68 წლის პენსიაზე გასულმა მეხანძრემ მარკ სელმა, რომელიც ამჟამად განძის მაძიებელია, ნორფოლკში იშვიათი შუა საუკუნეების დროინდელი ეპისკოპოსის ბეჭედი იპოვა, რომელსაც 18 ათას გირვანქა სტერლინგად გაყიდიან. ინფორმაციას BBC-ი ავრცელებს.
ნაპოვნ XII-XIII საუკუნეების ოქროს ბეჭედს საფირონის, ზურმუხტის და გრანატის თვლები აქვს.
მარკ სელის თქმით, ის გაოგნებული იყო, როდესაც ტალახში მბრწყინავი ნივთი შენიშნა. მან ასევე აღნიშნა, რომ ამ ადგილებში არა ერთხელ იყო ნამყოფი, თუმცა არასდროს არაფერი უპოვია. მან ბეჭედს მეტალო დეტექტორის მეშვეობით მიაგნო.
მამაკაცმა აღმოჩენის შესახებ მიწის მფლობელს შეატყობინა. ბეჭედი საგრაფოში ნაპოვნი ნივთების ინსპექტორს გადასცეს. რელიკვია დროებით ბრიტანეთის მუზეუმში გადაიტანეს, რის შემდეგადაც აუქციონზე გატანა გადაწყვიტეს, რომელიც 26 მარტს გაიმართება. განძის მაძიებელი მარკ სელი შემოსულ თანხას იმ მიწის მფლობელთან გაიყოფს, სადაც XII-XIII საუკუნეების უიშვიათეს ოქროს ბეჭედს მიაგნო.
მასალის გამოყენების პირობები
