მიმდინარე წელს საქართველოს მინერალური და მტკნარი წყლების ექსპორტიდან მიღებული შემოსავალი გაიზარდა.
საქსტატის ოფიციალური მონაცემებით, იანვარ-ივლისში საქართველოდან ექსპორტზე 100.2 მილიონი აშშ დოლარის 152 252 386 ლიტრი მინერალური და მტკნარი წყლები გავიდა. 7 თვეში მიღებული შემოსავალი 3.5%-ით აჭარბებს გასული წლის ანალოგიური პერიოდის 96.9 მლნ აშშ დოლარს, ხოლო ლიტრებში გამოხატული ექსპორტი უმნიშვნელოდ გაიზარდა – გასულ წელს 152 099 354 ლიტრი იყო. ეს კი მიანიშნებს, რომ ექსპორტი შედარებით გაძვირებულია.
რაც შეეხება ძირითად საექსპორტო ბაზრებს, მთლიანი ექსპორტის მოცულობის ნახევარზე მეტი რუსეთზე მოდის.
TOP 5 მიმართულება ასე გამოიყურება:
- რუსეთი – $45.7 მლნ, 84 518 488 ლიტრი;
- ყაზახეთი – $17.1 მლნ, 20 619 586 ლიტრი;
- უკრაინა – $11.8 მლნ, 14 807 136 ლიტრი;
- უზბეკეთი – $6.4 მლნ, 7 217 287 ლიტრი;
- ლიეტუვა – $4.7 მლნ, 6 517 031 ლიტრი.
ასევე, 1 მილიონ დოლარს აჭარბებდა ექსპორტი: გერმანიაში, მოლდოვაში, ყირგიზეთში, ბელარუსში, ისრაელში, ლატვიაში, აშშ-სა და აზერბაიჯანში.
