პოლონეთის პრემიერ-მინისტრმა დონალდ ტუსკმა მინისტრებთან კონსულტაციის შემდეგ მთავრობას ბრძანებულების მომზადება პოლონეთში სტიქიური უბედურების რეჟიმის გამოცხადების შესახებ. ამის თაობაზე ტუსკმა X-ში დაწერა. ინფორმაციას Deutche Welle ავრცელებს.
ტუსკმა დაავალა ფინანსთა სამინისტროს, რომ დაზარალებულთა დასახმარებლად და წყალდიდობის შედეგების ლიკვიდაციისთვის ყველა აუცილებელი თანხა იყოს გამოყოფილი. პრემიერმა თავდაცვის მინისტრს დაზარალებულ რეგიონებში დამატებითი ძალების გაგზავნა სთხოვა.
ძლიერი წვიმების გამო პოლონეთის ქალაქ სტრონე-სლიონკეში დამბა დიანგრა და წყალმა დასახლებული პუნქტები დატბორა. ადგილზე მაშველები არიან მობილიზებულები, ამ დროისთვის ერთი დაღუპულის შესახებ არის ცნობილი.
მნიშვნელოვნად დაზარალდა ჩეხეთის აღმოსავლეთ ნაწილში მდებარე ქალაქი კრნოვი. როგორც ქალაქის მერმა მიროსლავ ბინარმა განაცხადა, ქალაქის 70-80% წყალმა დაფარა. ქალაქში 23 ათასი ადამიანი ცხოვრობს. კრიტიკული სიტუაცია შეიქმნა ასევე ქალაქებში ოპავა და ოსტრავა. ჩეხეთში წყალდიდობის დროს მდინარეში ავტომობილი ჩავარდა, სამი ადამიანი უგზო-უკვლოდ დაუკარგა. პოლიციამ და მაშველებმა 10 000 ადამიანის ევაკუაცია განახორციელეს.
საერთო ჯამში ამ დროისთვის ევროპის ქვეყნებში წყალდიდობისგან 12 ადამიანის დაღუპვის შესახებ არის ცნობილი. აქედან 5 რუმინეთში დაიღუპა. ძლიერი წვიმები ციკლონმა „ბორისმა“ გამოიწვია. წყალდიდობა მოხდა პოლონეთში, ჩეხეთში, რუმინეთში და მოლდოვაში. დაზარალდა ავსტრიის ნაწილიც.
როგორც Newshub.ge-ს ადგილობრივმა მოსახლეობამ აცნობა, ავსტრიის რამდენიმე რეგიონში თოვლი მოვიდა. გერმანიის მეტეოროლოგიური სამსახური ასევე მომდევნო დღეებში მაღალ მთაში თოვლს პროგნოზირებს.
მასალის გამოყენების პირობები
