შინაგან საქმეთა სამინისტროს ინფორმაციით, თბილისში მომხდარ მკვლელობის საქმესთან დაკავშირებით 4 ადამიანი დააკავეს განზრახ მკვლელობის, ცრუ ინფორმაციის მიწოდებისა და განსაკუთრებით მძიმე დანაშაულის შეუტყობინებლობისთვის.
უწყების ცნობით, განზრახ მკვლელობის ბრალდებით 4 ადამიანი დააკავეს. დაკავებულია 1998 წელს დაბადებული ლ.ქ., ცრუ ინფორმაციის მიწოდებისთვის დაკავებული არიან – 1989 წელს დაბადებული ო.ბ. და 2005 წელს დაბადებული ნ.ფ., ხოლო განსაკუთრებით მძიმე დანაშაულის შეუტყობინებლობისთვის დაკავებულია 2002 წელს დაბადებული ჯ.ფ. დანაშაულები 15 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ 12 აგვისტოს, ბრალდებულმა ლ.ქ.-მ ურთიერთშელაპარაკების ნიადაგზე თბილისში, სოფელ დიღომში, ცივი იარაღით რამდენიმე ჭრილობა მიაყენა ახლობელს 1987 წელს დაბადებულ გ.ქ.-ს და შემთხვევის ადგილიდან მიიმალა. მიყენებული დაზიანებების შედეგად გ.ქ. საავადმყოფოში მიყვანისთანავე გარდაიცვალა.
პოლიციამ განზრახ მკვლელობაში ბრალდებული ლ.ქ. კახეთში დააკავეს.
გამოძიებით, ასევე, დადგინდა, რომ დაჭრის ფაქტს შეესწრნენ, ბრალდებულის და მოკლულის საერთო მეგობრები – ო.ბ. და ნ.ფ., რომლებმაც მომხდარი მკვლელობის საქმის გამოძიების პროცესში, მოწმის სახით გამოკითხვის დროს, მართლმსაჯულებისთვის ხელის შეშლის მიზნით, პოლიციას ცრუ ინფორმაცია მიაწოდეს.
ასევე, დადგინდა, რომ აღნიშნული დანაშაულის შესახებ ცნობილი იყო ბრალდებული ჯ.ფ.-სთვის, თუმცა მან პოლიციას დანაშაულის თაობაზე არ შეატყობინა. გამოძიება სისხლის სამართლის კოდექსის 108-ე, 370-ე მუხლის მე-3 ნაწილით და 376-ე მუხლის მე-2 ნაწილით მიმდინარეობს.
QR კოდი
სტატიის ციტირება
შენი ამბები. (2024). 4 ადამიანი დააკავეს თბილისში მომხდარი მკვლელობის საქმეზე. 17 აგვისტო, 2024. https://sheniekimi.ge/ambebi/4-ადამიანი-დააკავეს/
