თბილისის მერიის ინფორმაციით, დედაქალაქში შადრევნების სეზონი ოფიციალურად დაიწყო. არსებული ტრადიციის მიხედვით, შადრევნები მაისიდან ნოემბრის ბოლომდე იმუშავებს. შპს „ეკოსერვის ჯგუფი“ დედაქალაქის მასშტაბით 50-ზე მეტი შადრევნის მოვლა-პატრონობაზე აგებს პასუხს.
2025 წელს თბილისში სამი სრულიად ახალი შადრევანი დაემატა:
- მუხიანის სკვერში
- სამგორის პარკში
- რუსთაველის გამზირზე, №52-ის მიმდებარედ
ახალი შადრევნები უკვე ფუნქციონირებს და მათთან მიმდებარედ კეთილმოწყობილი სივრცეები სხვადასხვა ასაკის მოქალაქეებს სთავაზობს სასიამოვნო დასვენების შესაძლებლობას.
მერიის განცხადებით, თითოეული შადრევანი გადის ტექნიკურ ექსპერტიზას, რათა უზრუნველყოფილი იყოს უსაფრთხოების თანამედროვე სტანდარტებთან შესაბამისობა. შადრევნების მუშაობის დაწყებამდე ტექნიკური შემოწმება სავალდებულოა — მათ მოწმობენ წყლის წნევაზე, ფილტრაციის სისტემაზე, განათებასა და ელმომარაგებაზე.
„თბილისის მუნიციპალიტეტი მაქსიმალურად ზრუნავს ყველა მოქმედი შადრევნის ტექნიკურ გამართულობაზე. უსაფრთხოება და ტექნიკური გამართულობა პრიორიტეტულია. ყოველი ობიექტი გადის ტექნიკურ ექსპერტიზას და მოწმდება თანამედროვე უსაფრთხოების სტანდარტების შესაბამისად.“, – აღნიშნულია თბილისის მერიის მიერ გავრცელებულ განცხადებაში.
დედაქალაქის სხვადასხვა უბანში მოქმედი შადრევნები ქალაქის ურბანული იერსახის მნიშვნელოვანი ელემენტებია. ისინი არამხოლოდ ესთეტიკური, არამედ ეკოლოგიური და სოციალური ფუნქციითაც გამოირჩევიან — ქმნიან გრილ და მოსახერხებელ გარემოს როგორც ბავშვების, ისე უფროსი თაობის დასასვენებლად.
შადრევნების სეზონი ნოემბრის ბოლომდე გაგრძელდება.
#drpkhakadze #გიორგიფხაკაძე #davidiani #sheniambebi #აქხარისხია
