ფილიპინებზე ვულკანის ამოფრქვევის შედეგად, მიმდებარე სოფლები ცხელი ფერფლის სქელი ფენით დაიფარა, რის გამოც მოსახლეობა სახლებს ტოვებს და გარბის. ინფორმაციას abcnews-ი ავრცელებს.
ვულკანის ამოფრქვევა კუნძულ ნეგროსზე, კანლაონის მთაზე მოხდა. ამოფრქვევის შედეგად, კვამლის და ფერფლის ღრუბელი 3 კილომეტრის სიმაღლეზე ავიდა. დაშავებულების ან დაღუპულების შესახებ ინფორმაცია ჯერჯერობით არ ვრცელდება.
ფერფლმა პრობლემები შექმნა სხვადასხვა ქალაქებში, შეზღუდულია ხილვადობა, რის გამოც ავტომობილები ვერ გადაადგილდებიან. ადგილობრივმა ხელისუფლებამ არსებული ვითარებიდან გამომდინარე, სკოლების დახურვისა და კომენდანტის საათის დაწესების გადაწყვეტილება მიიღო. ვულკანის ამოფრქვევის შემდეგ, მოქალაქეებს ჯანმრთელობის პრობლემებიც შეექნათ.
კანლაონის მერის განცხადებით, “ვულკანის ამოფრქვევა ქვემეხის გავარდნის მსგავსი ხმა ჰქონდა”.
მასალის გამოყენების პირობები
