წელს, მხოლოდ მაისში თბილისში პარკირების ჯარიმებიდან ბიუჯეტში 1.358 მლნ შევიდა. ეს მაშინ, როდესაც აპრილში აღნიშნული სანქციებით ბიუჯეტი 726 854 ლარით შეივსო, მარტში – 515 992 ლარით, თებერვალში – 689 003 ლარით, ხოლო იანვარში 727 076 ლარით.
ამასთან, საქართველოს ნაერთი ბიუჯეტის შემოსულობების (კონსოლიდაციის გარეშე) მიხედვით, 2025 წლის იანვარ-მაისში, არასწორი პარკირებით დაწერილი ჯარიმებიდან ხაზინაში 4 017 498 მლნ ლარი შევიდა, წინა წლის იგივე პერიოდში 6 945 632 ლარი.
სტატისტიკის მიხედვით, შემცირებულია ზოგადად საგზაო მოძრაობის წესების დარღვევისთვის ბიუჯეტში შესული თანხის მოცულობაც. უფრო კონკრეტულად, ფინანსთა სამინისტროს მონაცემებით, წელს იანვარ-მაისში საგზაო მოძრაობის წესების დარღვევისთვის გამოწერილი ჯარიმებიდან სახელმწიფო ხაზინაში 72 796 755 ლარი შევიდა, რაც ერთ თვეში 18 456 757 ლარით გაზრდილი მაჩვენებელია. 2025 წლის იანვარ-აპრილში საგზაო მოძრაობის წესების დარღვევის გამო სანქციებიდან ბიუჯეტში 54 339 998 ლარი შევიდა.
ცნობისთვის, 2022 წლის შემოდგომიდან პარკირების წესების დარღვევაზე ჯარიმები გაიზარდა, ნაცვლად 10 ლარისა, 50 ლარი გახდა.
