ტეხასის შტატში, გასულ კვირას მომხდარი წყალდიდობის შემდეგ, სამძებრო ჯგუფები კვლავ 160-ზე მეტ დაკარგულ ადამიანს ეძებენ. ოფიციალური მონაცემებით, დაღუპულთა რიცხვმა 120-ს მიაღწია. ინფორმაციას ამის შესახებ ტელეკომპანია CNN-ი ავრცელებს.
სამძებრო სამუშაოები კვლავ აქტიურად გრძელდება, განსაკუთრებით მდინარე გვადალუპეს გასწვრივ, სადაც ბევრი ახალგაზრდული ბანაკი იყო განთავსებული.
მაშველები რთულ პირობებში მუშაობენ, მათ შორის მაღალი ტემპერატურის ფონზე.
ტეხასის ოფიციალური პირები საზოგადოებისა და მედიის მხრიდან კითხვებს აწყდებიან იმის შესახებ, თუ რამდენად ეფექტური იყო საგანგებო გაფრთხილებისა და ევაკუაციის სისტემა წყალდიდობის ადრეულ საათებში.
