თელავში სატრანსპორტო შემთხვევა მოხდა, რომლის შედეგადაც 3 წლის ბავშვი დაშავდა. ინციდენტი ჭავჭავაძის ქუჩაზე დაფიქსირდა. მცირე ასაკის ბავშვი სასწრაფოდ გადაიყვანეს კლინიკაში, სადაც მას ამჟამად პირველადი სამედიცინო დახმარება უტარდება.
თვითმხილველების ინფორმაციით, ბავშვი გაჩერებულ ავტომობილში მარტო იმყოფებოდა. იგი მანქანიდან გადმოსვლას ცდილობდა და სწორედ იმ მომენტში, როცა კარი გააღო და გზაზე გადადიოდა, ავტომობილი დაეჯახა.
დაზარალებული კლინიკაში უგონო მდგომარეობაში შეიყვანა სასწრაფო სამედიცინო დახმარების ბრიგადიამ.
შემთხვევის ადგილზე სამართალდამცავები მუშაობენ და მიმდინარეობს გარემოებების დადგენა.
