თელავის მუნიციპალიტეტის, სოფელ ქვემო ხოდაშენში გლოვაა. იქ მცხოვრები მამაკაცი და მისი მოზარდი შვილები ტრაგიკულად დაიხრჩვნენ.
- გარდაცვლილები არიან გია ბურნაძე და მისი 11 და 13 წლის ბიჭები.
არსებული ინფორმაციით, მამა-შვილებს ორი დღის განმავლობაში ეძებდნენ და გუშინ იპოვეს. გია ბურნაძე და მისი ორი ვაჟი სტუმრად იმყოფებოდნენ გარდაბნის რაიონში, სოფელ სოფელ ფოლადაანთკარში, სადაც ტბაში დაიხრჩვნენ.
ცნობილი ხდება, რომ ტრაგედია იმ დროს მოხდა, როცა ისინი სათევზაოდ იყვნენ წასულები.
“ჩვენი სოფლის მაცხოვრებლები არიან გარდაცვლილები. სტუმრად ყოფილან წასულები გიას მეორე მეუღლის სოფელში. როგორც შევიტყვეთ, მამა და შვილები სათევზაოდ წასულან, უთევზავიათ. ჩვენ გუშინ შევიტყვეთ ეს სამწუხარო ამბავი. გიას სამი შვილი ჰყავს. ორი იყო როგორც ვიცი მამასთან ერთად და დაიხრჩვნენ. ვიზიარებ ოჯახის მწუხარებას. სამწუხარო ტრაგედია დატრიალდა” – ამბობს AMBEBI.GE-სთან საუბარში მერის წარმომადგენელი სოფელ ხოდაშენში.
