რუსეთში, როსტოვის ოლქში მდებარე ნავთობის ბაზაზე ხანძარს უკვე მეხუთე დღეა ვერ აქრობენ.
Deutsche Welle-ს ცნობით, დრონით თავდასხმის შემდეგ დაწყებული ხანძრის ქრობის პროცესს ახალი აფეთქება და ცეცხლის გავრცელება ართულებს.
ცეცხლის ქრობის პროცესში 500 ადამიანი მონაწილეობს, ქალაქის მოსახლეობა ქუჩებში პირბადეებით გადაადგილდება. ბოლო მონაცემებით, ხანძრის შედეგად 47 ადამიანი დაშავდა. ყველა მათგანი მეხანძრეა.
უკრაინამ უპილოტო საფრენი აპარატებით როსტოვის ოლქში მდებარე ნავთობის ბაზაზე იერიში 18 აგვისტოს მიიტანა.
