ვაშინგტონში, American Airlines-ის ორი თვითმფრინავი რონალდ რეიგანის ნაციონალურ აეროპორტში, ასაფრენ ბილიკზე ერთმანეთს შეეჯახა. ინფორმაციას BBC-ი ავრცელებს.
ფედერალური საავიაციო ადმინისტრაციის განცხადებით, ერთი თვითმფრინავის ფრთა მეორეს გამოედო, რის შედეგადაც თვითმფრინავები დაზიანდნენ.
მედიის ცნობით, ერთ-ერთ თვითმფრინავში კონგრესის სულ მცირე ორი წევრი იმყოფებოდა.
ნიუ-იორკელმა რესპუბლიკელმა, ნიკ ლალოტამ განაცხადა, რომ არავინ დაშავებულა, როდესაც მათი გაჩერებული თვითმფრინავის ფრთა მეორე თვითმფრინავს გამოედო და ფრთა დაუზიანა.
ცნობისთვის, 29 იანვარს, ვაშინგტონში, რეიგანის აეროპორტთან ახლოს ავიაკატასტროფას 67 ადამიანი შეეწირა, როდესაც არმიის ვერტმფრენი ჰაერში თვითმფრინავს შეეჯახა და ორივე მათგანი მდინარეში ჩავარდა.
QR კოდი
სტატიის ციტირება
შენი ამბები. (2025). American Airlines-ის ორი თვითმფრინავი ერთმანეთს შეეჯახა – ერთ-ერთში კონგრესის სულ მცირე ორი წევრი იმყოფებოდა. 11 აპრილი, 2025. https://sheniekimi.ge/ambebi/american-airlines-ის-ორი-თვითმფრინავი-ერ/
