ხელებსა და ფეხებში მგრძნობელობის დაკარგვა, რაც უნდა იცოდეთ – მნიშვნელოვანი სიმპტომები და რისკები

მიერ

-

ნოემბერი 27, 2024

ხელებსა და ფეხებში ჩხვლეტის შეგრძნება — #post_seo_title

ხელებსა და ფეხებში მგრძნობელობის დაკარგვა შესაძლოა საშიში დაავადების – გაფანტული სკლეროზის განვითარების ერთ-ერთი სიმპტომი იყოს.

გაფანტული სკლეროზი არის ნევროლოგიური დაავადება, რომელიც ზემოქმედებს ტვინსა და ზურგის ტვინზე. ეს დაავადება წარმოიქმნება მაშინ, როცა იმუნური სისტემა თავს ესხის ნერვულ უჯრედებს და ზურგის ტვინის ნერვული ბოჭკოების მიელინის გარსს, რომელიც ტვინსა და ზურგის ტვინის ნერვულ ბოჭკოებს ფარავს.

გაფანტული სკლეროზის მთავარი სიმპტომები

გაფანტული სკლეროზის სიმპტომები შეიძლება იყოს ძალიან მრავალფეროვანი, რომელიც დამოკიდებული იმაზე, თუ სად ხდება ნერვული ბოჭკოების მიელინის გარსის დაზიანება. დაავადების დაწყებისას ხშირად შეუმჩნეველია პირველი ნიშნები, რადგან მათ შესაძლოა ჰქონდეს ზოგადი სიმპტომები, როგორიცაა:

ზოგადი სისუსტე და დაღლილობა
სიარულის პრობლემები: არასტაბილურობა და წონასწორობის დარღვევა
დამახსოვრების სირთულეები: მეხსიერების და კონცენტრაციის პრობლემები
თავბრუსხვევა: წონასწორობის დაკარგვის შეგრძნებები

თვალის პრობლემები: გაფანტული სკლეროზის ერთ-ერთი კლინიკური ნიშანი

გაფანტული სკლეროზის დროს, ერთ-ერთი შესამჩნევი სიმპტომი შეიძლება იყოს მხედველობის დარღვევა, რომელიც დაკავშირებულია მხედველობის ნერვის დაზიანებასთან.

მთლიანად ან ნაწილობრივ მხედველობის დაკარგვა:

მხედველობის მკვეთრი გაუარესება (გარდაიქმნება დაბინდვიდან სიბრმავემდე)
მხედველობის გაორება: ორმაგი მხედველობა
მხედველობის ველის ნახევრის დაკარგვა: მხედველობის გარკვეული ნაწილების დაკარგვა

სხეულის შეგრძნობის დარღვევები

გაფანტული სკლეროზი ასევე აისახება კიდურებში მგრძნობელობის დაკარგვაში, რაც ხშირად გამოწვეულია ნერვული ბოჭკოების დაზიანებით. სიმპტომები მოიცავს:

დაბუჟების ან ჩხვლეტის შეგრძნება ხელებსა და ფეხებში
მგრძნობელობის დაქვეითება კიდურებში ან ტანში
სისუსტე ერთ ან რამდენიმე კიდურში: შონასწორობისა და კოორდინაციის პრობლემები
სირთულეები ზუსტი მოძრაობების შესრულებაში: რთული ხდება სხეულის ნაწილების კონტროლი

შეიძლება სახიფათო იყოს

ამ ნიშნების გამოვლენამ შეიძლება მიანიშნოს გაფანტული სკლეროზის არსებობაზე. ეს არის სერიოზული ნევროლოგიური დაავადება, რომელმაც შეიძლება გამოიწვიოს მძიმე ფიზიკური და ფსიქოლოგიური შედეგები. თუ შენიშნავთ ასეთ სიმპტომებს, აუცილებლად მიმართეთ ნევროლოგს, რათა დროულად მოხდეს დიაგნოზის დასმა და მკურნალობა მნიშვნელოვნად ზრდის დაავადების მართვის შესაძლებლობებს.

გაფანტული სკლეროზი: რაც უნდა იცოდეთ

გაფანტული სკლეროზის მიზეზები და რისკის ფაქტორები: დაავადება უფრო გავრცელებულია ახალგაზრდებში, განსაკუთრებით ქალებში, მაგრამ შეიძლება განვითარდეს ნებისმიერ ასაკში.
სასწრაფო დახმარება: თუ თვალის მხედველობის გაუარესება ან სიარულის დროს პრობლემა გაჩნიდა, დაუყოვნებლივ მიმართეთ ექიმს.
დიაგნოზი და მკურნალობა: ექიმი ზუსტი დიაგნოზის დასასმელად გამოიყენებს სპეციალურ ტესტებს და მკურნალობის სტრატეგიებს, რომლებიც მოიცავს მედიკამენტებს, თერაპიებს და ცხოვრების წესის ცვლილებებს.

„უწყვეტად გაგრძელდება, მოსახლეობისთვის, ქრონიკული დაავადებების მართვის მედიკამენტების მიწოდება“-მიხეილ სარჯველაძე

მიერ

-

ნოემბერი 27, 2024

0

ჯანდაცვის სამინისტრო სამედიცინო დაწესებულებებს საერთაშორისო აკრედიტაციის გავლისთვის დამატებით ვადას აძლევს — #post_seo_title

მიხეილ სარჯველაძემ, პარლამენტში, ოთხი კომიტეტის გაერთიანებულ სხდომაზე სიტყვით გამოსვლისას, სამომავლო რეფორმების ერთ-ერთი მთავარ პრიორიტეტად ფარმაცევტული სფერო დაასახელა და აღნიშნა, რომ ამ მიმართულებით, რეგულირების მექანიზმების დახვეწა მოხდება. ამასთანავე, მინისტრობის კანდიდატის განცხადებით, გაფართოვდება სახელმწიფოს მიერ დაფინანსებული მედიკამენტების სია და ბენეფიციართა რაოდენობა.

„უწყვეტად გაგრძელდება, მოსახლეობისთვის, ქრონიკული დაავადებების მართვის მედიკამენტების მიწოდება. მოგეხსენებათ, რომ ამ მიმართულებით, უზარმაზარი პროგრამა აქვს ჩვენს სახელმწიფოს, სადაც პროგრამის ბენეფიციარებისთვის, მედიკამენტების დიდი ნაწილი არის აბსოლუტურად უფასო. ეს არის მნიშვნელოვანი სოციალური შეღავათი, რომელიც ზრდად პენსიასთან და სოციალურ დახმარებასთან ერთად, მნიშვნელოვანი კომპონენტია, მოსახლეობის სოციალური უზრუნველყოფის თვალსაზრისით.

გაფართოვდება მედიკამენტების, მათ შორის ინოვაციური მედიკამენტების შესყიდვის ეფექტიანი მექანიზმები, რათა კიდევ უფრო გაიზარდოს მედიკამენტების ჩამონათვალი და მოსარგებლეების ჯგუფები – არამხოლოდ საპენსიო, არამედ უფრო დაბალი ასაკობრივი ჯგუფებიც მოიცვას და ამით, შემცირდეს ქრონიკული დაავადებების გართულებებთან დაკავშირებული ეკონომიკური და სოციალური წნეხი.

განსაკუთრებით მნიშვნელოვანი და პრიორიტეტული მიმართულება იქნება ხელმისაწვდომობის გაუმჯობესება. ამასთანავე, ყველაფერი გაკეთდება მედიკამენტებზე პერიოდული დეფიციტების გაჩენის რისკების დასაზღვევად. ამ მიმართულებით, ვმუშაობთ სხვადასხვა ბერკეტების შექმნაზე, იმისთვის რომ ეს დეფიციტები არცერთ შემთხვევაში არ იყოს მტკივნეული, ჩვენი მოქალაქეებისათვის. ამის დასაზღვევად გაკეთდება უკლებლივ ყველაფერი“, – განაცხადა მიხეილ სარჯველაძემ.

„ვგეგმავთ, მზარდი და მდგრადი ფინანსური რესურსით დარგის უზრუნველყოფას“-მიხეილ სარჯველაძე

მიერ

-

ნოემბერი 27, 2024

0

მიხეილ სარჯველაძე საქართველოს მალარიისგან თავისუფალ ქვეყნად გამოცხადებაზე — #post_seo_title

„უახლოეს პერიოდში, ხელშესახებად გაუმჯობესდება ამბულატორიული და სტაციონარული სერვისების დაფინანსების მეთოდოლოგიაცა და ხარისხიც, ფსიქიატრიული მიმართულებით. ვგეგმავთ, მზარდი და მდგრადი ფინანსური რესურსით დარგის უზრუნველყოფას“, – განაცხადა ჯანდაცვის მინისტრობის კანდიდატმა მიხეილ სარჯველაძემ, ოთხი კომიტეტის გაერთიანებულ სხდომაზე სიტყვით გამოსვლისას.

მიხეილ სარჯველაძემ აღნიშნა, რომ საქართველოში ფსიქიკური ჯანმრთელობის სერვისები გამოწვევას წარმოადგენს, თუმცა, სამინისტრო ამ მიმართულებით ფინანსური რესურსის მობილიზებისა და ხარისხობრივი ინდიკატორების განსაზღვრით სექტორის მნიშვნელოვან გაუმჯობესებას გეგმავს.

„ვგეგმავთ, მზარდი და მდგრადი ფინანსური რესურსით დარგის უზრუნველყოფას. მაქსიმალური ყურადღება გამახვილდება ხარისხიანი სერვისებით უზრუნველყოფაზე, შედეგიანობაზე. ამასთანავე, დაიწყება სახელმწიფო საკუთრებაში არსებული ფსიქიკური ჯანმრთელობის ცენტრების რეაბილიტაცია“, – განაცხადა მიხეილ სარჯველაძემ.

„გაგრძელდება C ჰეპატიტის მართვის სახელმწიფო პროგრამა“-მიხეილ სარჯველაძე

მიერ

-

ნოემბერი 27, 2024

0

„გაგრძელდება C ჰეპატიტის მართვის სახელმწიფო პროგრამა“-მიხეილ სარჯველაძე — #post_seo_title

აუცილებლად უნდა აღვნიშნო, რომ გაგრძელდება C ჰეპატიტის მართვის სახელმწიფო პროგრამა, რომლის დეტალებსა და უზარმაზარ წარმატებაზე საუბრით თავს არ შეგაწყენთ. ეს უნიკალური პროგრამა ჩვენი ხელისუფლების მოსვლის შემდეგ დაიწყო. დღეს, საქართველოს შეუძლია, ამაყად თქვას, რომ აქვს საქვეყნოდ სახელგანთქმული C ჰეპატიტის მართვის პროგრამა. მისი განმახორციელებელი და სულისჩამდგმელი გახლდათ ბატონი თენგიზ ცერცვაძე და მინდა, ამ ტრიბუნიდან, კიდევ ერთხელ მოვიხარო ქედი მისი ნათელი ხსოვნის წინაშე, – განაცხადა პარლამენტში, ოთხი კომიტეტის გაერთიანებულ სხდომაზე, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატმა.

ჯანდაცვის სამინისტროს ცნობით, მიხეილ სარჯველაძემ, სიტყვით გამოსვლისას, B ჰეპატიტისა და ტუბერკულოზის მართვის სახელმწიფო პროგრამებზეც ისაუბრა. მან ყურადღება გაამახვილა ამ მიმართულებით, მიღწეულ წარმატებასა და სამომავლო გეგმებზე.

„გაიზრდება B ჰეპატიტის მიმართულებით პრევენციისა და მკურნალობის პროგრამა. ასევე, შეგახსენებთ კიდევ ერთ დიდ წარმატებას – საქართველოში, დღეს, ტუბერკულოზით, იმაზე ნაკლები ადამიანია დასნებოვნებული, ვიდრე 2012 წლამდე, ამავე დიაგნოზით, იმყოფებოდა პენიტენციურ დაწესებულებებში. სასწაული ამბავი მოხდა, ამ წლების განმავლობაში – მაშინ, პენიტენციურ დაწესებულებაში, იმაზე მეტი ადამიანი იყო დაავადებული ტუბერკულოზით, ვიდრე დღეს, მთელს ქვეყანაშია. აქედან გამომდინარე, ეს დიდი წარმატებაა, მაგრამ სხვა მიმართულებების მსგავსად, აქაც არ ვკმაყოფილდებით მიღწეულით – მუდმივად საუკეთესო მაჩვენებლებისა და საქმის ბოლომდე მისაყვანად, ბრძოლას ურყევად გავაგრძელებთ“, – განაცხადა მიხეილ სარჯველაძემ.

„აღნიშნულ სისტემას სჭირდება კარგად იმპლემენტაცია, ყველა იმ ნაკლოვანებისა და ხარვეზის აღმოფხვრა“ – მიხეილ სარჯველაძე

მიერ

-

ნოემბერი 27, 2024

0

„ჰოსპიტალური მომსახურების ეფექტიანობის გასაუმჯობესებლად, დაიხვეწება და განვითარდება დიაგნოზთან შეჭიდული ჯგუფების დაფინანსების სისტემა“-მიხეილ სარჯველაძე — #post_seo_title

ჰოსპიტალური მომსახურების ეფექტიანობის გასაუმჯობესებლად, დაიხვეწება და განვითარდება დიაგნოზთან შეჭიდული ჯგუფების (DRG) დაფინანსების სისტემა – განაცხადა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატმა, მიხეილ სარჯველაძემ პარლამენტში, ოთხი კომიტეტის გაერთიანებულ სხდომაზე, სიტყვით გამოსვლისას.

მინისტრობის კანდიდატის განცხადებით, DRG სისტემა ერთ-ერთი მთავარი სიახლეა ჯანდაცვის სექტორში, რომელიც მრავალ ქვეყანაშია აპრობირებული.

„აღნიშნულ სისტემას სჭირდება კარგად იმპლემენტაცია, ყველა იმ ნაკლოვანებისა და ხარვეზის აღმოფხვრა, რომელიც შეიძლება, პრაქტიკამ, ამ დრომდეც აჩვენა და მომავალშიც, აუცილებლად აჩვენებს. მისივე თქმით, თითოეულ ასეთ პრობლემაზე განსაკუთრებული ყურადღება იქნება გამახვილებული. დაფინანსების სათანადო მექანიზმები დაინერგება, ასევე, ინოვაციური მეთოდების განსხვავებული წესით დაფინანსებისთვის“ – განაცხადა მიხეილ სარჯველაძემ.

„მთავარ აქცენტს გავაკეთებთ სამართლიან, ხარისხიან და საყოველთაოდ ხელმისაწვდომ ჯანდაცვაზე“ – მიხეილ სარჯველაძე

მიერ

-

ნოემბერი 27, 2024

0

მთავარ აქცენტს გავაკეთებთ სამართლიან, ხარისხიან და საყოველთაოდ ხელმისაწვდომ ჯანდაცვაზე — #post_seo_title

მნიშვნელოვანია, რომ დაახლოებით, 4-ჯერ არის გაზრდილი ჯანდაცვის დანახარჯები. ეს კოლოსალური მხარდაჭერაა, რომელსაც სახელმწიფო თითოეული პაციენტის დასახმარებლად იჩენს, – განაცხადა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატმა მიხეილ სარჯველაძემ სიტყვით გამოსვლისას პარლამენტში, სადაც გაერთიანებული კომიტეტების სხდომაზე, მინისტრობის კანდიდატებს უსმენენ.

როგორც მიხეილ სარჯველაძემ აღნიშნა, ჯანმრთელობის დაცვის პროგრამები მუდმივად მზარდი იქნება და ამ მიმართულებით, ყოველწლიურად, დაინერგება სიახლეები. მისივე განცხადებით, სიახლეები შეეხება პროგრამების როგორც ხარისხობრივ, ისე შინაარსობრივ გაუმჯობესებასა და განვითარებას.

მიხეილ სარჯველაძემ ჯანდაცვის მიმართულების პრიორიტეტებზეც ისაუბრა. მინისტრობის კანდიდატის განმარტებით, ჯანმრთელობის დაცვის სისტემის შემდგომი განვითარებისთვის, ერთ-ერთი მთავარი კვლავ საყოველთაო ჯანმრთელობის დაცვის პროგრამა და მისი ეფექტიანი განხორციელება იქნება.

„ჩვენ, მთავარ აქცენტს გავაკეთებთ მოქალაქეების ჯანმრთელობის მდგომარეობის გაუმჯობესებაზე, სამართლიან, ხარისხიან და საყოველთაოდ ხელმისაწვდომ ჯანდაცვაზე, დღეს არსებული სისტემის შენარჩუნებასა და მის შემდგომ განვითარებაზე. ეს მოიცავს ყველა მიმართულებას – სპორტული მედიცინიდან დაწყებული, ონკოლოგიური მედიცინით დამთავრებული – ერთის მხრივ, შევეცდებით, გავუფრთხილდეთ და მაქსიმალურად დავაფასოთ ის, რაც გვაქვს და მეორეს მხრივ, სწორედ ამ ბაზისზე განვახორციელოთ შემდეგი პროგრესი“, – განაცხადა მიხეილ სარჯველაძემ, განათლების, მეცნიერებისა და ახალგაზრდულ საქმეთა, კულტურის, სპორტისა და ჯანმრთელობის დაცვისა და სოციალურ საკითხთა კომიტეტების გაერთიანებულ სხდომაზე სიტყვით გამოსვლისას.

საქართველოს პარლამენტში, გაერთიანებული კომიტეტების სხდომას ასევე ესწრება ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე ირინე წაქაძე.

„რესპუბლიკურ საავადმყოფო იქნება თანამედროვე სტანდარტების შესაბამისი, საუკეთესო ტრადიციებზე დაფუძნებული, უახლესი თანამედროვე კლინიკა“

მიერ

-

ნოემბერი 27, 2024

0

„რესპუბლიკურ საავადმყოფო იქნება თანამედროვე სტანდარტების შესაბამისი, საუკეთესო ტრადიციებზე დაფუძნებული, უახლესი თანამედროვე კლინიკა“ — #post_seo_title

ჯანდაცვის მინისტრობის კანდიდატი, მიხეილ სარჯველაძე განათლების, მეცნიერებისა და ახალგაზრდულ საქმეთა, კულტურის, სპორტის, ჯანმრთელობის დაცვისა და სოციალურ საკითხთა კომიტეტების ერთობლივ სხდომაზე სიტყვით გამოვიდა.ინფორმაციას ჯანდაცვის სამინისტროს პრესსამსახური ავრცელებს.

მიხეილ სარჯველაძემ, ჯანდაცვის სისტემისა და სექტორის განვითარებისთვის დაგეგმილ ცვლილებებზე ისაუბრა. მინისტრობის კანდიდატმა, ყურადღება გაამახვილა რესპუბლიკური საავადმყოფოს კონცეფციაზე და აღნიშნა, რომ მალე ქვეყანას, ძლიერი, მაღალტექნოლოგიური, მულტიპროფილური სახელმწიფო კლინიკა ექნება.

„რესპუბლიკური საავადმყოფოს კონცეფცია წარდგენილ იქნა საქართველოს პრემიერ მინისტრის მხრიდან, არც თუ ისე დიდი ხნის წინ. ვფიქრობ ამას საზოგადოებაში საკმაოდ დიდი და პოზიტიური გამოხმაურება ჰქონდა, მაღალია ინტერესიც და მოლოდინიც ამ მიმართულებით. ვფიქრობთ ძალიან მალე, არც თუ ისე დიდი ხსნის შემდეგ, ჩვენ გვექნება თანამედროვე სტანდარტების შესაბამისი , საუკეთესო ტრადიციებზე დაფუძნებული, უახლესი თანამედროვე კლინიკა თბილისის ცენტრში“, – განაცხადა მიხეილ სარჯველაძემ.

#drpkhakadze

არის თუ არა ჰიპერაქტიურობა ნევროლოგიური დარღვევა? სჭირდება თუ არა ამ დროს ბავშვს დახმარება?

მიერ

-

ნოემბერი 27, 2024

0

არის თუ არა ჰიპერაქტიურობა ნევროლოგიური დარღვევა? სჭირდება თუ არა ამ დროს ბავშვს დახმარება?

ბევრი მშობელი და მასწავლებელი მიიჩნევს, რომ ბავშვი ჰიპერაქტიურია, თუმცა ხშირად ეს მდგომარეობა არ არის ნევროლოგიური დარღვევა. მიუხედავად ამისა, მნიშვნელოვანია გავარკვიოთ, რა შემთხვევაში შეიძლება იყოს საჭირო სპეციალისტის დახმარება.

ჰიპერაქტიურობა და ყურადღების დეფიციტი ხშირად დაკავშირებულია ნერვული სისტემის დარღვევასთან, მაგრამ მხოლოდ კონკრეტული სიმპტომების არსებობა არ ნიშნავს დაავადებას.

ჰიპერაქტიურობა და ADHD-ის სიმპტომები

მშობლები ხშირად უკავშირდებიან ნევროლოგებს ან ფსიქოლოგებს, როცა ბავშვი გამოირჩევა ჭარბი აქტიურობით. ამ დროს მნიშვნელოვანია, რომ ნევროლოგმა ან ფსიქიატრიმა სპეციალური ტესტებით დაადასტურეოს ADHD (ყურადღების დეფიციტის ჰიპერაქტიურობის სინდრომი) დიაგნოზი.

ADHD-ისთვის დამახასიათებელია:

ყურადღების კონცენტრაციის სირთულე: ბავშვს უჭირს დავალებებზე ფოკუსირება.
გიპერაქტიურობა: მუდმივი მოძრაობა, შეუსვენებლად, ჭარბი ენერგია.
იმპულსურობა: სწრაფი და მოულოდნელი რეაქციები.

ADHD-ს დიაგნოზი

თუ ბავშვში ამ სიმპტომების კომბინაცია არსებობს, მაშინ აუცილებელია სპეციალისტის ჩარევა, რადგან ADHD-ის მართვა მოითხოვს დროულ მკურნალობას და დიაგნოზის დასმას. სამედიცინო სერტიფიცირებული ტესტები გვაძლევს საშუალებას განვსაზღვროთ, აქვს თუ არა ბავშვს ADHD და როგორ უნდა მოხდეს მისი მართვა.

ჰიპერაქტიურობის სხვა მიზეზები

ჰიპერაქტიურობა არ არის მხოლოდ ADHD-ს სიმპტომი. მისი მიზეზები შეიძლება განსხვავდებოდეს და მოიცავდეს:

ასაკობრივი თავისებურება: პატარა ბავშვებს ხშირად აქვთ ჭარბი აქტიურობა, რაც ბუნებრივია მათი განვითარების პროცესში.
ტემპერამენტი: ზოგიერთ ბავშვს აქვს ბუნებრივი მიდრეკილება, აქვს მაღალი აქტიურობა და ენერგია.
გარემო პირობები: გადაღლა, სტრესი, არასაკმარისი ძილი და არასწორი კვება ასევე შეიძლება იყოს აქტიურობის მიზეზი.

რეკომენდაციები მშობლებისთვის

თუ თქვენ შეამჩნიეთ, რომ თქვენი ბავშვი ჰიპერაქტიურია, უმჯობესია კონსულტაცია გაიაროთ ნევროლოგთან ან ფსიქოლოგთან. მას შეუძლია დიფერენცირება ADHD და სხვა შესაძლო დარღვევებს შორის, რათა შეირჩეს სწორი მართვის სტრატეგია. ნუ დამალავთ ბავშვის სიმპტომებს და დროულად მიმართეთ პროფესიონალს.

ADHD-ის მკურნალობა

ADHD-ის მკურნალობა მოიცავს არა მხოლოდ მედიკამენტოზურ თერაპიას, არამედ ქცევით თერაპიების, რაც ბავშვს დაეხმარება გაიუმჯობესოს ყურადღება, მართოს ემოციები და განვითარდეს სოციალური ურთიერთობებში.

ბავშვებში ჰიპერაქტიურობის ადრეული ამოცნობა და სწორი მკურნალობა დაგეხმარებათ ნერვული სისტემის დაზიანებაის თავიდან აცილებაში და ბავშვს საშუალებას მისცემს სრულფასოვნად განვითარდეს.

#drpkhakadze

უსაფრთხო და ხარისხიანი საექთნო საქმიანობის ძირითადი კომპონენტები – სახელმძღვანელო განკუთვნილია პროფესიული და საბაკალავრო პროგრამის ექთნებისათვის

მიერ

-

ნოემბერი 27, 2024

0

saeqtno lideroba da martva — #post_seo_title

ევროპის განვითარებისა და რეკონსტრუქციის ბანკისა (EBRD) და ვიანის ერთობლივი პროექტის ფარგლებში გამოიცა 16 მიმართულების ლიტერატურა, რომელიც, თავის მხრივ, რამდენიმე ტომად არის წარმოდგენილი, ჯამში 27 წიგნი.

სახელმძღვანელო განკუთვნილია პროფესიული და საბაკალავრო პროგრამის ექთნებისათვის.

წიგნში მოცემული მასალა მიზნად ისახავს თანამედროვე, დასავლური,
პროფესიული ინფორმაციის მიწოდებასა და მათი კრიტიკული და ანალიტიკური აზროვნების უნარის გაუმჯობესებას.

ექთნები დღეს უნდა გაიზარდონ და განვითარდნენ, მკვეთრად ცვალებადი ჯანდაცვის სისტემის მოთხოვნების დასაკმაყოფილებლად. ამისათვის, საკითხავ ტექსტს თან სადისკუსიო კითხვები და სავარჯიშოები ერთვის, რომელიც ჯგუფური მეცადინეობისას შესაძლოა ნაყოფიერი აღმოჩნდეს.

უსაფრთხო და ხარისხიანი საექთნო საქმიანობის ძირითადი კომპონენტები

ამ თავში თქვენ შეისწავლით:
• IOM-ის (მედიცინის ინსტიტუტი) კომპეტენციების განსაზღვრას, ამ ორგანიზაციის ექვსი
მიზნის მონახაზის გაკეთებასა და ამავე ორგანიზაციის მიერ ჩამოყალიბებული 21-ე საუკუნის ჯანდაცვის 10 წესის ანალიზს;
• IOM-ის მიერ შემუშავებულ კომპეტენციებსა და QSEN-ის მიერ (Quality and Safety
Education for Nurses – ექთნების სწავლება ხარისხისა და უსაფრთხოების მიმართულებით) შემუშავებულ ძირითად კომპეტენციებს შორის სხვაობის ანალიზს;
• საექთნო საქმიანობის თითოეული ძირითადი კომპეტენციის ფუნდამენტური მახასიათებლების განსაზღვრასა და აღწერას;
• პაციენტზე ორიენტირებული უსაფრთხო და ხარისხიანი მკურნალობისათვის აუცილებელი ეფექტური საექთნო ლიდერობისა და მართვის მნიშვნელობის განხილვას;
ყველა დონეზე ექთნები წარმოადგენენ ლიდერებს პაციენტთა უსაფრთხოების უზრუნველყოფის კუთხით. თითოეულ ექთანს, როგორც ინტერდისციპლინური გუნდის წევრს, უნდა შევასწავლოთ პაციენტზე ორიენტირებული მკურნალობის ასპექტები. ამისთვის აქცენტი უნდა
გავაკეთოთ მტკიცებულებებზე დაფუძნებულ პრაქტიკაზე, ხარისხის გაუმჯობესების მიდგომებზე, ინფორმატიკასა და უსაფრთოხებაზე (Cronenwerr et al., 2007. Greiner & Knebel, 2003).
თანამედროვე მოძრაობა პაციენტთა უსაფრთხოების მიმართულებით დაიწყო 2000 წელს, როდესაც IOM-მ გამოაქვეყნა მისი საეტაპო ანგარიში „შეცდომის დაშვება ადამიანურია: ვაშენოთ უფრო უსაფრთხო ჯანდაცვა“ (To Err Is Human: Building a Safer Health System p Kohn, Corrigan & Donaidson, 2000). ამ პუბლიკაციით დაიწყო ჯანდაცვაში ხარისხისა და უსაფრთხოების ძიება, რამაც, საბოლოოდ, მოგვიყვანა კიდეც დღევანდელ დღემდე. 2003-ში IOM-მ გამოაქვეყნა სტატია ჯანდაცვის პროფესიონალების სწავლება: ხიდი ხარისხისაკენ (Health Professions Education: A bridge to Quality – Creiner & Knebel, 2003), რომელიც განსაზღვრავს ხუთ ძირითად კომპეტენციას ჯანდაცვის ყველა პროფესიონალისთვის. IOM-ს აღნიშნული ანგარიშის საპასუხოდ, QSEN-მა 2005 წელს სპეციალური ინიციატივა გააჟღერა, რომლის მიზანიც იყო საექთნო სპეციალობის ძირითადი კომპეტენციების განსაზღვრა.
ეს თავი წარმოადგენს მთელი წიგნის საფუძველს და განიხილავს IOM-ის მიერ ყველა სპეციალობისთვის დადგენილ ძირითად კომპეტენციებს და ამ კომპეტენციების QSEN-ის მიერ საექთნო სპეციალობისთვის ადაპტირებულ ვარიანტს. ამ თავში განხილული იქნება თითოეული კომპეტენციის ფუნდამენტური ელემენტები, ლიდერი და მენეჯერი ექთნებისთვის დახმარების გაწევის მიზნით.

202306071649-saeqtno_lideroba_da_martva_dd

#drpkhakadze

ასაკის მატებასთან დაკავშირებული ჯანმრთელობის ცვლილებები – სახელმძღვანელო განკუთვნილია პროფესიული და საბაკალავრო პროგრამის ექთნებისათვის

მიერ

-

ნოემბერი 27, 2024

0

ასაკის მატებასთან დაკავშირებული ჯანმრთელობის ცვლილებები — #post_seo_title

ევროპის განვითარებისა და რეკონსტრუქციის ბანკისა (EBRD) და ვიანის ერთობლივი პროექტის ფარგლებში გამოიცა 16 მიმართულების ლიტერატურა, რომელიც, თავის მხრივ, რამდენიმე ტომად არის წარმოდგენილი, ჯამში 27 წიგნი.

სახელმძღვანელო განკუთვნილია პროფესიული და საბაკალავრო პროგრამის ექთნებისათვის.

წიგნში მოცემული მასალა მიზნად ისახავს თანამედროვე, დასავლური,
პროფესიული ინფორმაციის მიწოდებასა და მათი კრიტიკული და ანალიტიკური აზროვნების უნარის გაუმჯობესებას.

ექთნები დღეს უნდა გაიზარდონ და განვითარდნენ, მკვეთრად ცვალებადი ჯანდაცვის სისტემის მოთხოვნების დასაკმაყოფილებლად. ამისათვის, საკითხავ ტექსტს თან სადისკუსიო კითხვები და სავარჯიშოები ერთვის, რომელიც ჯგუფური მეცადინეობისას შესაძლოა ნაყოფიერი აღმოჩნდეს.

ასაკის მატებასთან დაკავშირებული ჯანმრთელობის ცვლილებები

ამ თავის დასრულების შემდეგ თქვენ შეგეძლებათ:
1. დაბერების თანმდევი სხეულის, როგორც სისტემის სტრუქტურული და ფუნქციური
ერთეულის ცვლილებების აღწერა;
2. ასაკთან დაკავშირებული ცვლილებების კლინიკური მნიშვნელოვნების აღქმა, ასაკოვანთა ჯანმრთელობისა და ავადობის რისკებთან მიმართებით;
3. ხანდაზმული ადამიანების საექთნო შეფასების კომპონენტების განხილვა ნორმალური
დაბერების ჭრილში;
4. ხანდაზმულ ადამიანებში წარმატებული დაბერების ხელშემწყობი და ასაკობრივ ცვლილებებზე დაფუძნებული მკურნალობის სტრატეგიების განსაზღვრა.
დაავადებებისგან თავისუფალ, დაბერების ნორმალურ პროცესს, ორგანიზმში გარკვეული
ცვლილებები ახლავს თან. ისეთმა ხანგრძლივმა კვლევებმა, როგორიცაა Baltimore Longitudinal Study of Aging (2010), აჩვენა ორგანიზმის სისტემების მხრივ სტრუქტურული და ფუნქციური ცვლილებები, რომელიც განსაკუთრებით ნათელია 85-ზე მეტი წლის ასაკის ადამიანებში (Hall, 2002). ამ ცვლილებათა უმეტესობა ხასიათდება ფიზიოლოგიური რეზერვების შემცირებით, რაც მხოლოდ საბაზისო ფუნქციის შენარჩუნებაში ვლინდება, და გარემო ფაქტორებით, დაავადებით ან მედიკამენტური თერაპიით გამოწვეული სტრესის საპასუხოდ ორგანოთა სისტემების მიერ ჰომეოსტაზის შენარჩუნების უნარის დაქვეითებაში (Miller, 2009). ასაკობრივი ცვლილებები მნიშვნელოვნად განპირობებულია გენეტიკური ფაქტორებითა და ცხოვრების სტილით (ფიზიკური აქტივობა, დიეტა, ალკოჰოლისა და სიგარეტის მოხმარება) (Kitzman & Taffet, 2009). ასაკოვანი ადამიანები მნიშვნელოვნად განსხვავდებიან ერთმანეთისგან;

202306071212-გერონტოლოგია

#drpkhakadze

ხელებსა და ფეხებში მგრძნობელობის დაკარგვა, რაც უნდა იცოდეთ – მნიშვნელოვანი სიმპტომები და რისკები

„ვგეგმავთ, მზარდი და მდგრადი ფინანსური რესურსით დარგის უზრუნველყოფას“-მიხეილ სარჯველაძე

„გაგრძელდება C ჰეპატიტის მართვის სახელმწიფო პროგრამა“-მიხეილ სარჯველაძე

„მთავარ აქცენტს გავაკეთებთ სამართლიან, ხარისხიან და საყოველთაოდ ხელმისაწვდომ ჯანდაცვაზე“ – მიხეილ სარჯველაძე

არის თუ არა ჰიპერაქტიურობა ნევროლოგიური დარღვევა? სჭირდება თუ არა ამ დროს ბავშვს დახმარება?

არის თუ არა ჰიპერაქტიურობა ნევროლოგიური დარღვევა? სჭირდება თუ არა ამ დროს ბავშვს დახმარება?

ბოლო სიახლეები

დღეს, დიუშენით დაავადებული ბავშვების მშობლები ჯანდაცვის მინისტრს შეხვდებიან

პოპულარული ამბები

არ შეიძინოთ ხორცი მსგავს ადგილებში: საქართველოში ტრიქინელოზი დაფიქსირდა

მომაკვდინებელი პარაზიტი, ბავშვი გარდაიცვალა – საქართველოში შოკისმომგვრელი შემთხვევა დაფიქსირდა

კატეგორიები

ჩვენ შესახებ

გამოგვყევი სოციალურ ქსელებში