რა წარმოადგენს 18-საათიან შიმშილს? – როგორ დავიწყოთ 18 საათიანი დიეტა
ინტერვალური შიმშილის ამ ვარიანტში ადამიანი მხოლოდ ექვს საათს უთმობს კვებას, ხოლო დანარჩენ პერიოდში კალორიებს არ იღებს. იდეა იმაში მდგომარეობს, რომ სხეულს ეძლევა დრო, გადავიდეს ცხიმის ენერგიად გადამუშავების რეჟიმზე, რაც ხელს უწყობს როგორც წონის კლებას, ისე სხვადასხვა დაავადების რისკის შემცირებას.
მეცნიერები მიიჩნევენ, რომ ასეთ რეჟიმში ორგანიზმი უკეთ წვავს ცხიმს, არამარტო იმიტომ, რომ ნაკლებ კალორიას იღებ, არამედ იმიტომაც, რომ სხეული იწყებს ენერგიის გამომუშავებას კეტონების საშუალებით — ეს იმას ნიშნავს, რომ ენერგიისთვის იყენებს ცხიმის მარაგს და არა გლუკოზას.
გსურს გაიგო რა ხდება შენს ორგანიზმში 18 საათიანი დიეტის ანუ ინტერვალური შიმშილის დროს? და რა სარგებელი აქვს შენი ორგანიზმისთვის? მაშინ ეს სტატია შენთვისაა რათა გაიგო მეტი 18 საათიანი დიეტის შესახებ
რა პროცესები ვითარდება ორგანიზმში 18-საათიანი შიმშილისას?
კეტოზი და ცხიმის წვა
გრძელი შუალედი საკვების გარეშე მეტაბოლიზმს აიძულებს, გადაერთოს ცხიმოვანი უჯრედების წვაზე. სწორედ ამიტომ, ამ მეთოდს ხშირად უკავშირებენ სწრაფ ცვლილებებს წონაში.
ზრდის ჰორმონის მომატება
შიმშილის პერიოდში იზრდება HGH — ჰორმონი, რომელიც მნიშვნელოვანია კუნთების რეგენერაციისთვის და ცხიმის წვის ეფექტიანად მიმდინარეობისთვის. ამ ჰორმონის მომატება ადამიანს აძლევს მეტ ენერგიას და მხარს უჭერს სხეულის სტრუქტურის გაუმჯობესებას.
18-საათიანი ინტერვალის დადებითი მხარეები
1. ანთების შემცირება
ანთება ბევრი დაავადების საწყისი მიზეზია. ინტერვალური შიმშილი ხელს უწყობს ანთებითი პროცესების განელებას, რაც დადებითად მოქმედებს საჭმლის მონელებაზე, გულზე, სისხლძარღვებზე და სხვა ფუნქციებზე.
2. დიაბეტის რისკის შემცირება
შიმშილის ხანგრძლივი პერიოდები აწესრიგებს ინსულინის მგრძნობელობას და ამცირებს „ცუდი“ ქოლესტერინის დონეს, რაც დიაბეტის განვითარების რისკს ამცირებს.
3. გულის ჯანმრთელობა
ქოლესტერინის შემცირება და არტერიული წნევის დარეგულირება გულის ფუნქციის გაუმჯობესებას უწყობს ხელს. რეგულარული ინტერვალური შიმშილი ორგანიზმს ეხმარება, თავიდან აიცილოს სისხლძარღვებში სახიფათო დაგროვებები.
4. კიბოს რისკის შემცირების პოტენციალი
მეტაბოლიზმის აჩქარება და იმუნური სისტემის გაძლიერება შესაძლოა ხელს უწყობდეს იმ პირობების განეიტრალებას, რომლებიც გარკვეული ტიპის სიმსივნეს გამოკვებავს.
როგორ დავიწყოთ 18:6 რეჟიმი? — მარტივი რჩევები
-
დაიწყე მცირე ინტერვალით
12-საათიანი შუალედი შეიძლება იყოს პირველი ნაბიჯი. როცა მოერგები, შეგიძლია გადახვიდე 18-საათიან გეგმაზე.
-
გამოიყენე აპლიკაციები
ისინი დაგეხმარება, არ გამოტოვო წყლის დალევა და აკონტროლო შენი პროგრესი.
-
მოარგე გრაფიკს
კვების ექვსსაათიანი ფანჯარა ისე დაგეგმე, რომ ეწერებოდეს შენს ყოველდღიურ ცხოვრებაში — იქნება ეს ლანჩი მეგობრებთან თუ საღამოს გასეირნება.
-
გამოიყენე ბუნებრივი მადის დამთრგუნველები
წყალი, ყავა და ჯანჯაფილი დაგეხმარება იმ დროს, როცა შიმშილი ძლიერია.
-
კარგად იკვებე კვების პერიოდში
აუცილებელია, რაციონში შედიოდეს:
ვინ უნდა მოერიდოს ამ დიეტას?
18-საათიანი შიმშილი არ არის ყველასთვის. მოერიდონ:
-
დიაბეტის მქონე პირები
-
ადამიანები, რომლებიც იღებენ გულისა და წნევის მედიკამენტებს
-
ვინც წარსულში ქონდა ან აქვს კვებითი აშლილობები
-
ძალიან დაბალი წონის მქონე პირები
თუ ორგანიზმი მზად არის და ექიმის რეკომენდაცია არ გაქვს საწინააღმდეგო, 18:6 ინტერვალური შიმშილი შეიძლება იყოს მარტივი, ეფექტური და საკმაოდ ბუნებრივი გზა ჯანმრთელობის გასაუმჯობესებლად.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
