ჯანდაცვის სამინისტროს ინფორმაციით, რესპუბლიკური საავადმყოფოს თანამშრომლებზე კომპენსაციების გაცემა გრძელდება.
უწყებაში აცხადებენ, რომ კლინიკის 350-მდე თანამშრომელი სამინისტროს მიერ შეთავაზებული საკომპენსაციო პაკეტს დათანხმდა.
„რესპუბლიკური საავადმყოფოს თანამშრომლებთან კონსულტაციები გრძელდება. საზოგადოებისთვის ცნობილია, რომ რესპუბლიკურ საავადმყოფოში, ჯანდაცვის სამინისტროს წარმომადგენლებსა და კლინიკის თანამშრომლებს შორის, შეხვედრები, ყოველდღიურ რეჟიმში იმართება. თუმცა თანამშრომელთა გარკვეული ჯგუფი სამწუხაროდ უარს აცხადებს ნებისმიერი სახის კონსულტაციებსა თუ შეხვედრაზე.
საზოგადოების ინფორმირებისთვის განვმარტავთ, რომ რესპუბლიკური საავადმყოფოს თანამშრომლებზე კომპენსაციების გაცემა გრძელდება. კლინიკის 350-მდე სამედიცინო პერსონალმა და ადმინისტრაციის თანამშრომელმა სამინისტროს მიერ შეთავაზებული საკომპენსაციო პაკეტი უკვე აირჩია და შესაბამისი შეთანხმებით დაადასტურა.
სამედიცინო პერსონალის ნაწილი მუშაობას იმ კერძო სამედიცინო დაწესებულებაში აგრძელებს რომელიც ჯანდაცვის სამინისტროს ჩართულობით, რესპუბლიკური საავადმყოფოს სამედიცინო პერსონალს ალტერნატიულ დასაქმებას სთავაზობს. უწყებამ ამ მიმართულებით 10-ზე მეტ სამედიცინო დაწესებულებასთან გამართა მოლაპარაკებები.
მნიშვნელოვანია, რომ კლინიკაში დასაქმებული სამედიცინო პერსონალის უფლებები იქნება სრულად დაცული. რესპუბლიკური საავადმყოფოს თითოეული თანამშრომელი, უზრუნველყოფილი იქნება დასაქმების ალტერნატიული შეთავაზებით, თუ ღირსეული კომპენსაციით“, – აღნიშნულია უწყების მიერ გავრცელებულ განცხადებაში.
რა არის ერგონომიკული დიზაინი?
სამუშაო ადგილის შექმნისას, საჭიროა სამუშაო გარემოს კორექტირება ადამიანის ინდივიდუალური თვისებების და სხეულის შესაძლებლობების გათვალისწინებით. ადამიანი არ უნდა ცდილობდეს, მოერგოს სამუშაო გარემოს, არამედ გარემო უნდა იყოს მისთვის შერჩეული.
კორექტირების შეტანა შესაძლებელია ერგონომიკული დიზაინის დახმარებით, ანუ სამუშაო ადგილის სწორი დაგეგმარებით.
საოფისე აღჭურვილობის შერჩევისას, გასათვალისწინებელია შემდეგი:
#datashvil #drpkhakadze #sheniganatleba #sheniambebi #sheniekimi
ახლესი კვლევების შედეგად, გაიზარდა იმ ქიმიური ნივთიერებების სია, რომელიც ბავშვის ტვინის განვითარებაზე ახდენს მავნე ზეგავლენას.
„The Lancet Neurology-ის” მკვლევარებმა 2006 წელს გამოაქვეყნეს 5 ნეიროტოქსინის სია, რომელთაც შეუძლიათ იმოქმედოს ყველაფერზე, კოგნიტიური ფუნქციის დაზიანებით დაწყებული, ყურადღების კონცენტრაციით დამთავრებული. ახლახან სია განახლდა და მას მკვლევარებმა 6 ახალი ნივთიერება დაამატეს.
„ნეიროგანვითარების ფუნქციების დარღვევები (აუტიზმი, ყურადღების დეფიციტისა და ჰიპერაქტივობის სინდრომი (ADHD), კითხვის უუნარობა) ბავშვების დაახლეოებით 10-15%-ში ფიქსირფდება. ამ დარღვევებიდან მხოლოდ 30-40%-ია გენეტიკური, დანარჩენი კი გარემოს ბრალია. ზუსტი მიზეზების დასახელება, ამ ეტაპზე, ძალიან რთულია, თუმცა მკვლევარები განსაკუთრებულად სწორედ ამ 11 ნეიროტოქსინისგან თავის დაცვისკენ მოგვიწოდებენ:
ტყვია, ამ თვალსაზრისით, ერთ-ერთი ყველაზე კარგად გამოკვლეული ქიმიური ელემენტია, რომელიც პირდაპირ კავშირშია ნეიროგანვითარების ფუნქციების ისეთ დარღვევებთან, როგორიცაა, მაგალითად, დაბალი IQ (ინტელექტუალური განვითარების კოეფიციენტი)“, – აღნიშნავენ ვლევის ავტორები.
აი ის 5 ნივთიერება, რომლებიც ყველაზე მეტად მოქმედებს ბავშვების ტვინზე:
წყარო: Harvard business review
#datashvil #drpkhakadze #sheniganatleba #sheniambebi #sheniekimi
გადაცემა „დილა მშვიდობისა საქართველო”
„არსებობს მოდიფიცირებადიდა არამოდიფიცირებადი ფაქტორები. მოდიფიცირებადი არის, რომ ჩვენ შეიძლება, ზეგავლენა მოვახდინოთ დაბერების პროცესის გადავადებაზე და არამოდიფიცირებადი ფაქტორია, რომ ყველა ვართ ცოცხალი ორგანიზმები და დაბერების პროცესს ვერაფერს ვერ ვუზამთ. ეგვიძლია, დაბერების პროცესი გადავავადოთ.
ორგანიზმი შედგება უჯრედებისგან. ორგანოებიც უჯრედებით არის ამოფენილი. მათ აქვს გამრავლების უნარი, თუმცა ლიმიტირებული. ეს დამოკიდებულია გენებზე. უჯრედებს როდესაც აღარ აქვთ გამრავლების უნარი, იზრდებიან ზომაში და კვდებიან. 30 წლის ასაკის შემდგომ უჯრედები იწყებენ გამრავლების უნარის დაკარგვას. ორგანოები, რომლებიც ამოფენილია ამ უჯრედებით, ფუნქციონირებას ანელებენ, ნაკლებად კარგად მუშაობენ ორგანოზები – ამას ჰქვია ორგანოთა დაბერება. ეს პროცესიც იწყება 30 წლის ასაკიდან. მოდიფიცირებადი ფაქტორები, რაც ამას ხელს უწყობს, გახლავთ ცხოვრების არასწორი წესი.
დაბერების პროცესთან ერთად, ადამიანი გარკვეული კუთხით ვიზუალურ ცვლილებებს განიცდის. ეს აისახება ძვალ-სახსროვან სისტემაზე. ისიც უჯრედებით არის ამოფენილი, ძვლები სიმკვრივეს კარგავს და ზომაში პატარავდება. ეს განსაკუთრებულად შეიმჩნევა ქალებში მენოპაუზის შემდგომ. ამ დროს ფიქსირდება სიმაღლეში კლება, 3-5 სმ-ით. ხერხემლის სვეტის ცვლილებების გამო ხდება ეს. მალებს შორის არსებული ქსოვილი, რომელიც სითხით არის გაჯერებული და, ასაკის მატებასთან ერთად, ხდება ამ სითხისგან განლევა.
დაბერების პროცესის გადასავადებად აუცილებელია ფიზიკური აქტივობა, სწორი და ბალანსირებული კვება.“
#datashvil #drpkhakadze #sheniganatleba #sheniambebi #sheniekimi
#datashvil #drpkhakadze #sheniganatleba #sheniambebi #sheniekimi
#datashvil #drpkhakadze #sheniganatleba #sheniambebi #sheniekimi
პირველი ფიტნეს აკადემია არის საგანმანათლებლო დაწესებულება პროფესიული მომზადებისა და გადამზადების მიმართულებით. ეს არის პირველი აკადემია საქართველოში, რომელმაც მოიპოვა განათლების სამინისტროს აღიარება და გასცემს სახელმწიფოს მიერ აღიარებულ სერტიფიკატს. ასევე ევროპულ ფიტნეს აკადემიასთან პარტნიორობით შესაძლებელი გახდა, საქართველოში საერთასორისო სერტიფიკატის აღება.
მომხმარებლებს ვთავაზობთ კვალიფიციურ ფიტნეს მწვრთნელებს და უსაფრთხო ვარჯიშს.
ჩვენი მიზანია, როდესაც ადამიანი გადაწყვეტს ვარჯიშის დაწყებას, მაქსიმალურად მივაწოდოთ ინფორმაცია იმის შესახებ, თუ როგორ დაიწყოს ვარჯიში. ჩვენს პროფესიულ ენაზე ამას ვუწოდებთ “ნულოვან ადაპტაციას“, როცა ადამიანს აქამდე არ ჰქონია ფიზიკური აქტივობების გამოცდილება. ამ შემთხვევაში ვარჯიშის ყველა პროგრამა უნდა იყოს შედგენილი იმ დეტალების გათვალისწინებით, რაც ზემოთ ჩამოვთვალეთ. თუ ადამიანს აქამდე არ უვარჯიშია, მან უნდა გაითვალისწინოს რამდენიმე მნიშვნელოვანი პუნქტი:
1. უმჯობესი იქნება, თუ აიყვანს კვალიფიციურ, კომპეტენტურ მწვრთნელს, რომელიც მას დაეხმარება საწყის ეტაპზე სწორი პროგრამის შერჩევაში და მოძრაობების ტექნიკურ დეტალებში გარკვევაში.
2. თუ თქვენ გადაწყვიტეთ დამოუკიდებლად ვარჯიში, გაითვალისწინეთ: დატვირთვა უნდა იყოს ადეკვატური და თანდათანობით იზრდებოდეს. არ არის საჭირო ეგრევე საბაზისო მოძრაობებზე გადასვლა, თანაც – წონებით. მიეცით ორგანიზმს და მის კუნთოვან სისტემას საშუალება, რომ ის დაუკავშირდეს ნერვულ სისტემას და ჩამოაყალიბოს ახალი ნეირონული კავშირები იმისათვის, რომ გამოგიმუშავდეთ მოძრაობის სწორი ბიომექანიკა. მოამზადეთ კუნთები ფიზიკური სტრესისათვის და ეს გააკეთეთ იზოლირებული მოძრაობებით. მხოლოდ ამის შემდეგ შეგიძლიათ გადახვიდეთ საბაზისო ვარჯიშებზე და ნელ-ნელა გაზარდოთ დამატებითი წონები.
როგორ აისახება ვარჯიში ჯანმრთელობაზე?
მჯდომარე (ჰიპოდინამიური) ცხოვრების წესი: ჯანდაცვის მსოფლიო ორგანიზაციის (WHO) კვლევის თანახმად, მსოფლიოში ზრდასრული მოსახლეობის 25%-ზე მეტი არ იღებს საკმარის ფიზიკურ დატვირთვას. ეს გამოწვეულია იმით, რომ ადამიანები უფრო მეტ დროს ატარებენ მჯდომარე მდგომარეობაში, მუშაობენ კომპიუტერთან, იყენებენ მობილურ მოწყობილობებს და მოიხმარენ გასართობ კონტენტს.
გაცხიმოვნების რისკი: ჟურნალ “The Lancet“-ში გამოქვეყნებული კვლევის თანახმად, 1975-2016 წლებში მსოფლიოში ჭარბწონიანი მოზრდილი ადამიანების რაოდენობა 3-ჯერ გაიზარდა და 1,9 მილიარდს მიაღწია. მჯდომარე ცხოვრების წესი და ფიზიკური აქტივობის ნაკლებობა ამ საგანგაშო ზრდის ხელშემწყობ ფაქტორებს შორისაა.ფიზიკური აქტივობა დადებითად აისახება ადამიანის ორგანიზმის ყველა სისტემაზე. განსაკუთრებით, როცა ფიზიკური აქტივობა არის სისტემატური. ერთადერთი ეფექტური საშუალება ადინამიური ცხოვრების წესთან ბრძოლაში არის ფიზიკური აქტივობა, სეირნობა, ვარჯიში ღია ცის ქვეშ თუ სახლში, ფიტნეს კლუბში თუ ველოსიპედის ტარება.
ჯანმრთელობის პრობლემები: ჯანდაცვის მსოფლიო ორგანიზაციის მიერ ჩატარებული კვლევის თანახმად, 1 მილიარდზე მეტ ზრდასრულ ადამიანს აქვს გულსისხლძარღვთა დაავადებების, დიაბეტის, კიბოსა და სხვა ქრონიკულ დაავადებათა განვითარების რისკი არასაკმარისი ფიზიკური დატვირთვის გამო.
გაზრდილი სტრესი: ციფრულ მოწყობილობებსა და სოციალურ მედიასთან მუდმივმა კავშირმა, შეიძლება, გამოიწვიოს სტრესის მომატება და ფსიქოლოგიური პრობლემები. კვლევები აჩვენებს, რომ ვირტუალურ სივრცეში გატარებულმა ხანგრძლივმა დრომ შეიძლება იმოქმედოს ძილზე, თვითშეფასებასა და გონებრივ სიჯანსაღეზე.
რა ვარჯიშები არსებობს ბავშვების, მოზარდებისა და ზრდასრულებისთვის
ბავშვებისა და მოზარდებისათვის, ასაკიდან გამომდინარე, შეირჩევა სპორტული აქტივობები.
8 წლის ბავშვისათვის ფიტნეს დარბაზში სპორტულ დანადგარებთან მუშაობა არ არის მიზანშეწონილი. განსაკუთრებით, თუ საუბარი გვაქვს დამატებითი წონით მუშაობაზე. ამ ასაკის ბავშვებს უფრო ფუნქციური და საერთო განმავითარებელი ვარჯიში სჭირდებათ.
მოზარდის შემთხვევაში შესაძლებელია სპორტული დანადგარებისა და თავისუფალი წონების გამოყენება, იმ ფაქტორების გათვალისწინებით, რომ მოზარდმა ჯერ არ დაასრულა ზრდა და მისთვის არ შეიძლება მაღალი ინტენსივობისა და მოცულობის ვარჯიშები. არ უნდა დაირღვეს აღდგენის მექანიზმები და კორტიზოლის დონე, ასევე მნიშვნელოვანია, რომ არ გადავღალოთ ენდოკრინული ჯირკვლები. მნიშვნელოვანია გვახსოვდეს, რომ ბავშვებსა და მოზარდებს მაღალი წონებით შესრულებულმა ვარჯიშებმა შეიძლება დაუზიანოს ეპიფიზური ფირფიტები, რაც, სავარაუდოდ, გამოიწვევს ბავშვისა და მოზარდის სიმაღლეში ზრდის შეფერხებას. აუცილებელია, რომ ბავშვები იყვნენ აქტიურები, მაგრამ ეს აქტიურობა არ უნდა ვნებდეს მათ.
როგორ შევარჩიოთ ფიტნეს დარბაზი
თბილისში ახლა ბევრი დარბაზია, ყველა მათგანს აქვს თავისი დადებითი და უარყოფითი მხარეები. თუმცა, არჩევანი საკმაოდ დიდია.
დარბაზი უნდა შეირჩეს თქვენს მიერ დასახული მიზნებიდან გამომდინარე. პირობითად, თუ გსურთ კრივი, კროსფიტი ან ფუნქციური ვარჯიში, უნდა მიხვიდეთ დარბაზში, სადაც იქნება ეს მიმართულებები. როგორც წესი, კლასიკური ფიტნეს დარბაზები ამ მიმართულებებს მაღალი ხარისხით ვერ აწვდიან მომხმარებელს, რადგან მათ ცალკე კვალიფიკაციის მწვრთნელი სჭირდება, რაც დღეს პრობლემას წარმოადგენს.
ბოლო დროს მომხმარებელი იწყებს არა დარბაზის შერჩევით, არამედ ის თავიდან ეძებს კარგ მწვრთნელს და ამის შემდეგ უკვე აინტერესებს დარბაზი. ვინც დამოუკიდებლად ვარჯიშობს, ისინი დარბაზს რამდენიმე კრიტერიუმით ირჩევენ, ესენია:
1. ლოკაცია;
2. აქტუალურობა (რამდენად პოპულარულია დარბაზი);
3. სერვისი (მომსახურების ხარისხი).
პერსონალის შესახებ ინფორმაცია:
პირველი ფიტნეს აკადემიის ლექტორები არიან მაღალი კვალიფიკაციის სპეციალისტები, ექიმი-რეაბილიტოლოგები, სპორტის უნივერსიტეტის ლექტორები, დარგის სპეციალისტები, ფიტნეს ექსპერტები და სპორტული ნუტრიციოლოგიის სპეციალისტები.
როგორ შევარჩიოთ კვალიფიციური, თანამედროვე ფიტნეს ინსტრუქტორი, რომელიც აკმაყოფილებს საერთაშორისო სტანდარტებს?
ამ ეტაპზე ფიტნეს ინსტრუქტორის შერჩევა საკმაოდ რთული საკითხია, რადგანაც საქართველოში ეს პროფესია არ არის რეგულირებადი, შესაბამისად, დამსაქმებლის მოთხოვნები დასაქმებულის მიმართ, როგორც კადრების შერჩევის კრიტერიუმები, არის ზედაპირული:
1. ვიზუალი;
2. სოცქსელებში აქტუალურობა;
3. კომუნიკაბელურობა.
დარბაზების თითქმის 90% არ ითხოვს კომპეტენციის რაიმე დამადასტურებელ ტესტირებას ან დოკუმენტის წარდგენას, რაც ბევრისათვის დასაქმების შესაძლებლობას ამარტივებს, შესაბამისად, რთულია მომხმარებლისათვის ამოცნობა, თუ რამდენად კომპეტენტურია მის მიერ დაქირავებული პერსონალურ მწვრთნელი. პირველი, რაც უნდა გაარკვიოთ კომპანიასთან, რომელიც პერსონალური მწვრთნელის სერვისს გთავაზობთ, არის ის, – აქვს თუ არა ამ მწვრთნელს მისი კომპეტენციის დამადასტურებელი საბუთი. ეს საბუთი უნდა იყოს გაცემული საგანმანათლებლო დაწესებულების სტატუსის მქონე ორგანიზაციის და არა ფედერაციის ან კერძო ტრენინგცენტრის მიერ. ამ ეტაპზე მწვრთნელების შერჩევა ძირითადად ხდება რეკომენდაციების მიხედვით. თუ მომხმარებელი მწვრთნელით კმაყოფილია, ის მას რეკომენდაციას უწევს სხვა მომხმარებელთან.
ამ ეტაპზე მხოლოდ ერთი აკადემია არსებობს საქართველოში, რომელმაც გაიარა განათლების სამინისტროს აკრედიტაცია და გასცემს სახელმწიფოს მიერ აღიარებულ სერტიფიკატებს. ეს არის “პირველი ფიტნეს აკადემია.
#datashvil #drpkhakadze #sheniganatleba #sheniambebi #sheniekimi
#აქტიური #აქტიურისხეულიაქტიურიგონება #activebodyactivemind
ბავშვებისთვის ფეხშიშველი სიარული საუკეთესო რამ არის, რადგან ამ დროს ტერფი ოპტიმალურად სტიმულირება, რაც საბოლოო ჯამში თავის ტვინს ავარჯიშებს და უბიძგებს, რომ მან სასიარულოდ სწორი და ბუნებრივი იმპულსები გამოსცეს.
ექიმმა, გიორგი ღოღობერიძემ გადაცემაში – “მთავარი დიაგნოზი” ისიაუბრა, რატომ არის ბავშვისთვის სახლში ფეხშიშველი სიარული სასარგებლო და რა გავლენას ახდენს ეს ფაქტი მის იმუნურ სისტემასა და ჯანმრთელობაზე:
„რამდენად მართალია ის ფაქტი, – თუ ბავშვს ფეხზე ჩააცმევთ, ეს მას უფრო წაადგება, ხოლო ფეხშიშველი სიარული ზიანს მოუტანს? ეს არის აბსოლუტური სიცრუე. პირიქით, ბავშვისთვის უკეთესია, ფეხზე რომ არ ეცვას და სახლში, პირველი ნაბიჯებით დაწყებული, მომდევნოთი დამთავრებული, ფეხშიშველმა იაროს.
2018 წელს გერმანელი და აფრიკელი ბავშვების განვითარების ინდექსები შეადარეს. გერმანიაში, სადაც ბავშვებს ფეხსაცმელები ეცვათ და ასე ვითარდებოდნენ და აფრიკაში, სადაც ბავშვებს არ ჰქონდათ ფეხსაცმელი, წარმატების მიღწევის შანსი ერთნაირი არ ყოფილა. აფრიკელი ბავშვების იმუნური სისტემა უფრო მაღალი იყო, ვიდრე გერმანელების. თუ თქვენ ბავშვს მუდმივად აიძულებთ, რომ ფეხზე ჩაიცვას, ის ფეხსაცმელი რიგიდულია და ტერფს რეცეპტორების განვითარების შესაძლებლობას არ აძლევს. ტერფში რეცეპტორების რაოდენობა დაახლოებით 7 ათასს აღწევს“.
მისი თქმით, როცა ბავშვს ფეხსაცმელი აცვია, 7 ათასიდან მხოლოდ ათასი მოქმედებს.
„როცა ბავშვს ფეხსაცმელი აცვია, 7 ათასიდან მხოლოდ ათასი მოქმედებს. ეს იმას ნიშნავს, რომ დანარჩენი 6 ათასი უბრალოდ იძინებს. ჯობს, ბავშვს არ ეცვას ფეხსაცმელი და მივცეთ შესაძლებლობა, რომ სწორედ ის 7 ათასი რეცეპტორი განავითაროს, რადგანაც ისინი იატაკიდან, ზედაპირიდან მიღებულ ინფორმაციას თავის ტვინს გადასცემენ. ამ შემთხვევაში თავის ტვინის ყოველი ნეირონი ვითარდება. ასეთ ბავშვებს ძალიან მყარი, ბალანსირებული სისტემა, კოორდინაციის უნარი აქვთ. მარტივი ბიძგებით არ წაიქცევიან. როდესაც ფეხსაცმელი აცვია, მისი ტერფი ისვენებს და ასეთი ბავშვებისთვის ტრავმების სიხშირე მეტი იქნება.“, – ამბობს გიორგი ღოღობერიძე.
მისივე თქმით, როცა ბავშვს ფეხზე არ აცვია, მისი ტერფი უფრო განიერია.
„როცა ბავშვს ფეხზე არ აცვია, მისი ტერფი უფრო განიერია. თუ ტერფი განიერი იქნება, უფრო დიდი ზედაპირის ფართობი ექნება და წონას უფრო კარგად დააბალანსებს და მისი ხერხემალი, მენჯ-ბარძაყი, ჩონჩხოვანი სისტემა კარგად განვითარდება და უფრო მეტად დაცული იქნება.
ამბობენ, თუ ბავშვმა ფეხშიშველმა გაიარა, რაღაც ინფექციები დაემართება. როგორ შეიძლება ბავშვს ფეხშიშველი სიარულით ფილტვების ანთება დაემართოს? ფილტვების ანთებას მიკოპლაზმა, ვირუსები, სტრეპტოკოკი იწვევს, მაგრამ ამ ინფექციების გავრცელების გზა სასუნთქი სისტემიდანაა და არა ტერფიდან. ტერფზე კანის სისქე თითქმის 1 სანტიმეტრს აღწევს, ან შეიძლება მეტიც კი იყოს. ამიტომ, ამ სისქის კანის გავლა ბაქტერიისთვის, ვირუსისა და სოკოსთვის წარმოუდგენლად რთულია. პირიქით, როცა ბავშვს ფეხსაცმელი აცვია და მას დიდი ხნის განმავლობაში არ იხდის, ის დახუთული სივრცე, რაც ფეხსაცმელში იქმნება და ოფლი, სოკოს, ბაქტერიების განვითარებას ხელს უწყობს.
ასე, რომ როცა ბავშვი ფეხშიშველია, ეს მისი ჯანმრთელობისათვის უკეთესია, უფრო მომგებიანია როგორც იმუნური სისტემისთვის, ასევე საყრდენ-მამოძრავებელი, ნერვული სისტემისთვის. ამ დროს აბსოლუტურად ყველაფერი ვითარდება, დაწყებული უშუალოდ ტერფიდან, დამთავრებული თავის, ზურგის ტვინით, ხერხემლით. ჩვენ ხომ ტროპიკულ ქვეყნებში არ ვცხოვრობთ, სადაც კანის სხვადასხვა დაავადებაა გავრცელებული. აქ მსგავსი ინფექციები არ გვხვდება, რაც იმას ნიშნავს, რომ სახლში ფეხშიშველი მოძრაობა ბავშვისთვის აბსოლუტურად უსაფრთხოა. უსაფრთხოა არა მარტო სახლში, ასევე გარეთაც. მაგრამ, ყურადღებით უნდა ვიყოთ. თუ ბავშვი ფეხშიშველი გარეთ გადის, ამ შემთხვევაში უნდა დავაკვირდეთ, რომ სადმე მინის ნამსხვრევები არ იყოს და ფეხი არ გაიჭრას. გარდა ამისა, მზისგან დამცავი კრემი უნდა გამოვიყენოთ და ზედაპირის ტემპერატურას მივაქციოთ ყურადღება.
ფეხშიშველი სიარული იმუნურ, საყრდენ-მამოძრავებელ და ნერვულ სისტემას განავითარებს“, – აღნიშნა გიორგი ღოღობერიძემ.
#datashvil #drpkhakadze #sheniganatleba #sheniambebi #sheniekimi
© SheniEkimi.ge
