საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის მინისტრი ჟენევაში, ჯანდაცვის მსოფლიო 78-ე ასამბლეის გახსნას დაესწრო, – ინფორმაციას ჯანდაცვის სამინისტრო ავრცელებს.
მათივე ცნობით, ასამბლეა, რომლის თემაც არის „ერთიანი მსოფლიო – ჯანმრთელობისთვის“ ჯანმო-ს გენერალურმა დირექტორმა გახსნა.
„ტედროს ადანომ გებრეისუსმა, სიტყვით გამოსვლისას, საქართველოს მიღწევებზე ისაუბრა და ქვეყანაში თამბაქოს კონტროლის მიზნით ჩატარებული სამუშაოები, ასევე მალარიისგან თავისუფალი ქვეყნის სტატუსის მოსაპოვებლად გაწეული საქმიანობა და წარმატება აღინიშნა.
