ბოლო დღეების განმავლობაში ვაშინგტონში ქართველი ოფიციალური პირების სანქცირების საკითხი აქტიურად განიხილება. ერთ-ერთ ასეთ შეხვედრაზე ლიეტუვის სეიმის საგარეო ურთიერთობათა კომიტეტის თავმჯდომარემ, ჟიგიმანტას პავილი ონისმა ბიძინა ივანიშვილის სანქცირების საკითხი დააყენა.
ივანიშვილმა ნიღაბი სრულად მოიხსნა და ბრძოლა გამოუცხადა დასავლეთს და თავისივე საზოგადოებას – ამბობს ის.
****
“სისტემა რღვევას იწყებს” – ასე ეხმიანება “ლელოს” ერთ-ერთი ლიდერი, ანა ნაცვლიშვილი მთავარი პროკურორის მოულოდნელი გადადგომის ფაქტს.
დეპუტატი დარწმუნებულია, რომ “ჩაძირული გემიდან, ბევრი ადამიანი გაიქცევა”:
“ლელოს” წარმომადგენელი ასევე ამბობს იმასაც, რომ ყოფილი გენპროკურორი ბიძინა ივანიშვილის გუნდის წევრი იყო, რომელსაც ბევრი ინფორმაცია და გავლენა აქვს.
***
წელს ტურისტული ნაკადი შარშანდელზე მეტია. გასულ წელთან შედარებით გაუმჯობესებულია სიტუაცია. ამ მდგომარეობაზე დადებითად იმოქმედა ფრენების დამატებამ და აღდგენამ, – ამის შესახებ კავკასიის ტურისტული ჰოლდინგის (GDM) გენერალური დირექტორი გიორგი შენგელია აცხადებს.
მისივე განმარტებით, განსაკუთრებით ვიზიტორების მატება ისრაელიდან შეინიშნება, რადგან ისრაელის მოქალაქეებისთვის საქართველო ერთ-ერთ ყველაზე უსაფრთხო მიმართულებად იქცა.
****
საქართველოს გენერალური პროკურორი ირაკლი შოთაძე თანამდებობას ტოვებს – ინფორმაცია გენერალურმა პროკურატურამ გაავრცელა. შოთაძე ირწმუნება, რომ თანამდებიდან ვადაზე ადრე წასვლის მიზეზი ჯანმრთელობის გართულებული მდგომარეობაა, თუმცა, წყარო სამთავრობო წრეებიდან ირწმუნება, რომ შოთაძე ერთ-ერთი იყო ვინც, ამერიკის შეერთებულ შტატებთან ურთიერთობის გამწვავებას ეწინააღმდეგებოდა. ირაკლი შოთაძე პროკურორის თანამდებობაზე ექვსი წლით იყო არჩეული და ვადის ამოწურვამდე ორი წელი რჩებოდა.
****
უკრაინელმა სამხედროებმა კიდევ ერთი რუსული “სუ-25” ტიპის მოიერიშე თვითმფრინავი ჩამოაგდეს, – ამის შესახებ უკრაინის შეიარაღებული ძალების გენერალური შტაბი იუწყება.
გენშტაბის ცნობით, რუსული „სუ-25“ პოკროვსკის მიმართულებით ჩამოაგდეს.
დღის ამბებს, ჰოროსკოპსა და გემოვნებიან მუსიკას მოუსმინეთ რადიო „პოზიტივზე“ FM 104.3
QR კოდი
სტატიის ციტირება
შენი ამბები. (2024). რადიო „პოზიტივის“ დღის ამბები 23 მაისს. 23 მაისი, 2024. https://sheniekimi.ge/ambebi/რადიო-პოზიტივის-დღის-ა-15/
