ეგეოსის ზღვაში მიწისქვეშა ბიძგები არ წყდება. 28 იანვრიდან 3 თებერვლის ჩათვლით, რეგიონში 571 მიწისძვრა დაფიქსირდა. სეისმური აქტიურობა დღესაც გრძელდება. ინფორმაციას თურქული მედია ავრცელებს.
ბოლო ერთი კვირის განმავლობაში ეგეოსის ზღვაში მომხდარმა მიწისძვრებმა ექსპერტების ყურადღება მიიქცია. თურქეთის საგანგებო სიტუაციებისა და კატასტროფების მართვის სააგენტომ 571 მიწისძვრა დააფიქსირა.
ექსპერტები ამ აქტივობას “მიწისძვრის ქარიშხალს“ უწოდებენ და ხაზს უსვამენ, რომ პროცესის ყურადღებით მონიტორინგი უნდა მოხდეს.
