რუსეთის მიერ კიევზე სარაკეტო თავდასხმის შედეგად ერთი ადამიანი დაიღუპა, ოთხი დაშავდა, რამდენიმე რაიონში კი ხანძარი გაჩნდა

ღამით რუსეთის მიერ კიევზე თავდასხმის შედეგად ერთი ადამიანი დაიღუპა, ოთხი კი დაშავდა. აღნიშნულის შესახებ კიევის მერმა, ვიტალი კლიჩკომ განაცხადა.

მისივე თქმით, დაშავებულებს შორის ერთი მცირეწლოვანი ბავშვია. დაშავებულები საავადმყოფოში არიან გადაყვანილი.

ამასთან, ვიტალი კლიჩკოს განცხადებით, რუსეთმა კიევს ბალისტიკური რაკეტებით შეუტია. ნამსხვრევების ჩამოვარდნის შედეგად კიევის რამდენიმე რაიონში ხანძარი გაჩნდა.