეთო ერთმა ადამიანმა. ჩვენ უნდა მივხედოთ ჩვენს ჯანმრთელობას და უნდა მივხედოთ ჩვენს ქვეყანას. ნეგატიური რაღაცეების გაკეთება ადვილია, ლანძღვა – ყველაზე იოლია, აი, საქმის გაკეთებაა რთული. საქმე გავაკეთოთ. ჯანმრთელობას გისურვებთ!”

—

Professor Giorgi Pkhakadze, MD, MPH, PhD