SheniAmbebi.ge | რა სახის ინფორმაციას ითხოვენ საქართველოში ხელოვნური ინტელექტისგან

რა სახის ინფორმაციას ითხოვენ საქართველოში ხელოვნური ინტელექტისგან – ACTR-ის კვლევის შედეგები

ბოლო განახლება: 23 ივნისი 2025 4:00 pm

ავტორი

2 წუთიანი წაკითხვა

Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!

ხელოვნური ინტელექტის პლატფორმები უკვე მყარად იკავებს პოზიციას ქართული ციფრული მომხმარებლის ყოველდღიურობაში. „ეისითი კვლევამ“ (ACTR) 2025 წლის აპრილ-მაისში ჩაატარა ონლაინ გამოკითხვა საქართველოში ხელოვნური ინტელექტის გამოყენების შესახებ.

როგორც აღმოჩნდა, რესპონდენტთა 76% კვირაში ორჯერ ან უფრო ხშირად იყენებს AI პლატფორმებს, რაც მიუთითებს მის ფართო და განმეორებად გამოყენებაზე, ხოლო რაც შეეხება იმას თუ რა სახის ინფორმაციას ითხოვენ ქართველები AI-გან არის:

ინფორმაციის მოძიება – 74%
სწავლა და კვლევა – 52%
ზოგადი რჩევები – 48%
იდეების გენერირება – 43%

კვლევა აჩვენებს, რომ AI არა მხოლოდ ტექნიკური მიზნებისთვის გამოიყენება, არამედ აქტიურად არის ინტეგრირებული საგანმანათლებლო და შემოქმედებით პროცესებში.

რაც შეეხება სანდოობას, როგორც ირკვევა, ქართული სოციალური ქსელების მომხმარებლების თითქმის ნახევარი (45%) ენდობა ხელოვნურ ინტელექტს, თუმცა საზოგადოებაში მაინც შეინიშნება სკეპტიციზმის ნიშნები — 30% ეჭვის თვალით უყურებს AI-ს, ან გარკვეულ უნდობლობას ამჟღავნებს მის მიმართ. რესპონდენტთა დაახლოებით მეოთხედს კი უჭირს პასუხის გაცემა ხელოვნური ინტელექტის მიმართ მათი დამოკიდებულების შესახებ.

ხელოვნური ინტელექტის მიმართ ნდობის საკითხზე თბილისის მომხმარებელთა აზრი ორ ნაწილად იყოფა: 42% ენდობა AI-ს, ხოლო 40% ეჭვის თვალით უყურებს მას.

მიუხედავად გარკვეული სკეპტიციზმისა, საზოგადოებრივი განწყობები მთლიანობაში ოპტიმისტურია: რესპონდენტთა 56% მიიჩნევს, რომ AI პოზიტიურად შეცვლის საზოგადოების ცხოვრებას.

კვლევის შედეგები ცხადყოფს, რომ ხელოვნური ინტელექტი საქართველოში სწრაფად ადაპტირდება. მაღალი ცნობადობა, აქტიური გამოყენება და პოზიტიური მოლოდინები მიუთითებს, რომ AI აღარ არის მხოლოდ ახალი ტექნოლოგია – ის უკვე ყოველდღიური გადაწყვეტილებების და გამოცდილების ნაწილი გახდა. სრულად

თბილისში ქირა გაიაფდა - რომელ უბნებში იქირავებთ ბინას ყველაზე ძვირად/იაფად

ამ სტატიის ციტირება (Vancouver)

SheniAmbebi.ge. რა სახის ინფორმაციას ითხოვენ საქართველოში ხელოვნური ინტელექტისგან – ACTR-ის კვლევის შედეგები [Internet]. თბილისი: Sheniekimi/ambebi.ge; 2025 [ციტირებულია: 2026 სექ 1]. ხელმისაწვდომია: https://sheniekimi.ge/ambebi/%e1%83%a0%e1%83%90-%e1%83%a1%e1%83%90%e1%83%ae%e1%83%98%e1%83%a1-%e1%83%98%e1%83%9c%e1%83%a4%e1%83%9d%e1%83%a0%e1%83%9b%e1%83%90%e1%83%aa%e1%83%98%e1%83%90%e1%83%a1-%e1%83%98%e1%83%97%e1%83%ae/

sheniekimi.ge/ambebi