ესპანეთის ჩრდილო-აღმოსავლეთ ნაწილში გაუსაძლისი სიცხის გამო ტყის ხანძრები გაჩნდა, რის გამოც ორი ადამიანი დაიღუპა. ინფორმაციას Associated Press-ი ავრცელებს.
სააგენტოს ცნობით, ხანძარი ლიედას პროვინციის ერთ-ერთი სოფელში გაჩნდა. ცოტა ხანში ხანძრის კერა მთელ ტერიტორიაზე გავრცელდა.
ხანძრის ფართობმა 6500 ჰექტარი შეადგინა. მეხანძრე-მაშველებმა მისი ლოკალიზაცია მოახერხეს. მოგვიანებით, კატალონიის მთავრობის თავმჯდომარემ, სალვადორ ილიამ განაცხადა, რომ ხანძარს ორი ადამიანი ემსხვერპლა.
Associated Press-ის ინფორმაციით, დასავლეთ ევროპაში, კერძოდ ესპანეთში, საფრანგეთსა და პორტუგალიაში, რამდენიმე დღეა ჰაერის მაღალი ტემპერატურა ფიქსირდება.
