iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
ჯანდაცვის მინისტრი, კონკურენციისა და მომხმარებლის დაცვის სააგენტოს მიერ, ბაზარზე კონკურენტული გარემოს შეფასების მიზნით, სამედიცინო მომსახურების ბაზრის მონიტორინგის დაწყებას გამოეხმაურა და აღნიშნა, რომ სახელმწიფოს მთავარი ინტერესი პაციენტთა უფლებების დაცვაა.
„ჩვენი დიდი სურვილია, რომ რაც შეიძლება მეტი ყურადღება იყოს გამახვილებული ამ თვალსაზრისით, თუ რამდენად სწორად ოპერირებს ბიზნესი გარკვეული მიმართულებებით. ჩვენ ვნახეთ გარკვეული უპასუხისმგებლო განცხადებები, ცალკეული ბიზნეს სუბიექტების, ზოგიერთი ასოციაციის მხრიდან, რომლებიც ამბობენ, რომ ზოგიერთ შემთხვევაში მეტი მოგების მიღების მიზნით, გარკვეული ხარჯების გადასაფარად და ა.შ. ისინი არაკეთილსინდისიერ პრაქტიკას მიმართავენ.
ბუნებრივია, ასეთი ტიპის განცხადებების არსებობა კონკურენციის სააგენტოს მხრიდან დაინტერესების საფუძველი გახდა.
ჩემი მოლოდინიც ასეთია, რომ გარკვეული საყურადღებო გარემოებები ერთმნიშვნელოვნად შეიძლება გამოკვეთოს ამგვარმა კვლევამ. გახსოვთ , ახლო წარსულში დაასრულა კონკურენციის სააგენტომ მონიტორინგი, რომელიც ზოგიერთი ფარმაცევტული საშუალების იმპორტს უკავშირდებოდა და იქაც სრულიად გაუგონარი და არანორმალური ფაქტები იქნა იდენტიფიცირებული. ძალიან არ მინდა, ეს ასე იყოს სხვა სექტორებშიც,მაგრამ ვშიშობ, რომ შეიძლება ასეთი ფაქტები გამოვლინდეს. რა თქმა უნდა, აქაც სახელმწიფო იქნება შეურიგებელი ნებისმიერი ისეთი პრაქტიკის მიმართ, რომელიც ამ შემთხვევაში არ აყენებს, ნომერ პირველ ინტერესად პაციენტის ინტერესს.ეკონომიკური ინტერესი შეწყნარებადია მანამ, ვიდრე ის წინააღმდეგობაში არ ექცევა პაციენტის საუკეთესო ინტერესთან“, – აღნიშნულის შესახებ მიხეილ სარჯველაძემ განაცხადა.
ეს არის ისტორიული გადაწყვეტილება ჩვენი ქვეყნისთვის. ეს აღიარება ადასტურებს არა მხოლოდ ფლებოლოგიის განსაკუთრებულ მნიშვნელობას ჩვენს რეგიონში, არამედ – საქართველოს როლის ზრდას საერთაშორისო ასპარეზზე, – განაცხადა ჯანდაცვის მინისტრმა შეხვედრაზე, რომელიც რომში, ვენურ-ლიმფური გლობალური სამიტის ფარგლებში გაიმართა.
მიხეილ სარჯველაძემ, სამიტზე მასპინძლობისთვის განსაკუთრებული მადლობა გადაუხადა იტალიის ჯანდაცვის მინისტრს სკილაჩისა და მსოფლიო ფლეგოლოგთა კავშირის პრეზიდენტს, ფერარას უნივერსიტეტის პროფესორს სერჯო ჯანეზინის.
„თბილისი – ევროპისა და აზიის გზაჯვარედინზე მდებარე ქალაქი, უნიკალურ პოზიციას იკავებს, რომ კონტინენტებს შორის დამაკავშირებელ ხიდად და საერთაშორისო სამედიცინო ცენტრად იქცეს, რომელიც ხელს უწყობს დარგის განვითარებას რეგიონში და ამაღლებს მის მნიშვნელობას მსოფლიო მასშტაბით.
საქართველო მზად არის უმასპინძლოს ფლებოლოგთა საერთაშორისო კონგრესს – ღიაობით, პროფესიონალიზმითა და ერთგულებით. მზად ვართ, რომ მსოფლიო კონგრესი იქცეს არა მხოლოდ წარმატებულ ღონისძიებად, არამედ – მნიშვნელოვან ეტაპად საერთაშორისო თანამშრომლობის გაღრმავებისა და სამედიცინო პროგრესის წინსვლის საქმეში“, – განაცხადა ჯანდაცვის მინისტრმა.
მიხეილ სარჯველაძესთან ერთად ღონისძიებაში მონაწილეობდნენ: ჯანდაცვის მინისტრის მოადგილე თეა გიორგაძე, იტალიაში საქართველოს საგანგებო და სრულუფლებიანი ელჩი თამარ ლილუაშვილი, მსოფლიო ფლებოლოგთა კავშირის ვიცე-პრეზიდენტი ზაზა ლაზარაშვილი, ქართველი ანგიოლოგები, სისხლძარღვთა ქირურგები, ექსპერტები სამედიცინო დარგში, ტურიზმის ეროვნული ადმინისტრაციის წარმომადგენლები და სხვა.
სამინსიტროს ინფორმაციით, სამიტში 80-მდე ქვეყნის ხელისუფლების წარმომადგენლები, ფლებოლოგთა ასოციაციების წევრები, ექიმები, ჯანდაცვის პოლიტიკის შემქმნელები და ექსპერტები იღებენ მონაწილეობას.
სამიტის ფარგლებში, მიხეილ სარჯველაძე სესიაზე სიტყვით გამოვიდა, სადაც მტკიცებულებებზე დაფუძნებული მედიცინის მნიშვნელობაზე ისაუბრა.
ჯანდაცვის მინისტრმა, ბოლო ათწლეულის განმავლობაში საქართველოში განხორციელებულ იმ რეფორმებზე გაამახვილა ყურადღება, რომელიც ჯანდაცვის სისტემის გაძლიერებას, სამედიცინო სერვისებისა თუ მედიკამენტების ხელმისაწვდომობასა და ჯიბიდან გადახდების შემცირებას ისახავს მიზნად.
მიხეილ სარჯველაძემ ყურადღება გაამახვილა საყოველთაო ჯანდაცვის პროგრამაზე, სამედიცინო დაწესებულებების დაფინანსების DRG მოდელზე, პირველადი ჯანდაცვის რგოლის გაძლიერებაზე. ისაუბრა მედიკამენტებზე დაწესებულ რეფერენტულ ფასებზე, ონკოლოგიური და ქრონიკული დაავადებების სამკურნალო პრეპარატების პირდაპირი შესყიდვის მექანიზმზე. ხაზი გაუსვა კარდიოლოგიური სერვისების გასაძლიერებლად განხორციელებულ მსხვილ ინვესტიციებსაც.
„ჩვენ მნიშვნელოვან პროგრესს ვაღწევთ კლინიკური გაიდლაინებისა და პროტოკოლების დანერგვის პროცესში. ბოლო წლების განმავლობაში, დამტკიცდა გაიდლაინები ონკოლოგიაში, ფსიქიკურ ჯანმრთელობაში, ისეთი იშვიათი და ქრონიკული დაავადებების სამკურნალოდ როგორიცაა: შაქრიანი დიაბეტი და ჰიპერტენზია. ხდება გულ-სისხლძარღვთა დაავადებების პრევენციისა და მკურნალობის ეროვნული პროტოკოლების საერთაშორისო სტანდარტებთან თანხვედრაში მოყვანა და პროცესის ციფრული ინსტრუმენტებითა და უწყვეტი ტრენინგებით მხარდაჭერა.
აღნიშნული ძალისხმევა ცხადყოფს ჩვენს მიზანდასახულობას არ მხოლოდ მტკიცებულებებზე დაფუძნებული მედიცინის, არამედ თანასწორობის, ინოვაციების და პაციენტზე ორიენტირებული ზრუნვის მიმართ. თუმცა, კარგად გვესმის, რომ გაიდლაინები მხოლოდ მაშინ არის წარმატებული, როდესაც მათ საფუძველს უმყარებს ნდობა, შესაძლებლობები და თანამშრომლობა. ეს სამიტი ამ მიზნის მისაღწევ უმნიშვნელოვანეს სივრცეს წარმოადგენს“, – განაცხადა მიხეილ სარჯველაძემ.
ღონისძიებაზე, ასევე, სიტყვით გამოვიდნენ: იტალიის ჯანდაცვის მინისტრი ორაციო სკილაჩი, იტალიის იუსტიციის მინისტრი კარლო ნორდიო, სენატორი ინიაციო ძულო, გ.ჩაფიძის სახელობის გადაუდებელი კარდიოლოგიის ცენტრის სამედიცინო დირექტორი, მსოფლიო ფლებოლოგთა კავშირის ვიცე-პრეზიდენტი ზაზა ლაზარაშვილი. ასევე, პროფესორები სხვადასხვა ქვეყნიდან.
სამიტში, ასევე, მონაწილეობენ: ჯანდაცვის მინისტრის მოადგილე თეა გიორგაძე, იტალიაში საქართველოს საგანგებო და სრულუფლებიანი ელჩი თამარ ლილუაშვილი, ქართველი ანგიოლოგები, სისხლძარღვთა ქირურგები და სხვა.
ექიმი-ნუტრიციოლოგი ნანა გაგუა გვთავაზობს 5 პრაქტიკულ გზას, რომელიც დაგვეხმარება ემოციური კვების მართვაში.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
სიაში, რომელიც ახლა ზრდასრულებისთვის 523, ხოლო ბავშვებისთვის 374 მედიკამენტს მოიცავს, შეტანილია ის მედიკამენტები, რომლებიც, ჯანმო-ს თანახმად, ყველა ფუნქციურ ჯანდაცვის სისტემაში უნდა იყოს ხელმისაწვდომი. წარსულში, ამ სიაში მედიკამენტების შეტანამ ღარიბ ქვეყნებში მცხოვრები ადამიანებისთვის ხელმისაწვდომობის გაზრდას შეუწყო ხელი, როგორც ეს 2000-იანი წლების დასაწყისში აივ-ინფექციის სამკურნალო პრეპარატების შემთხვევაში მოხდა.
„იმის ნაცვლად, რომ ფასი ერთადერთ ფაქტორად დავტოვოთ, კომიტეტი მიიჩნევს, რომ მათი აუცილებელ მედიკამენტთა სიაში შეტანა ხელმისაწვდომობის კატალიზატორი შეიძლება გახდეს,“ – განაცხადა ჯანმო-ს სიის ზედამხედველი სამდივნოს ხელმძღვანელმა, დოქტორმა ლორენცო მოჰამ.
ჯანმო-ს პანელმა Ozempic-ისა და Mounjaro-ს აქტიური ნივთიერებები ტიპი 2 დიაბეტის სამკურნალოდ სიაში შეიტანა იმ შემთხვევებში, როდესაც მას თან ახლავს გულ-სისხლძარღვთა დაავადება, თირკმლის ქრონიკული დაავადება ან სიმსუქნე. მიუხედავად იმისა, რომ თავდაპირველად დიაბეტისთვის შეიქმნა, მათ უდიდესი პოპულარობა მოიპოვეს, როგორც წონის კლების საშუალებებმა სხვადასხვა სავაჭრო დასახელებით. თუმცა, ჯანმო-ს ისინი სიაში მხოლოდ სიმსუქნის სამკურნალოდ არ შეუტანია, როგორც ეს 2023 წელსაც გააკეთა. ჯანმო-ს კომიტეტის განცხადებით, ეს გადაწყვეტილება ნათელ მითითებას იძლევა, თუ რომელი პაციენტებისთვის არის ეს მკურნალობა ყველაზე სასარგებლო.
„ისეთი პრეპარატების მაღალი ფასი, როგორიცაა სემაგლუტიდი და ტირზეპატიდი, მათზე ხელმისაწვდომობას ზღუდავს,“ – აცხადებენ ჯანმო-ში და დასძენენ, რომ ჯენერიკების მწარმოებლებისთვის ასლების შექმნის წახალისება დაგვეხმარება, მით უმეტეს, რომ პატენტებს ვადა მომავალი წლიდან ეწურება.
Novo Nordisk-ის (Ozempic) წარმომადგენლის თქმით, კომპანია თავის პრეპარატებზე ფართო ხელმისაწვდომობის ერთგული რჩება. ამასობაში, რამდენიმე კომპანიამ უკვე დაიწყო ჯენერიკული ვერსიების შემუშავება.
ჯანმო-ს მონაცემებით, 2022 წელს მსოფლიოში 800 მილიონზე მეტი ადამიანი დიაბეტით იყო დაავადებული, ხოლო მილიარდზე მეტს სიმსუქნე აღენიშნებოდა. მიმდინარე წლის დასაწყისში, ჯანმო-მ შიდა დოკუმენტში ჩაწერა, რომ ამ პრეპარატების გამოყენების რეკომენდაციას სიმსუქნის სამკურნალოდაც გასცემდა, თუმცა ეს აუცილებელ მედიკამენტთა სიაში შეტანისგან განსხვავებული ნაბიჯია.
სიაში ასევე შევიდა Vertex Pharmaceuticals-ის კომბინირებული თერაპია კისტური ფიბროზისთვის (Trikafta/Kaftrio), რომელიც წლების განმავლობაში, მაღალი ფასისა და შეზღუდული ხელმისაწვდომობის გამო, მწვავე კრიტიკის ობიექტი იყო. ასევე, დაემატა იმუნოთერაპიული პრეპარატი Keytruda საშვილოსნოს ყელის, კოლორექტალური და ფილტვის არაწვრილუჯრედოვანი კიბოს გავრცელებული ან მეტასტაზური ფორმების სამკურნალოდ. ამასთან, წარმოდგენილია ამ პრეპარატზე ხელმისაწვდომობის გაზრდის სტრატეგიები.
დაბოლოს, ჯანმო-მ სიაში შეიტანა სწრაფი მოქმედების ინსულინის ანალოგები ტიპი 1, ტიპი 2 და გესტაციური დიაბეტის სამკურნალოდ.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
პრემიერ-მინისტრმა ირაკლი კობახიძემ დანერგა საქართველოში უსაფრთხო დანამატების ევროპული სტანდარტები!
საქართველოში მოსახლეობის ჯანმრთელობის დაცვა სულ უფრო აქტუალური თემა ხდება. ბოლო წლებში მნიშვნელოვნად გაიზარდა სასურსათო დანამატების ბაზარი, თუმცა ხშირი იყო შემთხვევები, როდესაც მომხმარებელი დგებოდა გაურკვეველი წარმოშობისა და არასანდო პროდუქტის წინაშე. სწორედ ამიტომ, საქართველოს მთავრობამ, პრემიერ-მინისტრ ირაკლი კობახიძის ხელმძღვანელობით, გადადგა გადამწყვეტი ნაბიჯი — ქვეყნის საკანონმდებლო ჩარჩოს მიბმა ევროკავშირის სტანდარტებთან.
ახალი რეგულაციები
დადგენილება №360 (2022 წლის 12 ივლისი)
2023 წლის 1 ივნისიდან ამოქმედდა ტექნიკური რეგლამენტი, რომელიც განსაზღვრავს:
• ბაზარზე განთავსებამდე სურსათის ეროვნულ სააგენტოში (სეს) პროდუქტის რეგისტრაციის ვალდებულებას;
• დასაშვები ვიტამინებისა და მინერალების ჩამონათვალს მხოლოდ განსაზღვრულ ფორმებში;
• ეტიკეტირების მკაფიო წესებს: დოზირების, გაფრთხილებებისა და მომხმარებლისთვის გასაგები ინფორმაციის ასახვას;
• რეკლამის შეზღუდვებს — აკრძალულია მინიშნებები დაავადებების მკურნალობაზე ან პრევენციაზე.
დადგენილება №227 (2024 წლის 11 ივლისი)
2025 წლის 1 ივნისიდან ძალაში შევიდა მეორე მნიშვნელოვანი დადგენილება, რომელიც აწესებს სურსათზე ჯანმრთელობასთან დაკავშირებული დასაშვები განაცხადების ჩამონათვალს.
ეს ცვლილება ნიშნავს, რომ:
• კომპანიებს აღარ ექნებათ უფლება, თავისუფლად გამოიყენონ სლოგანები, როგორიცაა – „ამცირებს დაავადების რისკს“ ან „აუმჯობესებს ბავშვის განვითარებას“;
• დასაშვები იქნება მხოლოდ ის განცხადებები, რომლებიც ოფიციალურად დამტკიცებულია სახელმწიფოს მიერ;
• უკვე ბაზარზე არსებული პროდუქტები გაიყიდება მხოლოდ ვარგისიანობის ვადის ამოწურვამდე.
სტრატეგიული მნიშვნელობა
ეს რეგულაციები ქმნის ახალ სისტემას, სადაც:
• მომხმარებელი დაცულია არასანდო დანამატებისგან;
• ბიზნესს აქვს მკაფიო წესები და ვალდებულებები;
• საქართველო ჰარმონიზდება ევროკავშირის სტანდარტებთან, რაც ზრდის ქვეყნის სანდოობას როგორც შიდა, ისე საერთაშორისო ბაზარზე.
პრემიერ-მინისტრ ირაკლი კობახიძის ინიციატივამ ქვეყნის საკანონმდებლო ჩარჩო უკვე დააყენა ევროპულ რელსებზე, რაც ნიშნავს, რომ საქართველოში უსაფრთხო საკვების პოლიტიკა უახლოვდება ევროკავშირის საუკეთესო პრაქტიკას.
დამატებითი მხარდაჭერა – PHIG/SSG
სახელმწიფო რეგულაციებთან ერთად, მნიშვნელოვან როლს ასრულებს „საქართველოს საზოგადოებრივი ჯანდაცვის ინსტიტუტი (PHIG)“ და მისი პროგრამა „უსაფრთხო დანამატები საქართველო“ (SSG).
• ამოწმებენ დოკუმენტაციის ნამდვილობას (GMP, CoA, ISO);
• აკონტროლებენ რეკლამის სისწორეს;
• აწვდიან საზოგადოებას სანდო ინფორმაციას, რომელი დანამატია რეალურად უსაფრთხო და რეკომენდებული.
დასკვნა:
საქართველოს მთავრობამ გადადგა რეალური ნაბიჯი, რათა მოსახლეობა დაცული იყოს არასანდო და პოტენციურად სახიფათო დანამატებისგან. ეს არის სტრატეგიული გადაწყვეტილება, რომელიც არა მხოლოდ ქვეყნის შიგნით, არამედ ევროკავშირის პარტნიორების თვალშიც აძლიერებს საქართველოს ნდობას.
პროფესორ გიორგი ფხაკაძის ინიციატივა
„საქართველოს საზოგადოებრივი ჯანდაცვის ინსტიტუტის“ ხელმძღვანელი, პროფესორი გიორგი ფხაკაძე, უკვე რამდენიმე წელია, აქტიურად მოითხოვს სასურსათო დანამატების მკაცრ რეგულირებას. მისი ინიციატივა „უსაფრთხო დანამატები საქართველო“ (SSG) სწორედ იმისთვის შეიქმნა, რომ საზოგადოებრივი კონტროლის მექანიზმით დაეხმაროს სახელმწიფოს.
ეს პლატფორმა დღეს უკვე პრაქტიკულად ეხმარება მოსახლეობას — გაიგოს, რომელი დანამატია რეალურად სანდო და ამით ავსებს მთავრობის მიერ დაწყებულ სტრატეგიულ პოლიტიკას. კითხვის გაგრძელება…
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
© SheniEkimi.ge
