მსოფლიო როკის ლეგენდა საქართველოშია – Guns N’ Roses ქართულ სცენაზე პირველად წარდგება

მსოფლიო როკის ლეგენდა საქართველოშია. Guns N’ Roses ქართულ სცენაზე პირველად წარდგება. ლეგენდარული ბენდი პროექტის „სტარინგ ჯორჯიის“ ფარგლებში, „ციცინათელას“ მიმდებარე ტერიტორიაზე გრანდიოზულ ცოცხალ კონცერტს დღეს გამართავს.

საფესტივალო ქალაქი თანამედროვე ინფრასტრუქტურით აღიჭურვა.

„უპრეცედენტო მოვლენაა, როდესაც შენს ქვეყანაში ჩამოდის ისეთი რანგის ბენდი, როგორიც არის Guns N’ Roses და რომელიც 40 წელზე მეტია სიდიადეს არ კარგავს. მნიშვნელოვანია რომ მესამე სეზონმაც ისევე კარგად ჩაიაროს, როგორც წინამორბედები იყო. ახალი გამოწვევაა ჩვენი გუნდისთვის ახალ სივრცეში გამოსვლა, აქამდე ციცინათელას პარკის ტერიტორია არ გამოგვიყენებია, თუმცა გვჯერა, რომ მსმენელისთვის ახალი საყვარელი სივრცე გაჩნდება “, – განაცხადა „Starring Georgia-ს“ პროექტების მენეჯერმა ციცი იაშვილმა.