ჯანდაცვის მსოფლიო ორგანიზაციის ექსპერტი, პროფესორი გიორგი ფხაკაძე ტვ “ფორმულას” ეთერში საუბრობს:
“საქართველო არის მსოფლიოს ჯანდაცვის ნაწილი” – გიორგი ფხაკაძე
გოგრა – განძი ბავშვის ორგანიზმისათვის
გოგრა – განძი ბავშვის ორგანიზმისათვის – როგორ ავარჩიოთ და როგორ მოვუმზადოთ პატარას
ჩვენს წელთაღრიცხვამდე 5000 წლის წინ შორეულ მექსიკაში მოჰყავდათ და აფასებდნენ ამ მზისფერ ბახჩეულს, რომელსაც თურმე სხვადასხვა სახით ამზადებდენენ ინდიელები – ხარშავდნენ, წვავდნენ, თუშავდნენ და ამზადებდნენ გემრიელ სასარგებლო საკვებს, თესლებისაგან ზეთს ხდიდნენ, სქელი ქერქებს კი ჭურჭელისათვის იყენებდნენ.
ამერიკის აღმოჩენის შემდეგ, ისევე როგორც ბევრი სხვა პროდქუტი, ევროპელებმაც გაიცნეს გოგრა.
იცით, რომ გოგრა დედამიწაზე ყველაზე დიდი ბოსტნეულია?!
აშშ-ში ფერმერები ხშირად ეჯიბრებიან ერთმანეთს დიდი ზომის გოგრის მოყვანაში. რეკორდსმენად დღემდე ითვლება გოგრა, რომელიც 302 კგ-ს იწონის. მებაღე-დეკორატორები და სელექციონერები მცირე ზომის, სხვადასხვა ფორმის გოგრების გამოყვანაზეც ბევრს მუშაობენ.
როგორ ავარჩიოთ გოგრა ბავშვისათვის
გოგრის მრავალი ჯიში არსებობს, თუმცა ძირითადად გავრცელებულია სამი სახეობის გოგრა – ჩვეულებრივი, დიდნაყოფიანი და ჯავზისებრი.
ითვლება, ჯავზისებრი გოგრა უფრო მოტკბო და გემრიელია. გაჭრილი გოგრის დათვალიერებისას ყურადღება მიქციეთ მისი რბილობის ფერს.
უფრო მკვეთრი ფერის რბილობის მქონე გოგრა, ჩვეულებრივ, უფრო ტკბილია. ფორთოხლისფერი რბილობის მქონე გოგრა უფრო მაგარია.
გოგრის არჩევისას დააჭირეთ ხელი მის კანს. თუ კანი რბილია, ის ახალი მოკრეფილი არ არის. დაკაკუნებისას ყრუ ხმა მიგანიშნებთ, რომ გოგრა მწიფეა.
ახალმოკრეფილ გოგრას მოტკბო, არომატული სურნელი აქვს.
თუ გოგრას გრილ და ბნელ ადგილას შეინახავთ, ის რამდენიმე თვეს შეინახება.
თუ შეიძინეთ გაჭრილი გოგრის ნაჭერი, მაცივარში 7-10 დღეზე მეტი არ შეინახოთ.
გოგრის თესლი
არ გაიმეტოთ გადასაყრელად. გამშრალი გოგრის თესლი ძვირფასი საკვებია, რადგან მისი ზეთი დიდი რაოდენობით შეიცავს ლინოლენის, ოლეინის, პალმიტინის და სტეარინის უჯერ მჟავებს, ასევე ეთერზეთებს, ორგანულ მჟავებს, A და C ვიტიმინს. აქვს სიმსივნის საწინააღმდეგო, იმუნომასტიმულირებელი და ანტიოქსიდანტური მოქმედება. დიდი რაოდენობით შეიცავს რკინას, თუთიას, სპილენძს, კალიუმს. მის შემადგენლობაში 28% ცილაა.
იცით, რომ გოგრაში A ვიტამინი 5-ჯერ უფრო მეტია, ვიდრე სტაფილოში?! შეგახსენებთ, ეს ვიტამინი აუცილებელია ბავშვის ზრდა-განვითარებისათვის, მისი მხედველობის ჩამოყალიბებისათვის.
გოგრა შეიცავს დიდი რაოდენობით E ვიტამინს, რომელიც უჯრედების მემბრანების ნამდვილი მცველია და იცავს მათ რადიაციისა და მავნე ნივთიერებების ზემოქმედებისაგან.
K ვიტამინი, რომელიც გოგრაშია აღმოენილი, სისხლის შედედებას უზრუნველყოფს.
D ვიტამინი , რომელსაც ეს მზისფერი ბახჩეული შეიცავს, აუცილებლია კალციუმისა და ფოსფორის ცვლის მოწერსიგებისა და ადრეულ ასაკში რაქიტის პროფილაქტიკისათვის.
გოგრა მიკროელემენტების ნამდვილი საბადოა. ის შეიცავს სპილენძს, თუთიას, რკინას, მის შემადგენლობაშია აგრეთვე ბავშვის ძვლოვანი სისტემის განვითარებისათვის აუცილებელია ფტორი, კალციუმი.
შეიცავს დიდი რაოდენობით უჯრედისს, რაც კუჭ-ნაწლავის ფუნქციონირებისათვის აუცილებელია და ნაწლავთა შეკრულობის წინააღმდეგ საუკეთესო საშუალებაა. გოგრის ნიღაბი თქვენი სალამაზისათვის.
როგორ მოვამზადოთ გემრიელი და სასარგებლო კერძები გოგრისაგან
გოგრა კარგად ეხამება ხილს, ბოსტნეულს, მარცვლეულს, ხორცს, ამიტომ მისი გამოყენება მრავალი კერძის შემადგენლობაში შეგიძლიათ.
გოგრის პიურე 6 თვიდან
გარეცხილი გოგრის ნაჭერს მოაცილეთ კურკები დაჭერით კუბებად და ჩაყარეთ ცივ წყალში. გადაწურეთ. გამოარცხვეთ აერღუმელში. დატენიანებისათვის ტაფას ცოტაოდენი ცივი წყალი დაასხით. დარბილებული გიოგრის ნაჭრები აქციეთ ერთვაროვან მასად ბლენდერის საშუალებით, დამატეთ დედის რძე ან ხელოვნური ნარევი.
ბრინჯი ყაბაყით და გოგრით 10 თვიდან
2 ს-3 სუფრის კოვზი გარჩეული, გარეცხილი ბრინჯს დაამატეთ წყალი და დადგით ცეცხლზე, წამოდუღებისთანავე დაამატეთ კანგაცლილი გოგრის და ყაბაყის წვრილად დაჭრილი ან მსხვილ სახეხზე გახეხილი ნაჭრები. მოხარშვის შემდეგ გაათხელეთ დედის რძით ან ხელოვნური ნარევით, დაუმატეთ 1 ჩაის კოვზი ზეითუნის ზეთი.
სილამაზის რეცეპტები თქვენთვის, დედებო და ბებიებო!
პროდუქტი, რომელიც დიდი რაოდენობით მინერალებსა და ვიტამინებს შეიცავს, საუკეთესოა თქვენი კანისათვის. გოგრის გამოყენება სახის კანს განსაკუთრებულ ბრწყინვალებას ანიჭებს, ატენიანებს და კვებავს მას. სცადეთ.
უმი გოგრის წვენს შეურიეთ პურის ფქვილი (პროპორციები შ ედგინეთ თვად ისე, რომ არაჟნისებრი მასა მიიღოთ. გაიჩერეთ სახეზე 15-20 წუთი.
კანისათვის სიმკვრივისა და ლიფტინგისათვის -გახეხეთ უმი გოგრის რბილობი და დაუმატეთ 1 კვერცხის ცილა. დაიდეთ გასუფთავებულ სახეზე. ჩამოიბანეთ 20 წუთის შემდეგ თბილი წყლით.
#datashvil #drpkhakadze #sheniganatleba #sheniambebi #shenipulsi
მეცნიერებმა რეზისტენტული ბაქტერიული ინფექციების გასანადგურებლად ახალ გზას მიაგნეს
მეცნიერებმა რეზისტენტული ბაქტერიული ინფექციების გასანადგურებლად ახალ გზას მიაგნეს.
ანტიბიოტიკების ახალი კლასი შვედეთის უფსალას უნივერსიტეტის მკვლევრებმა აღმოაჩინეს. ის ჯერ მხოლოდ თაგვებზე გამოცადეს. მეცნიერებს მიაჩნიათ, რომ ამას ანტიბიოტიკების მიმართ რეზისტენტული ბაქტერიების დამარცხებაში მნიშვნელოვანი როლი ექნება.
უნიკალური წამალი, ისევე როგორც ამჟამად შემუშავების პროცესში მყოფი სხვა საშუალებები, მიზანში გრამ-უარყოფითი ბაქტერიების ორმაგ მემბრანას იღებს. ასეთი ბაქტერიების სიაშია ნაწლავის ჩხირი (Escherichia coli), რომელიც ნაწლავებისა და სისხლის ინფექციებს იწვევს. ასევე ასეთი ბაქტერიაა Klebsiella pneumoniae, რომელიც ფილტვის, შარდის ბუშტისა და სისხლის ინფექციების გამომწვევია.
გრამ-დადებითი ბაქტერიებისგან განსხვავებით, რომლებისთვისაც მრავალი მედიკამენტი შეიქმნა, გრამ-უარყოფით ბაქტერიულ უჯრედებს გარშემო მეორე ბარიერიც აკრავთ და ამიტომ, ბაქტერიებს მათ წინააღმდეგ მოქმედება უჭირთ.
ძლიერი გარე მემბრანა ლიპოპოლისაქარიდებს შეიცავს, რომლებიც უჯრედს მთლიანობას ანიჭებს და სხვა ზედაპირთან ურთიერთქმედების საშუალებას აძლევს — შედეგად, ტოქსინები გარეთ გამოდის, ხოლო საკვები ნივთიერებები შიგნით ხვდება.
გრამ-უარყოფითი ბაქტერიული უჯრედის კედლის დიაგრამა გარე მემბრანაში დამაგრებული ლიპოპოლისაქარიდებით.
ფოტო: Dahl/Wikipedia
მეცნიერები ამ ლიპიდური მემბრანების დაშლას წლების მანძილზე ცდილობენ. სწორედ ესაა გრამ-უარყოფითი ბაქტერიების ფუნქციონირებისთვის გადამწყვეტი. თუმცა, შვედეთში ჩატარებული ეს კვლევა პირველია, რომელმაც ფერმენტი LpxH ამოიღო მიზანში. ეს ლიპოპოლისაქარიდების მემბრანისთვის კრიტიკულად მნიშვნელოვანი სხვა ნაერთების სინთეზს უწყობს ხელს. გრამ-ბაქტერიების 70% სწორედ ამ ფერმენტს იყენებს და ამიტომ ეს შეიძლება იყო შესაბამისი სამიზნე.
ექსპერიმენტის ფარგლებში, თაგვებს პრეპარატებისადმი რეზისტენტული E. coli და K. pneumoniae ბაქტერიები შეუყვანეს. ერთი საათის შემდეგ მათ LpxH-ის დამთრგუნველი ნაერთი გაუკეთეს. შედეგებმა აჩვენა, რომ სისხლის მიმოქცევის ინფექციის მკურნალობა სულ რაღაც ოთხ საათში იყო შესაძლებელი.
“ამ პროცესში ბაქტერიები თაგვების სისხლში გავრცელდა. შედეგად, ამ ნაერთს აღმოაჩნდა უნარი სრულად შეამციროს საშიში ბაქტერიების რაოდენობა და ეს მხოლოდ ერთჯერადი დოზის გამოყენებით”, — აღნიშნულია კვლევაში.
მკვლევრებმა JEDI-1444 ნაერთით დაიწყეს. ამ ნაერთმა გრამ-უარყოფითი ბაქტერიების განადგურების მხრივ შესანიშნავი შედეგები აჩვენა, ის მაინც სტაბილური არ აღმოჩნდა.
რამდენიმე მოდიფიკაციის შემდეგ, ჯგუფმა ბევრად უკეთესი შედეგი მიიღო EBL-3599 და EBL-3647 ნაერთების შემთხვევაში.
ეს უმნიშვნელოვანესი აღმოჩენაა, იმის გათვალისწინებით, რომ ორივე ეს ბაქტერია სხვა ანტიბიოტიკების მიმართ მდგრადია. 2019 წელს ანტიბიოტიკებისადმი რეზისტენტული ინფექციებისგან დაღუპულთა რაოდენობა დიდი გახლდათ და ეს სიკვდილიანობის მესამე მთავარი მიზეზი იყო. 2050 წლისთვის ეს რაოდენობა გაიზრდება და მოსალოდნელია, რომ დაღუპულთა რაოდენობა წელიწადში 10 მილიონი იქნება.
ჩვენ ვიცით, რომ ბაქტერიები მედიკამენტების მიმართ რეზისტენტულობას იმუშავებენ, შესაბამისად ახალი მეთოდები სასიცოცხლოდ მნიშვნელოვანია.
2017 წელს ჯანდაცვის მსოფლიო ორგანიზაციამ (WHO) წამლისადმი მდგრადი პათოგენების სია გამოაქვეყნა და აქ მოწინავე ადგილზე სწორედ E. coli და Klebsiella pneumoniae ბაქტერიები იყო.
ეფექტური ანტიბიოტიკების მზა ხელმისაწვდომობა საფუძვლად უდევს მთელ თანამედროვე მედიცინას. ანტიმიკრობული რეზისტენტობის მუდმივად მზარდი გავრცელება მუდმივად ამცირებს არსებული ანტიბიოტიკების ეფექტურობას, რითაც მოითხოვს ინოვაციური ნაერთებისა და სტრატეგიების შემუშავებას უბრალოდ სტატუს კვოს შესანარჩუნებლად. ამ პრობლემის გადასაჭრელად ახალი ანტიბიოტიკების ნაკლებობა, განსაკუთრებით რთულად სამკურნალო გრამუარყოფითი ინფექციების შემთხვევაში, კარგად არის დადასტურებული. აქ ჩვენ აღვწერთ უნიკალური ანტიბიოტიკების კლასის განვითარებას, რომელიც მიზნად ისახავს ლიპოპოლისაქარიდების სინთეზს, საწყისი დაწყებიდან, წამლის მსგავსი ხელსაყრელი თვისებებით და ძლიერი in vivo აქტივობით ნაერთებამდე. ეს ნაშრომი ადასტურებს, რომ ამ ნაერთების სამიზნე, LpxH გრამუარყოფით ბაქტერიებში, არის სიცოცხლისუნარიანი სამიზნე ანტიბიოტიკებისთვის და რომ ქიმიური სერია, რომელიც ჩვენ გამოვიკვლიეთ, იმედის მომცემია შემდგომი განვითარებისთვის.
კვლევა PNAS-ში გამოქვეყნდა.
#datashvil #drpkhakadze #sheniganatleba #sheniambebi #shenipulsi
მოწვევა შიზოფრენიისა და დეპრესიის განვითარების რისკს ზრდის
ბრიტანელმა გენეტიკოსებმა დაადგინეს, რომ მოწვევა შიზოფრენიისა და დეპრესიის განვითარების რისკს ზრდის. კვლევა Psychological Medicine-ში გამოქვეყნდა.
ჩვენ ჩავატარეთ MR-ის ორი ნიმუში, რათა შეგვესწავლა მოწევის ორმხრივი ეფექტი შიზოფრენიასა და დეპრესიაზე. მოწევის ქცევისთვის, ჩვენ გამოვიყენეთ (1) მოწევის დაწყების GWAS GSCAN კონსორციუმიდან (2) ჩვენ ჩავატარეთ ჩვენი GWAS მთელი სიცოცხლის განმავლობაში მოწევის ქცევის შესახებ (რომელიც ასახავს მოწევის ხანგრძლივობას, სიმძიმეს და შეწყვეტას) 462690 ინდივიდის ნიმუშში დიდი ბრიტანეთის Biobank-დან. ჩვენ დავადასტურეთ ეს ინსტრუმენტი დადებითი კონტროლის შედეგების გამოყენებით (მაგ. ფილტვის კიბო). შიზოფრენიისა და დეპრესიისთვის ჩვენ გამოვიყენეთ GWAS PGC კონსორციუმიდან.
ექსპერიმენტისთვის სპეციალისტებმა ნახევარ მილიონ ადამიანს დნმ-ს ანალიზი ჩაუტარეს. ადამიანები, რომლებსაც შიზოფრენია და დეპრესია აქვთ, ექსპერიმენტის სხვა მონაწილეებზე გაცილებით მეტს ეწეოდნენ.
ნიკოტინი უარყოფითად მოქმედებს ტვინის ნეირომედიატორებზე, სეროტონინსა და დოფამინზე, რომლებიც შიზოფრენიისა და დეპრესიის განვითარებაში მონაწილეობენ.
#datashvil #drpkhakadze #sheniganatleba #sheniambebi #shenipulsi
ცილა, რომელსაც კიბოს უჯრედების მოკვლა შეუძლია – კიბოს უჯრედების თვითგანადგურების გზას მიაგნეს
კალიფორნიის საკრამენტოში მდებარე UC Davis ყოვლისმომცველი კიბოს ცენტრის მეცნიერებმა დაადგინეს ცილა CD95 რეცეპტორზე, რომელსაც შეუძლია კიბოს უჯრედების სიკვდილის “პროგრამირება”, როგორც ეს დეტალურადაა აღწერილი გასულ თვეში ჟურნალში Cell Death & Differentiation გამოქვეყნებულ კვლევაში.
კალიფორნიაში მდებარე კიბოს ცენტრის მეცნიერებმა CD95-ის რეცეპტორში ცილა იპოვეს, რომელსაც კიბოს უჯრედების მოკვლა შეუძლია. CD95 დიდი ხანია განიხილება, როგორც “სიკვდილის რეცეპტორი”, რადგან მათ ისეთი სიგნალის გაგზავნა შეუძლიათ, რომელიც კიბოს უჯრედების “თვითგანადგურებას” იწვევს.
„წინა მცდელობები ამ რეცეპტორის მიმართ წარუმატებელი იყო. მაგრამ ახლა, როდესაც ჩვენ დავადგინეთ ეს ეპიტოპი (სამიზნე), შეიძლება იყოს თერაპიული გზა სიმსივნეებში Fas-ის მიზანმიმართულობისკენ“, – ამბობს ჯოგენდერ ტუშირ-სინგი, სამედიცინო მიკრობიოლოგიისა და იმუნოლოგიის დეპარტამენტის ასოცირებული პროფესორი და კვლევის უფროსი ავტორი.
ჯოგენდერ ტუშირ სინგჰი იმედოვნებს, რომ ეს სიმსივნის მკურნალობაში გადამწყვეტ ნაბიჯად იქცევა.
“ახლად აღმოჩენილ თერაპიას, სიმსივნური უჯრედების მოკვლასთან ერთად, იმუნოთერაპიის ეფექტიანობის გაზრდაც შეეძლება. ეს სიმსივნის წინააღმდეგ მიმართული ორმაგი დარტყმა იქნება”, – ნათქვამია მკვლევართა განცხადებაში
ექსპერტები იმედოვნებენ, რომ კიბოს სამომავლო მედიკამენტებს შეეძლებათ გააძლიერონ CD95-ის რეცეპტორების აქტივობა, რათა სიმსივნეების წინააღმდეგ საბრძოლველი ახალი იარაღი შეიქმნას, რომლებსაც ისტორიულად ქირურგიით, ქიმიოთერაპიით და რადიაციით მკურნალობდნენ. მკვლევარებს ახლა შეუძლიათ კლინიკური კვლევებიდან ადამიანის სიმსივნის ნიმუშები შეაგროვონ, რომ ამ აღმოჩენების გათვალისწინებით ახალი ანალიზი ჩაატარონ.
წყარო: nypost
#datashvil #drpkhakadze #sheniganatleba #sheniambebi #shenipulsi
როგორ აისახება მოციმციმე არითმია ადამიანის შემეცნების უნარზე?
საქართველოს პირველი არხის გადაცემა „პირადი ექიმი – მარი მალაზონია“
თემა: სამედიცინო სიახლე – როგორ აისახება მოციმციმე არითმია ადამიანის შემეცნების უნარზე?
მარი მალაზონიამ ისაუბრა, როგორ აისახება მოციმციმე არითმია ადამიანის შემეცნების უნარზე:
„ამერიკის კარტიოლოგთა კოლეგიის ჟურნალში გამოქვეყნდა ახალი კვლევის შედეგები, სადაც ძალიან მასშტაბურად არის აღწერილი არა უბრალოდ გულის დაავადებების შესაებ ინფორმაცია, არამედ მისი გავლენა ზოგიერთ სხვა მოვლენაზე.
კერძოდ, ბრიტანელი კოლეგების მიერ შეფასდა 4,3 მილიონი ადამიანის ავადმყოფობის ისტორია. ამის საშუალება მათ მისცა ელექტრონულმა ავადმყოფობის ისტორიებმა და აქედან გამოყვეს 233 833 ადამიანი, რომელთაც დადგენილი ჰქონდათ მოციმციმე არითმია.
სწორედ ამ ჯგუფის ადამიანებში შეისწავლეს, როგორი იყო კოგნიტური უნარები, ანუ როგორ აისახებოდა მოციმციმე არითმია ადამიანმების შემეცნების უნარზე.
აღმოჩნდა, რომ პარალელებისთვის მეცნიერებს დაჭირდათ მოციმციმე არითმიის დიაგნოზის მქონე ადამიანების დაწყვილება განხილვისთვის, ასაკობრივი, გენდერული ნიშნით იმ ადამიანებთან, რომელთაც ასეთი დიაგნოზი არ ქონდათ და შედარეს, როგორ ვითარდება მოვლენები, როგორ იცვლება ადამიანის შემეცნების უნარი. მივიდნენ დასკვნამდე, რომ მხოლოდ მოციმციმე არითმიის დამსახურებით, ცხადია სხვა გამომწვევ ფაქტორებთან ერთად მოციმციმე არითმიას 45% შეუძლია გაზარდოს შემეცნების დაქვეითების, ანუ კოგნიტური უნარების დაქვეითების რისკი ადამიანებში.
მათ გამოყვეს ადამიანები, რომელთაც უტარდებათ, მაგალითად საგულო გლუკოზიდებით მკურნალობა, ასეთ შემთხვევაში შემეცნების დაქვეითების რისკი მკვეთრად დაბალია, ან უტარდებათ შედედების საწინააღმდეგო საშუალებებით მკურნალობა და ასეთ შემთხვევაშიც შემეცნების უნარი მაქსიმალურად შენარჩუნებულია.
ეს ინფორმაცია ნიშნავს იმას, რომ ასეთი რისკი არსებობს, გულის პრობლემებს შეუძლია გამოიწვიოს სხვა სისტემებში პრობლემები, ამ შემთხვევაში გულის რიტმის მუშაობის დარღვევა, მოციმციმე არითმიას შეუძლია ადამიანის შემეცნების უნარიც კი დააქვეითოს, მაგრამ მეორე მხრივ, თუ გულის პრობლემები იქნება დროულად აღმოჩენილი და დროულად უმკურნალებენ, გაცილებიოთ ნაკლები რისკები გვექნება თავად გულის და სხვა სისტემებისთვის…“
#datashvil #drpkhakadze #sheniganatleba #sheniambebi #shenipulsi
ყივანახველის საგანგაშო სტატისტიკა – რა რეკომენდაციებს გასცემენ ექიმები
ბავშვთა საავადმყოფოებში მიმართვიანობის მატების მიზეზი კიდევ ერთი ვირუსული ინფექციის გავრცელება გახდა. საგრძნობლად გაიზარდა ინფიცირების შემთხვევები – ყივანახველას დიაგნოზს ექიმები უკვე ყოველდღიურად სვამენ.
კლინიკებში პაციენტები, ხშირ შემთხვევაში, მხოლოდ იმ დროს ხვდებიან, როცა მდგომარეობა ფილტვების ანთებით რთულდება. ამ ვირუსული ინფექციის გავრცელება კონტროლირებადი, თუმცა მნიშვნელოვნად საყურადღებოა. ამას სტატისტიკური მონაცემებიც ამტკიცებს.
წელს საქართველოში ყივანახველის უკვე 235 დადასტურებული შემთხვევა გამოვლინდა, გასული წლის ანალოგიურ პერიოდში, ვირუსით მხოლოდ 19 ადამიანი დაინფიცირდა.
ყივანახველა იმ კატეგორიის ვირუსული ინფექციაა, რომლით ინფიცირების დროსაც ხველის შემამცირებელი და შემაჩერებელი საშუალება არ არსებობს. ხშირ შემთხვევაში, კლინიკური პერიოდი სამ თვეზე მეტხანს გრძელდება. მკურნალობის ეტაპზე კი, ანტიბაქტერიულ თერაპიასთან ერთად, ანტიბიოტიკის ჩართვაც საჭირო ხდება.
პრევენციის მთავარ ფაქტორად მედიკოსები ვაქცინაციის ასახელებენ. სპეციალისტები, რომლებიც ვირუსული ინფექციებით დაავადებულ პაციენტებს ყოველდღიურად იღებენ, მოსახლეობას სავალდებულო აცრისკენ მოუწოდებენ.
მედიკოსები ყივანახველას შემთხვევების კიდევ უფრო მეტად ზრდას ელოდებიან. სასუნთქი გზების ამ და სხვა ინფექციური დაავადების გავრცელების მიზეზად ექიმები, კოვიდპანდემიის დროს, სხვა ვირუსებზე იმუნიზაციის შემცირებას ასახელებენ.
პროცესში, კლინიკები, მედიკამენტების იმპორტიორი და დისტრიბუტორი კომპანიები აქტიურად იქნებიან ჩართულები
ონკოლოგიური პაციენტებისთვის მედიკამენტების მიწოდების უწყვეტი ჯაჭვის უზრუნველსაყოფად, ჯანდაცვის სამინისტროში, მორიგი შეხვედრა გაიმართა.
მიხეილ სარჯველაძე სფეროს სპეციალისტებს, ონკოლოგებს, ფარმაცევტული სექტორისა და პაციენტთა ორგანიზაციების წარმომადგენლებს შეხვდა. მხარეებმა, მედიკამენტების მარგებთან დაკავშირებით იმსჯელეს. სამუშაო ჯგუფი, პაციენტებისთვის, მედიკამენტებისა და სერვისის მიღების გამარტივების გზებზე იმუშავებს.
პროცესში, კლინიკები, მედიკამენტების იმპორტიორი და დისტრიბუტორი კომპანიები აქტიურად იქნებიან ჩართულები. გაფართოებულ შეხვედრაზე, მხარეებმა, ის სიახლეც განიხილეს, რაც ონკოლოგიური დიაგნოზის მქონე პაციენტებისთვის, პროგრამული მედიკამენტების გაცემას გულისხმობს. აღინიშნა, რომ ცვლილება, უახლოეს პერიოდში ამოქმედდება და მკვეთრად გააუმჯობესებს პაციენტების ხელმისაწვდომობას მაღალი ხარისხის მკურნალობაზე.
შეხვედრას ჯანდაცვის მინისტრის პირველი მოადგილე თამარ გაბუნია, ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე, კომიტეტის წევრები ირმა ზავრადაშვილი და რიმა ბერიძე, ჯანდაცვის სამინისტროსა და ჯანმრთელობის ეროვნული სააგენტოს წარმომადგენლები ესწრებოდნენ.
როგორ ამოვიცნოთ სიმსივნე ადრეულ ეტაპზე…
როგორ ამოვიცნოთ სიმსივნე ადრეულ ეტაპზე…
საუბრობს თერაპევტი, ლიზა გოდერძიშვილი:
„ზოგადი სიმპტომები შეიძლება იყოს ცხელება. სხვათა შორის, ძალიან ხშირია და აუხსნელი. პაციენტი იწყებს ძებნას. რაც მთავარია, იწყება ყველა ორგანოს გამოკვლევა, ინფექციის ძებნა, თუმცაღა ცხელების მიდგომაში ცალსახად წერია, რომ მეორე რიგი დაავადების, რაც უნდა გამოვრიცხოთ, რა თქმა უნდა, პირველის არის ინფექცია.
#datashvil #drpkhakadze #sheniganatleba #sheniambebi #shenipulsi
სპეციალური ქსოვილი, რომელიც კოღოს ნაკბენისგან იცავს…
მეცნიერებმა შექმნეს სპეციალური ქსოვილი, რომელიც კოღოს ნაკბენისგან იცავს.
ინფორმაციას უცხოური მედია ავრცელებს.
ჯონ ბეკმანმა ალაბამას ობერნის უნივერსიტეტში შექმნა ქსოვილი, ერთი შეხედვით იგი ჩვეულებრივი მატერიისგან არ განსხვავდება, თუმცა კაცობრიობის ერთ-ერთი პრობლემის, კოღოების ნაკბენისგან დაცვა შეუძლია.
მასალა, რომლისგანაც ტანსაცმლის შეკერვაც იქნება შესაძლებელი, ნაქსოვია იმგვარად, რომ მასში კოღოს ხორთუმი ვერ აღწევს.
კოღოს პრობოსცისის სიგრძეზე სქელი ნებისმიერი ტანსაცმელი ხელს უშლის ნაკბენს, – ამბობს ბეკმანი, – მაგრამ ეს ტანსაცმელი არ არის შესაფერისი თბილი კლიმატისთვის, სადაც ჩვეულებრივ ხარობენ კოღოები. მისმა გუნდმა ნაკბენის გამოცდა დაიწყო…
#datashvil #drpkhakadze #sheniganatleba #sheniambebi #sheniekimi
