მექსიკაში ერთი დღის განმავლობაში 5 200-ზე მეტი მიგრანტი დააკავეს. ინფორმაციას „როიტერსი” ავრცელებს.
სააგენტოს ცნობით, 1 ოქტომბრიდან 3 დეკემბრის ჩათვლით ქვეყნის მასშტაბით 350 000 მიგრანტია დაკავებული. როგორც მექსიკის პრეზიდენტი კლაუდია შეინბაუმი აცხადებს, ქვეყნის სამიგრაციო სამსახური აქტიურად მუშაობს იმისთვის, რომ მიგრანტებს ჩრდილოეთისკენ გადაადგილების საშუალება არ მისცემს.
მანამდე ამერიკის არჩეულმა პრეზიდენტმა დონალდ ტრამპმა განაცხადა, რომ პრეზიდენტობის პირველივე დღიდან მკვეთრად გაზრდის ტარიფებს მექსიკიდან, კანადიდან და ჩინეთიდან შემოტანილ საქონელზე. მისი განმარტებით, ეს ნაბიჯი საპასუხო ზომაა არალეგალურ იმიგრაციასა და საზღვარზე კრიმინალისა და ნარკოტიკების შემოდინებაზე.
