სიცოცხლისთვის საშიში ელექტროსიგარეტი – “ვეიპი” გულის დაავადებების რისკს ზრდის – ახალი კვლევა.
ელექტროსიგარეტი გულის დაავადებების რისკს ზრდის. კვლევის შედეგები ცნობილია.
კარდიოლოგები და მეცნიერები ოთხი წლის განმავლობაში იკვლევდნენ ე.წ. ვეიპის გავლენას ადამიანის ჯანმრთელობაზე.
არსებობდა მოსაზრება, რომ ვეიპები სიგარეტის უკეთესი ალტერნატივაა, თუმცა დაკვირვებამ აჩვენა, რომ ელექტროსიგარეტის მომხმარებლებს 19%-ით უფრო ხშირად აწუხებთ გულის უკმარისობა, ვიდრე არამწეველებს.
ჯანდაცვის მსოფლიო ორგანიზაციის ინფორმაციით, ყოველწლიურად 8 მილიონი ადამიანი იღუპება მოწევისგან, ამიტომ უამრავი ადამიანი ამბობს უარს ტრადიციულ თამბაქოზე და ელექტრონულ სიგარეტზე გადადის, თუმცა აღმოჩნდა, რომ უსაფრთხო არც ეს არის.
ვაიომინგის უნივერსიტეტში მომუშავე მეცნიერებმა, კოლეგებთან ერთად, ლაბორატორიული ექსპერიმენტისას ტარდიგრადების, იგივე წყლის დათვების, ცილები ადამიანის უჯრედებში შეიტანეს, რამაც იქ მოლეკულური პროცესები შეანელა. ეს ნიშნავს, რომ ამ გასაოცარი მიკროსკოპული არსებების ცილების გამოყენება დაბერების პროცესთან შესაწინააღმდეგებლად და უჯრედების ხანგრძლივად შესანახად შეგვიძლია.
ტარდიგრადები, რომელთა ზომაც ნახევარ მილიმეტრზე ნაკლებია, გამძლეობით გამოირჩევიან, რადგან უკიდურესად მკაცრ პირობებში გადარჩენას ახერხებენ. ისინი ასეთ გარემოში ცხოველქმედებას დროებით აჩერებენ, შემდეგ კი ისევ ჩვეულ მდგომარეობას უბრუნდებიან, რასაც ბიოსტაზი ეწოდება.
მაგალითად, წყლის დათვებს შეუძლიათ, რომ გადაურჩენ სრულად გამოშრობას, აბსოლუტურ 0-თან ახლო ტემპერატურაზე გაყინვასა და 148 გრადუს ცელსიუსზე მეტ ტემპერატურაზე გაცხელებას. ასევე, იმაზე ათასობით ძლიერ რადიაციულ დასხივებას, ვიდრე ადამიანი იტანს და კოსმოსურ ვაკუუმში ყოფნასაც კი.
ბიოსტაზის მდგომარეობის მისაღწევად ისინი სწორედ CAHS D-ის სახელით ცნობილ ცილებს იყენებენ, რომლებიც უჯრედებში ერთგვარ გელს წარმოქმნის. შედეგად, სასიცოცხლო პროცესები ნელდება.
“როდესაც ეს ცილები ადამიანის უჯრედებში შევიტანეთ, ისინი გელად გარდაიქმნა და მეტაბოლიზმი ზუსტად ისე შეანელა, როგორც ტარდიგრადებში. მათ მსგავსად, თუ ადამიანის უჯრედებსაც ბიოსტაზის მდგომარეობაში გადაიყვან, სტრესის მიმართ ისინიც მეტად გამძლე გახდება და წყლის დათვების ზოგიერთ უნარს მიიღებს”, — აცხადებენ ავტორები.
რაც ძალიან მნიშვნელოვანია, ბიოსტაზის მაპროვოცირებელი სტრესის ფაქტორის მოხსნისას გელად გარდაქმნილი ცილები იშლება და ადამიანის უჯრედებში ისევ ნორმალური მეტაბოლიზმი გრძელდება. ეს ნიშნავს, რომ ზემოხსენებული პროცესი შექცევადია, როგორც ამ არსებებში.
“ჩვენი შედეგები გზას უხსნის ისეთ ტექნოლოგიებს, რომლებიც უჯრედების ან მთლიანი ორგანიზმების ბიოსტაზში გადაყვანაზეა კონცენტრირებული, რათა დაბერება შეანელოს და [მედიკამენტების] სტაბილურობა გაზარდოს ან [უჯრედების] შენახვა გააუმჯობესოს”, — ამბობენ სპეციალისტები.
მათმა წინა კვლევამ აჩვენა, რომ წყლის დათვების ბუნებრივი და მოდიფიცირებული ცილების გამოყენება ჰემოფილიისა თუ სხვა დაავადებების სამკურნალო პრეპარატების სტაბილურობის უზრუნველსაყოფად შეგვიძლია ისე, რომ მათი გაყინვა აღარ იყოს საჭირო.
ახალი ნაშრომი გამოცემაში Protein Science გამოქვეყნდა.
„რა წამსაც გაფორმდება ახალი ნორმატივები, იმ ონკოპაციენტებს, რომლებსაც უკვე ამოწურული ჰქონდათ 25 000 ლარიანი ლიმიტი, ახალი რეჟიმით ექნებათ ამ ლიმიტით სარგებლობის შესაძლებლობა“, – ამის შესახებ ჯანდაცვის მინისტრმა მიხეილ სარჯველაძემ „ქრონიკაში“ განაცხადა.
„არის გარკვეული რაოდენობა ონკოპაციენტებისა, რომელთაც უკვე ამოწურული ჰქონდათ ეს 25 000-ლარიანი ლიმიტი და შესაბამისად, ჰქონდათ ეს პრობლემა. მათთან მიმართებაშიც გავრცელდება ახლად მიღებული გადაწყვეტილება. ეს ნიშნავს იმას, რომ რა წამსაც გაფორმდება ეს გადაწყვეტილება, ამ პაციენტებს ახალი რეჟიმით ექნებათ სარგებლობის შესაძლებლობა და ის, რომ ამ ნორმატიული აქტის მიღებამდე ამოეწურათ ლიმიტი, არ ნიშნავს, რომ მათ რაიმე დაბრკოლება ან წინაღობა შეექმნებათ ამ მინიჭებული შესაძლებლობით სარგებლობაში“,- აღნიშნა სარჯველაძემ.
ჯანდაცვის სამინისტროს გადაწყვეტილებით, საყოველთაო ჯანდაცვის პროგრამის ფარგლებში ქიმიოთერაპიასთან, ჰორმონოთერაპიასთან და იმუნოთერაპიასთან დაკავშირებული მედიკამენტები, რომელიც ონკოლოგიური დიაგნოზის მქონე პაციენტებისთვისაა საჭირო, სრულად დაფინანსდება.
საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ 5 აპრილს გამართულ ბრიფინგზე განაცხდა: „მივიღეთ გადაწყვეტილება, რომ 25 ათასლარიანი ლიმიტის კალკულაციიდან ცალკე იქნება გამოტანილი ონკოლოგიური მედიკამენტები, რომელიც გათვალისწინებულია შესაბამისი სახელმწიფო პროგრამით“.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, ჯანმრთელობის მსოფლიო დღესთან დაკავშირებით, საოკუპაციო ხაზთან, ახლად გახსნილ სოფლის ამბულატორიაში იმყოფებოდა.
უწყების ხელმძღვანელი, საოკუპაციო გამყოფი ხაზთან მცხოვრები მოსახლეობის საჭიროებებს გაეცნო, სამედიცინო პერსონალს გაწეული საქმიანობისთვის მადლობა გადაუხადა და ჯანმრთელობის მსოფლიო დღე მიულოცა. მიხეილ სარჯველაძის განცხადებით, განსაკუთრებით მნიშვნელოვანია, საოკუპაციო ხაზთან მცხოვრები მოსახლეობის საჭიროებების სრულად დაკმაყოფილება.
ერგნეთის ამბულატორია, ადგილობრივ მოსახლეობას პირველადი ჯანდაცვის სამედიცინო მომსახურებას უწევს. სამედიცინო დაწესებულება კვალიფიციური პერსონალითაა დაკომპლექტებული.
სოფლის ამბულატორია ერგნეთის 300-მდე მცხოვრებს, იმუნიზაციას, კიბოს სკრინინგსა და სხვა სამედიცინო სერვისს სთავაზობს.
საქართველოს მასშტაბით, სულ 1004 სოფლის ამბულატორიაა, საიდანაც 34 ე.წ. საზღვრისპირასაა.
7 აპრილს ჯანმრთელობის მსოფლიო დღე აღინიშნება, რომელიც ჯანმრთელობის შესახებ ცნობიერების ამაღლებას ისახავს მიზნად.
მოსახლეობის ჯანმრთელობის დაცვა და სამედიცინო სერვისებზე ხელმისაწვდომობის გაზრდა სახელმწიფოს პრიორიტეტია.სახელმწიფოს მიერ დაფინანსებული სქემებით მოცულია მოსახლეობის უდიდესი ნაწილი.
საყოველთაო ჯანდაცვის პროგრამით ფინანსდება, როგორც გეგმური, ისე გადაუდებელი სამედიცინო მომსახურებები, ოჯახის ექიმის და ექიმ-სპეციალისტების მომსახურება, ქრონიკული დაავადებების სამკურნალო მედიკამენტები, ქირურგიული მომსახურებები და სხვა;
საყოველთაო ჯანდაცვის პროგრამის ფარგლებში, ონკოლოგიური დაავადებების მკურნალობა, თითოეული ბენეფიციარისთვის, მათი შემოსავლის მიუხედავად, თანაბრად ხელმისაწვდომია. ფინანსდება, როგორც ონკო-ქირურგია, ისე ქიმიო, ჰორმონო და სხივური თერაპიები.
გარდა ამისა, სახელმწიფო პროგრამით გათვალისწინებული ონკოლოგიური მედიკამენტები დაფინანსდება 25 000-ლარიანი ლიმიტის გარეშე და პაციენტთათვის ხელმისაწვდომი იქნება მკურნალობის სრული კურსი;
ონკოლოგიური დაავადების მქონე ბავშვის მკურნალობა სახელმწიფოს მიერ სრულად ფინანსდება, როგორც საქართველოში ისე თურქეთში, ისრაელსა და ესპანეთში წამყვან, მაღალტექნოლოგიურ სამედიცინო დაწესებულებებში. დაფინანსება მოიცავს დიაგნოსტიკასა და სტანდარტული მკურნალობის კურსს: ქიმიოთერაპიას, სხივურ თერაპიას, ოპერაციულ ჩარევას. ასევე – პროტონოთერაპიას, პაციენტის საჭიროებებიდან გამომდინარე;
საყოველთაოა ჯანდაცვის პროგრამის გარდა, ჯანდაცვის სამინისტრო, ახორციელებს ტუბერკულოზის მართვის, C ჰეპატიტის, იშვიათი დაავადებების,დიაბეტისა და სხვა დაავადებების სამკურნალო არაერთ პროგრამას;
სამედიცინო სერვისების ხარისხის გაუმჯობესების მიზნით, ამოქმედებულია ქირურგიული და რეანიმაციული მომსახურებების ახალი სანებართვო პირობები. გარდა ამისა, 2025 წლიდან საყოველთაო ჯანმრთელობის დაცვის სახელმწიფო პროგრამაში ჩართული ყველა კლინიკა, ვალდებული იქნება საერთაშორისო აკრედიტაციის სტანდარტები დააკმაყოფილოს.
„ონკოლოგიური პაციენტების 14%-სთვის 25000-ლარიანი ლიმიტი საკმარისი არ იყო, შესაბამისად ეს გარკვეულ პრობლემებს ბადებდა“, – ამის შესახებ საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ „ქრონიკასთან“ განაცხადა.
მისი თქმით, ამიტომ, სამინისტრომ გადაწყვიტა, რომ 25000-ლარიანი ლიმიტის კალკულაციიდან ონკოლოგიური მედიკამენტები გამოიტანოს.
„საკითხი ამგვარად იყო – რეგულაცია რომელიც მოქმედებდა, იყო გამოთვლილი საშუალო მაჩვენებელი, ან შედარებით მაღალი ზღვარი, რომლის ფარგლებში ხორციელდებოდა ონკოლოგიური პაციენტებისთვის პროგრამა, რომელიც უდიდესი უმრავლესობისთვის საკმარისი იყო ყველანაირი მომსახურებით. მაგრამ ონკოლოგიური პაციენტების 14% არსებობდა, რომელთათვისაც სამწუხაროდ 25000-იანი ლიმიტი საკმარისი არ იყო, შესაბამისად ეს გარკვეულ პრობლემებს ბადებდა. ეს არ ნიშნავს, რომ სახელმწიფო მათ უყურადღებოდ ტოვებდა და არ ჰქონდათ შესაძლებლობა მაგალითად სხვა პროგრამების საშუალებით რომ მკურნალობა ხელმისაწვდომო ყოფილიყო, თუმცა საკითხის ამგვარი რეგულირება გარკვეულ უკმაყოფილებას და დისკომფორტს იწვევდა. აქედან გამომდინარე, მივიღეთ შექმნილი მდგომარეობა მხედველობაში და ვფიქრობ, რომ სამართლიანი გადაწყვეტილება მივიღეთ, როდესაც მედიკამენტები 25 000-იანი კალკულაციიდან გამოვიყვანეთ, რაც ნიშნავს იმას, რომ პრაქტიკულად არავის ექნება რისკი იმისა, რომ 25000-იან ლიმიტს მიაღწიოს და ამის გამო რაღაც პრობლემები შეექმნას დაფინანსებასთან დაკავშირებით. რაც შეეხება მედიკამენტების ღირებულებების ანაზღაურებას, როგორც აღვნიშნეთ, ეს ხელმისაწვდომი ექნება. ეს ეხება სახელმწიფო პროგრამით გათვალისწინებულ პროგრამებს. არის მაგალითად მოწინავე, ინოვაციური მედიკამენტები, რომელიც ბუნებრივია შესაძლოა სახელმწიფო პროგრამით არ ფინანსდებოდეს, მაგრამ ძალიან მაღალი ხარისხის მედიკამენტები საბედნიეროდ ხელმისაწვდომია, შესაბამისად პრაქტიკულად ლიმიტის გარეშე ამ მედიკამენტებზე წვდომა ექნებათ პაციენტებს. ეს პროცესი მარტივი არ იყო. პირველივე დღიდან პრემიერისგან მივიღეთ დავალება, რომ ამ საკითხებზე გვემუშავა და რაც შეიძლება უმტკივნეულო გაგვეხადა პროგრამის მუშაობა თითოეულ ონკოლოგიურ პაციენტთან მიმართებით“, – განაცხადა მინისტრმა.
ჯანდაცვის სამინისტროს გადაწყვეტილებით, საყოველთაო ჯანდაცვის პროგრამის ფარგლებში ქიმიოთერაპიასთან, ჰორმონოთერაპიასთან და იმუნოთერაპიასთან დაკავშირებული მედიკამენტები, რომელიც ონკოლოგიური დიაგნოზის მქონე პაციენტებისთვისაა საჭირო, სრულად დაფინანსდება.
ჯანდაცვის მინისტრის მოადგილის თამარ გაბუნიას განცხადებით, წლის განმავლობაში, 25 000-ლარიანი ლიმიტის ფარგლებში სამედიცინო სერვისი, სხივური თერაპია და ის გამოკვლევები დაიფარება, რომელიც პაციენტს მკურნალობის დაგეგმვისა და მკურნალობის შედეგის შეფასების მიზნით ესაჭიროება.
სამინისტროს განცხადებით, რაც შეეხება მედიკამენტებს, 25 000-ლარიანი ლიმიტის კალკულაციიდან ცალკე იქნება გამოტანილი ონკოლოგიური მედიკამენტები, რომელიც გათვალისწინებულია შესაბამისი სახელმწიფო პროგრამით. ცვლილება შეეხება იმ პაციენტებსაც, რომლებსაც ამ დროისთვის, შეიძლება, ამოწურული ჰქონდეთ 25 000-ლარიანი ლიმიტი.
თამარ გაბუნიას განმარტებით, აღნიშნულის შედეგად, პაციენტს შესაძლებლობა აქვს გაიდლაინების შესაბამისად მკურნალობის სრული კურსი საყოველთაო ჯანდაცვის პროგრამის ფარგლებში დაფაროს.
საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ 5 აპრილს გამართულ ბრიფინგზე განაცხდა:„მივიღეთ გადაწყვეტილება, რომ 25 ათას-ლარიანი ლიმიტის კალკულაციიდან ცალკე იქნება გამოტანილი ონკოლოგიური მედიკამენტები, რომელიც გათვალისწინებულია შესაბამისი სახელმწიფო პროგრამით“
ჯანდაცვის საერთაშორისო ექსპერტი,⁴ პროფესორი გიორგი ფხაკაძე facebook ლაივში ინოვაციური ტექნოლოგიის შესახებ საუბრობს, რომელიც საქართველოში, საბურთალოზე ერთ-ერთ აფთიაქ “ფარმსახლში”, როგორც თავად აღნიშნა, შემთხვევით აღმოაჩინა.
როგორც გაირკვა, პროფესორი ფხაკაძე აფთიაქში D ვიტამინის საყიდლად შევიდა და აღმოაჩინა, რომ ამ აფთიაქს აქვს რობოტული დანადგარი, რომელიც ფარმაცევტის მითითებით თავად არჩევს შესაბამის მედიკამენტს და ფარმაცევტს ადგილზე მისდის სპეციალური მოწყობილობით.
ფხაკაძემ გაიხსენა, რომ მსგავსი ინოვაციური დანადგარი დაახლოებით 2 წლის წინ საფრანგეთში ნახა და მისი ოცნება იყო, რომ ზუსტად ასეთი თანამედროვე ტექნოლოგია საქართველოშიც ენახა… ამიტომ საბურთალოზე აფთიაქში შემთხვევითმა აღმოჩენამ პროფესორი განაცვიფრა და მან ემოციები ვერ დაფარა…
როგორც facebook ლაივში აფთიაქის ფარმაცევტმა განმარტა, ინოვაციური დანადგარი ზოგავს ენერგიას და მაქსიმალური სიზუსტით მუშაობს.
ფხაკაძე აცხადებს, რომ სწორედ ეს არის თანამედროვე, ხარისხიანი ჯანდაცვისკენ გადადგმული ნაბიჯი და უნდა, რომ მსგავსი რობოტული დანადგარები საქართველოს ყველა აფთიაქში იხილოს.
ფხაკაძის აღფრთოვანება აფთიაქის დიზაინმაც გამოიწვია, რადგან ეკომეგობრულ ინტერიერში, აფთიაქის შუაგულში შენარჩუნებულია ცოცხალი ხე, რაც ეკოლოგიური თვალსაზირისით მნიშვნელოვანი განაცხადია.
როგორც ფარმაცევტმა ფხაკაძეს განუცხადა, ინოვაციური რობოტული დანადგარი აღნიშნულ აფთიაქს აქვს ვაკეშიც და რუსთავის ფილიალშიც.
დანადგარი უზრუნველყოფს მედიკამენტების იდენტიფიცირებას და თაროებზე დასახელების მიხედვით ზუსტ განლაგებასაც – მაქსიმალურად ზოგავს ადამიანური რესურსის ენერგიას და მაქსიმალურად ამცირებს შეცდომის რისკს.
გიორგი ფხაკაძის ყურადღება აფთიაქში წარმოდგენილმა ფრანგული და სხვა ევროპული წარმოების პროდუქციამაც მიიპყრო. პროფესორის თქმით, ზუსტად ის პროდუქცია იხილა დახლებზე, რაც პარიზში, მის სახლთან მდებარე აფთიაქებშია წარმოდგენილი. “ეს არის ჩემი ოცნება – საქართველოში ვიხილო თანამედროვე, მაღალი ხარისხის ჯანდაცვა და ჩემი ოცნება ახდა!” – აცხადებს გიორგი ფხაკაძე.
ჯანდაცვის საერთაშორისო ექსპერტი, პროფესორი გიორგი ფხაკაძე და ცნობილი პლასტიკური ქირურგი, პროფესორი ციცინო შურღაია ბარიატრიულ ქირურგიაზე (კუჭის ოპერაციაზე) საუბრობენ.
გიორგი ფხაკაძემ საკუთარ რეზიდენციაში მეგობრებთან შეხვედრის დროს facebook ლაივში ისაუბრა ბარიატრიაზე, რომელიც აქტუალური მას შემდეგ გახდა, რაც თავად დაიწყო ამაზე საუბარი.
“მსოფლიოში მილიარდ ადამიანს აწუხებს ჭარბი წონა და იმიტომ წამოვწიე ეს თემა, რომ ბევრი იკეთებდა თურქეთში ამ ოპერაციას… ცუდი შედეგი იყო და ზოგჯერ სამწუხაროდ, სასიკვდილო განაჩენიც დადგა. ყოველთვის ვამბობდი და ახლაც ვამბობ, უნდა ვიმკურნალოთ საქართველოში, რადგან საქართველოში არიან ძალიან ძლიერი ექიმები და სხვათაშორის ბრიტანეთის და იტალიის ჯანდაცვის სამინისტრო უწევს რეკომენდაციას საკუთარ მოქალაქეებს, რომ არ გაიკეთონ ბარიატრიული ოპერაცია თურქეთში. ბარიატრია კონკრეტული სამედიცინო მანიპულაციაა და რატომაა საჭირო, რომ გაიკეთო იქ, სადაც ცხოვრობ? – იმიტომ, რომ ოპერაციის შემდეგ აუცილებელია მოვლა – დიეტა, წამლები და ა.შ.”
გიორგი ფხაკაძესთან ერთად აღნიშნულ თემაზე ციცინო შურღაიამაც ისაუბრა:
“ეს არ არის პლასტიკური ქირურგია, ეს არის ჯანმრთელობისთვის, რადგან არაფერი ისე არ ვნებს ადამიანის სისხლძარღვებს, გულს, შინაგან ორგანოებს და ტვინს ისე, როგორც ჭარბი წონა.”
გიორგი ფხაკაძე:
“ბარიატრიული ოპერაცია კეთდება მაშინ, როცა ყველა სხვა გზამ არ იმუშავა… ამ ოპერაციას სჭირდება კარგად მომზადება და არა ისე, როგორც თურქეთში ხდება – დილით მიდიან, გაიკეთებენ ოპერაციას და ღამით უკან აბრუნებენ.
ციცინო შურღაია: “ეს ბიზნესია…”
გიორგი ფხაკაძე:
“დიახ, არაერთი ადამიანი გარდაიცვალა ამ მანკიერ “კანტორებში” გაკეთებული ოპერაციებით, რადგან ის კლინიკები, სადაც ეს ოპერაციები კეთდება, არ არის აკრედიტირებული. მსოფლიოში არის მარტო ორი ძლიერი მააკრედიტირებელი ორგანო accreditation canada და joint commission international, სხვა დანარჩენზე არ ვლაპარაკობ…”
ციცინო შურღაია:
“ბარიატრიული ოპერაცია ვისაც სჭირდება, ის 125 კგ-ზე მეტია ანუ დიდი შანსია თრომბოემბოლიის და ოპერაციამდე პროქსიპარინი მაინც უნდა გაკეთდეს, წინა დღით… უნდა მომზადდეს პაციენტი. რაც შეეხება იმას, რომ ზოგჯერ დიეტით ვერ იკლებს წონას ადამიანი – აღმოაჩინეს სიმსუქნის გენი და სამწუხაროდ, ან არის ორგანიზმში უფრო მეტი ცხიმის დამშლელი ფერმენტები, ან – არა.
როდესაც 60 კგ -ს და მეტს იკლებს ადამიანი ბარიატრიული ოპერაციის შემდეგ, აქ იწყება კატასტროფა – ხელებზე და ფეხებზე კანი საშინლად აქვთ ჩამოკიდებული. ბრახიოპლასტიკაზე რომ მავაჭრათ ეს კანი, გამოდის, რომ მხარი იფრო ვიწროა, ვიდრე წინა მხარი და რახიტიან ადამიანს ემსგავსება… ამიტომ თუკი გონება ჭკუას იმორჩილებს, ე.ი. ეს ადამიანი მართავს საკუთარ თავს – უნდა ჩაიდო თავში, რომ ვითომ გაიკეთე ეს ბარიატრიული ოპერაცია და ჭამეთ იმდენი, რაც ხელის გულზე დაგეტევათ ყოველ 3 საათში… ბარიატრიული ოპერაციის შემდეგ სულ სხვა ცხოვრება იწყება. კუჭს გაჭრიან, ერთ-ერთ ყველაზე მნიშვნელოვან ორგანოს….”
„მივიღეთ გადაწყვეტილება, რომ 25 ათას ლარიანი ლიმიტის კალკულაციიდან ცალკე იქნება გამოტანილი ონკოლოგიური მედიკამენტები, რომელიც გათვალისწინებულია შესაბამისი სახელმწიფო პროგრამით“, – ამის შესახებ საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ ბრიფინგზე განაცხადა.
მისი თქმით, პრაქტიკულად გამოირიცხება იმის შესაძლებლობა, რომ რომელიმე პაციენტისთვის ლიმიტის გამო ხელმიუწვდომელი გახდეს სახელმწიფოს დაფინანსებული მკურნალობის სრული კურსი.
„ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტროში დანიშვნის პრაქტიკულად პირველივე დღიდან დავიწყეთ ინტენსიური მუშაობა ონკოლოგიური პაციენტების პრობლემებზე. ეს იყო საქართველოს პრემიერ-მინისტრის, ბატონი ირაკლი კობახიძის პრაქტიკულად პირველი დავალება, რომელიც მისგან მივიღე. ერთ-ერთი ყველაზე მწვავე საკითხი, რომელიც აწუხებდა ონკოლოგიური პაციენტების უმრავლესობას, ეს იყო დაწესებული 25 000-იანი ლიმიტი იმ დაფინანსებისა, რომელსაც ანაზღაურებს სახელმწიფო. ამ მუშაობის შედეგად, რომელიც მოიცავდა არაერთ შეხვედრას შესაბამის კლინიკებთან, ფარმაცევტულ სექტორთან, სპეციალისტებთან, პარლამენტთან, ასევე თავად ონკოლოგიურ პაციენტებთან, საქართველოს პრემიერ-მინისტრთან, ბატონ ირაკლი კობახიძესთან შეთანხმებით მივიღეთ გადაწყვეტილება, რომ 25 000-იანი ლიმიტის კალკულაციიდან ცალკე იქნება გამოტანილი ონკოლოგიური მედიკამენტები, რომელიც გათვალისწინებულია შესაბამისი სახელმწიფო პროგრამით. ამგვარად, პრაქტიკულად გამოირიცხება იმის შესაძლებლობა, რომ რომელიმე პაციენტისთვის ლიმიტის გამო ხელმიუწვდომელი გახდეს სახელმწიფოს დაფინანსებული მკურნალობის სრული კურსი. ეს ცვლილება შეეხება იმ პაციენტებსაც, რომლებსაც უკვე ამ დროისთვის შეიძლება ჰქონდეთ ამოწურული აღნიშნული 25 ათასიანი ლიმიტი. დაწყებულია მომზადება ამ გადაწყვეტილების საფუძველზე შესაბამის ნორმატიულ აქტებში ცვლილებების შესატანად, რაც უახლოეს დღეებში განხორციელდება.
პარალელურად დაგვჭირდება იმაზე მუშაობის გაგრძელება, რომ ადგილი არ ჰქონდეს და გამოირიცხოს პაციენტების ინტერესებთან არათავსებადი გადახარჯვების შემთხვევები. გაგრძელდება მუშაობა ყველა სხვა მიმართულებით, რაც აუცილებელია პაციენტების პრობლემების გადაჭრისათვის. ეს იმისათვის, რათა ამ მუშაობის შედეგად პაციენტებისთვის ხელმისაწვდომი იყოს მაღალი ხარისხის სამედიცინო სერვისი და სახელმწიფოს მეტი სახსრები რჩებოდეს ისევ პაციენტთა საკეთილდღეოდ ამ სახსრების გამოსაყენებლად. გვაქვს იმედი, რომ სამედიცინო და ფარმაცევტული სექტორი და თავად ონკოლოგიური პაციენტები კვლავ აქტიურად იქნებიან ჩართული ჩვენთან ერთად მუშაობის პროცესში“, – აღნიშნა მიხეილ სარჯველაძემ.
