iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
ბავშვის მეტყველების განვითარება მჭიდრო კავშირშია ენის მოქნილობასა და კოორდინირებულ მოძრაობებთან. სწორად წარმოთქმული ბგერები ხშირად სწორედ ძლიერი და მოქნილი ენის დამსახურებაა.
თუ შენს შვილს უჭირს ისეთი ბგერების წარმოთქმა, როგორიცაა „რ“, „ლ“, „ს“, ეს შეიძლება ენის არასაკმარისად განვითარებული მოძრაობების ბრალი იყოს. საბედნიეროდ, არსებობს მარტივი და სახალისო სავარჯიშოები, რომელთა შესრულება სახლში, თამაშ-თამაშით შეგიძლია.
ენა არა მხოლოდ საკვების გადამუშავებაში მონაწილეობს, არამედ კრიტიკულია სწორი მეტყველებისა და არტიკულაციისთვის. რეგულარული ვარჯიშები:
აუმჯობესებს ბგერების სწორ წარმოთქმას
ამყარებს ენის კუნთებს
უწყობს ხელს მეტყველების სწრაფ განვითარებას
ამაღლებს ბავშვის კომუნიკაციის უნარებს
შეასრულეთ ყოველდღიურად სულ 3-5 წუთით — ეფექტი არ დააყოვნებს!
ენით დატრიალეთ წრიული მოძრაობა შიგნით — ჯერ საათის მიმართულებით, შემდეგ საწინააღმდეგოდ ⏰
ენა მარჯვნივ და მარცხნივ მიაბჯინეთ ლოყის შიდა მხარეს — თითქოს ბურთს აჩხუბებთ
წარმოიდგინეთ, რომ ზედა ტუჩზე კანფეტი გაქვთ და ლოკავთ ენით 🍬
ენა სწრაფად გამოყავით და შეაბრუნეთ უკან — რამდენჯერმე ზედიზედ, თითქოს ცხენივით ხტუნავს 🐎
გააბრტყელეთ ენა და მიადეთ ზედა კბილებს — დამაგრება იყოს რბილი და მსუბუქი 🐠
ვარჯიშების დრო არ უნდა იყოს დამღლელი – 5 წუთი სრულებით საკმარისია.
გამოიყენეთ სარკე, რომ ბავშვმა საკუთარი მოძრაობები დაინახოს – ეს ართობს და ამავე დროს ასწავლის.
ჩართეთ თამაშის ელემენტები — დაე, ბავშვმა თავად აირჩიოს რომელ ვარჯიშს „ითამაშებს“ დღეს.
ყოველთვის მიეცით წახალისება და პოზიტიური შეფასება – ეს ზრდის მოტივაციას.
თუ შენიშნე, რომ ბავშვს მუდმივად უჭირს გარკვეული ბგერების სწორად წარმოთქმა ან მეტყველების განვითარება შეფერხებულია, ლოგოპედთან ან მეტყველების თერაპევტთან კონსულტაცია აუცილებელია.
სპეციალისტი შეაფასებს საჭიროებებს და დაგეხმარებათ ინდივიდუალური სავარჯიშოების შერჩევაში.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
შეხვედრაზე განხილულ იქნა აფხაზეთიდან დევნილი მოსახლეობის ჯანმრთელობის დაცვისა და სოციალური უზრუნველყოფის საკითხები. განსაკუთრებული ყურადღება გამახვილდა სამედიცინო სერვისების ხელმისაწვდომობის კიდევ უფრო გაზრდაზე.
მხარეებმა ასევე, განიხილეს მიმდინარე და დაგეგმილი ინიციატივები, რომლებიც მიზნად ისახავს დევნილი მოსახლეობის ჯანმრთელობის, კეთილდღეობისა და სოციალური მდგომარეობის გაუმჯობესებას.
მიხეილ სარჯველაძემ ხაზი გაუსვა თანამშრომლობის მნიშვნელობას და აღნიშნა, რომ ერთიანი ძალისხმევით შესაძლებელი გახდება მოსახლეობის ჯანმრთელობის დაცვის ხარისხის კიდევ უფრო გაუმჯობესება.
შეხვედრაზე, ასევე, განსაკუთრებული ყურადღება დაეთმო სამომავლო გეგმებსა და ურთიერთთანამშრომლობის საკითხებს.
ინფორმაციას ჯანდაცვის სამინისტრო ავრცელებს.
გაცნობითი ხასიათის შეხვედრაზე, მხარეებმა, მიმდინარე და სამომავლო თანამშრომლობის საკითხები განიხილეს. მიხეილ სარჯველაძემ ელჩს წარმატებები უსურვა. მხარეებმა გამოთქვეს მზადყოფნა, გააღრმაონ თანამშრომლობა ისეთ პრიორიტეტულ სფეროებში, როგორიცაა: ჯანდაცვის სისტემის გაძლიერება და სოციალური დაცვის რეფორმები.
შეხვედრაზე განსაკუთრებული ყურადღება გამახვილდა ქვეყნებს შორის მტკიცე და მეგობრული დიპლომატიური ურთიერთობების მნიშვნელობაზე, რაც ხელს შეუწყობს ურთიერთობების კიდევ უფრო განმტკიცებას და მომავალში უფრო ღრმა თანამშრომლობის შესაძლებლობებს.
ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
გსურს სწრაფად და ეფექტურად შეამცირო ქოლესტერინის დონე და ერთდროულად დაიკლო წონა ბუნებრივი გზით? ეს ძლიერი მცენარეული სასმელი დაგეხმარება მეტაბოლიზმის აჩქარებაში, ცხიმების წვაში და ორგანიზმის დეტოქსიკაციაში – ყოველგვარი ქიმიის გარეშე!
ოხრახუში და ლიმონი ბუნებრივი კომპონენტებია, რომლებსაც საოცარი სარგებელი აქვთ ჯანმრთელობისთვის:
ოხრახუში – ხელს უწყობს სისხლძარღვების გაწმენდას, გამოდევნის ტოქსინებს და აჩქარებს ნივთიერებათა ცვლას.
ლიმონი – მდიდარია ანტიოქსიდანტებითა და C ვიტამინით, რომლებიც ასტიმულირებს ცხიმების წვას და ეხმარება ღვიძლს უკეთესად მუშაობაში. განაგრძეთ კითხვა
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
მისივე თქმით, ერთდროულად 2-3 ვირუსის აღმოჩენაც არ არის იშვიათი.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
„თითოეულ თირკმელში მილიონი გორგალია, რომლითაც შარდის წარმოქმნა ხდება. არის ორი ძირითადი სისხლძარღვი, შემავალი და გამომავალი, ეფერენტული და აფერენტული არტერიოლები, საიდანაც ნეფრონში შარდის წარმოქმნა ხდება. თირკმლის ფუნქციის გაუარესების შემთხვევაში, ძირითად დაზიანებას, ამ გორგალშიდა წნევის ცვლილება, ჰიპერფილტრაცია და მომტან და წამღებ არტერიებს შორის წნევის ცვლილება იწვევს. ეს არის ის ძირითადი მიზეზი, რაც ხანგრძლივი პერიოდის განმავლობაში თირკმლის ქრონიკული დაავადების განვითარებას იწვევს და დინამიკაში თირკმლის ფუნქციის გაუარესებას განაპირობებს. ამდენად, პირველადი ღონისძიებები, რაც მაღალი არტერიული წნევის შემთხვევაში თირკმლის პრევენციას გულისხმობს, ეს გორგალშიდა წნევის და ჰიპერდატვირთვით მომუშავე გორგლის ფუნქციის გახანგრძლივება და შენარჩუნებაა. რადგან, თუ ეს პროცესი ასე ცუდად მართული გაგრძელდა, გარკვეული პერიოდის შემდეგ ნეფრონი ფუნქციონირებას წყვეტს და შესაბამისად, აღმოჩნდება, რომ მილიონი ნეფრონიდან რაღაც ნაწილი აღარ ფუნქციონირებს. ასეთ შემთხვევაში, სისხლი კარგად აღარ იფილტრება და ტოქსინები ორგანიზმში გროვდება. ამიტომ, თირკმლის ფუნქციის გაუარესების ერთ-ერთი ძირითადი მიზეზი მაღალი არტერიული წნევის ფონზე განვითარებული გორგალშიდა წნევის ცვლილება, ჰიპერფილტრაციაა. მკურნალობის აზრი არის საბოლოოდ ის, რომ მაქსიმალურად ავიცილოთ თავიდან თირკმლის ტერმინალური დაზიანება, რომლის შემთხვევაში, უკვე იძულებული ვხდებით, მკურნალობაში თირკმლის ჩანაცვლებითი თერაპია ჩავსვათ. ამიტომ, ამ პატარა ნეფრონს ძალიან დიდი მნიშვნელობა აქვს. განსაკუთრებით მგრძნობიარე კი მაღალ წნევაზეა.
მაღალწნევიანმა ადამიანებმა თირკმელი არ უნდა დაივიწყონ. თუმცა, აქვე უნდა აღვნიშნო, რომ არტერიული ჰიპერტენზიის მკურნალობის შემთხვევაში, კარდიოლოგის, ნეფროლოგის, ენდოკრინოლოგის ერთად შეჯერებული მკურნალობა ძალიან მნიშვნელოვანია, რაც საბოლოო ჯამში სისხლძარღვის კედლის დაცვას ყველა ორგანოში და ამ ქრონიკული დაავადებების ფონზე გამოწვეული დაზიანებების დროში გახანგრძლივებას და სავალალო შედეგების თავიდან არიდებას განაპირობებს.“
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
ნაბახუსევი – ორგანიზმის თავისებური თავდაცვითი რეაქციაა, რომელიც ტკივილის სიმპტომებით მოწამვლის შესახებ სიგნალებს აგზავნის. ამ დროს ადამიანის ორგანიზმს, პირველ რიგში, სითხე არ ჰყოფნის. ალკოჰოლური ინტოქსიკაციის მიზეზია ის, რომ ღვიძლი დიდი რაოდენობით მიღებული ეთილის სპირტის ორგანიზმისთვის უსაფრთხო ნახშირმჟავის აირად გადამუშავებას ვერ ასწრებს, ამიტომ სისხლში რჩება ამ რეაქციის შუალედური ნივთიერება, აცეტალდეჰიდი, რომელიც უფრო ტოქსიკური ნივთიერებაა, ვიდრე სპირტი და ადამიანს შეუძლოდ ხდის.
როგორ ავარიდო თავი ნაბახუსევს?
სწორი, მაგრამ ფუჭი რჩევა ასეთია: არ დალიოთ. მაგრამ თუ სვამთ, მაშინ
– ყურადღება მიაქციეთ სასმელის რაოდენობას. ეს შეიძლება რთული იყოს, თუ თქვენ სხვადასხვა სასმელს ან კოქტეილს სვამთ. ზოგიერთ ადამიანს სპეციალური მობილური აპლიკაციები ეხმარება – ისინი ითვალისწინებენ დალეული სასმელის რაოდენობას სპირტის ეკვივალენტში.
– შეეცადეთ ნორმას არ გადააჭარბოთ;
– გააკეთეთ ყველაფერი იმისთვის, რომ ნელა დათვრეთ; მაგალითად, სასმელთან ერთად რამე ჭამეთ;
– დალიეთ მეტი უალკოჰოლო სასმელი, მათ შორის იმისთვისაც, რომ გაუწყლოვანებას თავი აარიდოთ.
არსებობს მოსაზრება, რომ მუქი ფერის სასმელმა, რომელიც მინარევებს მოიცავს, რაც მას სპეციფიკურ ფერს და გემოს აძლევს, შეიძლება ნაბახუსევი დაამძიმოს. ზოგიერთი პატარა კვლევა ამ ჰიპოთეზას ადასტურებს, მაგრამ სინამდვილეში ყველაფერი ეთილის სპირტის მიღების მოცულობაზეა დამოკიდებული.
გრადუსი უნდა გავზარდო თუ შევამცირო?
სავარაუდოდ, გაზრდა უკეთესია. მაგრამ აქაც ყველაფერი ისევეა, როგორც მუქი ფერის სასმელების შემთხვევაში – ნაბახუსევის სიმძიმე დამოკიდებულია სპირტის რაოდენობაზე და არა იმაზე, თუ რა თანმიმდევრობით სვამდით სხვადასხვა სასმელს. არსებობს ვერსია, რომ „გრადუსის შემცირება არ შეიძლება“, მაგრამ ინგლისურ ენაში საპირისპირო წესია (Beer before liquor, never been sicker; liquor before beer, youʼre in the clear): იქ მიაჩნიათ, რომ არყის დალევა ლუდის დალევამდე სჯობს. კვლევები ცხადად არ ამბობს, თუ რომელი წესია მართალი. მაგრამ ზოგიერთი ექიმის აზრით, თუ სმას უფრო სუსტი ალკოჰოლური სასმელით ან სულაც უალკოჰოლო სასმელით დაიწყებთ (ან ალკოჰოლურ და უალკოჰოლოს ერთმანეთის მონაცვლეობით მიიღებთ), შედეგად ნაკლებს დალევთ და შესაბამისად ნაბახუსევი ისეთი მძიმე აღარ აღმოჩნდება.
როგორ დავეხმარო თავს ნაბახუსევს?
სამწუხაროდ, ჯადოსნური რეცეპტი არ არსებობს: მეცნიერები ამ საკითხს დიდად არც სწავლობენ. ექიმების რჩევაა წვენების, სპორტული სასამელების, ბოსტნეულის სუპების მიღება, დასვენება და უბრალოდ მოცდა, ვიდრე ნაბახუსევი გაივლის.
წამლებიდან შეიძლება ურეცეპტო ტკივილგამაყუჩებლების მიღება თუ უკუჩვენება არ არის. მაგრამ პარაცეტამოლის მიღება არ ღირს. ექიმების თქმით, ალკოჰოლთან კომბინაციაში (ან ზედოზირებისას) მას იოლად შეუძლია ფულმინანტური ჰეპატიტის გამოწვევა, რომლის დროსაც მთავარი მკურნალობა – ღვიძლის გადანერგვაა. იმის გათვალისწინებით, რომ ნაბახუსევს თან ახლავს სისტემური ანთებითი რეაქცია, გამართლებულია იბუპროფენის მიღება – მისი ეფექტიანობა ალკოჰოლური ინტოქსიკაციის წინააღმდეგ შესწავლილი არ არის, მაგრამ ეს პრეპარატი თავის ტკივილს ხსნის და არ არის ისეთი სახიფათო, როგორც პარაცეტამოლი.
ცოტა ალკოჰოლის მიღება დამეხმარება?
გასტროენტეროლოგების თქმით, ჩვეულებრივ ადამიანს ეს ნაბახუსევს არ უშველის, უფრო პირიქით. მაგრამ ადამიანებისთვის, რომლებიც რეგულარულად ალკოჰოლის დიდ დოზას მოიხმარენ, მართლაც გრძნობენ შვებას ნაბახუსევს ერთი ჭიქა სპირტიანი სასმლის მიღებით. ალკოჰოლური ინტოკსიკაციისას ამგვარი მოთხოვნილება „მოახლოებული ალკოჰოლიზმის“ ნიშანია.
ცნობილია, რომ ორგანიზმიდან ყველეფერი მავნე- თირკმელებს გამოაქვთ. ამიტომ, ალკოჰოლი რომ სწრაფად გამოდევნოთ, საჭიროა მაქსიმალური დატვირთთვით ამუშაოთ ისინი, ამას კი მიაღწევთ დალეული წყლის რაოდენობის გაზრდის ხარჯზე. დალიეთ ბევრი სითხე _ რაც მეტი, მით უკეთესი. აიძულეთ თავი ხშირად ირბინოთ ტუალეტში, რადგან სპირტი ყველაზე კარგად შარდთან ერთად გამოდის. ყველაზე ეფექტურად კი ამ შემთხვევაში მუშაობს ტკბილი ჩაი.
ზოგადად ნებისმიერი ტიპის ალკოლოჰის გადაჭარბებით მიღება იწვევს ინტოქსიკაციას, თუმცა განსაკუთრებულად ის სასმელები, რომლებიც სპირტს დიდი რაოდენობით შეიცავენ.
ალკოჰოლით მოწამვლის დროს ადამიანს აქვს შემდეგი სიმპტომები:
ღებინება ან გულისრევის შეგრძნება, კრუნჩხვა, შენელებული სუნთქვა, ფერმკრთალი ან მოლურჯო ფერის კანი, რომელიც სხეულის დაბალი ტემპერატურით არის გამოწვეული. მძიმე შემთხვევებში კი შესაძლებელია გონების დაკარგვა, კომა და სიკვდილიც კი გამოიწვიოს.
ნაბახუსევი ალკოჰოლით მოწამვლაა, რომელსაც ხშირად გულისრევის რეფლექსი ახლავს – მძიმე თრობის მომდევნო დღეს ადამიანის ორგანიზმი ალკოჰოლის დაშლას იწყებს. ამ დროს გამოყოფილი ტოქსიკური ნივთიერებები იმუნური სისტემის საპასუხო რეაქციას იწვევს, რასაც უსიამოვნო შეგრძნებები მოჰყვება. ამ დროს ბევრი შარდვის გახშირებას უჩივის, რადგან ალკოჰოლი ხელს უწყობს შარდის ძლიერ გამომუშავებას.
გარდა ამისა, ალკოჰოლური მოწამვლა კუჭისთვის მავნებელია – ლორწოვანი გარსის გაღიზიანებას ხშირად ანთებითი პროცესები მოჰყვება. თუ ეს ხშირად მეორდება, შესაძლოა გასტრიტი გაგიჩნდეთ.
ნაბახუსევის დროს მოსალოდნელია საერთო სისუსტე, ცხელება, კანკალი, თავის ტკივილი და ძლიერი ოფლიანობა. გარდა ამისა, ეთანოლი ტვინის უჯრედებს კლავს და მნიშვნელობა არ აქვს ძვირად ღირებულ ვისკის სვამთ თუ იაფფასიან ლუდს.
თუ ალკოჰოლს ხშირად იღებთ, ეთანოლი შეიძლება ნამდვილ შხამად იქცეს. ამის შედეგი კი მძიმე ნაბახუსევია. ზემოთქმულიდან გამომდინარე, გირჩევთ სადღესასწაულო სუფრაზე მეტი საკვები და ნაკლები ალკოჰოლი მიირთვათ და, რაც მთავარია, ალკოჰოლური სასმელები ერთმანეთში არ აურიოთ.
ნაბახუსევზე ყველაზე დიდი რისკი გულ-სისხლძარღვთა სისტემის დაზიანებაა. ამ დროს მნიშნვნელობა აქვს იმასაც, ადამიანი რამდენი წელია, რაც თამბაქოს მომხმარებელია. ამას ემატება მარიხუანას გამოყენებაც, რაც, ბუნებრივია, რისკ-ფაქტორი ხდება. ერთ-ერთი ყველაზე დიდი რისკ-ფაქტორია ასევე კვება. მავნე ჩვევები გროვდება 20-დან 40 – წლამდე და საბოლოოდ ვიღებთ მძიმე შედეგს. სხვათა შორის ადრე ეს რისკ-ფაქტორები 60 წლის ზევით მამაკაცებში მიიჩნეოდა პრობლემად და სამწუხაროდ, ბოლო წლებში ასაკი გაახალგაზრდავდა. აქ უნდა გავითვალისწინოთ ისიც, რომ გამაღიზიანებლად სხვა ბევრი გარე ფაქტორიც შეიძლება იქცეს, ასევე სტრესული ცხოვრება და არაჯანსაღი კვება.
ძალიან ხშირია ატიპიური ჩივილები. გულის იშემიური დაზიანების გამო, ადამიანებს შესაძლაო ჰქონდეთ ტკივილი გულმ-მკერდის, ასევე მარცხენა ხელის ან კბილის არეში, ხშირია მუცლის არეში ტკივილიც, რასაც კუჭის ტკივილს უკავშირებენ ხოლმე. ასევე გულის დაავადებების ქონის შემთხვევაში, ხშირია დაბუჟებაც. განსაკუთრებულად ადამიანს თუ დიაბეტი აქვს კიდევ უფრო ვერ გრძნობს გულის დაავადებებს. ასევე თუ ალკოჰოლის ხშირი მომხმარებელია, რადგან გაბრუების გამო ტკივილს ვერ გრძნობენ. ამ დროს ტკივილი ერთ-ერთი გამაფრთხილებელი ფაქტორია და უფრო ადვილად ხდება დაავადების გამოვლენა და პაციენტის სტაციონარში დროული მოთავსება. ფატალურად დასრულებული შემთხვევები ხშირად დაგვიანებული მიმართვის ბრალია.
რისკები
ნაბახუსევმა ნებისმიერი ადამიანი შეიძლება შეაწუხოს, მაგრამ ზოგისთვის რისკი უფრო მაღალია. როდესაც ადამიანს ალკოჰოლის გადამამუშავებელი ფერმენტების მოქმედების გენეტიკური დარღვევა აქვს, ძალიან ცოტა ალკოჰოლმაც კი შეიძლება წამოხურება, ძლიერი ოფლიანობა და უქეიფობა გამოიწვიოს.
არსებობს სხვა ფაქტორებიც, რომელთა არსებობისას ნაბახუსევის ალბათობა უფრო დიდია, ხოლო სიმპტომები – უფრო მძიმე:
* ცარიელ კუჭზე ალკოჰოლის მიღება, რაც ამ უკანასკნელის შეწოვას აჩქარებს;
* სმის დროს მოწევა (ალკოჰოლისა და ნიკოტინის კომბინაცია);
* დალევის შემდეგ გამოუძინებლობა;
* ალკოჰოლიზმის ოჯახური ისტორია.
გთავაზობთ მსოფლიოში გავრცელებულ ნაბახუსევის წინააღმდეგ არსებულ მეთოდებს და რეალურ შედეგებს:
ყავა
ბევრი ადამიანი თავს ცუდად გრძნობს თუ დილას ყავით არ დაიწყებს. არ აქვს მნიშვნელობა ნაბახუსევზე იქნება, თუ ნორმალურ მდგომარეობაში. თუ ხართ ყავაზე დამოკიდებული ადამიანი, მან მართლაც შეიძლება თავი უკეთესად გაგრძნობინოთ, მაგრამ რეალობა ის არის, რომ ყავა აუარესებს ნაბახუსევს, რადგან ალკოჰოლისგან ისედაც გამომშრალ ორგანიზმს, კიდევ უფრო მეტ დეჰიდრაციას უკეთებს.
კოკა-კოლა
შესაძლოა ეს დიდი ხნის სასიყვარულო ისტორიაა ჩვენსა და კოკა კოლას შორის, რაც პლაცებოს ეფქტს იწვევს და გვგონია, რომ გვეხმარება, მაგრამ კოკა კოლას მართლაც მოჰყავს წესრიგში კუჭის მოქმედება, გაძლევთ კოფეინის საჭირო დოზას და გიუმჯობესებთ სისხლის მიმოქცევას.
წვნიანი
რწმენა, რომ საჭმელი თითქმის ყველა პრობლემას წყვეტს გადაჭარბებული სულაც არ არის. ცხელი წვნიანით სავსე თეფში მართლაც საუკეთესო საშუალებაა ნაბახუსევის წინააღმდეგ, თუმცა აქ პრობლემა სხვა რამეშია. შეგიძლიათ კი ჭამა? ბევრ ადამიანს ნაბახუსევზე არაფრის მიღება არ შეუძლია. თუმცა დაიხსომეთ ის მართლაც შველის ნაბახუსევს და ეცადეთ რამდენიმე კოვზი მაინც მიირთვათ.
ბეკონის, კვერცხისა და ყველის სენდვიჩი
გემრიელად ჟღერს და ბევრს ენდომება ეს სენდვიჩი მართლაც იყოს ნაბახუსევის საწინააღმდეგო საშუალება, თუმცა ნამდვილად არ ამართლებს და თუ მაინცა და მაინც გინდათ მისი მირთმევა, თავი იმით დაიმშვიდეთ, რომ ნაბახუსევს ზოგადად შველის კარგი ჭამა.
ექსპერტები გვირჩევენ, ალკოჰოლი ცარიელ კუჭზე არ მივირთვათ: ამან, შესაძლოა, ნაბახუსევი კიდევ უფრო გააუარესოს.
საკვები სხეულში ალკოჰოლის ათვისების პროცესს ანელებს. ასევე დალევის დროს ჭამას შეიძლება ის დადებითი შედეგიც ჰქონდეს, რომ საკვები დამატებით სითხეს შეიცავდეს, რაც თქვენს სხეულს გაუწყლოებისგან უფრო დაიცავს. ასევე გახსოვდეთ, რომ ალკოჰოლი ორგანიზმს საჭირო ვიტამინებისგან და მინერალებისგან ფიტავს.
ალკოჰოლის ხშირი მოხმარება ზრდის ჯანმრთელობის ისეთი სერიოზული პრობლემების რისკებს, როგორიცაა: კიბო, გულსისხლძარღვთა დაავადებები, ინსულტი, ჰიპერტენზია, ღვიძლის დაავადებები
ჯანდაცვის სამინისტროს პროტოკოლი: დღეში სამი ან მეტი ერთეული ალკოჰოლის მოხმარება ასოცირებულია გულსისხლძარღვთა დაავადებების (გსდ) მომატებულ რისკთან. ეპიდემიოლოგიური კვლევების მონაცემები მეტყველებს, რომ გსდ რისკი ნაკლებია ალკოჰოლის ზომიერ მომხმარებლებში (დღეში ერთიდან ორ ერთეულამდე) არამომხმარებლებთან შედარებით.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
© SheniEkimi.ge
