ოთხშაბათი, მაისი 6, 2026
მთავარი წაკითხვა გვერდი 181

რამდენად საშიშია თუ თერმომეტრი გაგიტყდათ, როგორ უნდა შევაგროვოთ უსაფრთხოდ ვერცხლისწყალი

მიერ
© საქართველოს საზოგადოებრივი ჯანდაცვის ინსტიტუტი
-
0
რამდენად საშიშია თუ თერმომეტრი გაგიტყდათ, როგორ უნდა შევაგროვოთ უსაფრთხოდ ვერცხლისწყალი
#post_seo_title

ვერცხლისწყლიანი თერმომეტრები დღეს იშვიათად გვხვდება, თუმცა ზოგიერთ ოჯახში ჯერ კიდევ ინახება. რამდენად საშიშია თუ თერმომეტრი გაგიტყდათ, როგორ უნდა შევაგროვოთ უსაფრთხოდ ვერცხლისწყალი

მათი გატეხვა ხშირად იწვევს შიშსა და პანიკას, განსაკუთრებით მაშინ, როცა შემთხვევით ამას ბავშვი აკეთებს. მნიშვნელოვანია, რომ ასეთ დროს ბავშვს მკაცრად არ მივუდგეთ — წინააღმდეგ შემთხვევაში, მომავალში შესაძლოა შიშის გამო დამალოს გატეხილი თერმომეტრი, რაც ბევრად უფრო საშიშია, რადგან ვერცხლისწყალი ოთახში დარჩება და უხილავად დაიწყებს ორთქლად გამოყოფას. ამ ნივთიერებას სუნი არ აქვს, ამიტომ მისი არსებობა ჰაერში შეუმჩნეველი რჩება.

ვერცხლისწყლის ტოქსიკურობის გამო, ასეთი თერმომეტრები ეტაპობრივად ჩანაცვლდა უსაფრთხო ალტერნატივით — გალიუმიან თერმომეტრებით.

გალიუმიანი თერმომეტრის უპირატესობები

  • მარტივი და ტრადიციული გამოყენება;

  • მაღალი სიზუსტე;

  • შემთხვევითი გატეხვისას ტოქსიკურ საფრთხეს არ ქმნის.

ნაკლოვანებები

  • ტემპერატურის გასაზომად დაახლოებით 4–5 წუთი სჭირდება;

  • ვერცხლისფერი სითხე ნელა ბრუნდება საწყის მდგომარეობაში.

თუ თქვენს სახლში ჯერ კიდევ ინახება ძველი ვერცხლისწყლიანი თერმომეტრი და ის შემთხვევით გატყდა, აუცილებელია მოქმედება განსაზღვრული წესებით:

  1. დაცალეთ ოთახი — ბავშვები და ცხოველები გაიყვანეთ გარეთ, რადგან ცხოველებს შეუძლიათ ვერცხლისწყალი თათებით მთელ სახლში გაავრცელონ.

  2. შეიარაღდით — გაიკეთეთ რეზინის ხელთათმანები, სასურველია პირბადაც.

  3. შეაგროვეთ ვერცხლისწყალი — გამოიყენეთ ორი სქელი ქაღალდი ბურთულების შესაკრებად და მოათავსეთ ისინი მინის ქილაში, რომელშიც ცივი წყალია ჩასხმული. იგივე ქილაში ჩადეთ ქაღალდიც. ქილა მჭიდროდ დაახურეთ.

  4. წვრილი ნაწილაკების შეგროვება — ფართო წებოვანი ლენტით შეგიძლიათ დააგროვოთ ის წვეთები, რომლებიც თვალით ძნელად ჩანს; ლენტაც ჩააგდეთ წყლიან ქილაში.

  5. დარწმუნება სისუფთავეში — განათეთ ადგილი ფანარით; ვერცხლისწყლის ბურთულები შუქზე ელვარებს და მარტივად შეგიმჩნევთ.

  6. განიავება — მხოლოდ ამის შემდეგ გააღეთ ფანჯრები და გაანიავეთ ოთახი.

  7. დეზინფექცია — 30 გრამი სოდა და 40 გრამი სარეცხი საპონი გახსენით ერთ ლიტრ წყალში და ამ ხსნარით რამდენჯერმე გაწმინდეთ იატაკი დღის განმავლობაში. ალტერნატივად შეგიძლიათ გამოიყენოთ სუსტი კალიუმის პერმანგანატის ხსნარი (გაითვალისწინეთ, რომ არ გახსნილმა კრისტალებმა შეიძლება კანის დაზიანება გამოიწვიოს).

  8. ნარჩენების გადაგდება — ქილა და ყველა გამოყენებული საშუალება მოათავსეთ მჭიდროდ დახურულ პოლიეთილენის ჩანთაში. არ გადააგდოთ ჩვეულებრივ ნაგავთან ერთად — შეატყობინეთ შესაბამის სამსახურებს, სად უნდა ჩააბაროთ ეს მასალა.

  9. საკუთარი თავის დაცვა — შემთხვევის შემდეგ დაიბანეთ ხელები, გაიხეხეთ კბილები და მიიღეთ 2–3 ტაბლეტი გააქტიურებული ნახშირი, რაც ტოქსინების მოქმედებას შეამცირებს.

ამ წესების დაცვით თავიდან აიცილებთ ვერცხლისწყლით მოწამვლას, რომლის სიმპტომები შეიძლება მოგვიანებით გამოვლინდეს — სისუსტე, მადის დაკარგვა, თავის ტკივილი, მეტალის გემო პირში, ღრძილების სისხლდენა, გულისრევა ან სიცხე.

🟢 თუ თერმომეტრი გატყდა — არ პანიკდეთ, მოაშორეთ ბავშვები და ცხოველები, შეაგროვეთ ვერცხლისწყალი უსაფრთხოდ და დაუკავშირდით შესაბამის სამსახურს.

გალიუმიანი თერმომეტრი კი დღეს უფრო უსაფრთხო და მშვიდი არჩევანია ოჯახისთვის.

ვერცხლისწყალი საკმაოდ პრობლემური ქიმიური ნივთიერებაა, რომელიც ადამიანის ჯანმრთელობასა და გარემოზე ცუდად მოქმედებს. 

ვერცხლისწყალი ჩვეულებრივ პირობებშიც კი, მუდმივად ორთქლდება. სწორედ ეს ორთქლია მომწამვლელი. ორთქლი დღის შუქზე უხილავია. განსაკუთრებით ინტენსიურია აორთქლება, როცა ტემპერატურა 18 გრადუსზე მაღალია. სწორედ ამ ორთქლის შესუნთქვამ შესაძლოა მოწამლოს ადამიანი – დააზიანოს ნერვული სისტემა, ღვიძლი, თირკმლები, კუჭ-ნაწლავის ტრაქტი. ყველაზე ხშირად ზიანდება სასუნთქი გზები.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

შეიძლება თუ არა საზოგადოებრივ ტრანსპორტში მუნით დაინფიცირდეთ

მიერ
© საქართველოს საზოგადოებრივი ჯანდაცვის ინსტიტუტი
-
0
შეიძლება თუ არა საზოგადოებრივ ტრანსპორტში მუნით დაინფიცირდეთ
#post_seo_title

თბილისსა და ბათუმში ათასობით სკოლასა და ბაღში პარაზიტული ინექცია მუნია გავრცელებული.

ბოლო პერიოდში თბილისის კლინიკებში მომრავლდა მუნის შემთხვევები — ეს არის პარაზიტული კანის ინფექცია, რომელსაც იწვევს ტკიპა.

ინფექცია იწვევს ძლიერ ქავილს და მცირე, მოწითალო კვანძების გაჩენას კანზე

“სიტუაცია ისეთია, რომ არა მარტო საქართველოში, არამედ ევროპის ქვეყნებშიც წლის განმავლობაში მოსახლეობის 1%-ს მუნი აღენიშნება. დაახლოებით ასეთი მონაცემები გვაქვს და საქართველოშიც 1%-ზე ნაკლებია. მთავარია, პროფილაქტიკისთვის მოვერიდოთ ინფიცირებულთან კონტაქტს. თუ ადამიანს ქავილი აწუხებს, ის ექიმს აუცილებლად უნდა გაესინჯოს”, — განაცხადა დაავადებათა კონტროლის და საზოგადოებრივი ჯანმრთელობის ეროვნული ცენტრის დირექტორის მოადგილემ, პაატა იმნაძემ. მან მოქალაქეებს სიმშვიდისკენ მოუწოდა და აღნიშნა, რომ მუნის განსაკუთრებული მატება არ შეინიშნება, ის ყოველ წელს ფიქსირდება და ამ ეტაპზე პანიკის საფუძველი არ არსებობს.

მისი თქმით, მუნი ყოველწლიურად არის, მატება არ შეინიშნება.

„მუნი ყოველწლიურად არის, მატება არ შეინიშნება, ყველას შეიძლება დაემართოს და საპანიკო არაფერია“, – აღნიშნა დაავადებათა კონტროლის და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ.

სპეციალისტების განმარტებით, მუნის მკურნალობა ადვილია და ის კანით კანზე, მჭიდრო, ხანგრძლივი კონტაქტით ვრცელდება.

რა არის მუნი და რა უნდა ვიცოდეთ, რომ დაავადება თავიდან ავიცილოთ.

მანუალ თერაპევტი, ფსიქოლოგი, ნუტრიციოლოგიის რეზიდენტი, მამუკა რაშოიანი ამბობს, რომ ბოლო პერიოდში თბილისის კლინიკებში მომრავლდა მუნის შემთხვევები — ეს არის პარაზიტული კანის ინფექცია, რომელსაც იწვევს ტკიპა.

„გაფრთხილება: თბილისში გავრცელდა კანის დაავადება — მუნი

ბოლო პერიოდში თბილისის კლინიკებში მომრავლდა მუნის შემთხვევები — ეს არის პარაზიტული კანის ინფექცია, რომელსაც იწვევს ტკიპა.
სიმპტომები:
  • ძლიერი ქავილი, განსაკუთრებით ღამით;
  • წვრილი გამონაყარი და სიწითლე კანზე;
  • ხშირად – გამონაყარი თითებს შორის, მაჯებზე, მუცელზე, მკერდზე ან სასქესო არეში“ – წერს მამუკა რაშოიანი.

როგორ ამოვიცნოთ მუნი, როგორია დაავადების ნიშნები და მახასიათებლები და რა დროს უნდა მივმართოთ ექიმს – თემაზე აკადემიკოს ვახტანგ ბოჭორიშვილის კლინიკის პედიატრიული განყოფილების ხელმძღვანელი, მალვინა ჯავახაძე საუბრობს:

„მუნს 1-2 წერტილოვანი, ხაზოვანი რკალი და გამონაყარი ახასიათებს. მას ტკიპა იწვევს. მუნის ტკიპა კანს კბენს, აკეთებს ხვრელს, სადაც კვერცხებს დებს. კანზე წყვილ-წყვილი ელემენტებია. ასეთი ელემენტები, რომლებიც დღის განმავლობაში, თითქოს, უფროსებისთვის შეიძლება, შეუმჩნეველი იყოს, ბავშვებისთვის ძალიან შემაწუხებელია. ძლიერი ქავილი ეწყებათ“.

ექიმი ინგა მამუჩიშვილი სოციალურ ქსელში მუნის შესახებ წერს და რეკომენდაციებს გვიზიარებს, თუ როგორ უნდა დავიცვათ თავი ამ დაავადებისგან.

როგორ ვლინდება მუნი?! 

„მუნი ანუ ბღერი ბობოქრობს? დღეს უკვე მესამე პაციენტი ვნახე ამ დიაგნოზით!!! მუნს იწვევს ტკიპა sarcoptes scabiei, კანზე მოხვედრის შემდეგ ის აღწევს კანქვეშ და „თხრის“ პატარა გვირაბებს, იქ დებს კვერცხებს, საიდანაც 3-4 დღეში იჩეკება ლავრა, რომელიც იზრდება და გადადის სხვა უბნებზე, ეს პერიოდი კვერცხიდან ზრდასრულამდე 2-3 კვირა გრძელდება!!! გავრცელებას ხელს უწყობს ხალხმრავალი გარემო (საზოგადოებრივი თავშეყრის ადგილები).

დასუსტებული იმუნიტეტი – ორგანიზმი უფრო მგრძნობიარეა,
ჰიგიენური ნორმების დარღვევა (თუმცა ბღერი არ არის მხოლოდ „ბინძურთა დაავადება“, სუფთა გარემოშიც შეიძლება გავრცელდეს!)“ – ამბობს ექიმი.

იაშვილის სახელობის ბავშვთა ცენტრალური საავადმყოფოს სამედიცინო დირექტორის ივანე ჩხაიძის განცხადებით, ძალიან ბევრი ნივთი, რომელიც შეხებაშია მუნით დაავადებულ პაციენტთან, აუცილებლად უნდა იყოს სპეციალურად დამუშავებული,

მისივე თქმით, თუ ოჯახში რომელიმე წევრს დაუდასტურდა მუნი, სხვა წევრები რისკს წარმოადგენენ და აუცილებელია მკურნალობის ჩატარება.

„ძირითადი დამახასიათებელი ნიშანია მკვეთრად გამოხატული ქავილი და ქავილის შედეგად შესაძლებელია კანზე განაკაწრები გამოჩნდეს, მეორადად დაინფიცირდეს, ეს მისი ერთ-ერთი გართულებაა, რომელიც არცთუ ისე ხშირად ვითარდება.
ძალიან ბევრი ნივთი, რომელიც შეხებაშია მუნით დაავადებულ პაციენტთან, აუცილებლად უნდა იყოს სპეციალურად დამუშავებული. რაკი ჩვენ ახლო კონტაქტებზე ვსაუბრობთ, თუ ოჯახში რომელიმე წევრს დაუდასტურდა მუნი, სხვა წევრები წარმოადგენენ, რა თქმა უნდა, რისკს და როდესაც მკურნალობაზე ვსაუბრობთ, ოჯახის ამ წევრებთანაც მკურნალობის ჩატარება აუცილებელია“, – აღნიშნა ივანე ჩხაიძემ.

“მუნი გადადის ადამიანიდან ადამიანზე ინფიცირებულის კანთან მჭიდრო და ხანგრძლივი კონტაქტით. ამიტომ პარაზიტი ძირითადად გადადის ოჯახის წევრებზე და სქესობრივ პარტნიორებზე. ასევე გადაეცემა ტანსაცმლით, პირსახოცით, თეთრეულით, რბილი სათამაშოებით. დაავადება, როგორც წესი, არ გადადის ხანმოკლე კონტაქტით, მაგალითად, ხელის ჩამორთმევით და ჩახუტებით. პარაზიტის გადაცემა ძალიან იშვიათია მყარ ზედაპირებთან შეხებით. შესაბამისად, მაგალითად, ავეჯის ზედაპირებთან შეხება არ წარმოადგენს ინფიცირების რისკ-ფაქტორს”, — წერს ინფექციონისტი მაია ბუწაშვილი სოციალურ ქსელში.

 

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

რა აღმოაჩინეს იმ ადამიანების სისხლში, რომლებიც 100 წელზე მეტხანს ცოცხლობენ

მიერ
© საქართველოს საზოგადოებრივი ჯანდაცვის ინსტიტუტი
-
0
რატომ ცხოვრობენ ქალები უფრო დიდხანს, ვიდრე კაცები?
#post_seo_title

ას წელს გადაცილებულ მოხუცებს 60 წლის ასაკიდან სისხლში შედარებით მცირე რაოდენობით აქვთ გლუკოზა, კრეატინინი და შარდმჟავა.

ამაზე ამ ტიპის ყველაზე მასშტაბური კვლევა მეტყველებს. შესაძლოა, მიგნებებმა ახალი სისხლის ანალიზის შექმნამდე მიგვიყვანოს, რომლითაც ადამიანებში დღეგრძელობის პროგნოზირებას შევძლებთ. ნაშრომი ჟურნალ GeroScience-ში გამოქვეყნდა.

მეცნიერებმა 44 500 შვედის მონაცემები შეისწავლეს, რომლებიც სისხლის მოლეკულებთან დაკავშირებით იძლეოდა ინფორმაციას. ცდისპირებმა კლინიკური შემოწმება 1985-1996 წლებში გაიარეს; შემდეგ მათ 2020 წლამდე აკვირდებოდნენ.

მკვლევრებმა განსაკუთრებული ყურადღება 1893-1920 წლებში დაბადებულ ხალხზე გაამახვილეს, რომლებიც სისხლის ნიმუშების პირველი შემოწმებისას 64-99 წლისანი იყვნენ. ამის შემდეგ მკვლევრებმა მათ მიახლოებით 100 წლამდე მისდიეს.

ცდისპირებისგან 100 წელს 1200-მა ადამიანმა მიაღწია, რაც მათი საერთო რაოდენობის 2.7%-ს უდრის. მკვლევრებმა მათი მონაცემები იმ ხალხისას შეადარეს, რომლებიც უფრო ახალგაზრდები იყვნენ.

შედეგად 12 სისხლის მოლეკულა გამოვლინდა, რომლებსაც მეტაბოლიზმთან, ანთებასთან, ასევე ღვიძლისა და თირკმლის ფუნქციონირებასთან აქვს კავშირი. საგულისხმოა, რომ წინა კვლევებით ეს ნივთიერებები ასაკის მატებასა და სიკვდილიანობასაც დაუკავშირეს.

მოლეკულებს შორის იყო: ქოლესტეროლი და გლუკოზა, როგორც მეტაბოლიზმის მარკერები; შარდმჟავა, რომელიც ანთებაზე იძლეოდა ინფორმაციას; ენზიმები ღვიძლის ჯანმრთელობის შესამოწმებლად, ხოლო კრეატინინი კი — თირკმლის. მკვლევრებმა სისხლში ალბუმინისა და რკინის დონეებიც შეაფასეს.

ღვიძლის ენზიმისა და ალბუმინის გარდა, ყველა სხვა მოლეკულა ზრდიდა იმის ალბათობას, რომ ადამიანი ას წელს გადასცდებოდა.

კერძოდ, ისინი, ვისაც საერთო ქოლესტეროლისა და რკინის დონეები შედარებით მაღალი ჰქონდათ, სხვებთან შედარებით უფრო ხშირად ცოცხლობდნენ ას წელზე დიდხანს.

მეორე მხრივ, როცა სისხლში შედარებით დაბალი იყო გლუკოზის, კრეატინინის, შარდმჟავასა და ღვიძლის ენზიმების დონეები, სწორედ მაშინ იზრდებოდა ას წელზე მეტხანს ცხოვრების ალბათობა.

„აღმოვაჩინეთ, რომ, საერთო ჯამში, მეასე დაბადების დღეს მიღწეულ ადამიანებს, როგორც წესი, 60 წლიდან მოყოლებული სისხლში შედარებით დაბალი ჰქონდათ გლუკოზა, კრეატინინი და შარდმჟავა”, – წერენ მკვლევრები – „ას წელს გადაცილებულ ძალიან ცოტა მოხუცს ჰქონდა წარსულში გლუკოზის დონე 6.5-ზე მეტი ან კრეატინინის დონე 125-ზე მეტი”.

ზოგიერთ შემთხვევაში ჯგუფებს შორის აღმოჩენილი განსხვავებები მცირე იყო, თუმცა მეცნიერები მაინც ფიქრობენ, რომ მიგნებები მეტაბოლიზმს, კვებასა და დღეგრძელობას შორის “შესაძლო კავშირის” არსებობაზე მეტყველებს.

მეორე მხრივ, კვლევით კონკრეტული რეკომენდაციები არ იკვეთება, რომლებიც ცხოვრების გახანგრძლივებაში შეიძლება დაგვეხმაროს; იგი ვერ ავლენს ვერც იმ გენებს, რომლებიც სისხლში ამ განსხვავებებს განაპირობებს.

„მიუხედავად ამისა, გონივრულია ვიფიქროთ, რომ კვება, ალკოჰოლის მიღება და სხვა ფაქტორები ამაში გარკვეულ როლს თამაშობს. ასაკის მატებასთან ერთად თირკმელების და ღვიძლის, ასევე გლუკოზისა და შარდმჟავას შემოწმება ცუდი იდეა არ უნდა იყოს”, – ასკვნიან ნაშრომის ავტორები.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

ჯანმრთელობის მსოფლიო ორგანიზაციისა და მისი დონორის, ATscale, the Global Partnership for Assistive Technology-ს მხარდაჭერით, საქართველო ცდილობს უფრო გააფართოოს ტექნოლოგიები, დანერგოს პრევენციული ზომები და მთელი სიცოცხლის განმავლობაში ზრუნვის მექანიზმები, რათა ელგუჯას მსგავსად, ბევრმა ადამიანმა შეძლოს უფრო სრულფასოვნად ცხოვრება

მიერ
© საქართველოს საზოგადოებრივი ჯანდაცვის ინსტიტუტი
-
0
#post_seo_title

ელგუჯა ზაქარეიშვილმა სმენა 10 წლის წინ, მოულოდნელად დაკარგა და მისი ცხოვრება რადიკალურად შეიცვალა. რვა თვის წინ კი კოხლეარული იმპლანტი ჩაიდგა და ახლა მეორე სიცოცხლით ხარობს.

„როცა სმენა დავკარგე და გამოკვლევები გავიკეთე, მითხრეს რომ ჩემი მდგომარეობა მკურნალობას არ ექვემდებარებოდა, უნდა შევგუებოდი და ცხოვრება ასე გამეგრძელებინა,“ იხსენებს ელგუჯა. „დეპრესიაში ჩავვარდი. მარტოობა მინდოდა, ხალხის თანაგრძნობა მაღიზიანებდა, თანდათან ჩამომშორდნენ ირგვლივმყოფები და ასე ცხოვრება ძალიან რთული იყო. ნახევარი ადამიანი ვყავი.“
ამ პირობებში დამოუკიდებლობა კიდევ უფრო დიდი გამოწვევა იყო. ელგუჯა ხელოსანია და შეკვეთების შესრულებისას, შემკვეთთან კონტაქტში უმცროსი ძმა ეხმარებოდა, რომელთანაც კომუნიკაციისთვის ტელეფონს იყენებდა.
„ერთ-ერთი შემკვეთი ინფორმაციის მოძიებაში დამეხმარა. აქამდე არც კი ვიცოდი საქართველოში თუ იყო შესაძლებელი კოხლეარული იმპლანტის ჩადგმა, მითუმეტეს სახელმწიფო დაფინანსებით. თავის მობილიზება შევძელი და მიუხედავად იმისა რომ იმედების გაცრუების მაინც მეშინოდა, გადავწყვიტე მეცადა.“
როგორც ამბობს, იმპლანტთან შეგუების პროცესი მარტივი არაა, თავიდან ჯერ ხმაური ესმოდა, მერე საუბარი სუსტად, თანდათან დაიწყო სხვადასხვა ხმებისა თუ სიტყვების გარჩევა. ამ ყველაფერს ვარჯიში და მონდომება სჭირდება. ელგუჯას სამ თვეში უკვე სრულყოფილად ესმოდა ყველაფერი და როცა პირველად მოისმინა სიმღერა, უნდოდა სიხარულისგან ეყვირა.
„როცა პირველად გავიგონე სრულყოფილად, ჩემი პატარა ძმა მთელი ღამე გვერდით მეჯდა და მიყვებოდა ყველაფერს, რაც ამ წლების განმავლობაში დაუგროვდა. ყველაზე ბედნიერი მგონი ჩემი პატარა დისშვილი იყო, რადგან, როგორც იქნა, თავისუფლად შეგვეძლო საუბარი!“
ელგუჯას იმპლანტით ბევრი ადამიანი ინტერესდება და ისიც გულმოდგინედ უხსნის, რა უნდა გააკეთონ სმენის დასაბრუნებლად. რადგან ინფორმაციის ნაკლებობის გამო რამდენიმე წელი დაკარგა, უნდა მისი ისტორია სხვებისთვისაც მოტივაცია გახდეს საუკეთესო შედეგის მისაღწევად.
***
ელგუჯას შემთხვევა გამონაკლისს არ წარმოადგენს. სხვადასხვა კვლევების მიხედვით, საქართველოში მოსახლეობის დაახლოებით 6.5%-8.1% აქვს სმენის დაქვეითების რამე ფორმა, ცნობიერება კი დაბალია. სახელმწიფო პროგრამებით გათვალისწინებულია ცალმხრივი კოხლეარული იმპლანტების, ცალმხრივი (ზრდასრულებისთვის) და ორმხრივი (ბავშვებისთვის) სმენის აპარატების მიწოდება. კოხლეარული იმპლანტის მიმღებთათვის სარეაბილიტაციო სერვისებიც ფინანსდება.
ჯანმრთელობის მსოფლიო ორგანიზაციისა და მისი დონორის, ATscale, the Global Partnership for Assistive Technology-ს მხარდაჭერით, საქართველო ცდილობს უფრო გააფართოოს ტექნოლოგიები, დანერგოს პრევენციული ზომები და მთელი სიცოცხლის განმავლობაში ზრუნვის მექანიზმები, რათა ელგუჯას მსგავსად, ბევრმა ადამიანმა შეძლოს უფრო სრულფასოვნად ცხოვრება.

World Health Organization Georgia · ჯანმრთელობის მსოფლიო ორგანიზაცია საქართველოში

ალერგია და სმენა

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

უშვილობის პრობლემა, შესაძლოა, სამუდამოდ გადაიჭრას – რას ამბობს მეცნიერება

მიერ
© საქართველოს საზოგადოებრივი ჯანდაცვის ინსტიტუტი
-
0
უნაყოფობა - ანთება, ჭარბწონიანობა და არასათანადო კვება შესაძლოა მიზეზი იყოს - ხშირად დასმული კითხვები
#post_seo_title

„მეცნიერებმა, შესაძლოა, მალე კვერცხუჯრედების და სპერმის შექმნა კანის და სისხლის უჯრედებიდან შეძლონ. რას ნიშნავს ეს?“,  – ამ სათაურით გამოქვეყნდა სტატია გამოცემა technologyreview.com-ში.

მეცნიერებმა გამრავლების ახალ გზას მიაგნეს და ირწმუნებიან, რომ ეს უნაყოფობის პრობლემას სამუდამოდ გადაჭრის. მათივე თქმით, რომ მალე ჩვეულებრივი უჯრედების (სისხლის, კანის) „ხელოვნურ“ სასქესო უჯრედებად ტრანსფორმირებასაც შეძლებენ. მათ უკვე შექმნეს ვირთაგვების ხელოვნური კვერცხუჯრედი და სპერმატოზოიდი და მათგან ვირთაგვები გამოიყვანეს. შემდეგ ადამიანის სასქესო უჯრედების ჯერია.

ამ კვლევაში პროგრესს მსოფლიოში უნაყოფობის დასრულება შეუძლია – აღარავინ ინერვიულებს ჯანმრთელი სასქესო უჯრედების ნაკლებობაზე, თუ ლაბორატორიაში ახლების გამოყვანა იქნება შესაძლებელი. ეს ერთნაირსქესიან წყვილებსაც მისცემს საშუალებას, რომ გენეტიკურად მონათესავე შვილები ჰყავდეთ. თუ ქალი შეძლებს საკუთარი უჯრედებისგან სპერმატოზოიდის გამოყვანას, მაშინ ის ქალი პარტნიორის კვერცხუჯრედის განაყოფიერებასაც მოახერხებს. მსგავსადვე, თუ მამაკაცი შეძლებს კვერცხუჯრედის გამოყვანას, მას პარტნიორი მამაკაცი საკუთარი სპერმატოზოიდით გაანაყოფიერებს. მეტიც, ოთხ მშობელსაც კი შეეძლება ერთი შვილი ჰყავდეს და ერთიც შეძლებს, რომ ორივე სასქესო უჯრედით ემბრიონი შექმნას.

ეს კვლევა ლაბორატორიაში ათწლიანი შრომის შედეგია. მეცნიერებმა ახლა მეტ-ნაკლებად იციან, როგორ განახორციელონ ეს იდეა რეალობაში. მთავარია, ეს დაიწყონ და ეთიკური სირთულეები გადალახონ.

ადამიანის სასქესო უჯრედების გამოყვანა გაცილებით რთულია, ვიდრე ვირთაგვას კვერცხუჯრედისა და სპერმატოზოიდის შექმნა; თან იმდენად რთული, რომ არა ერთი მეცნიერი, რომელიც წლების განმავლობაში მუშაობდა ამაზე, დანებდა. საქმე საკმაოდ საპასუხისმგებლოა და მოითხოვს ექსპერტულ ცოდნას, თუ როგორ დიფერენცირდებიან უჯრედები სპერმატოზოიდად და კვერცხუჯრედად და ქმნიან ადამიანის ემბრიონს. ამ პროცესის ზუსტი მექანიზმი ჯერ კარგად არაა შესწავლილი.

ყველაზე დიდი კითხვაა – შევძლებთ ჩვენ ლაბორატორიული შედეგებით ჩვენი გამრავლების გზის უსაფრთხოდ და მისაღებად შეცვლას? ჩვენ ჯერ კიდევ კარგად არ ვიცით, ზუსტად როგორ ფორმირდებიან სასქესო უჯრედები და ამ ცოდნის გარეშე ლაბორატორიული კვერცხუჯრედი და სპერმატოზოიდი ატარებენ რისკს, რომ ნაყოფს დაბადების შემდეგ ან სიცოცხლის გვიან წლებში დაავადებები განუვითარდება.

ოპტიმისტები იტყვიან, რომ მსგავსი შიშები ინ-ვიტრო განაყოფიერების ირგვლივაც არსებობდა; დღეს ამ მეთოდით მარტო აშშ-ში ყოველწლიურად 73 000 ბავშვი იბადება. თუ ჩვენ ამ მეთოდის უსაფრთხოდ გამოყენებასაც შევძლებთ, მაშინ ხელოვნური სქესობრივი უჯრედები გამრავლების გზას და ბიოლოგიური მშობლის განსაზღვრებას რადიკალურად შეცვლის. თუმცა ეს დიდი „თუა“.

 

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

ექსპერტი განმარტავს, რატომ არ აქვთ საოპერაციო ოთახებს თეთრი კედლები

მიერ
© საქართველოს საზოგადოებრივი ჯანდაცვის ინსტიტუტი
-
0
#post_seo_title

საოპერაციო ოთახებში კედლებიც სპეციფიკურ ფერებშია შეღებილი. მე-19 და მე-20 საუკუნეებში ისინი თეთრი იყო, რაც სტერილურობისა და ჰიგიენის სიმბოლოდ იქცა. თუმცა, დროთა განმავლობაში გაირკვა, რომ ეს ფერი მხოლოდ ხელს უშლიდა სამედიცინო მუშაკებს თავიანთი მოვალეობების შესრულებაში.

ჯერ კიდევ მე-20 საუკუნის შუა ხანებში საავადმყოფოებმა მასიურად დაიწყეს საოპერაციო ოთახების ლურჯ და მწვანე ტონებში შეღებვა. ქირურგებიც ამ ფერებში იყვნენ გამოწყობილნი.

საოპერაციო ოთახის კედლების მწვანე ფერის მიზეზი ექიმების მხედველობაა. ოპერაციის დროს ისინი დიდი ხნის განმავლობაში სისხლის წითელ ფერს უყურებენ. კაშკაშა შუქი და თეთრი კედლები ოპტიკურ ილუზიებს ქმნიდა, რაც მათ თვალწინ „მწვანე ლაქების“ გაჩენას იწვევდა. გარდა ამისა, ეს კონტრასტი დროებით „დაბრმავებას“ და თვალის დაღლილობას იწვევდა.

მწვანე ფერი ხელს უწყობს ამ სტრესის შემცირებას, რაც გადამწყვეტია ხანგრძლივი ოპერაციების დროს. მწვანე და ლურჯი ელფერები ასევე ეხმარება ექიმებს წითელი ტონების უფრო ზუსტად დანახვაში, რაც შეიძლება გადამწყვეტი იყოს.

როგორც ვიცით, ფერთა წრე

ზე მწვანე და წითელი ერთმანეთის საპირისპიროდ არიან განლაგებული – ისინი ერთმანეთს ავსებენ. ამიტომ, კედლების მწვანედ ან ლურჯ-მწვანე ელფერით შეღებვას შეუძლია ამ პრობლემის გადაჭრა – ის ასუფთავებს მხედველობას და ხსნის დაღლილობასა და სტრესს. ასეთი პატარა დეტალები უდიდეს გავლენას ახდენს ქირურგის რთულ სამუშაოზე.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

შეიძლება ეს გახდეს მომავლის გზა ტკივილის გარეშე ცხოვრებისკენ? – ბუნებრივად ასტიმულირებს სახსრის ხრტილის ხელახალ ზრდას — ისე, რომ აღარ არის საჭირო იმპლანტები ან ქირურგიული ჩარევა

მიერ
© საქართველოს საზოგადოებრივი ჯანდაცვის ინსტიტუტი
-
0
სახსრები
#post_seo_title

ფიტნეს ინსტრუქტორი მამუკა სახსრების დაზიანებებისა და ართრიტის შესახებ ინფორმაციებს აქვეყნებს

„გერმანულმა სამედიცინო ინოვაციამ შეიძლება სრულიად შეცვალოს გზა, რომლითაც მკურნალობენ სახსრების დაზიანებებსა და ართრიტს!

გერმანელმა მეცნიერებმა შექმნეს უნიკალური გელი, რომელიც ბუნებრივად ასტიმულირებს სახსრის ხრტილის ხელახალ ზრდას — ისე, რომ აღარ არის საჭირო იმპლანტები ან ქირურგიული ჩარევა.
გელი ააქტიურებს თავად ორგანიზმის უჯრედებს, რათა აღადგინონ დაზიანებული ხრტილი, აღიდგინოს:
  • მოქნილობა
  • ბალიშისებრი დაცვა
  • და სახსრის სრული ფუნქციონირება
პირველი კვლევების თანახმად, პაციენტები გრძნობენ:
  • ტკივილის მკვეთრ შემცირებას
  • მოძრაობის გაუმჯობესებას
და აღდგენას ბევრად უფრო სწრაფად, ვიდრე ტრადიციული მეთოდებით
ეს რევოლუციური მიდგომა იმედს აძლევს მილიონობით ადამიანს, ვინც იტანჯება ართრიტით, ხრტილის დეგენერაციით ან სპორტული ტრავმებით.
გელის მიზანია ბუნებრივი რეგენერაციის გაძლიერება, რაც ამცირებს ინფექციისა და ხანგრძლივი რეაბილიტაციის რისკს.
მიუხედავად იმისა, რომ კვლევა ჯერ კიდევ გრძელდება, მეცნიერები დარწმუნებულნი არიან —
ეს აღმოჩენა შეიძლება გახდეს ახალი ეპოქა სახსრების ჯანმრთელობაში:
მარტივი, უსაფრთხო და არაინვაზიური გადაწყვეტა, რომელიც ადამიანებს აძლევს შვებასა და მოძრაობის თავისუფლებას — ოპერაციის გარეშე!
შენ რას ფიქრობ ასეთ რეგენერაციულ მიდგომაზე?
წყარო: Institute for Regenerative Medicine, Germany

სახსრები

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

5 ნიშანი, რომ თავის ტკივილი, შესაძლოა, კოვიდი იყოს

მიერ
© საქართველოს საზოგადოებრივი ჯანდაცვის ინსტიტუტი
-
0
რა ტიპის ვირუსები ცირკულირებს საქართველოში - რა რეკომენდაციები უნდა გავითვალისწინოთ
#image_title

თავის ტკივილი ხშირი თანამგზავრია გაციების ან ნებისმიერი ვირუსული ინფექციის დროს. თუმცა, კორონავირუსის შემთხვევაში მას აქვს ძალიან სპეციფიკური ნიშნები, რომლებიც განასხვავებს ჩვეულებრივი ცუდი შეგრძნებისგან.

ექიმების თქმით, ეს ტკივილი ხშირად უფრო ძლიერია, გრძელდება ხანგრძლივად და თითქმის არ რეაგირებს ტკივილგამაყუჩებელ წამლებზე. 

როგორ იწყება თავის ტკივილი COVID-ის დროს?

ინტენსივობა შეიძლება განსხვავდებოდეს, მაგრამ ექიმები გამოყოფენ რამდენიმე საერთო მახასიათებელს:

ტკივილი მთელ თავში

განსხვავებით შაკიკისგან, იშვიათად ლოკალიზდება ერთ წერტილში. უფრო ხშირად ეს არის გავრცელებული, ორმხრივი ტკივილი შუბლის, საფეთქლებისა და კეფის მიდამოში.

როგორ ავიცილოთ თავბრუსხვევა წამოდგომისას მარტივი სავარჯიშოებით
#post_seo_title

შეკუმშვის ან პულსაციის ხასიათი

პაციენტები აღწერენ, როგორც ძლიერ ზეწოლას, „ჩაფხუტის“ შეგრძნებას თავზე ან ინტენსიურ პულსაციას.

ტკივილის გაძლიერება მოძრაობისას

ტკივილი საგრძნობლად ძლიერდება ნებისმიერი მოძრაობის დროს, განსაკუთრებით თავის წინ გადახრისას.

მედიკამენტების მიმართ მდგრადობა

ტრადიციულმა პრეპარატებმა, როგორიცაა პარაცეტამოლი ან იბუპროფენი, შესაძლოა საერთოდ ვერ მოიტანოს შვება, ან მათი ეფექტი ძალიან მოკლეხნიანი იყოს.

ხანგრძლივობა

COVID-ის დროს თავის ტკივილი შეიძლება გაგრძელდეს 3 დღეზე მეტხანს, ზოგჯერ მთელი დაავადების განმავლობაში. ზოგიერთისთვის ეს სიმპტომი ინფექციის პირველი ნიშანია. განაგრძეთ კითხვა

COVID-19-ის NB.1.8.1 ახალი ვარიანტი

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

შეიძლება იყოს საჭმლის მომნელებელი სისტემის დაავადების ნიშანი – რა იწვევს ბოყინს ?

მიერ
© საქართველოს საზოგადოებრივი ჯანდაცვის ინსტიტუტი
-
0
შეიძლება იყოს საჭმლის მომნელებელი სისტემის დაავადების ნიშანი - რა იწვევს ბოყინს ?
#post_seo_title

ბოყინი არის ბუნებრივი ფიზიოლოგიური პროცესი, რომლის დროსაც კუჭიდან ან საყლაპავიდან გარე სივრცეში გამოდის დაგროვილი აირი. ამ დროს ხშირად ისმის სპეციფიკური ხმა და ზოგჯერ – სუნიც.

კუჭში ყოველთვის მოიპოვება გარკვეული ოდენობის ჰაერი, რომელიც იქ ხვდება ჭამისას ჩაყლაპული ჰაერის სახით, გარკვეული საკვების მონელების შედეგად წარმოქმნილი გაზების სახით.
მაგალითად, ლობიო, კომბოსტო, მუხუდო და სხვა მსგავსი პროდუქტები იწვევენ გაზების დაგროვებას.
ასევე, როდესაც ტუტე სითხეები (მაგ. მინერალური წყალი ან საჭმელი სოდა) რეაგირებენ კუჭის მჟავე წვენთან, წარმოიქმნება ნახშირორჟანგი.

ჩვეულებრივ, ეს აირი ნელა და შეუმჩნევლად ტოვებს ორგანიზმს. თუმცა, თუ წნევა იმატებს, კუჭსა და საყლაპავს შორის არსებული კუნთოვანი რგოლი (კარდიული სფინქტერი) იხსნება, რის შედეგადაც აირი სწრაფად ამოდის პირის ღრუში.
ამ პროცესს თან ახლავს ბგერა, რომელიც წარმოიქმნება საყლაპავის ზედა ნაწილის ვიბრაციის გამო, და ზოგჯერ — სუნი, რომელიც აირის შემადგენლობაზეა დამოკიდებული.

თუ ბოყინი იშვიათად ჩნდება, მაგალითად, ჭამის შემდეგ ან სწრაფად ნაყროვანებისას, ეს ბუნებრივი მოვლენაა. მაგრამ როდესაც ის ხშირი ხდება, ჩნდება ყოველ ჯერზე საკვების მიღების შემდეგ ან ცარიელი კუჭის დროს, თან ახლავს არასასიამოვნო სუნი — აუცილებელია ექიმთან ვიზიტი, რადგან ეს უკვე შეიძლება იყოს საჭმლის მომნელებელი სისტემის დაავადების ნიშანი.

განსაკუთრებით საყურადღებოა ის შემთხვევა, როცა ბოყინთან ერთად კუჭის შიგთავსი ბრუნდება უკან — ამ დროს ამოსულ მასას შეიძლება ჰქონდეს მჟავე, მწარე ან ლპობის სუნი, რაც მიუთითებს უფრო სერიოზულ დარღვევებზე.

რა შეიძლება იწვევდეს ბოყინს?

დაუძლეველი ან განმეორებადი ბოყინი შესაძლოა გამოწვეული იყოს შემდეგი მდგომარეობებით:

  • საყლაპავის კუნთოვანი რგოლის სპაზმი (კარდიოსპაზმი) ან მისი მოშლილი მოქმედება (აქალაზია);

  • დიაფრაგმის არეში არსებული თიაქარი;

  • კუჭისა და თორმეტგოჯა ნაწლავის წყლული;

  • გასტრიტი და დუოდენიტი;

  • ნაღვლის ბუშტის ანთება (ქოლეცისტიტი);

  • პანკრეატიტი;

  • ნაწლავთა ანთებითი დაავადებები (ენტერიტი, კოლიტი);

  • ნერვული სისტემის დისბალანსი (ნეიროვეგეტატიური დისტონია).

ზოგიერთ შემთხვევაში, ბოყინი შეიძლება დაკავშირებული იყოს საჭმლის მომნელებელი სისტემის ავთვისებიან სიმსივნურ პროცესებთანაც.

მიუხედავად იმისა, რომ ზოგიერთი მიზეზი ქირურგიული ჩარევის გარეშე შეიძლება კონტროლდებოდეს, გარკვეულ შემთხვევებში (მაგალითად, ძლიერი სისხლდენა, კუჭის ან ნაწლავის პერფორაცია, მძიმე პანკრეატიტი ან დესტრუქციული ქოლეცისტიტი) ოპერაცია გარდაუვალი ხდება.

საბოლოოდ, ბოყინი შეიძლება იყოს სრულიად უვნებელი ან საკმაოდ სერიოზული სიმპტომი — განსხვავება მდგომარეობს სიხშირესა და თანმხლებ ნიშნებში. ამიტომაც, თუ ბოყინი გახშირდა, ასოცირდება ტკივილთან, სიმძიმესთან ან ცუდ სუნთან, აუცილებელია ექიმის კონსულტაცია, რათა დროულად დადგინდეს მიზეზი და თავიდან აიცილოს გართულებები.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

„ორი პრეპარატის ურთიერთჩანაცვლება პაციენტს არანაირ საფრთხეს არ უქმნის – მედიკამენტ „ნოვორაპიდის“ პრეპარატ „აპიდრათი“ შეცვლა, არანაირ საფრთხეს არ ქმნის პაციენტის ჯანმრთელობის, სიცოცხლის, ან კეთილდღეობისთვის“ – ენდოკრინოლოგი, პროფესორი დავით მეტრეველი

მიერ
© საქართველოს საზოგადოებრივი ჯანდაცვის ინსტიტუტი
-
0
„ორი პრეპარატის ურთიერთჩანაცვლება პაციენტს არანაირ საფრთხეს არ უქმნის - მედიკამენტ „ნოვორაპიდის“ პრეპარატ „აპიდრათი“ შეცვლა, არანაირ საფრთხეს არ ქმნის პაციენტის ჯანმრთელობის, სიცოცხლის, ან კეთილდღეობისთვის“ - ენდოკრინოლოგი, პროფესორი დავით მეტრეველი
#post_seo_title

მედიკამენტ „ნოვორაპიდის“ პრეპარატ „აპიდრათი“ შეცვლა, არანაირ საფრთხეს არ ქმნის პაციენტის ჯანმრთელობის, სიცოცხლის, ან კეთილდღეობისთვის. როდესაც ერთი ფარმაცევტული კომპანიის პრეპარატი, მისი მსგავსი სხვა კომპანიის პრეპარატით იცვლება, საჭიროა ექიმის ყურადღება. ინსულინის მომხმარებელ პაციენტს ექიმის ყურადღება ზოგადად, ძალიან სჭირდება.

განსაკუთრებით, საუბარია დიაბეტი ტიპი 1-ის შესახებ, სადაც ექიმისა და პაციენტის ურთიერთთანამშრომლობა, დაავადების წარმატებული მართვისთვის, ძალიან მნიშვნელოვანია“, – ასე შეაფასა ექიმმა-ენდოკრინოლოგმა, ევროპისა და მსოფლიოს ენდოკრინოლოგიური პროფილის სამეცნიერო ასოციაციების წევრმა, პროფესორმა დავით მეტრეველმა, ტიპი 1 დიაბეტის მქონე პაციენტების ინსულინით უზრუნველყოფის პროგრამაში შესული ცვლილება, რომლის მიხედვითაც, პრეპარატ „ნოვორაპიდით“ მკურნალობა, ამ ეტაპზე, გრძელდება მისი ანალოგით – მსოფლიოში მოწინავე მწარმოებლის მედიკამენტით, ფრანგული „სანოფი ავენტისის“ ინსულინით- „აპიდრა“.

როგორც საქართველოს ენდოკრინოლოგთა საზოგადოების ვიცე-პრეზიდენტი ამბობს, ამ ორი პრეპარატის ურთიერთჩანაცვლება პაციენტს არანაირ საფრთხეს არ უქმნის.

„მედიკამენტ „ნოვორაპიდის“ პრეპარატ „აპიდრათი“ შეცვლა, პაციენტის ჯანმრთელობის, სიცოცხლის, ან კეთილდღეობისთვის მხრივ, არანაირ საფრთხეს არ ქმნის. ერთი პრეპარატიდან მეორეზე გადასვლის ზოგადი წესია, რომ ექიმს მეტი ყურადღების გამოჩენა უწევს. ყველა კონკრეტული პაციენტის კონკრეტული მონაცემების გათვალისწინებით, ექიმი რჩევა-დარიგებას აძლევს პაციენტს. თუმცა, როგორც წესი, „ნოვორაპიდიდან“ მედიკამენტ „აპდიდრაზე“ გადასვლა, სირთულეებთან არ არის დაკავშირებული. შემდეგაც, თავისუფლად შეიძლება ისევ „ნოვორაპიდზე“ დაბრუნება და არც მის მაგივრად „აპიდრას“ გამოყენებას შეუქმნია, არასოდეს, სირთულეები. რომელი კომპანიის პრეპარატითაც იქნებიან უზრუნველყოფილნი პაციენტები, ექიმის დახმარებით, იმის შესაბამისად შეირჩევა დოზები, რეჟიმი და ა.შ.“

უფრო მეტსაც გეტყვით, გასულ წლებში, კარგად მახსოვს ასეთი ეპიზოდები, როდესაც ბავშვების ნაწილი უპირატესობას ანიჭებდა „აპიდრას“ როგორც პრეპარატს და „ნოვორაპიდის“ მაგივრად, სწორედ მას ირჩევდნენ“, – აღნიშნა პროფესორმა.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
1...180181182...1,032გვერდი 181 of 1,032

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge

შენიექიმი
sheniekimi.ge · PHIG
გამარჯობა 👋
სასურველი სერვისი აირჩიეთ ქვემოთ
⚡ გადაუდებელი შემთხვევა?
მყისიერი სამედიცინო დახმარება
📞 112
🩺
სიმპტომების შეფასება
150 კლინიკური სცენარი · WHO · AHA · NICE · 29 CDR
›
💉
ვაქცინაციის კალენდარი
WHO · ECDC · NCDC საქართველო 2025
›
💊
დანამატების შემოწმება
supplement.ge — 2,095 ინგრედიენტი
›
ℹ️ეს სისტემა ახდენს ტრიაჟს — არა დიაგნოზს. ყოველი გადაწყვეტილება დაფუძნებულია WHO, AHA, NICE, BTS სახელმძღვანელოებზე. ექიმის კონსულტაცია სავალდებულოა.
© PHIG — Public Health Institute of Georgia
პირადი ინფორმაცია
სიმპტომების ზუსტი შეფასებისთვის შეიყვანეთ ასაკი და სქესი
👤სავალდებულო
📏 ანთროპომეტრია
სიმაღლე · წონა · BMI — არასავალდებულო
⌄
🩺 სასიცოცხლო მაჩვენებლები
წნევა · პულსი · ტემპერატურა · SpO2 — არასავალდებულო
⌄
ნორმა: 90–129
ნორმა: 60–100
36–37.2
12–20
≥95%
© PHIG — Public Health Institute of Georgia
სიმპტომების შეფასება
აირჩიეთ სცენარი სისტემის მიხედვით
🔍
© PHIG — Public Health Institute of Georgia
კითხვა 1 / 1
© PHIG — Public Health Institute of Georgia
📋 მტკიცებულებითი საფუძველი
World Health Organization (WHO) — IMAI სახელმძღვანელო
American Heart Association (AHA) / ACC
National Institute for Health and Care Excellence (NICE)
ICD-11 (2025) · World Health Organization
ეს ინსტრუმენტი ახდენს ტრიაჟს — არა დიაგნოზს. სიმპტომები შეიძლება მიუთითებდეს — ეს არ ნიშნავს, რომ დაავადება გაქვთ. ექიმის კონსულტაცია სავალდებულოა.
📰 სიახლეები ყველა ›
© PHIG — Public Health Institute of Georgia
ვაქცინაციის კალენდარი
აირჩიეთ ასაკობრივი ჯგუფი
WHO ECDC NCDC 2025
📚წყარო: NCDC საქართველო 17.09.2025 · WHO · ECDC
© PHIG — Public Health Institute of Georgia
ასაკობრივი ჯგუფი
📚წყარო: NCDC საქართველო 17.09.2025 · WHO · ECDC
📰 ვაქცინაციის სიახლეები ყველა ›
© PHIG — Public Health Institute of Georgia
დანამატების შემოწმება
გადადით supplement.ge-ზე და შეამოწმეთ ნებისმიერი პროდუქტი
SUPPLEMENT.GE
საქართველოს სასურსათო დანამატების უსაფრთხოების შემოწმების სისტემა
📊 2,095 ინგრედიენტი 📦 688 პროდუქტი
supplement.ge-ზე გადასვლა ↗
ახალი ფანჯარა გაიხსნება
›
✨რას შეგიძლიათ შეამოწმოთ
🔬
ინგრედიენტის შემოწმება
NIH · EU · FDA · Health Canada მონაცემები
📷
ეტიკეტის სკანირება
AI ამოიცნობს ყველა ინგრედიენტს ფოტოდან
🌍
ქვეყნის მიხედვით სტატუსი
რეგულაცია 14 ქვეყანაში — აშშ, ევროკავშირი, კანადა
⚠️
წამალთან ინტერაქცია
აუცილებელი გაფრთხილებები მიმდინარე მკურნალობისას
✅ supplement.ge — საქართველოში ერთადერთი სრული სისტემა დანამატების უსაფრთხოების შესაფასებლად, PHIG-ის (საზოგადოებრივი ჯანდაცვის ინსტიტუტის) კონტროლით.
© PHIG — Public Health Institute of Georgia
Verified by MonsterInsights