რა იწვევს ჭარბ მენსტრუაციას, რამდენად საყურადღებოა მენსტრუაციის გადაცდენა
რა იწვევს ჭარბ მენსტრუაციას, რამდენად საყურადღებოა მენსტრუაციის გადაცდენა და რამდენ ხანს უნდა გრძელდებოდეს ის.
ამის შესახებ ექიმი-რეპროდუქტოლოგი მანანა მგალობლიშვილი სოციალურ ქსელში საკუთარგვერდზე საუბრობს:
„ნორმალური მენსტრუაციის ხანგრძლივობა 21-დან 35 დღემდე პერიოდს შეადგენს. ეს იმას ნიშნავს, რომ მენსტრუაციის დაწყების პირველი დღიდან შემდეგი მენსტრუაციის დაწყების პირველ დღემდე 21-დან 35 დღე არსებული მონაკვეთი ნორმალურია.
თუ ქალს ერთჯერადად ჭარბი მენსტრუაცია დაუფიქსირდა, მაგრამ არა ისეთი ჭარბი, რომ გადაუდებელი დახმარება დასჭირდა ან შრომისუნარიანობა დაუქვეითდა, შეიძლება ჩავთვალოთ, რომ შემთხვევაა და ასეთი შემთხვევები ხდება. შეიძლება, ზოგჯერ უფრო ჭარბი მენსტრუაცია იყოს, ზოგჯერ უფრო ნაკლები. მაგრამ, თუ ქალს ჭარბი მენსტრუაცია რეგულარულად აქვს, დღეში 6-7 პაკეტზე მეტს ხარჯავს, გამონადენი არის კოლტებით, შრომისუნარიანობა უქვეითდება, აქვს დაბალი ჰემოგლობინი, რასაკვირველია, ექიმს უნდა მიმართოს.
ჭარბი მენსტრუაციის მიზეზი შეიძლება, საშვილოსნოს ქსოვილოვანი წარმონაქმნი იყოს, პოლიპი, ფიბრომა, ენდომეტრიუმის ჰიპერპლაზია ანუ საშვილოსნოს ღრუს ქსოვილის გასქელება, რომელიც მენსტრუაციის დროს ბოლომდე არ ჩამოიშლება.
მენსტრუაციის გადაცდენა ერთჯერადად, თუ პაციენტს სხვა არაფერი აწუხებს და მაქსიმუმ 7 დღე გრძელდება, შეიძლება ნორმალურად ჩაითვალოს. ის შესაძლოა რაიმე სახის სტრესთან იყოს დაკავშირებული. მათ შორის, გაციებასთან, დაავადებასთან, მგზავრობასთან და ასე შემდეგ. მაგრამ, თუ გადაცილება ერთ კვირაზე მეტია ან მეორდება პერიოდულად, ეს ნორმალური არ არის და ექიმ-გინეკოლოგს უნდა მიმართოთ.“
ინიციატივა მიზნად ისახავს სეზონური გრიპის ვაქცინების შეთავაზებას ფერმის მუშაკებისთვის
CDC-ის ინიციატივა: სეზონური გრიპის ვაქცინაცია ამერიკის ფერმის მუშაკებისთვის ფრინველის გრიპის თავიდან ასაცილებლად
2024 წლის 30 ივლისი. დაავადებათა კონტროლისა და პრევენციის ცენტრმა (CDC) გამოაცხადა $5 მილიონიანი ინიციატივა, რომელიც მიზნად ისახავს სეზონური გრიპის ვაქცინების შეთავაზებას ფერმის მუშაკებისთვის. ეს პროგრამა მიმართულია ფერმის მუშაკებში ახალი გრიპის შტამის გაჩენის რისკის შემცირებაზე, რაც გამოწვეულია ფრინველის გრიპის (H5N1) ვირუსით ინფიცირების მაღალი ალბათობით. H5N1 ვირუსი ფართოდ გავრცელებულია როგორც შინაური, ისე გარეულ ცხოველებში და წარმოადგენს მნიშვნელოვან საზოგადოებრივ ჯანდაცვის პრობლემას.
CDC-ის მთავარი დირექტორის მოადგილე, დოქტორ ნირავ შაჰი, ხაზგასმით აღნიშნავს სეზონური რესპირატორული ვირუსების გავრცელების პერიოდში ფერმის მუშაკების ჯანმრთელობისა და უსაფრთხოების დაცვის აუცილებლობას. “სეზონური გრიპის პრევენცია ამ მუშაკებში, რომლებიც შესაძლოა იყვნენ H5N1 ვირუსით ინფიცირების რისკზე, შეამცირებს ახალი A ტიპის გრიპის ვირუსის გაჩენის ალბათობას,” აღნიშნა დოქტორმა შაჰმა.
ეს ინიციატივა მიმართულია გენეტიკური რეასორტმენტის შესაძლო რისკის შემცირებაზე, რაც ხდება რამდენიმე ვირუსის ერთ უჯრედში ინფიცირების შედეგად და ახალი ვირუსის გაჩენით, რომელსაც ორივე შტამის თვისებები გააჩნია. მიუხედავად იმისა, რომ ეს რისკი თეორიულია, CDC ცდილობს მინიმუმამდე დაიყვანოს მსგავსი მოვლენის ალბათობა.
2009 წელს, H1N1 ვირუსი, H5N1-ის ნათესავი, წარმოიშვა ღორებში გენეტიკური რეასორტმენტის შედეგად. მიუხედავად იმისა, რომ ეს არ უკავშირდება პირდაპირ ადამიან-ღორის ურთიერთქმედებას, რეასორტმენტმა გამოიწვია ახალი შტამის შექმნა. CDC მიზნად ისახავს მსგავსი სცენარის თავიდან აცილებას, რაც ნიშნავს, რომ ახალი ვირუსი შესაძლოა კომბინირებულად ჰქონდეს სეზონური გრიპის გადამდები თვისებები და H5N1-ის სიმძიმე.
ამ ახალი ინიციატივის ფარგლებში, სეზონური გრიპის ვაქცინაცია ფერმის მუშაკებისთვის სავალდებულო არ იქნება.
ამავდროულად, საქართველოში დაავადებათა კონტროლის ეროვნული ცენტრი (NCDC), რომელიც პასუხისმგებელია მოსახლეობის ინფორმირებასა და პრევენციულ ღონისძიებებზე, არ ახორციელებს მსგავსი ზომებს. ეს მიუღებელია და საზოგადოების ჯანდაცვისათვის მნიშვნელოვან რისკს წარმოადგენს. მოსახლეობის დაცვა და დაავადებათა პრევენცია უნდა იყოს NCDC-ის პრიორიტეტი, რათა თავიდან ავიცილოთ შესაძლო ეპიდემიები და ჯანმრთელობის გართულებები.
პირველი ფიტნეს აკადემია სასიხარულო სიახლეებით დაგიბრუნდებათ სექტემბერში!
პირველი ფიტნეს აკადემია: სიახლეები სექტემბერში!
პირველი ფიტნეს აკადემია სასიხარულო სიახლეებით დაგიბრუნდებათ სექტემბერში!
1. ახალი საგანმანათლებლო პროექტი ბათუმში ფიტნეს აკადემია (FFA) და ფიტნეს კლუბი “რეფორმერი” იწყებენ ახალ საგანმანათლებლო პროექტს! ოქტომბრის დასაწყისიდან ქალაქ ბათუმში დაიწყება ფიტნეს ინსტრუქტორის კვალიფიკაციის კურსი. კურსდამთავრებულებს შესაძლებლობა ექნებათ გაიარონ სტაჟირება “რეფორმერის” ფილიალებში და საუკეთესო მათგანს მიეცემა დასაქმების პერსპექტივა იმავე კლუბში. კურსის გაწვდვას მოახდენენ პირველი ფიტნეს აკადემიის ლექტორები.
2. ახალი სახელმძღვანელოს ბეჭდური ვერსია FFA და კლუბ “რეფორმერის” კოლაბორაციით გამოიცემა მეორე სახელმძღვანელოს ბეჭდური ვერსია. სახელმძღვანელოს ნაწილი გაიგზავნება ბათუმში, ხოლო ნაწილი გაიყიდება თბილისში.
FFA-ს სერტიფიკატები პირველი ფიტნეს აკადემია არის ერთადერთი აკადემია, რომელიც აღიარებულია Ereps-ის და Europa Active-ის მიერ და შეტანილია საერთაშორისო ბაზაში. ასევე, FFA-ს სერტიფიკატი არის ერთადერთი ქართული სერტიფიკატი, რომელიც ვალიდურია არაბეთის გაერთიანებულ საამიროებში.
ამ ახალი პროექტების და გამოცემების შესახებ დეტალების გასაგებად, გაეცანით სიახლეებს ჩვენი აკადემიიდან!
რა არის სამედიცინო შეცდომა -“სამედიცინო დავების ცენტრის” დამფუძნებელი, ნინო ლიპარტია განმარტავს
რა არის სამედიცინო შეცდომა? – 《შენი უფლებების》ფარგლებში გთავაზობთ ნინო ლიპარტიას სტატიას, რომელიც გახლავთ “სამედიცინო დავების ცენტრის” დამფუძნებელი; ადვოკატი, სამართლის დოქტორი; პროფესორი; “საქართველოს ადვოკატები დამოუკიდებელი პროფესიისათვის” თავმჯდომარე.
სამედიცინო სამართლებრივი ურთიერთობაში განსაკუთრებული ინტერესის საგანია, სამედიცინო დაწესებულების მიერ პაციენტისათვის გაწეული მომსახურების ხარისხი და არაჯეროვანი მომსახურების გამო დამდგარი შედეგები.
პაციენტის უფლებების შესახებ საქართველოს კანონის მე-5 მუხლის თანახმად, საქართველოს თითოეულ მოქალაქეს უფლება აქვს, სამედიცინო მომსახურების ყველა გამწევისაგან მიიღოს ქვეყანაში აღიარებული და დანერგილი პროფესიული და სამომსახურეო სტანდარტების შესაბამისი სამედიცინო მომსახურება.
პაციენტის უფლება უსაფრთხოებაზე მოიცავს ხარისხიანი სამედიცინო მომსახურების სტანდარტების დაცვასა და პრევენციულ ღონისძიებებზე უფლებებს. ყველას აქვს უფლება, გათავისუფლდეს იმ საფრთხეებისაგან, რომლებიც განპირობებულია ჯანდაცვის სამსახურების ცუდი მუშაობით, საექიმო გულგრილობით, სამედიცინო შეცდომებით და ხელი მიუწვდებოდეს სამედიცინო მომსახურებასა და მკურნალობაზე, რომელიც აკმაყოფილებს უსაფრთხოების მაღალ სტანდარტებს.
თუმცა სამედიცინო მომსახურების გაწევისას შესაძლებელია დადგეს ექიმის პასუხისმგებლობის საკითხი, რომლის საფუძველს წარმოადგენს ექიმის მიერ დაშვებული სამედიცინო შეცდომა. შესაბამისად, აუცილებელია, განიმარტოს სამედიცინო შეცდომის არსი და სწორად იქნეს განსაზღვრული ექიმის პასუხისმგებლობის სამართლებრივი საფუძველი.
სამედიცინო შეცდომა წარმოადგენს ექიმის პასუხისმგებლობის პრაქტიკულ საფუძველს და ადგენს მისი პასუხისმგებლობის საზღვრებს. სამწუხაროდ, სამედიცინო შეცდომის დეტალური და ამოწურავი განმარტება ქართულ კანონმდებლობაში გათვალისწინებული არ არის. რამდენიმე სამართლებრივ აქტშია იგი ნახსენები და განმარტებული.
„ჯანმრთელობის დაცვის შესახებ“ საქართველოს კანონის მიხედვით, მცდარი სამედიცინო ქმედება არის „ექიმის მიერ უნებლიედ პაციენტის მდგომარეობისათვის შეუსაბამო სადიაგნოზო ან/და სამკურნალო ღონისძიებების ჩატარება, რაც მიყენებული ზიანის უშუალო მიზეზი გახდა.“ იგივე ტერმინი აღნიშნულია „პაციენტის უფლებების შესახებ“ საქართველოს კანონში, რომლის მეათე მუხლი უთითებს, რომ „პაციენტს ან მის კანონიერ წარმომადგენელს უფლება აქვს მოითხოვოს მცდარი სამედიცინო ქმედებით მიყენებული ზიანის ანაზღაურება.“ შესაბამისად, ექიმის პასუხისმგებლობის განსაზღვრისა და დადგენისათვის, აუცილებელია განიმარტოს სამედიცინო შეცდომის არსი და დადგინდეს მისი შინაარსი.
სამედიცინო მომსახურების გაწევისას, აუცილებელია ექიმის ქმედება სრულად იყოს სამედიცინო სტანდარტთან შესაბამისი. სამედიცინო შეცდომად მიიჩნევა, სწორედ სამედიცინო სტანდარტიდან არასასურველი, არასწორი გადახვევის შედეგი. შესაბამისად, აუცილებელია განიმარტოს, რას გულისხმობს სამედიცინო სტანდარტი. სამედიცინო სტანდარტის შინაარსი განისაზღვრება, როგორც „მკურნალობის პერიოდში არსებული ცოდნისა და შესაძლებლობების დონე, რომელიც დადასტურებულია სამედიცინო პრაქტიკითა და სამეცნიერო ცოდნით და რომლის ცოდნა და განხორციელება მოეთხოვება საშუალო კვალიფიკაციის მქონე სპეციალისტს.“(წყარო: „სამედიცინო შეცდომის დადგენის პრობლემატიკა ექიმის პასუხისმგებლობის განსაზღვრის დროს.“ ნატალია მოწონელიძე, ჟურნალი, მართლმსაჯულება და კანონი).
სასამართლოს განმარტეთბი, „საექიმო შეცდომაში იგულისხმება ექიმის მიერ საზოგადოდ აღიარებული სამედიცინო და ეთიკური სტანდარტების, კანონმდებლობით განსაზღვრული წესების დარღვევა, რამაც განაპირობა პაციენტის მდგომარეობისათვის შეუსაბამო სადიაგნოზო და/ან სამკურნალო ღონისძიებების ჩატარება, რაც თავის მხრივ, პაციენტისთვის ზიანის მიყენების უშუალო მიზეზი გახდა.“
სამედიცინო შეცდომა შეიძლება მოიცავდეს, როგორც ექიმის აქტიურ მოქმედებას, ისე უმოქმედობას, ასევე ისეთ ქმედებას, რომლის განხორციელებაც მსგავსი ტიპის დაავადების შემთხვევაში არ არის მიზანშეწონილი. ან პირიქით, საჭირო ღონისძიებების გაუტარებლობას, ექიმის მიერ არასწორი ზომების მიღებას ან არასწორი მითითებების გაცემას, როგორც მკურნალობამდე, ისე მკურნალობის შემდეგ.
სასამართლო პრაქტიკაში სამედიცინო სტანდარტის დაუცველობა პასუხისგებლობის დაკისრების საფუძველია. სამედიცინო სტანდარტების შესაბამისად, მოქმედების დროს, ექიმი არ არღვევს ვალდებულებას და მას არც ბრალი მიუძღვის. ექიმი მხოლოდ მაშინ არის ვალდებულების დარღვევისთვის პასუხისმგებელი, როდესაც პაციენტისთვის მიყენებული ზიანი გამოიწვია მკურნალობისას დაშვებულმა შეცდომამ, მაგრამ თუ ექიმმა კონკრეტული საკითხი ინდივიდუალურად არ იცის ან აღინიშნება პროფესიული სისუსტე (ცოდნის ნაკლებობა), ეს მას არ ამართლებს. ვინაიდან, ექიმი ხელყოფს სავალდებულო გულისხმიერებას მაშინაც, როდესაც იგი თავისი განათლებისა და კვალიფიკაციის ამაღლების ვალდებულებას არღვევს და შესაბამისად, სამედიცინო მეცნიერებაში თანამედროვე ცოდნაც არა აქვს.
საქართველოს უზენაესი სასამართლოს განმარტებით, „კლინიკამ დაარღვია მეორადი შეფასებით დადგენილი კრიტერიუმები – რაც მკურნალობის პროცესში პაციენტისთვის პროტოკოლისგან გადახვეულ, ინდივიდუალურ შეფასებაზე დამოკიდებულ მკურნალობას გულისხმობს. პროტოკოლური მოთხოვნების უგულებელყოფა აპრიორულად მიიჩნევა არასათანადო მკურნალობის გაწევად, რაც თავისთავად შეუსაბამოა სახელმწიფოს მიერ დამტკიცებული მოქმედებების სტანდარტისგან და იწვევს პაციენტის ჯანმრთელობის მდგომარეობისთვის ზიანის მიყენებას. ჩატარებული მკურნალობის შემდგომ, შესაძლოა პაციენტის ჯანმრთელობის მდგომარეობა ნამდვილად გაუარესდეს, რაც, მათ შორის, დამოკიდებულია მისი ორგანიზმის ზოგად მდგომარეობაზე, თუმცა, კონკრეტული მკურნალობის დამტკიცებული გაიდლაინებისა თუ სტანდარტის გადახვევა და პროტოკოლით გათვალისწინებული მოქმედებების შეუსრულებლობა, თუნდაც ნაწილობრივი, როდესაც მიზანშეწონილია დამატებითი კვლევების ჩატარება, მაგრამ სამედიცინო დაწესებულება კვლევის ჩატარების აუცილებლობას უგულებელყოფს, დამდგარი შედეგის მიმართ პასუხისმგებლობის გამორიცხვის არგუმენტირებული დასაბუთებად ვერ ჩაითვლება.
სასამართლოს მიერ დადგინდა, რომ „კლინიკის მიერ სახელმწიფო მკურნალობის სტანდარტის – პროტოკოლის დარღვევა, ადასტურებდა პაციენტის მკურნალობის პროცესში ექიმის მიერ მართლსაწინააღმდეგო და ბრალეული ქმედების ჩადენის ფაქტს. შესაბამისად, სასამართლომ დაადგინა სამედიცინო შეცდომა. (საქართველოს უზენაესი სასამართლოს გადაწყვეტილება ას-45-2024 19 ივნისი, 2024 წელი).
ექიმი და სამედიცინო დაწესებულება პასუხისმგებელია მხოლოდ მცდარ სამედიცინო მოქმედებაზე და მისი საქმიანობის ბრალეულობის ვარაუდი (პრეზუმფცია) არ მოქმედებს. თუ ექიმი სამედიცინო სტანდარტების შესაბამისად მოქმედებს, მაშინ ის არ არღვევს არც ერთ ვალდებულებას და ბრალი არ მიუძღვის. თუ მკურნალობა სწორადაა წარმართული, თუნდაც მას უარყოფითი შედეგები მოჰყვეს, არ იწვევს ექიმის და სამედიცინო დაწესებულების პასუხისმგებლობას ექიმის და სამედიცინო დაწესებულების პასუხისმგებლობის საფუძველი არის არა მკურნალობის უარყოფითი შედეგი, არამედ სამედიცინო სტანდარტებიდან გადახვევა (თბილისის საქალაქო სასამართლოს N-2/6882-23 (330210023006977441),16/05/2024).
სასამართლომ ხაზი გაუზსვა, რომ ექიმის პასუხს აგებს მხოლოდ სამედიცინო შეცდომისათვის ანუ თუ უარყოფილი შედეგი გამოწვეული სამედიცინო სტანდარტიდან გადახვევის შედეგად. ეს შეიძლება გამოიხატოს, როგორც საოპერაციო ჩარევის, ასევე, დიაგნოზის დასმისა თუ არასწორი კვლევის ჩატარების პროცესში. ექიმის ბრალი მკურნალობის დროს დაშვებულ შეცდომაში დასაბუთებულია მაშინ, როდესაც სიმპტომატიკის საფუძველზე შეცნობად დაავადებას ექიმი ვერ შეიცნობს. კვლევების უხეში, არასწორი შეფასება და შეცნობა არის სხვა არაფერი, თუ არა ფუნდამენტური სამედიცინო შეცდომა. ყოველი სამედიცინო შეცდომა პაციენტის მიერ, კლინიკისათვის ზიანის ანაზღაურების მოთხოვნის წარმოშობის საფუძველია. (წყარო: „სამედიცინო შეცდომის დადგენის პრობლემატიკა ექიმის პასუხისმგებლობის განსაზღვრის დროს.“ ნატალია მოწონელიძე, ჟურნალი, მართლმსაჯულება და კანონი).
“შესაძლოა, ახალმა ვირუსმა პანდემია გამოიწვიოს” – გიორგი ფხაკაძე უახლესი ინფორმაციით
ახალმა ვირუსმა შესაძლოა, პანდემია გამოიწვიოს – ჩინეთში ახალი ფრინველის გრიპის შტამით გარდაცვლილთა რაოდენობა 36-მდე გაიზარდა – ჯანმოს აღნიშნულ ინფორმაციას ჯანდაცვის მსოფლიო ექსპერტი, პროფესორი გიორგი ფხაკაძე აქვეყნებს.
ჩინეთში ახალი ფრინველის გრიპის შტამმა, რომელიც ცნობილია როგორც H7N9, ოთხი ადამიანის სიცოცხლე შეიწირა, რის შედეგადაც გარდაცვლილთა რაოდენობა 36-მდე გაიზარდა.
ეს ინფორმაცია მსოფლიო ჯანდაცვის ორგანიზაციამ (ჯანმო) გაავრცელა, რომელმაც აღნიშნა, რომ ჯამში დადასტურებულია ამ ვირუსის 131 შემთხვევა.
🇺🇳 გაერთიანებული ერების ორგანიზაციის ჯანმრთელობის სააგენტო, ჯანმო, დაადასტურა, რომ ეს ოთხი გარდაცვალება ლაბორატორიულად უკვე იდენტიფიცირებულ შემთხვევებში მოხდა. ჯანმოს თქმით, 8 მაისის შემდეგ ახალი H7N9 ინფექციის შემთხვევები არ დაფიქსირებულა.
H7N9 შტამი პირველად მარტში დაფიქსირდა პაციენტებში ჩინეთში და ჯანმოს მიხედვით, ჯერ არ არსებობს მტკიცებულება, რომ ეს ვირუსი ადვილად ვრცელდება ადამიანიდან ადამიანზე. ეს მნიშვნელოვანი დეტალია, რადგან თუ ვირუსი უფრო მარტივად დაიწყებს გადაცემას ადამიანებს შორის, შესაძლოა პანდემია გამოიწვიოს.
თუმცა, ჯანმო აფრთხილებს, რომ სანამ ინფექციის წყარო არ იდენტიფიცირდება და არ გაკონტროლდება, მოსალოდნელია H7N9-ით ადამიანის ინფექციის ახალი შემთხვევები. ორგანიზაციამ ხაზი გაუსვა ვირუსის მონიტორინგის და მართვის მნიშვნელობას.
ჩინეთის ჯანდაცვის ორგანოები აქტიურად ახორციელებენ გაძლიერებულ მონიტორინგს და სხვადასხვა პრევენციულ ღონისძიებებს ვირუსის გავრცელების შესაჩერებლად. ამ ღონისძიებებს შორისაა ეპიდემიოლოგიური გამოკვლევები ვირუსის გავრცელების მექანიზმების გასაგებად, ახლო კონტაქტების მონიტორინგი ინფიცირებულებთან კონტაქტში მყოფი ადამიანების დასაკვირვებლად და კლინიკური მართვა ინფიცირებულთა სამკურნალოდ. ლაბორატორიული ტესტირება და ვირუსის ნიმუშების გაზიარება მნიშვნელოვან როლს ასრულებს H7N9-ის წინააღმდეგ ბრძოლაში.
ჯანმომ ჩინეთის ორგანოებს მადლობა გადაუხადა მათი კომპლექსური რეაგირებისთვის, რომელიც ასევე მოიცავს საზოგადოებრივი ინფორმაციის კამპანიებს და ცოცხალი ფრინველების ბაზრების რეგულირებას, სადაც სავარაუდოდ ვირუსი წარმოიშვა. მიუხედავად ამ ძალისხმევისა, ვირუსის წყარო ჯერ კიდევ უცნობია და ადამიანის ინფექციის რისკი კვლავ არსებობს.
ბოლო კვირების განმავლობაში, ახალი H7N9 შემთხვევების შემცირების ფონზე, ჩინეთის ზოგიერთ პროვინციაში საგანგებო ოპერაციები შემცირდა. ეს ოპტიმისტური ნიშანია, მაგრამ ჯანდაცვის ოფიციალური პირები კვლავ გაფრთხილებას იძლევიან სიფრთხილის და მზადყოფნის საჭიროებაზე.
H7N9 ვირუსი გრიპის ვირუსის ქვეტიპია, რომელიც ძირითადად ფრინველებში ცირკულირებს. ადამიანებში ინფიცირება იშვიათია, მაგრამ შესაძლებელია, თუ ისინი ინფიცირებულ ფრინველებთან ან დაბინძურებულ გარემოსთან კონტაქტში მოდიან. სიმპტომები ადამიანებში შეიძლება მერყეობდეს მსუბუქი გრიპისმაგვარი ნიშნებიდან მძიმე რესპირატორულ დაავადებამდე და ზოგიერთ შემთხვევაში, სიკვდილამდე.
ჯანმო მჭიდროდ თანამშრომლობს ჩინეთის ჯანდაცვის ორგანოებთან და სხვა საერთაშორისო ჯანმრთელობის სააგენტოებთან სიტუაციის მონიტორინგისა და საჭიროების შემთხვევაში დახმარების გასაწევად. ეს თანამშრომლობა მიზნად ისახავს ვირუსის გავრცელების პრევენციას და პოტენციური ეპიდემიების თავიდან აცილებას.
H7N9-ის მართვის ერთ-ერთი მთავარი გამოწვევა არის ვირუსის მუტაციის უნარი. გრიპის ვირუსები ცნობილია მათი გენეტიკური ვარიაბელობით, რაც ართულებს ეფექტური ვაქცინებისა და მკურნალობების შემუშავებას. ჯანმო და მისი პარტნიორები მუდმივად ანალიზს უკეთებენ ვირუსის ნიმუშებს, რათა გამოვლენდეს ნებისმიერი ცვლილება, რომელიც შეიძლება მიანიშნებდეს ადამიანისგან ადამიანზე გადაცემის მაღალი რისკის შესახებ.
საზოგადოებრივი ჯანმრთელობის ექსპერტები ხაზს უსვამენ გლობალური თანამშრომლობის მნიშვნელობას H7N9-ის და სხვა ახალი ინფექციური დაავადებების წინააღმდეგ ბრძოლაში. ინფორმაციის, რესურსების და ექსპერტიზის გაზიარებით, ქვეყნები უკეთ შეძლებენ თავიანთი მოსახლეობის დაცვას და ვირუსების გავლენის შემცირებას.
მიუხედავად იმისა, რომ ჩინეთში ახალი H7N9 შემთხვევების შემცირება მომავლისთვის იმედისმომცემია, სიტუაცია კვლავ სერიოზულია. გარდაცვლილთა რაოდენობა 36-ს შეადგენს და ინფექციების შემდგომი შემთხვევების რისკი კვლავ არსებობს, სანამ ვირუსის წყარო არ გამოვლინდება და გაკონტროლდება. ჯანმო და ჩინეთის ჯანდაცვის ორგანოები აგრძელებენ აქტიურ ძალისხმევას H7N9-ის მონიტორინგის, მართვისა და პრევენციისთვის, რაც ხაზს უსვამს გლობალური თანამშრომლობისა და სიფხიზლის მნიშვნელობას ინფექციური დაავადებების წინააღმდეგ ბრძოლაში – წერს გიორგი ფხაკაძე.
📌 https://www.reuters.com/article/business/death-toll-from-new-bird-flu-in-china-rises-to-36-who-idUSL6N0DY3MY/
www.sheniekimi.ge #drpkhakadze #გიორგიფხაკაძე #sheniekimi #shenisofeli #shenisupra #sheniambebi #sheniinterieri #shenihoroskopi #sheniganatleba #accreditationge #shenidasveneba #sheniganatleba #sheniinterieri #shenisilamaze #sheniemigranti #shenipulsi #shenitbilisi #shenimegzuri #shenistartup #sheni
Giorgi Pkhakadze @highlight @[61554408115760:2048:SheniAmbebi.ge • http://xn--lodcajcveug2j.ge/] დევნილთა, შრომის, ჯანმრთელობისა და სოციალური დაცვის სამინისტრო დაავადებათა კონტროლისა და საზოგადოებრივი ჯანმრთელობის ეროვნული ცენტრი • NCDC & PH
ჩინეთში ფრინველის გრიპი დაფიქსირდა – გიორგი ფხაკაძე საგანგაშო ინფორმაციას აქვეყნებს
ჩინეთში ფრინველის გრიპი დაფიქსირდა – ჯანდაცვის საერთაშორისო ექსპერტი, გიორგი ფხაკაძე საგანგაშო ინფორმაცია აქვეყნებს
“სამწუხაროდ, მგონი ის რაც ვთქვი ისევ სრულდება.
🦠ფრინველის გრიპის შემთხვევების მატება ჩინეთსა და აშშ-ში.
ჩინეთსა და აშშ-ში ფრინველის გრიპის შემთხვევების ზრდამ გამოიწვია საერთაშორისო ორგანიზაციების შეშფოთება და გადაუდებელი ზომების მიღების მოთხოვნა.
ჩინეთში ახალი H5N6 ფრინველის გრიპის შემთხვევა
აღმოსავლეთ ჩინეთში, 70 წლის ქალი, რომელიც ეწვია ცოცხალი ფრინველების ბაზარს ხეფეიში, ანჰუის პროვინციაში, 17 ივნისს დაავადდა სიმპტომებით. ის 2 დღეში საავადმყოფოში გადაიყვანეს და, სამწუხაროდ, 8 ივლისს H5N6 ფრინველის გრიპით გარდაიცვალა.
კოლორადოში ახალი H5N1 ფრინველის გრიპის შემთხვევები
აშშ-ში, კოლორადოს ჯანდაცვის დეპარტამენტმა დაადასტურა, რომ ველდ ქაუნთის ორი მეფრინველეობის მუშაკი დაინფიცირდა H5N1 შტამით, რაც საერთო რაოდენობას ამ ფერმაში 3-მდე ზრდის. ამ თვის დასაწყისში 6 შემთხვევა დაფიქსირდა სხვა ფერმაში და ერთი შემთხვევა რძის ფერმაში.
CDC და ადგილობრივი ოფიცრები აკვირდებიან ფრინველის გრიპის შემთხვევებს
აშშ-ის დაავადებათა კონტროლის ცენტრმა (CDC) განაცხადა, რომ ამ ფერმის სამივე პაციენტს მსუბუქი სიმპტომები ჰქონდა და მათ შესთავაზეს ანტივირუსული პრეპარატი ოსელტამივირი. შტატის და ადგილობრივი ჯანდაცვის ოფიცრები განაგრძობენ მეფრინველეობის მუშაკების მეთვალყურეობას ინფიცირებულ ფერმებში. კოლორადოს ჯანდაცვის დეპარტამენტმა აღნიშნა, რომ საზოგადოებისთვის ფრინველის გრიპის რისკი დაბალია და არ არის მტკიცებულება ადამიანიდან ადამიანზე გადაცემის შესახებ.
გაერო FAO-ს მოუწოდებს გადაუდებელ ზომებს
გაეროს სურსათისა და სოფლის მეურნეობის ორგანიზაციამ (FAO) გამოხატა სერიოზული შეშფოთება აზია-წყნარი ოკეანის რეგიონში ფრინველის გრიპის შემთხვევების ზრდის გამო. კაჩენ ვონგსათაპორნჩაი, FAO-ს საგანგებო ცენტრის მენეჯერმა, განაცხადა, რომ ახალი A/H5N1 შტამების გავრცელება, რომლებიც უფრო ადვილად გადამდებია, წარმოადგენს დიდ პანდემიურ საფრთხეს.
გლობალური ფრინველის გრიპის შემთხვევები 2024 წელს
2023 წლის ბოლოს შემდეგ, ადამიანების შემთხვევების ზრდა დაფიქსირდა და ვირუსმა დაიწყო ახალი ცხოველების სახეობებზე გადაცემა. წელს მსოფლიოს მასშტაბით 23 ადამიანის შემთხვევა დაფიქსირდა, მათ შორის 12 აშშ-ში, 7 კამბოჯაში, 1 ჩინეთში, 1 ვიეტნამში და 1 ავსტრალიაში. აშშ-ში არც ერთი შემთხვევა ფატალური არ ყოფილა.
კოორდინირებული პრევენციული ზომების მიღების მოწოდება
ვონგსათაპორნჩაიმ მოუწოდა გადაუდებელ და კოორდინირებულ პრევენციულ ზომებს, რათა შეჩერდეს ფრინველის გრიპის აფეთქებები და შემცირდეს პანდემიური საფრთხე, რომელსაც ეს ახალი შტამები წარმოადგენენ.
ფრინველის გრიპის შემთხვევების მატებამ ჩინეთსა და აშშ-ში გამოიწვია გლობალური შეშფოთება. აუცილებელია გადაუდებელი და კოორდინირებული პრევენციული ზომების მიღება, რათა თავიდან ავიცილოთ პოტენციური პანდემია.
📌 https://bnonews.com/index.php/2024/07/china-us-bird-flu-cases-as-un-calls-for-urgent-action/
#drpkhakadze #გიორგიფხაკაძე
https://www.facebook.com/share/v/eg69PvDuKffAcf88/?mibextid=oFDknk
