თბილისის ერთ-ერთ პრემიუმ კერძო სკოლაში აღმოჩენილი კრიტიკული შეუსაბამობა კულინარიული სკანდალით დასრულდა: სასწავლო დაწესებულების სასადილოში რამდენიმე სახის ქათმის პროდუქტი ინახებოდა, რომელთა რეალიზაციის ვადა ოთხი თვე იყო გასული. მიუხედავად ამისა, ამავე პროდუქტით ამზადებდნენ კერძებს, რომლებსაც ყოველდღიურად აჭმევდნენ მოსწავლეებს.
„თანამედროვე განათლების აკადემია“, რომელიც სკოლასა და საბავშვო ბაღს აერთიანებს, მშობლისათვის წლიური გადასახადი თითქმის 10 000 ლარია — თანხა მოიცავს როგორც სწავლას, ისე კვებას. თუმცა, შემოწმების შედეგად გაირკვა, რომ კვების ბლოკში ვადაგასულ ქათმის ფილესა და სხვა ინგრედიენტებთან ერთად კიდევ არაერთი დარღვევა არსებობდა.
პრობლემა მაშინ გამოკვეთდა, როდესაც რამდენიმე ბავშვს კუჭთან დაკავშირებული სიმპტომები გამოუვლინდა. მშობლები თავად ავიდნენ სამზარეულოში და თავისი თვალით ნახეს გაყინული პროდუქტი, რომლის ვადაც დიდი ხნის წინ იყო გასული. საუბარია ჩინეთიდან შემოტანილ ქათმის ბარკლებსა და ნაგეტსებზე.
სკოლის მომმარაგებელი კომპანია იყო შპს „ფუდ სერვისი“, რომელსაც იუნონა ჯუღელია ხელმძღვანელობს. ის შემთხვევის შემდეგ სკოლაში არ მისულა. ხოლო საწარმოში შემოსული პროდუქტის კონტროლი, სკოლის თანადამფუძნებლის — კახა ჯაფარიძის პასუხისმგებლობა აღმოჩნდა, თუმცა ის აღიარებს, რომ პროდუქტის ვადები არ გადაუმოწმებია. სკოლის წარმომადგენლებმა ვერ ახსნეს, რატომ იძენდნენ ბავშვებისთვის სწორედ ჩინურ გაყინულ ხორცს და რატომ არ იყო ლოკალური მწარმოებლების ჩართულობა უზრუნველყოფილი.
შემოწმებისას გამოვლინდა სხვა დარღვევებიც: გამწოვ სისტემაში მწყობრიდან გამოსული ელემენტები, ეტიკეტირების წესის დარღვევა, რეგისტრაციის გარეშე განხორციელებული ეკონომიკური საქმიანობა და მკვეთრად შესამჩნევი ანტისანიტარია.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
